കേരള സംസ്ഥാന യുവജന ക്ഷേമബോർഡ് നടൻ കലാഭവൻ മണിയുടെ സ്മരണക്കായി സംഘടിപ്പിച്ച മണിനാദം ജില്ലാതല  ഓൺലൈൻ നാടൻപാട്ട് മത്സരം വിജയികളെ പ്രഖ്യാപിച്ചു.യുവ ക്ലബ് ചേറൂർ മത്സരത്തിൽ ഒന്നാം സ്ഥാനം നേടി.

യുവ ക്ലബ് ആനന്ദപുരം രണ്ടാം സ്ഥാനവും യുവ ക്ലബ് കോടാലി മൂന്നാം സ്ഥാനവും കരസ്ഥമാക്കി. ഒന്നും രണ്ടും മൂന്നും സ്ഥാനം നേടിയവർക്ക് യഥാക്രമം 25000,10000 5000 രൂപ വീതം ക്യാഷ് അവാർഡ് ലഭിക്കും.

കുന്നംകുളം നിയോജക മണ്ഡലത്തിലെ വിവിധയിടങ്ങളിൽ റീബിൽഡ് കേരള പദ്ധതിയിൽ ഉൾപ്പെടുത്തി നിർമിക്കുന്ന 4 റോഡുകളുടെയും നബാർഡ് പദ്ധതിയിൽ ഉൾപ്പെടുത്തി നിർമിക്കുന്ന ഒരു റോഡിൻ്റെയും നിർമാണോദ്ഘാടനം തദ്ദേശ സ്വയംഭരണ വകുപ്പു മന്ത്രി എ സി മൊയ്തീൻ നിർവഹിച്ചു.

ഗ്രാമീണ മേഖലയിലെ വികസനം ഉറപ്പു വരുത്തുമെന്ന് മന്ത്രി എ സി മൊയ്തീൻ വ്യക്തമാക്കി. ഗ്രാമ പഞ്ചായത്തുകളെ തമ്മിൽ കൂട്ടിയോജിപ്പിച്ച് വികസന പ്രവർത്തനങ്ങൾക്ക് മുൻഗണന നൽകും. റോഡ്, സ്കൂളുകൾ, ജലസ്രോതസുകൾ എന്നിവയെ സംരക്ഷിക്കാൻ പരിശ്രമമുണ്ടാകും. ജനങ്ങളെ ഇത്തരം വികസന പ്രവർത്തനങ്ങളിൽ പങ്കാളികളാക്കുമെന്നും മന്ത്രി കൂട്ടിച്ചേർത്തു.  

ചേറ്റുവ - പെരിങ്ങാട് കണ്ടല്‍ പ്രദേശം വനം വകുപ്പ് നിയമത്തിന്റെ സെക്ഷന്‍ നാല് പ്രകാരം റിസ്സര്‍വ് വനമായി പ്രഖ്യാപിച്ചു. സര്‍ക്കാരിന്റെ നൂറ് ദിന കര്‍മ്മ പദ്ധതിയില്‍ ഉള്‍പ്പെടുത്തിയ പദ്ധതി വനം വകുപ്പ് മന്ത്രി അഡ്വ. കെ രാജു ഓണ്‍ലൈനായി പ്രഖ്യാപനം നടത്തി. നിരന്തരമായ കൈയ്യേറ്റ ശ്രമങ്ങള്‍ക്ക് വിധേയമായിക്കൊണ്ടിരിക്കുന്ന ഈ മേഖലയെ സംരക്ഷിക്കേണ്ടത് അനിവാര്യമാണെന്ന തിരിച്ചറിവിലാണ് ഈ പ്രദേശത്തെ കണ്ടല്‍ റിസര്‍വ്വായി പ്രഖ്യാപിക്കാന്‍ സര്‍ക്കാര്‍ മുന്നോട്ടു വന്നതെന്ന് വനം മന്ത്രി പറഞ്ഞു.

കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയത്തിന്റെ  തൃശൂര്‍ ഫീല്‍ഡ് ഔട്ട് റീച്ച് ബ്യൂറോ സെന്റ്  മേരീസ് കോളേജില്‍ കമ്പ്യൂട്ടര്‍ സയന്‍സ് വിഭാഗവുമായി സഹകരിച്ച് സ്ത്രീസുരക്ഷയും സൈബര്‍ കുറ്റകൃത്യവും എന്ന വിഷയത്തില്‍ വെബിനാര്‍ സംഘടിപ്പിച്ചു. 

പ്രാഥമിക വിദ്യാലയങ്ങള്‍ ഓരോ ഗ്രാമത്തിന്റെയും ഹൃദയമാണെന്ന് പൊതു വിദ്യാഭ്യാസ വകുപ്പ് മന്ത്രി പ്രൊഫ സി രവീന്ദ്രനാഥ്. വലിയപറമ്പ് രാമവിലാസം ലോവര്‍ പ്രൈമറി സ്‌കൂള്‍ സര്‍ക്കാര്‍ ഏറ്റെടുത്തതിന്റെ പ്രഖ്യാപനം നടത്തി സംസാരിക്കുകയായിരുന്നു മന്ത്രി. വരും തലമുറകളെ വാര്‍ത്തെടുക്കുന്നതില്‍ പ്രാഥമിക വിദ്യാലയങ്ങള്‍ക്കുള്ള പങ്ക് വളരെ വലുതാണെന്നും പ്രാഥമിക വിദ്യാലയങ്ങളുടെ അടിസ്ഥാന സൗകര്യങ്ങള്‍ വികസിപ്പിക്കുന്നതിലൂടെ ഒരു സമൂഹത്തിനെ കെട്ടിപ്പെടുക്കാന്‍ സഹായിക്കുമെന്നും മന്ത്രി പറഞ്ഞു. 

സംസ്ഥാനത്ത് ചൊവ്വാഴ്ച 4034 പേർക്ക് കോവിഡ് സ്ഥിരീകരിച്ചതായി ആരോഗ്യ മന്ത്രി കെ.കെ. ശൈലജ ടീച്ചർ അറിയിച്ചു. എറണാകുളം 484, പത്തനംതിട്ട 430, കൊല്ലം 408, കോട്ടയം 389, തൃശൂർ 386, കോഴിക്കോട് 357, മലപ്പുറം 355, ആലപ്പുഴ 275, തിരുവനന്തപുരം 255, കണ്ണൂർ 206, പാലക്കാട് 147, കാസർഗോഡ് 140, വയനാട് 131, ഇടുക്കി 71 എന്നിങ്ങനെയാണ് ജില്ലകളിൽ രോഗ ബാധ സ്ഥിരീകരിച്ചത്.
പുതിയതായി ഒരാൾക്ക് ജനിതക വകഭേദം വന്ന വൈറസ് സ്ഥിരീകരിച്ചു. യുകെയിൽ നിന്നും എത്തിയ കോഴിക്കോട് സ്വദേശിയുടെ സമ്പർക്ക പട്ടികയിലുള്ള 72 വയസുകാരനാണ് വൈറസ് സ്ഥിരീകരിച്ചത്. ഇതോടെ ആകെ 11 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.

പാരാമെഡിക്കൽ ഡിഗ്രി കോഴ്സുകൾക്ക് പുതിയതായി ഉൾപ്പെടുത്തിയ കോളേജുകളിലെ സീറ്റുകളിൽ ഓൺലൈൻ അലോട്ട്മെന്റ് നടത്തും. റാങ്ക്ലിസ്റ്റിലുള്ളവർക്ക് www.lbscentre.kerala.gov.in ൽ ഓൺലൈനായി രജിസ്റ്റർ ചെയ്ത് പുതിയ കോളേജ്/ കോഴ്സ് ഓപ്ഷനുകൾ നാളെ (ഫെബ്രുവരി 25) വരെ നൽകാം. മുൻ അലോട്ട്മെന്റുകളിൽ പ്രവേശനം ലഭിച്ചവർ നോ ഒബ്ജക്ഷൻ സർട്ടിഫിക്കറ്റ് അപ്ലോഡ് ചെയ്യണം. ഓപ്ഷനുകൾ പരിഗണിച്ചുള്ള അലോട്ട്മെന്റ് വെബ്സൈറ്റിൽ പ്രസിദ്ധീകരിക്കും. ഫോൺ: 0471-2560363, 364.
പി.എൻ.എക്സ്. 1037/2021