പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മാറഞ്ചേരി ഗവ.ഹയര്‍ സെക്കന്‍ഡറി സ്‌കൂളിലെ ലാബ് - ലൈബ്രറി കെട്ടിടത്തിന്റെ നിര്‍മാണോദ്ഘാടനവും അധ്യാപകര്‍ക്കുള്ള യാത്രായയപ്പ് ഉദ്ഘാടനവും  സ്പീക്കര്‍ പി. ശ്രീരാമകൃഷ്ണന്‍ നിര്‍വഹിച്ചു.  സ്‌കൂളില്‍ ഈ അധ്യയന വര്‍ഷം വിരമിക്കുന്ന അധ്യാപകരായ ടി. അശോക് കുമാര്‍, പി.കെ അഷ്‌റഫ് എന്നിവര്‍ക്കുള്ള ഉപഹാരം സ്പീക്കര്‍ കൈമാറി. ഒരു കോടി രൂപ ചെലവഴിച്ചാണ് സ്‌കൂളില്‍ ലാബ് - ലൈബ്രറി  കെട്ടിടം ഒരുങ്ങുന്നത്.

'നവകേരളം - പുതിയ പൊന്നാനി' എന്ന ദൗത്യവുമായി മുന്നേറുന്ന പൊന്നാനി നഗരസഭയുടെ വാര്‍ഷിക പദ്ധതി രൂപീകരണത്തിന്റെ ഭാഗമായി തൃക്കാവ് മാസ് ഓഡിറ്റോറിയത്തില്‍ സംഘടിപ്പിച്ച  വികസന സെമിനാര്‍ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു. വിവിധ ജനവിഭാഗങ്ങളുടെ പ്രശ്‌നങ്ങളെ നേരില്‍ അഭിമുഖീകരിച്ച് വികസന കാഴ്ച്ചപ്പാടുകള്‍ രൂപീകരിക്കുമ്പോഴാണ്  ജനാധിപത്യം കൂടുതല്‍ അര്‍ത്ഥവത്താവുകയെന്ന് ചടങ്ങില്‍ സ്പീക്കര്‍ പറഞ്ഞു.
 

എറണാകുളം: കേന്ദ്രാവിഷ്കൃത പദ്ധതികൾ വിലയിരുത്തുന്നതിനുള്ള ദിശ കമ്മിറ്റിയുടെ 2020-21 സാമ്പത്തിക വർഷത്തെ അവസാന പാദയോഗം 27 ന് നടക്കും. രാവിലെ 10ന് എറണാകുളം ജില്ലാ പഞ്ചായത്ത് പ്രിയദർശിനി ഹാളിൽ യോഗം ചേരുമെന്ന് കളക്ടർ എസ്.സുഹാസ് അറിയിച്ചു.

എറണാകുളം: സ്വതന്ത്രവും നീതിപൂര്‍വ്വകവുമായ തിരഞ്ഞെടുപ്പ് ഉറപ്പാക്കുന്നതിനായി ശക്തമായ നടപടികള്‍ തിരഞ്ഞെടുപ്പ് കമ്മീഷന്‍ സ്വീകരിക്കുമെന്ന് സംസ്ഥാന മുഖ്യതിരഞ്ഞെടുപ്പ് കമ്മീഷ്ണര്‍ ടീക്കാറാം മീണ. എറണാകുളം ജില്ലയിലെ തിരഞ്ഞെടുപ്പ് പ്രവര്‍ത്തനങ്ങള്‍ വിലയിരുത്താനെത്തിയ മുഖ്യതിരഞ്ഞെടുപ്പ് കമ്മീഷ്ണര്‍ ജില്ലയില്‍ 21 പ്രശ്നബാധിത ബൂത്തുകള്‍ ഉള്ളതായി അറിയിച്ചു. ദുര്‍ബലവിഭാഗത്തിലെ വോട്ടർമാരെ ദുരുപയോഗിക്കാന്‍ സാധ്യതയുള്ള ഒറ്റ ബൂത്തുകളും ജില്ലയിലില്ലെന്നും മുഖ്യതിരഞ്ഞെടുപ്പ് കമ്മീഷ്ണര്‍ അറിയിച്ചു.

* ധനമന്ത്രി ഉദ്ഘാടനം ചെയ്തു

ഹൗസിംഗ് കമ്മീഷണറുടെ കാര്യാലയത്തിലെ (സാങ്കേതിക വിഭാഗം) സീനിയർ ക്ലാർക്ക് (യു.ഡി.ക്ലാർക്ക്) തസ്തികയിൽ അന്യത്ര സേവന നിയമനത്തിന് അപേക്ഷ ക്ഷണിച്ചു. സംസ്ഥാന സർക്കാരിന്റെ വിവിധ വകുപ്പുകൾ/പൊതുമേഖലാ സ്ഥാപനങ്ങൾ എന്നിവിടങ്ങളിൽ നിന്നും സമാന തസ്തികയിൽ ജോലി ചെയ്യുന്നവർക്ക് അപേക്ഷിക്കാം. ഒരു ഒഴിവാണുള്ളത്.
ആദ്യഘട്ടത്തിൽ ഒരു വർഷത്തേക്കാണ് നിയമനം. അതിന് ശേഷം ഓരോ വർഷവും ദീർഘിപ്പിക്കും. പരമാവധി അഞ്ച് വർഷം വരെ ദീർഘിപ്പിക്കാം. സീനിയർ ക്ലാർക്ക് (യു.ഡി.ക്ലാർക്ക്)തസ്തികയിലാണ് ഒഴിവുള്ളത്. ശമ്പള സ്‌കെയിൽ 25,200-54,000 രൂപ.

ആറ്റിങ്ങൽ ഗവൺമെന്റ് കോളേജിൽ 2011-12 മുതൽ 2016-17 വരെയുള്ള അധ്യയന വർഷം ബിരുദ കോഴ്‌സുകളിലേക്കും 2012-13 മുതൽ 2016-17 വരെ വർഷങ്ങളിൽ ബിരുദാനന്തര ബിരുദ കോഴ്‌സുകളിലേക്കും പ്രവേശനം നേടി കോഴ്‌സ് പൂർത്തിയാക്കിയ കോഷൻ ഡെപ്പോസിറ്റ് തുക കൈപ്പറ്റാത്ത വിദ്യാർത്ഥികൾ മാർച്ച് 30ന് മുൻപ് കോളേജ് ഓഫീസിലെത്തി അപേക്ഷ നൽകി തുക വാങ്ങണം. വാങ്ങാത്തവരുടെ തുക ഒരറിയിപ്പില്ലാതെ സർക്കാരിലേക്ക് അടയ്ക്കും.
പി.എൻ.എക്സ്. 1044/2021

വിധവ പെൻഷൻ/50 വയസു കഴിഞ്ഞ അവിവാഹിതകൾക്കുള്ള പെൻഷൻ വാങ്ങുന്ന ഗുണഭോക്താക്കൾക്ക് പുനർ വിവാഹിത/ വിവാഹിതയല്ല എന്ന സാക്ഷ്യപത്രം സമർപ്പിക്കുന്നതിനും സർട്ടിഫിക്കറ്റ് അപ്‌ലോഡ് ചെയ്യുന്നതിനും മെയ് 31 വരെ സമയം അനുവദിച്ചു. 60 വയസ് കഴിഞ്ഞവർ സാക്ഷ്യപത്രം സമർപ്പിക്കേണ്ട.
പി.എൻ.എക്സ്. 1043/2021

സംസ്ഥാന ഔഷധ സസ്യ ബോർഡിൽ ലോവർ ഡിവിഷൻ ക്ലർക്ക് തസ്തികയിൽ ഡെപ്യൂട്ടേഷൻ വ്യവസ്ഥയിൽ ജോലി ചെയ്യാൻ താത്പര്യമുള്ള വിവിധ സർക്കാർ വകുപ്പുകളിൽ സേവനമനുഷ്ഠിക്കുന്ന ജീവനക്കാരിൽ നിന്ന് അപേക്ഷ ക്ഷണിച്ചു. പ്ലസ്ടു അല്ലെങ്കിൽ തത്തുല്യ യോഗ്യതയും കമ്പ്യൂട്ടർ ആപ്ലിക്കേഷനിൽ ഡിപ്ലോമയുമാണ് യോഗ്യത.
ഓഫീസ് മേലധികാരിയുടെ നിരാക്ഷേപപത്രം സഹിതം ചീഫ് എക്സിക്യൂട്ടീവ് ഓഫീസർ, സംസ്ഥാന ഔഷധ സസ്യ ബോർഡ്, ഷൊർണൂർ റോഡ്, തിരുവമ്പാടി പോസ്റ്റ്, തൃശൂർ- 680022 എന്ന വിലാസത്തിൽ മാർച്ച് 20ന് വൈകിട്ട് അഞ്ചുമണിക്ക് മുമ്പ് അപേക്ഷിക്കണം.
പി.എൻ.എക്സ്. 1041/2021