'

2013 വര്‍ഷത്തില്‍ അതിവര്‍ഷാനുകൂല്യത്തിന് അപേക്ഷിച്ചവരില്‍ ആനുകൂല്യം ലഭിക്കാത്തവര്‍ക്ക് അവസരം. ബാങ്ക് പാസ്ബുക്ക്, ആധാര്‍ കാര്‍ഡ്, ഇലക്ഷന്‍ ഐഡി കാര്‍ഡ്, റേഷന്‍കാര്‍ഡ്, ക്ഷേമനിധി സാക്ഷ്യപത്രം എന്നിവയുടെ പകര്‍പ്പ് ഫെബ്രുവരി 26 ന് തൃശൂര്‍ ജില്ലാ കര്‍ഷകതൊഴിലാളി ക്ഷേമനിധി ഓഫീസില്‍ സമര്‍പ്പിക്കണം. ഫോണ്‍: 0487 2386754

തൃശൂര്‍ ജില്ലാ വെക്ടര്‍ കണ്‍ട്രോള്‍ യുണിറ്റ് എല്‍ സി ഡി പ്രൊജക്ടര്‍ ലഭ്യമാക്കുന്നതിനായി ക്വട്ടേഷന്‍ ക്ഷണിക്കുന്നു. ക്വട്ടേഷനുകള്‍ ഫെബ്രുവരി 25ന് മുന്‍പായി ജില്ലാ വെക്ടര്‍ കണ്‍ട്രോള്‍ യുണിറ്റ് ഓഫിസില്‍ ലഭിക്കണം. ക്വട്ടേഷനുകള്‍ ഫെബ്രുവരി 25 ന് വൈകിട്ട് മൂന്നിന് തുറന്നു പരിശോധിക്കുന്നതാണ്. കൂടുതല്‍ വിവരങ്ങള്‍ക്ക് ബന്ധപെടുക - 9995294186

എറിയാട് ഗവ ഐടിഐയിൽ ഡ്രാഫ്റ്റ്സ്മാൻ സിവിൽ ട്രേഡിൽ ഗസ്റ്റ് ഇൻസ്പെക്ടറുടെ ഒരു ഒഴിവ്. സിവിൽ എഞ്ചിനീയറിങ്ങിൽ ഒരു വർഷത്തെ പ്രവൃത്തിപരിചയത്തോട് കൂടിയ ഡിഗ്രി, രണ്ട് വർഷത്തെ പ്രവൃത്തിപരിചയത്തോട് കൂടിയ ഡിപ്ലോമ, മൂന്നു വർഷത്തെ പ്രവൃത്തിപരിചയത്തോട് കൂടിയ എൻ ടി സി, എൻ എ സി യോഗ്യതയുള്ള ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം ഫെബ്രുവരി 27ന് രാവിലെ 11 മണിക്ക് ഐ ടി ഐയിൽ വെച്ച് നടത്തുന്ന ഇന്റർവ്യൂവിന് ഹാജരാകണം. കൂടുതൽ വിവരങ്ങൾക്ക് ഫോൺ 0480 2804320

ആലപ്പുഴ: സബ് കളക്ടര്‍ എസ്. ഇലക്യ കോവിഡ് വാക്‌സിന്‍ സ്വീകരിച്ചു. ആലപ്പുഴ കടപ്പുറം ആശുപത്രിയിലെ കോവിഡ് വാക്‌സിനേഷന്‍ കേന്ദ്രത്തില്‍ നിന്നാണ് വാക്‌സിന്‍ സ്വീകരിച്ചത്. വാക്‌സിന്‍ സ്വീകരിച്ച ശേഷം അര മണിക്കൂര്‍ വിശ്രമിച്ച ശേഷമാണ് അവര്‍ മടങ്ങിയത്. വാക്‌സിന്‍ സ്വീകരിച്ച ശേഷം യാതൊരു ബുദ്ധിമുട്ടുമില്ലെന്നും തീര്‍ത്തും സുരക്ഷിതമായ കോവിഡ് വാക്‌സിന്‍ എല്ലാവരും സ്വീകരിക്കണമെന്നും അവര്‍ പറഞ്ഞു.

ആലപ്പുഴ: ലൈഫ് ഭവന പദ്ധതിയിലൂടെയുള്ള വീടുകള്‍ക്ക് ഇനിമുതല്‍ ഇന്‍ഷ്വറന്‍സ് പരിരക്ഷയും.  ലൈഫ് ഭവന പദ്ധതിയിലൂടെ സംസ്ഥാനത്ത് നിര്‍മിച്ച 2,50,547 വീടുകള്‍ക്കാണ് ഇന്‍ഷ്വറന്‍സ് പരിരക്ഷ ഉറപ്പാക്കിയത്. പോളിസി സര്‍ട്ടിഫിക്കറ്റ് വിതരണത്തിന്റെ സംസ്ഥാനതല ഉദ്ഘാടനം ധനകാര്യ വകുപ്പ് മന്ത്രി ഡോ.റ്റി.എം. തോമസ് ഐസക് നിര്‍വ്വഹിച്ചു. ജില്ലയില്‍ പൂര്‍ത്തിയായ 17,620 വീടുകള്‍ക്കും ഇതിലൂടെ പരിരക്ഷ ലഭിക്കും.

ആലപ്പുഴ: കോവിഡ് കാലത്തെ പ്രതിസന്ധികള്‍ക്കിടയിലും ശുചിത്വ പാലനത്തില്‍ തദ്ദേശ സ്വയംഭരണ സ്ഥാപനങ്ങള്‍ മികവാര്‍ന്ന പ്രവര്‍ത്തനമാണ് കാഴ്ചവെച്ചതെന്ന് തദ്ദേശ സ്വയംഭരണ വകുപ്പ് മന്ത്രി എ. സി. മൊയ്തീന്‍ പറഞ്ഞു. 200 തദ്ദേശ സ്ഥാപനങ്ങളുടെ രണ്ടാം ഘട്ട ശുചിത്വ പ്രഖ്യാപനം നിര്‍വ്വഹിക്കുകയായിരുന്നു മന്ത്രി പറഞ്ഞു. ജില്ലയില്‍ ഹരിപ്പാട് ബ്ലോക്ക് പഞ്ചായത്തും ഹരിപ്പാട്, ചെങ്ങന്നൂര്‍ നഗരസഭകളും 20 ഗ്രാമപഞ്ചായത്തുകളുമാണ് രണ്ടാം ഘട്ടത്തില്‍ ശുചിത്വ പദവിയിലേക്ക് ഉയര്‍ന്നത്.

കേരള നിയമസഭ തെരഞ്ഞെടുപ്പിനു മുന്നോടിയായി ജനുവരി 20 ന് പ്രസിദ്ധീകരിച്ച വോട്ടര്‍ പട്ടിക പ്രകാരം പത്തനംതിട്ട ജില്ലയില്‍ 10,36,488 വോട്ടര്‍മാര്‍. ജില്ലയിലെ അഞ്ച് നിയോജക മണ്ഡലങ്ങളില്‍ നിന്നായി 5,44,965 സ്ത്രീകളും 4,91,519 പുരുഷന്‍മാരും നാല് ട്രാന്‍സ്ജന്‍ഡറുകളും പട്ടികയില്‍ ഉള്‍പ്പെടുന്നു.
ആറന്മുള നിയോജക മണ്ഡലത്തിലാണ് ഏറ്റവും കൂടുതല്‍ വോട്ടര്‍മാരുള്ളത്. റാന്നി നിയോജക മണ്ഡലത്തില്‍ ഏറ്റവും കുറവും.
ആറന്മുളയില്‍ 1,22,960 സ്ത്രീകളും 1,10,404 പുരുഷന്മാരും ഒരു ട്രാന്‍സ്ജന്‍ഡറും ഉള്‍പ്പടെ 2,33,365 വോട്ടര്‍മാരാണുള്ളത്.