കൊച്ചി:  എറണാകുളം ജില്ലയിലെ ഒരു കേന്ദ്ര  സര്‍ക്കാര്‍ സ്ഥാപനത്തില്‍ ഇലക്ട്രോണിക് സുപ്പര്‍വൈസര്‍ തസ്തികയില്‍ ഓപ്പണ്‍ വിഭാഗത്തിനായുള്ള ഒരു ഒഴിവു നിലവിലുണ്ട്. നിശ്ചിത യോഗ്യതകള്‍ ഉള്ള ഉദ്യോഗാര്‍ത്ഥികള്‍, എല്ലാ അസ്സല്‍ സര്‍ട്ടിഫിക്കറ്റുകളും  സഹിതം മാര്‍ച്ച് ആറിന് മുമ്പ് അതത് എംപ്ലോയ്‌മെന്റ് എക്‌സ്‌ചേഞ്ചില്‍ രജിസ്റ്റര്‍ ചെയ്യണം.  പ്രായപരിധി  12.3.2021 നു 18-30. നിയമാനുസൃത വയസ്സിളവ് ബാധകം. വിദ്യാഭ്യാസ യോഗ്യത പത്താം ക്ലാസ്, ഡിപ്ലോമ ഇന്‍ റേഡിയോ/ടെലി കമ്മ്യൂണിക്കേഷനില്‍ എഞ്ചിനീയറിംഗും മൂന്ന് വര്‍ഷത്തെ പ്രവൃത്തി പരിചയവും. ശമ്പളം 29200-92300.

കൊച്ചി: കേരള പരീക്ഷാ കമ്മീഷണര്‍ സര്‍ട്ടിഫിക്കറ്റ് നല്‍കുന്ന അപ്പര്‍ പ്രൈമറി അധ്യാപക യോഗ്യതയായ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സ് മെറിറ്റ് സ്‌പോട്ട് അഡ്മിഷന്‍ മാര്‍ച്ച് 1 ന് 10 മണിക്ക് അടൂര്‍ സെന്ററായ ഭാരത് ഹിന്ദി പ്രചാര കേന്ദ്രത്തില്‍ വച്ച് നടക്കുന്നു. 50 ശതമാനം മാര്‍ക്കോടുകൂടിയുള്ള പ്ലസ്ടൂ, ഭൂഷണ്‍, സാഹിത്യവിശാരദ്, പ്രവീണ്‍, സാഹിത്യാചാര്യ യോഗ്യതയുള്ളവര്‍ക്ക് പങ്കെടുക്കാം. പട്ടികജാതി മറ്റര്‍ഹവിഭാഗത്തിന് അഞ്ച് ശതമാനം മാര്‍ക്ക് ഇളവ് ലഭിക്കും. ഫോണ്‍ : 8547126028.

എറണാകുളം ജില്ലയിലെ ഒരു കേന്ദ്ര സര്‍ക്കാര്‍ സ്ഥാപനത്തില്‍ അസിസ്റ്റന്‍റ് ഓപ്പറേറ്റര്‍ ലാസ്കര്‍ തസ്തികയില്‍ ഓപ്പണ്‍ വിഭാഗത്തില്‍ ഒരു ഒഴിവ് നിലവിലുണ്ട്. നിശ്ചിത യോഗ്യതകള്‍ ഉള്ള ഉദ്യോഗാര്‍ത്ഥികള്‍ എല്ലാ അസ്സല്‍ സര്‍ട്ടിഫിക്കറ്റുകളും സഹിതം അടുത്ത മാസം ആറാം തീയതിക്ക് മുന്‍പ് അതാത് എംപ്ലോയ്മെന്‍റ് എക്സ്ചേഞ്ചില്‍ രജിസ്റ്റര്‍ ചെയ്യണം. പ്രായപരിധി 12.3.2021 ന് 18-25. നിയമാനുസൃത വയസ്സിളവ് ബാധകം. യോഗ്യതകള്‍ പത്താം ക്ലാസ് പാസായിരിക്കണം, മെക്കനൈസ്ഡ് ഓണ്‍ബോര്‍ഡ് ബോട്ടുകളിലെ എഞ്ചിന്‍ പരിചരണത്തില്‍ ഒരുവര്‍ഷത്തെ പരിചയം. കുടുതല്‍ വിവരങ്ങള്‍ക്ക് ജില്ലാ എംപ്ലോയ്മെന്‍റ് ഓഫീസുമായി ബന്ധപ്പെടുക.

കോതമംഗലം:എംഎൽഎയുടെ പ്രത്യേക വികസന ഫണ്ടിൽ നിന്നും 5 ലക്ഷം രൂപ ഉപയോഗിച്ച് കീരംപാറ പഞ്ചായത്ത് 13-ാം വാർഡിലെ മുരിയഞ്ചേരി കോളനിക്കു സമീപം നിർമ്മിച്ച പാലത്തിൻ്റെ ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു.പഞ്ചായത്ത് പ്രസിഡൻ്റ് വി സി ചാക്കോ,പഞ്ചായത്ത് വൈസ് പ്രസിഡൻ്റ് ഷീബ ജോർജ്, പഞ്ചായത്ത് മെമ്പർമാരായ അൽഫോൺസ സാജു,ജിജോ ആൻ്റണി,സിനി ബിജു,ലിസി ജോസ്,വി കെ വർഗീസ്,ബേസിൽ ബേബി,ആശ ജയപ്രകാശ്,മുൻ പഞ്ചായത്ത് മെമ്പർ സാബു വർഗീസ്,ഇ പി രഘു,മുൻ പഞ്ചായത്ത് വൈസ് പ്രസിഡൻ്റ് എം എസ് ശശി പ്രദേശവാസികൾ എന്നിവർ പങ്കെടുത്തു.

കോതമംഗലം:കോതമംഗലം മണ്ഡലത്തെ പ്രകാശ ഭരിതമാക്കുവാൻ എംഎൽഎ നടപ്പിലാക്കി വരുന്ന വെളിച്ചം പദ്ധതിയുടെ ഭാഗമായി കവളങ്ങാട് പഞ്ചായത്തിലെ തലക്കോട് കവലയിൽ സ്ഥാപിച്ച മിനിമാസ്റ്റ് ലൈറ്റിൻ്റെ സ്വിച്ച് ഓൺ കർമ്മം ആന്റണി ജോൺ എംഎൽഎ നിർവ്വഹിച്ചു.ചടങ്ങിൽ ഗ്രാമ പഞ്ചായത്ത് പ്രസിഡൻ്റ് സൈജൻ്റ് ചാക്കോ,വാർഡ് മെമ്പർമാരായ സുഹറ ബഷീർ,തോമാച്ചൻ ചാക്കോച്ചൻ,സി പി ഐ എം ഏരിയ സെക്രട്ടറി ഷാജി മുഹമ്മദ്,സി പി ഐ മണ്ഡലം അസിസ്റ്റന്റ് സെക്രട്ടറി പി റ്റി ബെന്നി,പ്രദേശവാസികൾ എന്നിവർ  ചടങ്ങിൽ പങ്കെടുത്തു.

ഈഴുവത്തിരുത്തി സമഗ്ര വികസന പാക്കേജ് പദ്ധതിയിലുൾപ്പെട്ട ഇടശ്ശേരി റോഡ് സ്പീക്കർ പി.ശ്രീരാമകൃഷ്ണൻ ഉദ്ഘാടനം ചെയ്തു. തെയ്യങ്ങാട് സ്കൂൾ റോഡ് മുതൽ ശങ്കരേട്ടൻ റോഡ് വരെയാണ് ഇടശ്ശേരി റോഡ്.

നഗരസഭ ചെയർമാൻ ശിവദാസ് ആറ്റുപുറം ചടങ്ങിൽ അധ്യക്ഷനായി. മറ്റു ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു