പേര്യ സാമൂഹ്യ ആരോഗ്യ കേന്ദ്രത്തില്‍ ഡാറ്റാ എന്‍ട്രി ഓപ്പറേറ്റര്‍ താല്‍കാലിക നിയമനത്തിനുള്ള കൂടിക്കാഴ്ച ഫെബ്രുവരി 27 ന് രാവിലെ 9.30 ന് ആര്‍.എം.എം. സി.എച്ച്.സി.യില്‍ നടക്കും.  യോഗ്യത ഡിഗ്രിയും പി.ജി.ഡി.സി.എ.യും. ഉദ്യോഗാര്‍ത്ഥികള്‍ ഫോട്ടോ പതിച്ച ബയോഡാറ്റ, താമസിക്കുന്ന പഞ്ചായത്ത്, ആധാര്‍കാര്‍ഡ് എന്നിവയുമായി ഹാജരാകണം.  11 മണിക്ക് ശേഷം ഹാജരാകുന്നവരെ കൂടിക്കാഴ്ചയില്‍ പങ്കെടുപ്പിക്കില്ല.  തവിഞ്ഞാല്‍ പഞ്ചായത്തിലുള്ളവര്‍ക്ക് മുന്‍ഗണന.

പനമരം ബ്ലോക്ക്  പഞ്ചായത്ത്, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഓഫീസിലേക്ക് രണ്ട് കമ്പ്യൂട്ടറും ഒരു പ്രിന്ററും വിതരണം ചെയ്യുന്നതിന് മത്സര സ്വഭാവമുള്ള ടെണ്ടര്‍ ക്ഷണിച്ചു. ടെണ്ടറുകള്‍ മുദ്ര വെച്ച കവറില്‍ മാര്‍ച്ച് 3 ന് ഉച്ചക്ക് 12 വരെ സ്വീകരിക്കും. ഫോണ്‍ 9961845506.

കേരള പരീക്ഷാ കമ്മീഷണര്‍ സര്‍ട്ടിഫിക്കറ്റ് നല്‍കുന്ന അപ്പര്‍ പ്രൈമറി അധ്യാപക യോഗ്യതയായ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്സ് മെറിറ്റ് സ്പോട്ട് അഡ്മിഷന്‍ മാര്‍ച്ച് 1 ന് 10 മണിക്ക് അടൂര്‍ സെന്ററായ ഭാരത് ഹിന്ദി പ്രചാര കേന്ദ്രത്തില്‍ നടക്കും. 50 ശതമാനം മാര്‍ക്കോടുകൂടിയുള്ള പ്ലസ്ടൂ, ഭൂഷണ്‍, സാഹിത്യവിശാരദ്, പ്രവീണ്‍, സാഹിത്യാചാര്യ യോഗ്യതയുള്ളവര്‍ക്ക് പങ്കെടുക്കാം. പട്ടികജാതി മറ്റര്‍ഹവിഭാഗത്തിന് അഞ്ച് ശതമാനം മാര്‍ക്ക് ഇളവ് ലഭിക്കും. ഫോണ്‍ : 8547126028
 

കാര്‍ഷിക മേഖലയ്ക്ക് മുന്‍ഗണന നല്‍കിയും അടിസ്ഥാന ജനവിഭാഗങ്ങളുടെ ക്ഷേമം ഉറപ്പാക്കിയും ജില്ലാ പഞ്ചായത്തിന്റെ 2021 - 22 വാര്‍ഷിക ബജറ്റ്. വയനാടിന്റെ വികസന സ്വപ്നങ്ങള്‍ യാഥാര്‍ത്ഥ്യമാക്കാന്‍ 66.56 കോടി രൂപ വരവും 64.62 കോടി രൂപ ചെലവും 1.93 കോടി നീക്കിയിരിപ്പും പ്രതീക്ഷിക്കുന്ന ഭരണസമിതിയുടെ ആദ്യബജറ്റ് ജില്ലാ പഞ്ചായത്ത് വൈസ് പ്രസിഡന്റ് എസ്.ബിന്ദു അവതരിപ്പിച്ചു. വിദ്യാഭ്യാസം, ആരോഗ്യം, ടൂറിസം, പശ്ചാത്തല വികസന മേഖലകളിലെ സമഗ്ര പുരോഗതിക്ക്  സഹായകരമാകുന്ന നിരവധി പദ്ധതികള്‍ ബജറ്റില്‍ ഉള്‍പ്പെട്ടിടുണ്ട്.

കുരങ്ങുപനി പ്രതിരോധിക്കാൻ ജില്ലാ കളക്ടറുടെ അധ്യക്ഷതയിൽ വിവിധ വകുപ്പ് തലവൻമാരുടെ യോഗം ചേർന്നു. വന പ്രദേശത്തോട് ചേർന്ന് താമസിക്കുന്നവർക്കും വനവുമായി ബന്ധപ്പെട്ട് പ്രവർത്തിക്കുന്ന ജീവനക്കാർക്കും വിവിധ ആവശ്യങ്ങൾക്കായി വനത്തിൽ പോകുന്നവർക്കും കുരങ്ങുപനി ക്കെതിരെയുള്ള വാക്സിൻ നൽകാനും കുരങ്ങുപനി മൂലമുള്ള മരണനിരക്ക് കുറക്കാനും ആവശ്യമായ പ്രവർത്തനങ്ങൾ നടത്തണമെന്ന് ജില്ലാ കളക്ടർ ഡോ അദീല അബ്ദുള്ള നിർദ്ദേശിച്ചു. കുരങ്ങുപനി മൂലമുള്ള മരണ നിരക്ക് കുറയ്ക്കുന്നതിന് വാക്സിൻ സഹായിക്കുമെന്നും പൊതുജനങ്ങൾ വാക്സിൻ സ്വീകരിക്കുന്നതിനു മുന്നോട്ടുവരണമെന്നും ജില്ലാ കളക്ടർ അഭ്യർത്ഥിച്ചു.

 ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സ് മെറിറ്റ് സ്‌പോട്ട് അഡ്മിഷന്‍ മാര്‍ച്ച് ഒന്നിന്  രാവിലെ 10 ന്  അടൂര്‍ സെന്ററായ ഭാരത് ഹിന്ദി പ്രചാര കേന്ദ്രത്തില്‍ നടക്കും. 50 ശതമാനം മാര്‍ക്കോടുകൂടിയുള്ള പ്ലസ്ടു, ഭൂഷണ്‍, സാഹിത്യവിശാരദ്, പ്രവീണ്‍, സാഹിത്യാചാര്യ യോഗ്യതയുള്ളവര്‍ക്ക് പങ്കെടുക്കാം. പട്ടികജാതി മറ്റര്‍ഹവിഭാഗത്തിന് അഞ്ച് ശതമാനം മാര്‍ക്ക് ഇളവ് ലഭിക്കും. ഫോണ്‍ : 8547126028

കാസര്‍കോട് ഗവ. കോളേജില്‍ ബോട്ടണി വിഷയത്തില്‍ ഗസ്റ്റ് അധ്യാപകരുടെ ഒഴിവുണ്ട്. കൂടിക്കാഴ്ച ഫെബ്രുവരി 27ന് രാവിലെ 10.30ന് കോളേജില്‍. കോഴിക്കോട് ഡെപ്യൂട്ടി ഡയറക്ടറുടെ കാര്യാലയത്തില്‍ പേര് രജിസ്റ്റര്‍ ചെയ്തവര്‍ക്ക് പങ്കെടുക്കാം. ഫോണ്‍; 04994 256027

നീലേശ്വരം അഡീഷനല്‍ ഐ സി ഡി എസ് പരിധിയില്‍ പ്രീ സ്‌കൂള്‍ കിറ്റ് വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. മാര്‍ച്ച് രണ്ടിന് ഉച്ചയ്ക്ക് ഒരു മണി വരെ ക്വട്ടേഷന്‍ സ്വീകരിക്കും.

മംഗല്‍പാടി ഗ്രാമപഞ്ചായത്തില്‍  എം.ജി.എന്‍.ആര്‍.ജി.എസ്്  ഓവര്‍സിയറുടെ ഒഴിവിലേക്ക് മാര്‍ച്ച് മൂന്ന് വരെ അപേക്ഷിക്കാം. സിവില്‍ എഞ്ചിനീയറിങ്ങ് ഡിപ്ലോമയും കമ്പ്യൂട്ടര്‍ പരിജ്ഞാനവുമുള്ളവര്‍ക്ക് അപേക്ഷിക്കാം. ഫോണ്‍: 04998-240221 

കുംബഡാജെ ഗ്രാമപഞ്ചായത്തില്‍ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ റോസ്ഗാര്‍ ദിനാചരണം പഞ്ചായത്ത് പ്രസിഡന്റ് ഹമീദ് പൊസോളിഗെ ഉദ്ഘാടനം ചെയ്തു. വൈസ് പ്രസിഡന്റ് എലിസബത്ത് ക്രാസ്ത അധ്യക്ഷയായി. കാറഡുക്ക ബ്ലോക്ക് എ.ഇ  പ്രദീപ്,  കുംബഡാജെ പഞ്ചായത്ത് വി.ഇ.ഒ അബ്ദുള്ള എന്നിവര്‍ തൊഴിലുറപ്പ് പദ്ധതിയെക്കുറിച്ച് ക്ലാസെടുത്തു. സ്റ്റാന്റിംഗ് കമ്മിറ്റി ചെയര്‍മാന്‍മാര്‍, ബ്ലോക്ക് ഡിവിഷന്‍ അംഗം, പഞ്ചായത്ത്  അംഗങ്ങള്‍ എന്നിവര്‍ സംബന്ധിച്ചു. അക്രെഡിറ്റഡ് എഞ്ചിനീയര്‍ ജിഷിത വിജയന്‍ സ്വാഗതവും അക്കൗണ്ടന്റ് രാജേന്ദ്രന്‍ നന്ദിയും പറഞ്ഞു.