തലശ്ശേരിയിൽ നടക്കുന്ന ഇരുപത്തിയഞ്ചാമത് ചലച്ചിത്ര മേളയിൽ കഴിഞ്ഞ വർഷം  മൺമറഞ്ഞ ചലച്ചിത്ര രംഗത്തെ പ്രമുഖർക്ക് ആദരമർപ്പിച്ചു.  മേളയുടെ  വേദിയായ ലിബർട്ടി തിയേറ്റർ കോംപ്ലക്സിലെ പ്രത്യേക വേദിയിലായി രുന്നു ചലച്ചിത്ര പ്രവർത്തകരെ  അനുസ്മരിച്ചത്. ദേശാടനത്തിലൂടെ മലയാളിയുടെ മനസ്സിൽ മുത്തശ്ശനായി ചേക്കേറിയ ഉണ്ണികൃഷ്ണൻ നമ്പൂതിരിയെ ദേശാടനത്തിന്റെ സംവിധായകൻ ജയരാജ്‌ അനുസ്മരിച്ചു. ആദ്യ കഥാപാത്രത്തിലൂടെ പ്രേക്ഷക മനസ്സ് കീഴടക്കിയ ഒരാളായിരുന്നു ഉണ്ണി കൃഷ്ണൻ നമ്പൂതിരി, അദ്ദേഹത്തെ പോലുള്ള ആളുകൾ പുതുതലമുറയ്ക്ക് പ്രചോദനം നൽകുന്ന ആളാണെന്നും ജയരാജ് പറഞ്ഞു.

ജില്ലയില്‍ ബുധനാഴ്ച  199 പേര്‍ക്ക് കൂടി കൊവിഡ് പോസിറ്റീവ് ആയി. സമ്പര്‍ക്കത്തിലൂടെ 166 പേര്‍ക്കും, ഇതരസംസ്ഥാനത്ത് നിന്നെത്തിയ 13 പേര്‍ക്കും, വിദേശത്തു നിന്നെത്തിയ 12 പേര്‍ക്കും, എട്ട് ആരോഗ്യ പ്രവര്‍ത്തകര്‍ക്കുമാണ് കൊവിഡ് സ്ഥിരീകരിച്ചത്.

സമ്പര്‍ക്കം മൂലം:

കണ്ണൂര്‍ കോര്‍പ്പറേഷന്‍ 22

ആന്തുര്‍ നഗരസഭ 1

ഇരിട്ടി നഗരസഭ 7

കൂത്തുപറമ്പ് നഗരസഭ 2

പാനൂര്‍ നഗരസഭ 2

പയ്യന്നൂര്‍ നഗരസഭ 11

ശ്രീകണ്ഠാപുരം നഗരസഭ 2

തലശ്ശേരി നഗരസഭ 2

തളിപ്പറമ്പ് നഗരസഭ 3

മട്ടന്നൂര്‍ നഗരസഭ 2

അഞ്ചരക്കണ്ടി 1

ആറളം 2

കേരള സ്റ്റേറ്റ്  സിവില്‍ സര്‍വ്വീസ് അക്കാദമി കല്ല്യാശേരി കേന്ദ്രത്തില്‍ നിര്‍മ്മിച്ച  വെര്‍ച്വല്‍ ക്ലാസ് റൂം, സ്റ്റുഡിയോ, ഹൈടെക് ലൈബ്രറി,  സെമിനാര്‍ ഹാള്‍ എന്നിവയുടെ ഉദ്ഘാടനം ടി വി രാജേഷ് എം എല്‍ എ നിര്‍വഹിച്ചു. ചടങ്ങില്‍ കല്യാശേരി ഗ്രാമ പഞ്ചായത്ത് പ്രസിഡണ്ട് ടി ടി ബാലകൃഷ്ണന്‍ അധ്യക്ഷനായി. തിരുവനന്തപുരം കേന്ദ്രത്തിലുള്ള സ്റ്റുഡിയോയുടെ സ്വിച്ച് ഓണ്‍ അക്കാദമി ഡയറക്ടര്‍ വി വിഘ്‌നേശ്വരി നിര്‍വഹിച്ചു.

നബാര്‍ഡിന്റെ സഹായത്തോടെ ജലവിഭവ വകുപ്പ് നിര്‍മ്മിച്ച ചമതച്ചാല്‍ ആര്‍ സി ബി യുടെ ഉദ്ഘാടനം ജലവിഭവ വകുപ്പ് മന്ത്രി കെ കൃഷ്ണന്‍കുട്ടി ഓണ്‍ലൈനായി നിര്‍വഹിച്ചു. ഇരിക്കൂര്‍ നിയോജക മണ്ഡലത്തിലെ പടിയൂര്‍ പഞ്ചായത്തിനെയും പയ്യാവൂര്‍ പഞ്ചായത്തിനെയും ബന്ധിപ്പിച്ച് തിരൂര്‍ ചമതച്ചാല്‍ പുഴയ്ക്ക് കുറുകെയാണ് റെഗുലേറ്റര്‍ കം ബ്രിഡ്ജ് നിര്‍മ്മിച്ചത്. മലയോര മേഖലയിലെ പയ്യാവൂര്‍ പടിയൂര്‍ പഞ്ചായത്തുകള്‍ക്ക് ഇത് ഏറെ പ്രയോജനകരമാകും. ജലക്ഷാമം രൂക്ഷമാകുമ്പോള്‍ കാര്‍ഷികാവശ്യങ്ങള്‍ നിറവേറ്റുകയാണ് പ്രധാന ലക്ഷ്യം. പുഴയുടെ ഇരുകരകളിലെയും റോഡുകള്‍ തമ്മില്‍ ബന്ധിപ്പിച്ച് മികച്ച ഗതാഗത സൗകര്യവും ഒരുക്കിയിട്ടുണ്ട്.

ഐഎഫ്എഫ്‌കെയുടെ ആദ്യ ദിനത്തില്‍ ക്വോ വാഡിസ് ഐഡയും ഇന്‍ ബിറ്റ്‌വീന്‍ ഡയിങ്ങുമെല്ലാം പ്രേക്ഷകരുടെ മനസ്സില്‍ ഇടം നേടിയപ്പോള്‍ രണ്ടാം ദിനത്തില്‍ പ്രദര്‍ശിപ്പിച്ച ചുരുളിയും കോസയും പ്രേക്ഷകര്‍ക്ക് സമ്മാനിച്ചത് തികച്ചും വ്യത്യസ്ത അനുഭവം.

കൊവിഡ് കാലത്തെ അതിജീവനത്തെയും കരുതലിനെയും ആസ്പദമാക്കി ഇരുപത്തിയഞ്ചാം രാജ്യാന്തര ചലച്ചിത്ര മേളയുടെ  സിഗ്നേച്ചര്‍ ഫിലിം. മഹേഷ് നാരായണന്‍ സംവിധാനം ചെയ്ത ഫിലിമില്‍
കൊവിഡ് പശ്ചാത്തലത്തില്‍ പ്രതിസന്ധിയിലായ തിയേറ്ററുകള്‍ വീണ്ടും തുറന്ന് പ്രവൃത്തിക്കുന്നതും തുടര്‍ന്നുണ്ടാകുന്ന പ്രതീക്ഷകളുമാണ് പ്രതീകത്മകമായി ചിത്രീകരിച്ചിട്ടുള്ളത്.

അന്താരാഷ്ട്ര ചലച്ചിത്ര മേളയില്‍ ബുധനാഴ്ച രാവിലെ നടന്ന പ്രദര്‍ശനത്തില്‍ മികച്ച പ്രതികരണം നേടിയ ചിത്രമായിരുന്നു വിപിന്‍ അറ്റ്‌ലീ സംവിധാനം ചെയ്ത മ്യൂസിക്കല്‍ ചെയര്‍.

സംസ്ഥാന സര്‍ക്കാര്‍ സംഘടിപ്പിക്കുന്ന രാജ്യന്തര ചലച്ചിത്ര മേളയില്‍ ഡെലിഗേറ്റ് സെല്ലില്‍ ഇരിക്കുന്ന സഹോദരിമാരായ വിഷ്ണുപ്രിയയുടെയും അഖിലയുടെയും തമിഴ് കലര്‍ന്ന സംസാരം കേട്ടാല്‍ ആരുമൊന്നു അമ്പരക്കും.  തിരുച്ചി സ്വദേശികളായ ഇവര്‍ മൂന്ന് വര്‍ഷം മുമ്പാണ് കേരളത്തില്‍ എത്തിയത്. തലശ്ശേരി കതിരൂരില്‍ വാടക വീട്ടില്‍ താമസിക്കുന്ന ഇവര്‍ വളരെ യാദൃശ്ചികമായാണ് രാജ്യന്തര ചലച്ചിത്രമേളയുടെ ഭാഗമാകുന്നത്. ഇവരെ മലയാളം പഠിപ്പിക്കുന്ന സജിത്ത് നാലാം മൈല്‍ ആണ് വോളന്റയര്‍ ആയി അപേക്ഷിക്കാന്‍ പറഞ്ഞത്. എന്നാല്‍ പിന്നീട് അവര്‍ക്ക്  പരിശീലനം നല്‍കി  ഡെലിഗേറ്റ് പാസ് വിതരണത്തിനു  നിയോഗിക്കുകയായിരുന്നു.

കാത്തിരിപ്പിനൊടുവില്‍ മമ്പറം പാലം യാഥാര്‍ഥ്യമാകുന്നു. ഫെബ്രുവരി 26 വെള്ളിയാഴ്ച രാവിലെ 9.30ന് മുഖ്യമന്ത്രി പിണറായി വിജയന്‍ പാലത്തിന്റെ ഉദ്ഘാടനം ഓണ്‍ലൈനായി നിര്‍വഹിക്കും. പൊതുമരാമത്ത് രജിസ്്‌ട്രേഷന്‍ വകുപ്പ് മന്ത്രി ജി സുധാകരന്‍ അധ്യക്ഷനാകും.