ആലപ്പുഴ:  സമഗ്ര ശിക്ഷ കേരള ആലപ്പുഴയുടെ കീഴിലുള്ള ഓട്ടിസം സെൻററുകളിലേക്ക് ആവശ്യമായ വിവിധ ഉപകരണങ്ങൾ വാങ്ങുന്നതിനും 11 ബി.ആര്‍.സി.യിലേയും ഭിന്നശേഷിക്കാരായ കിടപ്പിലായ കുട്ടികൾക്കുവേണ്ടി വാട്ടര്‍ ബഡ്, ഡയപ്പര്‍ എന്നിവ വാങ്ങുന്നതിനും കാഴ്ച പരിമിതമായ കുട്ടികൾക്കായി ബ്രയിലി, സ്റ്റേഷണറി ഉപകരണങ്ങൾ വാങ്ങുന്നതിനും ടെൻഡർ ക്ഷണിച്ചു. ടെന്‍ഡര്‍  തപാൽ മുഖേനയും നേരിട്ടും സമഗ്രശിക്ഷാ കേരളയുടെ ജില്ലാ ഓഫീസിൽ മാർച്ച് രണ്ടിന് മുമ്പ് എത്തിക്കണം. ഫോണ്‍: 04772239655. 

ആലപ്പുഴ:  കേരള വനിത കമ്മീഷൻ ഫെബ്രുവരി 27 ന് ആലപ്പുഴ ജില്ലാ പഞ്ചായത്ത് ഹാളിൽ വച്ച് മെഗാ അദാലത്ത് സംഘടിപ്പിക്കും. രാവിലെ 10 മുതലാണ് അദാലത്ത്.  

2021 നിയമസഭാ തെരഞ്ഞെടുപ്പ് പത്തനംതിട്ട ജില്ലയില്‍ സുഗമമായി നടത്തുന്നതിനും ഏകോപിപ്പിക്കുന്നതിനുമായി നിയോഗിച്ച നോഡല്‍ ഓഫീസര്‍മാരുടെ യോഗം ജില്ലാ കളക്ടര്‍ ഡോ.നരസിംഹുഗാരി തേജ് ലോഹിത് റെഡ്ഡിയുടെ അധ്യക്ഷതയില്‍ കളക്ടറേറ്റില്‍ ചേര്‍ന്നു. നോഡല്‍ ഓഫീസര്‍മാര്‍ അവരവര്‍ക്ക് നല്‍കിയിട്ടുള്ള ഉത്തരവാദിത്വം കൃത്യമായി പഠിച്ച് നടപ്പിലാക്കണമെന്ന് ജില്ലാ തെരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ നിര്‍ദേശിച്ചു.

ആലപ്പുഴ: തിരഞ്ഞെടുപ്പ് ‍ ചുമതലയുമായി ബന്ധപ്പെട്ട് മറ്റുള്ളവരുമായി സമ്പര്‍ക്കത്തിലാവാനും കോവിഡ് ബാധിതരാകാനുള്ള സാധ്യത മുന്നില്‍ക്കണ്ട് ഉദ്യോഗസ്ഥര്‍ക്ക് ബുധനാഴ്ച മുതല്‍ ജില്ലയില്‍ പ്രതിരോധ വാക്സിന്‍ വിതരണം തുടങ്ങുന്നു.  രജിസ്റ്റര്‍ ചെയ്തവരുടെ ഫോണില്‍ വാക്സിനേഷന്‍ കേന്ദ്രം, തീയതി, സമയം എന്നിവയറിയിക്കുന്ന സന്ദേശം ലഭിക്കും. ആധാര്‍ കാര്‍ഡും മറ്റേതെങ്കിലും തിരിച്ചറിയല്‍ രേഖയുമായി കേന്ദ്രത്തിലെത്തേണ്ടതാണ്. വാക്സിനെടുത്ത ശേഷവും ശരിയായി മാസ്ക് ധരിക്കുകയും അകലം പാലിക്കുകയും കൈകള്‍ അണുവിമുക്തമാക്കേണ്ടതുമാണ്. 

വട്ടിയൂര്‍ക്കാവ് സെന്‍ട്രല്‍ പോളിടെക്ക്‌നിക്ക് കോളേജില്‍ കമ്പ്യൂട്ടര്‍ എഞ്ചിനിയറിംഗ് വിഭാഗം ലക്ചററുടെ താല്‍ക്കാലിക ഒഴിവിലേയ്ക്കുളള അഭിമുഖം ഫെബ്രുവരി 25 രാവിലെ 10 ന് കോളേജില്‍ നടത്തുന്നു. യോഗ്യത: ബന്ധപ്പെട്ട വിഷയത്തില്‍ ഫസ്റ്റ് ക്ലാസ് എഞ്ചിനീയറിംഗ് ബിരുദം. ഒഴിവ് ഒന്ന്. നിശ്ചിതയോഗ്യതയുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം കോളേജില്‍ ഹാജരാകണമെന്ന് പ്രിന്‍സിപ്പല്‍ അറിയിച്ചു.  വിശദവിവരങ്ങള്‍ക്ക് - www.cpt.ac.in, 2360391.

സംസ്ഥാനത്തെ  സാങ്കേതിക വിദ്യാഭ്യാസമേഖലയില്‍ സമാനതകളില്ലാത്ത വികസനമാണ് സര്‍ക്കാര്‍ നടപ്പിലാക്കിയതെന്ന് പട്ടികജാതി - പട്ടികവര്‍ഗ, പിന്നാക്ക ക്ഷേമ വകുപ്പ് മന്ത്രി എ.കെ ബാലന്‍.  വര്‍ക്കല മുട്ടപ്പലം ഗവണ്‍മെന്റ് ഐ.ടി.ഐ യുടെ പുതിയ മന്ദിരത്തിന്റെ നിര്‍മാണ ഉദ്ഘാടനം വീഡിയോ കോണ്‍ഫറന്‍സ് വഴി നിര്‍വഹിച്ചു സംസാരിക്കുകയായിരുന്നു മന്ത്രി. 

**ക്ഷേത്ര പരിസരത്ത് തിരക്ക് പൂര്‍ണമായി ഒഴിവാക്കണം

ആറ്റുകാല്‍ പൊങ്കാല ഉത്സവത്തിന്റെ ഭാഗമായി കോവിഡ് മാനദണ്ഡങ്ങള്‍ കര്‍ശനമാക്കുമെന്നു ജില്ലാ കളക്ടര്‍ ഡോ. നവ്ജ്യോത് ഖോസ.  കോവിഡിന്റെ പശ്ചാത്തലത്തില്‍ ജില്ലാ ഭരണകൂടം ഏര്‍പ്പെടുത്തുന്ന ക്രമീകരണങ്ങളോട് ഭക്തജനങ്ങള്‍ സഹകരിക്കണമെന്നും കളക്ടര്‍ അഭ്യര്‍ഥിച്ചു. ക്ഷേത്രത്തിലും പരിസരത്തും ഏര്‍പ്പെടുത്തിയിരിക്കുന്ന കോവിഡ് സുരക്ഷാ ക്രമീകരണങ്ങള്‍ കളക്ടര്‍ നേരിട്ടു വിലയിരുത്തി.

കേരളം കൈവരിച്ച വികസന നേട്ടങ്ങളുടെ തുടര്‍ച്ച നാടിന്റെ ഭാവിയുടെ അനിവാര്യതയാണെന്നു സഹകരണം - ടൂറിസം - ദേവസ്വം മന്ത്രി കടകംപള്ളി സുരേന്ദ്രന്‍. കേരളത്തിന്റെ ചരിത്രത്തിലുണ്ടായിട്ടില്ലാത്ത വികസന മുന്നേറ്റമാണ് കഴിഞ്ഞ അഞ്ചു വര്‍ഷത്തിനിടെയുണ്ടായതെന്നും അദ്ദേഹം പറഞ്ഞു.  ഇന്‍ഫര്‍മേഷന്‍ - പബ്ലിക് റിലേഷന്‍സ് വകുപ്പ് സംഘടിപ്പിച്ച സുസ്ഥിര വികസന സെമിനാര്‍ ഉദ്ഘാടനം ചെയ്യുകയായിരുന്നു മന്ത്രി.