ആലപ്പുഴ: സംസ്ഥാനത്ത് പൊതുവെ ചൂട് വര്‍ധിച്ചു വരുന്ന പശ്ചാത്തലത്തില്‍ പൊതുജനങ്ങള്‍ ചൂട് മൂലമുള്ള ആരോഗ്യ പ്രശ്‌നങ്ങളെ സംബന്ധിച്ച് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. 

ഫെബ്രുവരി   27ന് നടത്താന്‍ നിശ്ചയിച്ചിരുന്ന ജില്ലാ വികസന സമിതി യോഗം മാറ്റിവച്ചതായി ജില്ലാ കളക്ടർ അറിയിച്ചു.

എംപ്ലോയ്മെൻ്റ് എക്സ്ചേഞ്ചിൽ രജിസ്റ്റർ ചെയ്തിട്ടുള്ളവരിൽ  1998 ഒക്ടോബർ മുതൽ 2019 ആഗസ്റ്റ് വരെയുള്ള കാലയളവിൽ രജിസ്ട്രേഷൻ പുതുക്കാൻ കഴിയാതെ പോയവർക്ക് സീനിയോറിറ്റി നഷ്ടപ്പെടാതെ പുതുക്കാൻ അവസരം.  ഇതിനുള്ള അപേക്ഷ ഫെബ്രുവരി 27നകം എംപ്ലോയ്മെൻ്റ് ഓഫീസിൽ നൽകണം. ഉദ്യോഗാർഥികൾക്ക് ഓൺലൈനില്‍ രജിസ്ട്രേഷൻ പുതുക്കുന്നതിന് ഫെബ്രുവരി 28 വരെ സമയം അനുവദിച്ചിട്ടുണ്ട്.

കോട്ടയം ജില്ലയിലെ അഞ്ച് മത്സ്യത്തൊഴിലാളികള്‍ക്ക്  കടാശ്വാസമായി 2,40,528  രൂപ അനുവദിക്കാന്‍ സംസ്ഥാന മത്സ്യത്തൊഴിലാളി കടാശ്വാസ കമ്മീഷന്‍ സര്‍ക്കാരിനോട് ശുപാര്‍ശ ചെയ്തു. കുലശേഖരമംഗലം, ബ്രഹ്മമംഗലം, കുമരകം റീജിയണല്‍ എന്നീ സര്‍വീസ് സഹകരണ ബാങ്കുകളില്‍നിന്ന് എടുത്ത വായ്പകൾക്കാണ് കടാശ്വാസം അനുവദിച്ചത്.

കോവിഡ് 19 സാഹചര്യത്തിൽ വീഡിയോ കോണ്‍ഫറന്‍സ് മുഖേന നടന്ന സിറ്റിംഗിൽ കമ്മീഷന്‍ ചെയര്‍മാൻ  ജസ്റ്റിസ് പി.എസ്. ഗോപിനാഥൻ അധ്യക്ഷത വഹിച്ചു. കമ്മീഷന്‍ അംഗം  കൂട്ടായി ബഷീർ,  വിവിധ ധനകാര്യ സ്ഥാപനങ്ങളുടെ പ്രതിനിധികൾ തുടങ്ങിയവർ പങ്കെടുത്തു.

===================

കോട്ടയം ജില്ലയില്‍  354 പേര്‍ക്ക് കൂടി കോവിഡ് സ്ഥിരീകരിച്ചു. 350 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്ത് നിന്നെത്തിയ നാല് പേര്‍ രോഗബാധിതരായി.   പുതിയതായി  4794 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 175 പുരുഷന്‍മാരും 141 സ്ത്രീകളും 38 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 75 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

തൊഴിലും നൈപുണ്യവും വകുപ്പിന്റെ ആഭിമുഖ്യത്തില്‍ ഏറ്റുമാനൂര്‍ ഐ.ടി.ഐ.യില്‍ സംഘടിപ്പിച്ച ജോബ് ഫെയര്‍- സ്‌പെക്ട്രം-2021 അഡ്വ.കെ. സുരേഷ്‌കുറുപ്പ് ഉദ്ഘാടനം ചെയ്തു. അതിരമ്പുഴ ഗ്രാമപഞ്ചായത്ത് പ്രസിഡന്റ്  ബിജു വലിയമല അധ്യക്ഷത വഹിച്ചു. 

പങ്കെടുത്ത 36 കമ്പനികളിലായി 650 ഒഴിവുകളാണ് റിപ്പോര്‍ട്ട് ചെയ്തത്. 32 ട്രേഡുകളില്‍ പരിശീലനം പൂര്‍ത്തിയാക്കിയ സര്‍ക്കാര്‍, സ്വകാര്യ ഐ.ടി.ഐ കളിലെ 780 ഉദ്യോഗാര്‍ഥികള്‍ പങ്കെടുത്തു. 

കല്‍പ്പറ്റ നിയോജകമണ്ഡലത്തെ കാര്‍ബണ്‍ ന്യട്രലായി മാറ്റുന്നതിന്റെ ഭാഗമായി ആരംഭിച്ച ഫിലമെന്റ് രഹിത കല്‍പ്പറ്റ പദ്ധതിയുടെ പ്രവര്‍ത്തനോദ്ഘാടനം സി.കെ. ശശീന്ദ്രന്‍ എം.എല്‍.എ നിര്‍വ്വഹിച്ചു. ആദ്യ ഘട്ടത്തില്‍ വെങ്ങപ്പള്ളി ഗ്രാമപഞ്ചായത്തിലാണ് പദ്ധതി നടപ്പിലാക്കുന്നത്. ജില്ലയില്‍ മുഴുവന്‍ പദ്ധതി വ്യാപിപ്പിച്ച് കാര്‍ബണ്‍ ന്യൂട്രലാക്കി മാറ്റാനാണ് ഉദ്ദേശിക്കുന്നത്. എല്‍.ഇ.ഡി ബള്‍ബുകള്‍ മാത്രം ഉപയോഗിക്കുന്ന വെങ്ങപ്പള്ളി ഓഫീസിനെ ഫിലമെന്റ് രഹിത ഓഫീസായി പ്രഖ്യാപിക്കുകയും പഞ്ചായത്തിലെ മറ്റ് ഓഫീസുകള്‍ ഫിലമെന്റ് രഹിതമാക്കുന്നതിനായി എല്‍.ഇ.ഡി ബള്‍ബുകളുടെ വിതരണവും നടത്തി.

ജില്ലയിലെ ബാങ്കുകള്‍ നടപ്പ് സാമ്പത്തികവര്‍ഷത്തിന്റെ മൂന്നാം പാദം വരെ  3404 കോടി രൂപ വായ്പ നല്‍കിയതായി ജില്ലാതല ബാങ്കിങ് അവലോകനസമിതി യോഗം വിലയിരുത്തി. ഇതില്‍ 3232 കോടി രൂപയും മുന്‍ഗണനാ വിഭാഗത്തിലാണ് നല്‍കിയത.് കാര്‍ഷികവായ്പയായി 2525 കോടി രൂപയും കാര്‍ഷികേതര വായ്പയായി 426 കോടി രൂപയും മറ്റ് മുന്‍ഗണനാ വിഭാഗില്‍ 281 കോടി രൂപയും വിതരണം ചെയ്തു.

ജില്ലയില്‍ മനുഷ്യ വന്യമൃഗ സംഘര്‍ഷം ലഘൂകരിക്കുന്നതിന്റെ ഭാഗമായി വന്യജീവികള്‍  നാട്ടിലിറങ്ങുന്നത് തടയുന്നതിനായി നിര്‍മ്മിച്ച സംസ്ഥാനത്തെ ആദ്യ റെയില്‍ ഫെന്‍സിംഗ് വനം വന്യജീവി മൃഗസംരക്ഷണ വകുപ്പ് മന്ത്രി അഡ്വ. കെ. രാജു നാടിന് സമര്‍പ്പിച്ചു.  വിവിധ പ്രദേശങ്ങളില്‍ വന്യമൃഗങ്ങള്‍ ഇറങ്ങുന്നത് സമീപവാസികളുടെ ജീവനും സ്വത്തിനും ഭീഷണിയാകുന്നുവെന്ന നീണ്ട കാലത്തെ പൊതുജനങ്ങളുടെ പരാതിയ്ക്ക് പരിഹാരമായാണ് റെയില്‍ ഫെന്‍സിംഗ് സ്ഥാപിച്ചത്.