പാലത്തറ ചൂരാംഗില്‍ പാലത്തിന് സമീപം പുതിയതായി നിര്‍മ്മിക്കുന്ന കൃഷിഭവന്‍ കെട്ടിടത്തിന്റെ ശിലാസ്ഥാപനം മേയര്‍ പ്രസന്ന ഏണസ്റ്റ് നിര്‍വഹിച്ചു. ഡെപ്യൂട്ടി മേയര്‍ കൊല്ലം മധു അധ്യക്ഷനായി.

തെക്കുംഭാഗം സാമൂഹികരോഗ്യ കേന്ദ്രത്തില്‍ കുടിവെള്ള ശുദ്ധീകരണത്തിനുള്ള സ്ലോ പ്രഷര്‍ സാന്‍ഡ് ഫില്‍റ്ററേഷന്‍ യൂണിറ്റ് സ്ഥാപിക്കുന്നതിന് അംഗീകൃത ഏജന്‍സികള്‍ക്ക്  അപേക്ഷിക്കാം. മാര്‍ച്ച് എട്ട് ഉച്ചകഴിഞ്ഞ് രണ്ട് വരെ അപേക്ഷകള്‍ സ്വീകരിക്കും. വിശദവിവരങ്ങള്‍ക്ക് 04762882896 എന്ന നമ്പരില്‍ ബന്ധപ്പെടാം.
    (പി.ആര്‍.കെ നമ്പര്‍.549/2021)
 

കേരള സര്‍ക്കാര്‍ നിയന്ത്രണത്തിലുള്ള എല്‍ ബി എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ കൊല്ലം മേഖലാ കേന്ദ്രത്തില്‍ ആരംഭിക്കുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍(സോഫ്റ്റ്വെയര്‍)-ഡി സി എ(എസ്) കോഴ്സിലേക്ക് ഓണ്‍ലൈനായി അപേക്ഷിക്കാം. അവസാന തീയതി മാര്‍ച്ച് എട്ട്. വിശദവിവരങ്ങള്‍ ംംം.ഹയരെലിൃേല.സലൃമഹമ.ഴീ്.ശി വെബ്‌സൈറ്റിലും 04742970780 നമ്പരിലും ലഭിക്കും.
    (പി.ആര്‍.കെ നമ്പര്‍.548/2021)
 

ഓച്ചിറ ക്ഷീരോത്പന്ന നിര്‍മ്മാണ വികസന പരിശീലന കേന്ദ്രത്തിന്റെ ആഭിമുഖ്യത്തില്‍ ഫെബ്രുവരി 26 ന് രാവിലെ 11 മുതല്‍ 12 വരെ ഗൂഗിള്‍ മീറ്റ് വഴി തീറ്റപ്പുല്‍ കൃഷി പരിശീലനം നല്‍കും താല്പര്യമുള്ളവര്‍ ഫെബ്രുവരി 25 നു മുന്‍പ് ഫോണ്‍ വഴി രജിസ്റ്റര്‍ ചെയ്യണം. വിശദവിവരങ്ങള്‍ക്ക്  04762698550 നമ്പരില്‍ ബന്ധപ്പെടാം.
    (പി.ആര്‍.കെ നമ്പര്‍.547/2021)
 

ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്സിലേക്കുള്ള മെറിറ്റ്  സ്‌പോട്ട് അഡ്മിഷന്‍ അടൂര്‍ സെന്ററായ ഭാരത് ഹിന്ദി പ്രചാര കേന്ദ്രത്തില്‍ മാര്‍ച്ച് ഒന്നിന് രാവിലെ 10 ന് നടക്കും. 50 ശതമാനം മാര്‍ക്കോടെ പ്ലസ് ടു, ഭൂഷണ്‍, സാഹിത്യ വിശാരദ്, പ്രവീണ്‍, സാഹിത്യാചാര്യ യോഗ്യതയുള്ളവര്‍ക്ക് പങ്കെടുക്കാം. പട്ടികജാതി-മറ്റര്‍ഹവിഭാഗത്തിന് അഞ്ച് ശതമാനം മാര്‍ക്കിളവുണ്ട്. ഫോണ്‍: 8547126028.
    (പി.ആര്‍.കെ നമ്പര്‍.546/2021)
 

ചാത്തന്നൂര്‍ ഗവണ്‍മെന്റ് ഐ ടി ഐയില്‍ പ്രവര്‍ത്തിക്കുന്ന ഐ എം സി ഡ്രൈവിംഗ് സ്‌കൂളില്‍ കമ്മീഷന്‍ വ്യവസ്ഥയില്‍ ഇന്‍സ്ട്രക്ടറുടെ താല്‍ക്കാലിക ഒഴിവിലേക്ക് അഭിമുഖം ഫെബ്രുവരി 26 ന് രാവിലെ 11 മണിക്ക് ഐ ടി ഐയില്‍ നടക്കും.  എല്‍ എം വി വിത്ത് ബാഡ്ജ്/ ഹെവി ഡ്രൈവിംഗ്  ലൈസന്‍സ്,    മൂന്നു വര്‍ഷത്തെ തൊഴില്‍ പരിചയം തുടങ്ങിയവയുള്ള സ്ത്രീകള്‍ക്കും പുരുഷ•ാര്‍ക്കും പങ്കെടുക്കാം. ഡ്രൈവിംഗ് സ്‌കൂള്‍ ഇന്‍സ്ട്രക്ടറായി പ്രവര്‍ത്തിച്ചവര്‍ക്ക് മുന്‍ഗണനയുണ്ട്. അസ്സല്‍ സര്‍ട്ടിഫിക്കറ്റുകള്‍, ലൈസന്‍സ് എന്നിവ സഹിതം  ഹാജരാകണം. ഫോണ്‍- 04742594579.
    (പി.ആര്‍.കെ നമ്പര്‍.545/2021)
 

കേരള സര്‍ക്കാര്‍ നിയന്ത്രണത്തിലുള്ള എല്‍ ബി എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ അടൂര്‍ ഉപകേന്ദ്രത്തില്‍ ആരംഭിക്കുന്ന ഡി സി എ(എസ്) കോഴ്‌സിലേക്ക് പ്ലസ്ടു യോഗ്യതയുള്ളവര്‍ക്ക് അപേക്ഷിക്കാം. പട്ടികജാതി, പട്ടികവര്‍ഗ, മറ്റര്‍ഹ വിഭാഗത്തില്‍പ്പെട്ടവര്‍ക്ക് ഫീസില്ല. വിശദവിവരങ്ങള്‍ക്ക് അടൂര്‍ എല്‍ ബി എസ് ഉപകേന്ദ്രം ഓഫീസുമായോ 9947123177 നമ്പരിലോ ബന്ധപ്പെടാം.
    (പി.ആര്‍.കെ നമ്പര്‍.544/2021)
 

വെറുമ്പാട്ടാവകാശ ഭൂമിക്ക് ജന്മം അനുവദിച്ച് പട്ടയം  നല്‍കുന്നതുമായി ബന്ധപ്പെട്ട് തൃശൂര്‍ ലാന്‍ഡ് ട്രിബ്യൂണല്‍ ആന്‍ഡ് ഡെപ്യൂട്ടി കലക്ടര്‍ ഫെബ്രുവരി 25  ന് കലക്റ്ററേറ്റില്‍  നിശ്ചയിച്ചിട്ടുള്ള എല്ലാ എസ്എം കേസുകളുടേയും വിചാരണ 2021 സെപ്റ്റംബര്‍ 25 ലേക്ക് മാറ്റി വെച്ചതായി എല്‍ ആര്‍  ഡെപ്യൂട്ടി കലക്ടര്‍ അറിയിച്ചു.

വനമേഖലയില്‍ ജോലി ചെയ്യുന്നവരുടെ സംരക്ഷണം ഉറപ്പാക്കുമെന്ന് വനം വകുപ്പ് മന്ത്രി കെ രാജു. വനം വകുപ്പ് ചാലക്കുടി ഡിവിഷനിലെ പരിയാരം റേഞ്ച് ഫോറസ്റ്റ് ക്വാര്‍ട്ടേഴ്‌സിന്റെ പുതിയ കോംപ്ലക്‌സ് കെട്ടിടത്തിന്റെ ഉദ്ഘാടനം  ഓണ്‍ലൈനായി നിര്‍വഹിച്ചു സംസാരിക്കുകയായിരുന്നു മന്ത്രി.