തരൂര്‍ മണ്ഡലത്തിലെ കണ്ണമ്പ്ര കിന്‍ഫ്ര പാര്‍ക്ക് പദ്ധതി പ്രഖ്യാപനം പട്ടികജാതി- പട്ടികവര്‍ഗ- പിന്നാക്കക്ഷേമ- നിയമ- സാംസ്‌കാരിക- പാര്‍ലമെന്ററികാര്യ മന്ത്രി എ.കെ ബാലന്‍ ഇന്ന് (ഫെബ്രുവരി 25) രാവിലെ 10.30 ന് പാലക്കാട് കലക്ടറേറ്റില്‍ നിര്‍വഹിക്കും. 

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിലെ വിവിധ രാഷ്ട്രീയപ്പാര്‍ട്ടികളുടെ പ്രചാരണത്തിന് നിയോജക മണ്ഡലാടിസ്ഥാനത്തില്‍ താഴെപ്പറയുന്ന സ്ഥലങ്ങള്‍ അനുവദിച്ചതായി ജില്ലാ കലക്ടര്‍ മ്യൺമയി ജോഷി ശശാങ്ക് അറിയിച്ചു. നിയോജകമണ്ഡലം, സ്ഥലം എന്നിവ ക്രമത്തില്‍,

1. തൃത്താല - ആദംകുറ്റി ബസ്് സ്റ്റാന്റിനു സമീപം, തൃത്താല

2. പട്ടാമ്പി - മേലെ പട്ടാമ്പി ജംഗ്ഷന്‍, പട്ടാമ്പി

3. ഷൊര്‍ണ്ണൂര്‍ - കുളപ്പുള്ളി ബസ് സ്റ്റേഷനു സമീപം

4. ഒറ്റപ്പാലം - മുനിസിപ്പല്‍ ഷോപ്പിംഗ് കോംപ്ലക്സിനു മുന്നിലുള്ള റോഡ്സൈഡ്

സംസ്ഥാന സഹകരണ യൂണിയൻ ആരംഭിക്കുന്ന ജൂനിയർ ഡിപ്ലോമ-ഇൻ-കോ-ഓപ്പറേഷൻ (ജെ.ഡി.സി) കോഴ്‌സിന് അപേക്ഷ ക്ഷണിച്ചു. മാർച്ച് ഒന്നു മുതൽ 31 വരെ എല്ലാ സഹകരണ പരിശീലന കേന്ദ്രങ്ങളിലും, ആറൻമുള, പാല, നോർത്ത് പറവൂർ, തിരൂർ, തലശ്ശേരി സഹകരണ പരിശീലന കോളേജുകളിലും അപേക്ഷാഫോം ലഭിക്കും.

കരമന, പമ്പ, കേചേരി, മണിമല ആറുകളെ മാലിന്യമുക്തമാക്കി പുനരുജ്ജീവിപ്പിക്കുന്നതിനുള്ള വിശദ പദ്ധതി രേഖ (ഡിപിആർ) സർക്കാരിന് സമർപ്പിച്ചു. സംസ്ഥാനത്തെ വിവിധ എൻജിനിയറിങ് കോളജുകളുടെ സഹകരണത്തോടെയാണ് വിശദ പദ്ധതി രേഖ തയാറാക്കിയത്. ജലവിഭവ മന്ത്രി കെ. കൃഷ്ണൻകുട്ടിയുടെ ചേമ്പറിൽ നടന്ന ചടങ്ങിൽ മന്ത്രി വിശദ പദ്ധതി രേഖ ഏറ്റുവാങ്ങി. അഡീഷണൽ ചീഫ് സെക്രട്ടറി ടി.കെ. ജോസ് സന്നിഹിതനായിരുന്നു. ബാർട്ടൺഹിൽ എൻജിനിയറിങ് കോളജ്, ടികെ.എം. എൻജിനിയറിങ് കോളജ്, പ്രോവിഡൻസ് കോളജ് ഓഫ് എൻജിനിയറിങ്, മാർബസേലിയോസ് കോളജ് ഓഫ് എൻജിനിയറിങ് എന്നിവിടങ്ങളിലെ വിദ്യാർഥികളും അധ്യാപകരും പങ്കെടുത്തു.

ആലപ്പുഴ: വണ്ടാനം മെഡിക്കല്‍ കോളജ് ട്രാന്‍സ്ഫ്യൂഷന്‍ മെഡിസിന്‍ വിഭാഗത്തിലേക്ക് റിഏജന്റ് റെഡ് സെല്‍ പാനല്‍ വാങ്ങുന്നതിന്് ക്വട്ടേഷന്‍ ക്ഷണിച്ചു. മാര്‍ച്ച് എട്ടിന് ഉച്ചക്ക് ഒന്നിനകം ക്വട്ടേഷന്‍ നല്‍കണം. അന്നേ ദിവസം രണ്ടിന് ക്വട്ടേഷന്‍ തുറക്കും. വിശദവിവരത്തിന് ഫോണ്‍: 0477 2282611.

ആലപ്പുഴ: വണ്ടാനം മെഡിക്കല്‍ കോളജ് പത്തോളജി വിഭാഗത്തിലേക്ക് മൈനര്‍ ഉപകരണങ്ങള്‍ നല്‍കുന്നതിലേക്ക് ക്വട്ടേഷന്‍ ക്ഷണിച്ചു. മാര്‍ച്ച് അഞ്ചിന് ഉച്ചക്ക് 12നകം ക്വട്ടേഷന്‍ നല്‍കണം. അന്നേ ദിവസം മൂന്നിന് ക്വട്ടേഷന്‍ തുറക്കും. വിശദവിവരത്തിന് ഫോണ്‍: 0477 2282015

ആലപ്പുഴ: വണ്ടാനം മെഡിക്കല്‍ കോളജ് പത്തോളജി വിഭാഗത്തിലേക്ക് വിവിധ സാധനങ്ങള്‍ നല്‍കുന്നതിലേക്ക് ക്വട്ടേഷന്‍ ക്ഷണിച്ചു. മാര്‍ച്ച് അഞ്ചിന് ഉച്ചക്ക് 12നകം ക്വട്ടേഷന്‍ നല്‍കണം. അന്നേ ദിവസം വൈകിട്ട് നാലിന് ക്വട്ടേഷന്‍ തുറക്കും. വിശദവിവരത്തിന് ഫോണ്‍: 0477 2282018.