അസോസിയേറ്റഡ് ചേംബേഴ്‌സ് ഓഫ് കോമേഴ്‌സ് ആന്‍ഡ് ഇന്‍ഡസ്ട്രി ഓഫ് ഇന്ത്യയുടെയും പട്ടികവര്‍ഗ വികസന വകുപ്പിന്റെയും സഹകരണത്തോടെ സീഡ്‌സ് (SEEDS) നടപ്പാക്കുന്ന ആദിവാസി വിഭാഗങ്ങളിലെ കലാകാരന്മാര്‍ക്കുള്ള പരിശീലന പരിപാടികളുടെ ഉദ്ഘാടനം എസ്.കെ.എം.ജെ ഓഡിറ്റോറിയത്തില്‍ നടന്നു. ബത്തേരി ടി.ഡി.ഒ സി ഇസ്മായില്‍, മാനന്തവാടി ടി.ഡി.ഒ ജി പ്രമോദ്, ഡിസാസ്റ്റര്‍ മാനേജ്‌മെന്റ് പ്രോഗ്രാം ഓഫീസര്‍ അമിത്ത് രമണന്‍, സി.എസ്.ഡബ്ലിയുമാരായ അക്ബര്‍ അലി, മനോജ്കുമാര്‍ എന്നിവര്‍ പങ്കെടുത്തു. കോവിഡ് - 19 പ്രതിരോധ മാനദണ്ഡങ്ങള്‍ പാലിച്ചുകൊണ്ടായിരുന്നു ചടങ്ങ്. 

കോടോം-ബേളൂര്‍ പഞ്ചായത്തില്‍ ലൈബ്രേറിയന്റെ ഒഴിവുണ്ട്. കൂടിക്കാഴ്ച ഫെബ്രുവരി 27ന് രാവിലെ 11 ന് പഞ്ചായത്തില്‍. ലൈബ്രറി സയന്‍സില്‍ സര്‍ട്ടിഫിക്കറ്റ്/ ബിരുദം, കമ്പ്യൂട്ടര്‍ പരിജ്ഞാനം, ഡി ടി പി മലയാളം യോഗ്യതയുള്ളവര്‍ക്ക് പങ്കെടുക്കാം.

. 168 പേര്‍ക്ക് രോഗമുക്തി
. 130 പേര്‍ക്ക് സമ്പര്‍ക്കത്തിലൂടെ രോഗബാധ

വയനാട് ജില്ലയില്‍ ഇന്ന് (23.02.21) 131 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 168 പേര്‍ രോഗമുക്തി നേടി. 130 പേര്‍ക്ക് സമ്പര്‍ക്കത്തിലൂടെയാണ് രോഗബാധ. രണ്ട് ആരോഗ്യ പ്രവര്‍ത്തകര്‍ക്കും കോവിഡ് ബാധിച്ചു. രണ്ട് പേരുടെ സമ്പര്‍ക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 26339 ആയി. 24723 പേര്‍ ഇതുവരെ രോഗമുക്തരായി. നിലവില്‍ 1316 പേരാണ് ചികിത്സയിലുള്ളത്. ഇവരില്‍ 1124 പേര്‍ വീടുകളിലാണ് ഐസൊലേഷനില്‍ കഴിയുന്നത്.

എറിയാട് ഗവ.ഐ.ടി.ഐയില്‍ ഡ്രാഫ്റ്റ്മാന്‍ സിവില്‍ ട്രേഡില്‍ ഗസ്റ്റ് ഇന്‍സ്ട്രക്ടറെ ആവശ്യമുണ്ട്. ഒരു ഒഴിവാണ് ഉള്ളത്. സിവില്‍ എഞ്ചിനീയറിംഗില്‍ ഒരു വര്‍ഷത്തെ പ്രവൃത്തി പരിചയത്തോടുകൂടിയ ഡിഗ്രി അല്ലെങ്കില്‍ രണ്ട് വര്‍ഷത്തെ പ്രവൃത്തിപരിചയത്തോടു കൂടിയ ഡിപ്ലോമ അല്ലെങ്കില്‍ മൂന്ന് വര്‍ഷത്തെ പ്രവൃത്തി പരിചയത്തോടു കൂടിയ എന്‍.ടി.സി /എന്‍എസി യോഗ്യതയുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം 24ന് രാവിലെ 11 മണിക്ക് ഐടിഐയില്‍ വച്ച് നടക്കുന്ന ഇന്റര്‍വ്യൂവിന് ഹാജരാക്കേണ്ടതാണ്. ഫോണ്‍ 04802804320
 

  ചെങ്കള ഗ്രാമ പഞ്ചായത്തിലെ പൈക്ക പോട്ടറി ഇന്‍ഡസ്ട്രിയല്‍ സൊസൈറ്റിയുടെ തൊഴില്‍ ആധുനികവത്കരണത്തിനും, നൈപുണ്യ വികസനത്തിനും, ഉത്പന്നങ്ങളുടെ വൈവിധ്യവല്‍ക്കരണത്തിനുമായുള്ള പദ്ധതിയുടെ ആവശ്യത്തിലേക്കായി  സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ മുഖേന ആറ് പോട്ടേര്‍സ് വീല്‍, രണ്ട് പഗ്മില്‍ എന്നിവ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ഫോം www.ksbcdc.com ലും കോര്‍പ്പറേഷന്റെ കാസര്‍കോട് ജില്ലാ ഓഫീസിലും  ലഭ്യമാണ്. ഫോണ്‍: 04994 227060, 227062.

വയനാട് ഡി.ടി.പി.സി.ക്ക് കീഴിലുള്ള വിവിധ ടൂറിസം കേന്ദ്രങ്ങളിലേക്ക് താത്കാലികമായി ജീവനക്കാരെ നിയമിക്കുന്നതിന് അപേക്ഷ സ്വീകരിക്കുന്ന അവസാന തീയതി ഫെബ്രുവരി 26 ന് വൈകീട്ട് 4 വരെ നീട്ടിയതായി സെക്രട്ടറി അറിയിച്ചു.  ഫോണ്‍ 04936 202134.

പ്രഖ്യാപനം ഇന്ന് തദ്ദേശ സ്വയംഭരണ വകുപ്പ് മന്ത്രി നിര്‍വഹിക്കും

ജില്ലയിലെ 11 തദ്ദേശ സ്വയംഭരണ സ്ഥാപനങ്ങള്‍ കൂടി ശുചിത്വ പദവിയിലേക്ക് ഉയരുന്നു. ഇത് സംബന്ധിച്ച പ്രഖ്യാപനം ഇന്ന് (ഫെബ്രുവരി 24) വൈകീട്ട് മൂന്നിന് തദ്ദേശ സ്വയംഭരണ വകുപ്പ് മന്ത്രി എ സി മൊയ്തീന്‍ നിര്‍വ്വഹിക്കും. സംസ്ഥാനതലത്തില്‍ 200 തദ്ദേശ സ്വയംഭരണ സ്ഥാപനങ്ങളാണ് പുതിയതായി  ശുചിത്വ പദവിലേക്ക് എത്തുന്നത്. ഹരിതകേരളം എക്‌സിക്യൂട്ടീവ് വൈസ് ചെയര്‍പേഴ്‌സണ്‍ ടി എന്‍ സീമ അധ്യക്ഷയാകും.