സംസ്ഥാന സര്‍ക്കാരിന്റെ യുവ കേരളം പദ്ധതിയുടെ ഭാഗമായി നടപ്പിലാക്കുന്ന ഫുഡ് ആന്‍ഡ് ബീവറേജ് സര്‍വീസ് ട്രെയിനി കോഴ്‌സിന്റെ ഒഴിവുള്ള  സീറ്റുകളിലേക്ക് മലപ്പുറം ജന്‍ ശിക്ഷണ്‍ സന്‍സ്ഥാന്‍ അപേക്ഷ ക്ഷണിച്ചു. മൂന്ന് മുതല്‍ ആറ് മാസം വരെയാണ്  പരിശീലന കാലാവധി. പ്ലസ്ടുവാണ് യോഗ്യത. ജില്ലയില്‍ നിന്നും 18 നും 40 നുമിടയില്‍ പ്രായമുള്ള  തൊഴില്‍ രഹിതരായ യുവതീ- യുവാക്കള്‍ക്ക് കോഴ്‌സിന് ചേരാം. പരിശീലനം, താമസം, ഭക്ഷണം എന്നിവ സൗജന്യമായിരിക്കും. പരിശീലന ശേഷം ജെ.എസ്.എസ് വിവിധ സ്ഥാപനങ്ങളില്‍ ജോലി നല്‍കുന്നതിനുള്ള സംവിധാനം ഒരുക്കും. അപേക്ഷിക്കേണ്ട അവസാന തീയതി ഫെബ്രുവരി 27. ഫോണ്‍:  9746938700, 9446397624, 9020643160.

കേരള കര്‍ഷക തൊഴിലാളി ക്ഷേമനിധി ബോര്‍ഡിലേക്കുളള അംശദായം അടക്കുന്നതില്‍ 24 മാസത്തിലധികം കുടിശിക വരുത്തി അംഗത്വം നഷ്ടപ്പെട്ട തൊഴിലാളികള്‍ക്ക് ഫെബ്രുവരി 28വരെ അംശദായം അടച്ച് അംഗത്വം പുന:സ്ഥാപിക്കാം. 2021 ഏപ്രില്‍ ഒന്ന് മുതല്‍ കുടിശിക വരുത്തിയ ഓരോ വര്‍ഷത്തിനും 10 രൂപ നിരക്കില്‍ പിഴ ഈടാക്കും. ഈ സാഹചര്യത്തില്‍ കേരള കര്‍ഷക തൊഴിലാളി ക്ഷേമനിധിയില്‍ അംശാദായം അടക്കുന്നതില്‍ 24 മാസത്തിലധികം കുടിശിക വരുത്തി അംഗത്വം നഷ്ടപ്പെട്ട കര്‍ഷക തൊഴിലാളികളില്‍ നിന്നും പിഴ സഹിതം അംശദായ കുടിശിക ഫെബ്രുവരി 28 വരെ സ്വീകരിക്കും. 2020 ജനുവരി മുതല്‍ 20 രൂപ നിരക്കിലാണ് അംശദായം അടക്കേണ്ടത്.

തേഞ്ഞിപ്പലം ദേശീയ പാതയോരത്ത് ഫയര്‍ സ്റ്റേഷന്‍ സ്ഥാപിക്കുന്നതിനായി കേരള ഫയര്‍ ഫോഴ്‌സും കാലിക്കറ്റ് സര്‍വകലാശാലയും ധാരണ പത്രത്തില്‍ ഒപ്പുവെച്ചു. കാലിക്കറ്റ് സര്‍വകലാശാല വിട്ടു നല്‍കിയ 50 സെന്റ് സ്ഥലത്താണ് ഫയര്‍ സ്റ്റേഷന്‍ സ്ഥാപിക്കുന്നത്. ഈ ഭൂമി കൈമാറ്റത്തിനുള്ള ധാരണ പത്രത്തിലാണ് അധികൃതര്‍ ഒപ്പുവെച്ചത്. സര്‍വകലാശാല രജിസ്ട്രാര്‍ ഡോ. ഇ.കെ സതീഷ് ജില്ല ഫയര്‍ ഓഫീസര്‍ പി.അനൂപ് എന്നിവര്‍ ധാരണ പത്രം കൈമാറി. സര്‍വകലാശാല  രജിസ്ട്രാറുടെ ചേംബറിലായിരുന്നു ചടങ്ങ്. വൈസ് ചാന്‍സലര്‍ ഡോ.

കോവിഡിന്റെ പ്രത്യേക സാഹചര്യത്തില്‍ പരീക്ഷയുമായി ബന്ധപ്പെട്ട് കുട്ടികള്‍ക്കുണ്ടാകുന്ന മാനസിക സമ്മര്‍ദ്ദങ്ങള്‍ ഇല്ലാതാക്കി അവര്‍ക്ക് മാനസിക പിന്തുണ നല്‍കുന്നതിന് ജില്ലാഭരണകൂടത്തിന്റെ നേതൃത്വത്തില്‍ 'കൂള്‍ ഓഫ് ടൈം കോള്‍ സെന്റര്‍' എന്ന പേരില്‍ ജില്ലാതല കോള്‍ സെന്ററര്‍ ഒരുങ്ങുന്നു. വനിതാ ശിശു വികസന വകുപ്പ്, ജില്ലാ ചൈല്‍ഡ് പ്രൊട്ടക്ഷന്‍ യൂനിറ്റ്, പൊതു വിദ്യാഭാസ വകുപ്പ്, സി.ജി ആന്‍ഡ് എ.സി സെല്‍, ഹയര്‍ സെക്കന്‍ഡറി വിങ് എന്നിവര്‍ സംയുക്തമായാണ് 24 മണിക്കൂറും പ്രവര്‍ത്തിക്കുന്ന ജില്ലാതല കോള്‍ സെന്റര്‍ ഒരുക്കിയിരിക്കുന്നത്. മാര്‍ച്ച് 31 വരെ കോള്‍സെന്റര്‍ പ്രവര്‍ത്തിക്കും.

സംസ്ഥാന കൃഷിവകുപ്പ് നടപ്പിലാക്കുന്ന 'കേരഗ്രാമം' പദ്ധതിയില്‍  പൊന്മള പഞ്ചായത്തിനെ ഉള്‍പ്പെടുത്തിയതിന്റെ പ്രഖ്യാപന ചടങ്ങ് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു. 'കേരഗ്രാമം' നടപ്പിലാക്കുന്ന നാലാമത്തെ പഞ്ചായത്താണ് പൊന്മള. എടയൂര്‍, ഇരിമ്പിളിയം, കുറ്റിപ്പുറം പഞ്ചായത്തുകളെ നേരത്തെ 'കേരഗ്രാമം'പദ്ധതിയില്‍ ഉള്‍പ്പെടുത്തിയിരുന്നു.

ഏറനാട് നിയോജക മണ്ഡലത്തിലെ 'ഏറ്റം മുന്നേറ്റം പദ്ധതി'യുടെ രണ്ടാംഘട്ട ഉദ്ഘാടനം രാഹുല്‍ ഗാന്ധി എം.പി നിര്‍വഹിച്ചു. കുഴിമണ്ണ ഹയര്‍ സെക്കന്‍ഡറി   സ്‌കൂളില്‍ നടന്ന പി.കെ ബഷീര്‍ എം.എല്‍.എ അധ്യക്ഷനായി. കെ.സി വേണുഗോപാല്‍ എം.പി മുഖ്യാതിഥിയായി.

വണ്ടൂര്‍ ബ്ലോക്ക് പഞ്ചായത്ത് തൃക്കലങ്ങോട് നടപ്പാക്കുന്ന 'മിയാവാക്കി വനവല്‍ക്കരണം' പദ്ധതി തൃക്കലങ്ങോട് ഗ്രാമപഞ്ചായത്തിലെ ചെറാംകുത്ത് പുല്ലൂര്‍മനയില്‍ തുടക്കമായി. വൃക്ഷത്തൈ നട്ട് ജില്ലാകലക്ടര്‍ കെ. ഗോപാലകൃഷ്ണന്‍ പദ്ധതി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ.സി കുഞ്ഞുമുഹമ്മദ്    അധ്യക്ഷനായി.
 

വെളിയങ്കോട് ഗവ.ഹയര്‍ സെക്കന്‍ഡറി സ്‌കൂളിലെ പ്രവേശന കവാടം ഉദ്ഘാടനവും ഹയര്‍ സെക്കന്ററി ക്ലാസ് റൂം, ലാബ് കെട്ടിടങ്ങളുടെ ശിലാസ്ഥാപനവും സ്പീക്കര്‍ പി. ശ്രീരാമകൃഷ്ണന്‍ നിര്‍വഹിച്ചു. സ്പീക്കറുടെ എം.എല്‍.എ ആസ്തി വികസന ഫണ്ടില്‍ നിന്ന് തുക ചെലവഴിച്ചാണ് പുതുതായി പ്രവേശന കവാടം നിര്‍മിച്ചിരിക്കുന്നത്. കിഫ്ബി ഫണ്ടില്‍ നിന്ന് തുക ചെലവഴിച്ചാണ് ഹയര്‍ സെക്കന്‍ഡറി ക്ലാസ് റൂമും പൊതു വിദ്യാഭ്യാസ വകുപ്പിന്റെ വാര്‍ഷിക പദ്ധതി ഫണ്ടില്‍ നിന്ന് തുക ചെലവഴിച്ചാണ് ഹയര്‍ സെക്കന്‍ഡറി ലാബും ഒരുക്കുന്നത്.

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മാറഞ്ചേരി ഗവ.ഹയര്‍ സെക്കന്‍ഡറി സ്‌കൂളിലെ ലാബ് - ലൈബ്രറി കെട്ടിടത്തിന്റെ നിര്‍മാണോദ്ഘാടനവും അധ്യാപകര്‍ക്കുള്ള യാത്രായയപ്പ് ഉദ്ഘാടനവും  സ്പീക്കര്‍ പി. ശ്രീരാമകൃഷ്ണന്‍ നിര്‍വഹിച്ചു.  സ്‌കൂളില്‍ ഈ അധ്യയന വര്‍ഷം വിരമിക്കുന്ന അധ്യാപകരായ ടി. അശോക് കുമാര്‍, പി.കെ അഷ്‌റഫ് എന്നിവര്‍ക്കുള്ള ഉപഹാരം സ്പീക്കര്‍ കൈമാറി. ഒരു കോടി രൂപ ചെലവഴിച്ചാണ് സ്‌കൂളില്‍ ലാബ് - ലൈബ്രറി  കെട്ടിടം ഒരുങ്ങുന്നത്.

'നവകേരളം - പുതിയ പൊന്നാനി' എന്ന ദൗത്യവുമായി മുന്നേറുന്ന പൊന്നാനി നഗരസഭയുടെ വാര്‍ഷിക പദ്ധതി രൂപീകരണത്തിന്റെ ഭാഗമായി തൃക്കാവ് മാസ് ഓഡിറ്റോറിയത്തില്‍ സംഘടിപ്പിച്ച  വികസന സെമിനാര്‍ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു. വിവിധ ജനവിഭാഗങ്ങളുടെ പ്രശ്‌നങ്ങളെ നേരില്‍ അഭിമുഖീകരിച്ച് വികസന കാഴ്ച്ചപ്പാടുകള്‍ രൂപീകരിക്കുമ്പോഴാണ്  ജനാധിപത്യം കൂടുതല്‍ അര്‍ത്ഥവത്താവുകയെന്ന് ചടങ്ങില്‍ സ്പീക്കര്‍ പറഞ്ഞു.