ആലപ്പുഴ: 'തരിശുരഹിത പഞ്ചായത്ത്' പദ്ധതിക്ക് മുഹമ്മ ഗ്രാമപഞ്ചായത്തിൽ തുടക്കം. പദ്ധതിയുടെ ഉദ്ഘാടനം മുഹമ്മ ഗ്രാമപഞ്ചായത്ത് പ്രസിഡന്റ് സ്വപ്ന ഷിബു നിർവഹിച്ചു. പഞ്ചായത്ത് 15-ാം വാർഡ് സ്വദേശിയായ ദയാൽമജി എന്ന കർഷകനാണ് 50 സെന്റ് പാടശേഖരത്തിൽ കൃഷി ചെയ്യുന്നത്.

ആലപ്പുഴ: മുളക്കുഴ ഗ്രാമപഞ്ചായത്തിലെ വിവിധ റോഡുകളുടെ ഉദ്ഘാടനം സജി ചെറിയാൻ എം. എൽ.എ. നിർവഹിച്ചു. നിർമാണം പൂർത്തിയാക്കിയ മുളക്കുഴ- ആർ.കെ. ഇൻഡസ്ട്രീസ് റോഡ്, മുളക്കുഴ- കിടങ്ങിൽ തുണ്ടിൽ- ഗുരുമന്ദിരം റോഡ്, മുളക്കുഴ- നെടുമ്പുറത്ത്- ചാങ്ങപ്പാടം റോഡ്, എന്നീ റോഡുകളാണ് ഉദ്ഘാടനം ചെയ്തത്.

ആലപ്പുഴ: തൈക്കാട്ടുശേരി ബ്ലോക്ക് പഞ്ചായത്തിൽ ഇനി വനിതകൾ തെങ്ങ് കയറും. മഹിളാ കിസാൻ സശാക്തീകരൺ പരിയോജന പദ്ധതി പ്രകാരം വനിതകൾക്കുള്ള തെങ്ങ് കയറ്റ യന്ത്രങ്ങളുടെ വിതരണോദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി.എം. പ്രമോദ് നിർവഹിച്ചു. തെങ്ങുകയറ്റ  സ്ത്രീകൾക്ക് സ്ഥിരവരുമാനം ലഭ്യമാകുന്നതോടൊപ്പം മേഖലയിലെ തൊഴിലാളികളുടെ ക്ഷാമം പദ്ധതി വഴി പരിഹരിക്കപ്പെടുമെന്ന് പ്രസിഡന്റ് പറഞ്ഞു.

2013 വര്‍ഷത്തില്‍ അതിവര്‍ഷാനുകൂല്യത്തിന് അപേക്ഷിച്ചവരില്‍ ആനുകൂല്യം ലഭിക്കാത്തവര്‍ക്ക് അവസരം. ബാങ്ക് പാസ്ബുക്ക്, ആധാര്‍ കാര്‍ഡ്, ഇലക്ഷന്‍ ഐഡി കാര്‍ഡ്, റേഷന്‍കാര്‍ഡ്, ക്ഷേമനിധി സാക്ഷ്യപത്രം എന്നിവയുടെ പകര്‍പ്പ് ഫെബ്രുവരി 26 ന് തൃശൂര്‍ ജില്ലാ കര്‍ഷകതൊഴിലാളി ക്ഷേമനിധി ഓഫീസില്‍ സമര്‍പ്പിക്കണം. ഫോണ്‍: 0487 2386754

ജില്ലയില്‍ കോമണ്‍ പ്രിലിമിനറി എക്‌സാമിനേഷന്‍ സ്റ്റേജ് രണ്ട് നടക്കുന്ന ഫെബ്രുവരി 25 ന് തൃശൂര്‍ വെസ്റ്റ് ഫോര്‍ട്ട് എന്‍എസ്എസ്(ഇഎംഎച്ച്എസ്) പബ്ലിക് സ്‌കൂള്‍ പരീക്ഷാ കേന്ദ്രമായി ലഭിച്ച രജിസ്റ്റര്‍ നമ്പര്‍ 763701 മുതല്‍ 763900 വരെ ലഭിച്ചവര്‍ അയ്യന്തോളിലെ ജിവിഎച്ച്എസ്എസില്‍ ഹാള്‍ ടിക്കറ്റുമായി എത്തി പരീക്ഷ എഴുതണം. ഉദ്യോഗാര്‍ത്ഥികള്‍ക്ക് ഇതുസംബന്ധിച്ച പ്രൊഫൈല്‍ മെസേജും എസ്എംഎസും നല്‍കിയിട്ടുണ്ടെന്ന് പിഎസ്‌സി ജില്ലാ ഓഫീസര്‍ അറിയിച്ചു.

ആലപ്പുഴ:  സമഗ്ര ശിക്ഷ കേരള ആലപ്പുഴയുടെ കീഴിലുള്ള ഓട്ടിസം സെൻററുകളിലേക്ക് ആവശ്യമായ വിവിധ ഉപകരണങ്ങൾ വാങ്ങുന്നതിനും 11 ബി.ആര്‍.സി.യിലേയും ഭിന്നശേഷിക്കാരായ കിടപ്പിലായ കുട്ടികൾക്കുവേണ്ടി വാട്ടര്‍ ബഡ്, ഡയപ്പര്‍ എന്നിവ വാങ്ങുന്നതിനും കാഴ്ച പരിമിതമായ കുട്ടികൾക്കായി ബ്രയിലി, സ്റ്റേഷണറി ഉപകരണങ്ങൾ വാങ്ങുന്നതിനും ടെൻഡർ ക്ഷണിച്ചു. ടെന്‍ഡര്‍  തപാൽ മുഖേനയും നേരിട്ടും സമഗ്രശിക്ഷാ കേരളയുടെ ജില്ലാ ഓഫീസിൽ മാർച്ച് രണ്ടിന് മുമ്പ് എത്തിക്കണം. ഫോണ്‍: 04772239655. 

ആലപ്പുഴ:  കേരള വനിത കമ്മീഷൻ ഫെബ്രുവരി 27 ന് ആലപ്പുഴ ജില്ലാ പഞ്ചായത്ത് ഹാളിൽ വച്ച് മെഗാ അദാലത്ത് സംഘടിപ്പിക്കും. രാവിലെ 10 മുതലാണ് അദാലത്ത്.  

2021 നിയമസഭാ തെരഞ്ഞെടുപ്പ് പത്തനംതിട്ട ജില്ലയില്‍ സുഗമമായി നടത്തുന്നതിനും ഏകോപിപ്പിക്കുന്നതിനുമായി നിയോഗിച്ച നോഡല്‍ ഓഫീസര്‍മാരുടെ യോഗം ജില്ലാ കളക്ടര്‍ ഡോ.നരസിംഹുഗാരി തേജ് ലോഹിത് റെഡ്ഡിയുടെ അധ്യക്ഷതയില്‍ കളക്ടറേറ്റില്‍ ചേര്‍ന്നു. നോഡല്‍ ഓഫീസര്‍മാര്‍ അവരവര്‍ക്ക് നല്‍കിയിട്ടുള്ള ഉത്തരവാദിത്വം കൃത്യമായി പഠിച്ച് നടപ്പിലാക്കണമെന്ന് ജില്ലാ തെരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ നിര്‍ദേശിച്ചു.

ആലപ്പുഴ: തിരഞ്ഞെടുപ്പ് ‍ ചുമതലയുമായി ബന്ധപ്പെട്ട് മറ്റുള്ളവരുമായി സമ്പര്‍ക്കത്തിലാവാനും കോവിഡ് ബാധിതരാകാനുള്ള സാധ്യത മുന്നില്‍ക്കണ്ട് ഉദ്യോഗസ്ഥര്‍ക്ക് ബുധനാഴ്ച മുതല്‍ ജില്ലയില്‍ പ്രതിരോധ വാക്സിന്‍ വിതരണം തുടങ്ങുന്നു.  രജിസ്റ്റര്‍ ചെയ്തവരുടെ ഫോണില്‍ വാക്സിനേഷന്‍ കേന്ദ്രം, തീയതി, സമയം എന്നിവയറിയിക്കുന്ന സന്ദേശം ലഭിക്കും. ആധാര്‍ കാര്‍ഡും മറ്റേതെങ്കിലും തിരിച്ചറിയല്‍ രേഖയുമായി കേന്ദ്രത്തിലെത്തേണ്ടതാണ്. വാക്സിനെടുത്ത ശേഷവും ശരിയായി മാസ്ക് ധരിക്കുകയും അകലം പാലിക്കുകയും കൈകള്‍ അണുവിമുക്തമാക്കേണ്ടതുമാണ്.