വാര്‍ധക്യകാലത്ത് വീടുകളില്‍ ഒറ്റപ്പെട്ടു പോകുന്ന വയോജനങ്ങള്‍ക്ക് തണലായി തൃക്കടവൂര്‍ കുരീപ്പുഴയില്‍ പകല്‍ വീട് ഒരുക്കി കൊല്ലം കോര്‍പ്പറേഷന്‍. കോര്‍പ്പറേഷന്റെ പ്ലാന്‍ ഫണ്ട് ഉപയോഗിച്ച് നിര്‍മിച്ച പകല്‍വീടിന്റെ ഉദ്ഘാടനം മേയര്‍ പ്രസന്ന ഏണസ്റ്റ് നിര്‍വ്വഹിച്ചു. ഡെപ്യൂട്ടി മേയര്‍ കൊല്ലം മധു അധ്യക്ഷനായി.

നിയമസഭാ തിരഞ്ഞെടുപ്പ് സുഗമമാക്കുന്നതിന് കലക്ടര്‍മാര്‍ കൂടിക്കാഴ്ച നടത്തി. അതിര്‍ത്തി പങ്കിടുന്ന ജില്ലകളായ കൊല്ലം ജില്ലാ കലക്ടര്‍ ബി അബ്ദുല്‍ നാസര്‍, തെങ്കാശി ജില്ലാ കലക്ടര്‍ ജി എസ് സമീരന്‍ എന്നിവരാണ് ഇന്നലെ(ഫെബ്രുവരി 23) തെങ്കാശി ജില്ലാ കലക്ടറുടെ താത്കാലിക സമ്മേളന  ഹാളില്‍ ചര്‍ച്ച നടത്തിയത്. രണ്ടു ജില്ലകളിലെയും ഉദ്യോഗസ്ഥ സംഘവും സംബന്ധിച്ചു.

ജില്ലയിലെ 28 തദ്ദേശ സ്വയംഭരണസ്ഥാപനങ്ങളുടെ വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതി യോഗത്തില്‍ അംഗീകാരം നല്‍കി. ഇതോടെ ജില്ലയിലെ 54 തദ്ദേശ സ്വയംഭരണ സ്ഥാപനങ്ങള്‍  2021-22   കാലയളവിലെ പദ്ധതിക്കായുള്ള അംഗീകാരം നേടി.

  സ്‌കോള്‍  കേരളയുടെ ഡിപ്ലോമ ഇന്‍ കമ്പ്യൂട്ടര്‍ അപ്ലിക്കേഷന്‍ അഞ്ചാം ബാച്ച് പ്രായോഗിക പരീക്ഷ മെയ് മൂന്ന് മുതല്‍ എട്ടുവരെയും തിയറി പരീക്ഷ മെയ് 17 മുതല്‍ 23 വരെയും  അതത്  പഠന കേന്ദ്രങ്ങളില്‍ നടക്കും. പരീക്ഷാ ഫീസായ 700 രൂപ പിഴകൂടാതെ മാര്‍ച്ച് നാലുവരെയും 20 രൂപ പിഴയോടെ മാര്‍ച്ച് 10 വരെയും അടക്കാം. www.scolekerala.org  വെബ്‌സൈറ്റിലൂടെ ഓണ്‍ലൈനായോ  വെബ്‌സൈറ്റില്‍ നിന്നും ലഭിക്കുന്ന പ്രത്യേക ചെലാന്‍ ഉപയോഗിച്ച് പോസ്റ്റ് ഓഫീസ് മുഖേനയോ ഫീസ്  ഒടുക്കാം.

കേരള വനിത കമ്മീഷന്‍ മെഗാ അദാലത്ത് മാര്‍ച്ച് ഒന്ന്, രണ്ട് തീയതികളില്‍ കൊല്ലം ജവഹര്‍ ബാലഭവനില്‍ നടക്കും. രാവിലെ 10.30 ന് തുടങ്ങുന്ന അദാലത്തില്‍  വനിതാ കമ്മീഷന്‍ അംഗങ്ങള്‍, പോലീസ് ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
(പി.ആര്‍.കെ നമ്പര്‍.536/2021)

വൈദ്യുതി ബില്‍ കുടിശ്ശികയുള്ള ഉപഭോക്താക്കള്‍ക്ക് ഒറ്റത്തവണ തീര്‍പ്പാക്കല്‍ പദ്ധതിയിലൂടെ പലിശയിളവ് ലഭിക്കും. ഇതിനായി ഇലക്ട്രിക്കല്‍ സെക്ഷന്‍ ഓഫീസുകളില്‍ ഫെബ്രുവരി 25 വരെ അപേക്ഷിക്കാം.

കൊല്ലം കോര്‍പ്പറേഷന്റെ പ്ലാന്‍ ഫണ്ട് ഉപയോഗിച്ച് നിര്‍മാണം പൂര്‍ത്തീകരിച്ച ഉളിയക്കോവില്‍ ഗവണ്‍മെന്റ് ടി കെ ഡി എം എച്ച് എസ് എസിലെ പുതിയ മന്ദിരങ്ങളുടെ ഉദ്ഘാടനം മേയര്‍ പ്രസന്ന ഏണസ്റ്റ് നിര്‍വഹിച്ചു. ഡെപ്യൂട്ടി മേയര്‍ കൊല്ലം മധു അധ്യക്ഷനായി.
സ്‌കൂളിലെ ഹയര്‍ സെക്കന്‍ഡറി രണ്ടാംനില കെട്ടിടം 65 ലക്ഷം രൂപ ചെലവിലും ഹൈസ്‌കൂള്‍ രണ്ടാംനില കെട്ടിടം 45 ലക്ഷം രൂപ ചെലവിലുമാണ് നിര്‍മിച്ചത്.

ആഴക്കടല്‍ മത്സ്യബന്ധനത്തില്‍ സര്‍ക്കാരിന് വ്യക്തമായ നിലപാട് ഉണ്ടെന്നും മത്സ്യത്തൊഴിലാളികളെ ഒപ്പം നിര്‍ത്തുന്ന ആ നിലപാടില്‍ ഒരു മാറ്റവും വരുത്തില്ലെന്നും മുഖ്യമന്ത്രി പിണറായി വിജയന്‍. കേരളാ മാരിടൈം ബോര്‍ഡിന്റെ ആഭിമുഖ്യത്തില്‍ കൊല്ലം തുറമുഖത്ത് 3.90 കോടി രൂപ വിനിയോഗിച്ച് നിര്‍മാണം പൂര്‍ത്തിയാക്കിയ ജല വാഹനങ്ങളുടെ അറ്റകുറ്റപണികള്‍ നടത്തുന്നതിനുള്ള മെക്കാനിക്കല്‍ വര്‍ക്ക്‌ഷോപ്പ്, സ്റ്റോര്‍, മൊബൈല്‍ ക്രെയിന്‍ ഷെല്‍ട്ടര്‍ എന്നിവ ഓണ്‍ലൈനായി ഉദ്ഘാടനം ചെയ്യുകയായിരുന്നു  മുഖ്യമന്ത്രി.

കാലാവധി തീര്‍ന്നതിനാല്‍ തൃശൂര്‍ ജില്ലയില്‍ എക്‌സൈസ് വകുപ്പില്‍ കാറ്റഗറി നമ്പര്‍ 340/16 
സിവില്‍ എക്‌സൈസ് ഓഫീസര്‍ ട്രെയിനി തസ്തികയില്‍ 8/4/2019 ന് നിലവില്‍ വന്ന റാങ്ക് പട്ടിക 
19/06/2020 മുതലും കാറ്റഗറി നമ്പര്‍ 208/2018 ലിഫ്റ്റ് ഓപ്പറേറ്റര്‍ തസ്തികയില്‍ 27/09/2019 ന് നിലവില്‍ വന്ന റാങ്ക് ലിസ്റ്റ് 19/12/2019 അര്‍ദ്ധരാത്രി മുതലും റദ്ദാക്കിയതായി പി എസ് സി ജില്ലാ ഓഫീസര്‍ അറിയിച്ചു.

കുന്നംകുളം നഗരസഭ നടപ്പിലാക്കി വരുന്ന ശുചിത്വ മാലിന്യ സംസ്‌കരണ പരിപാടിയുടെ ഭാഗമായി ജനകീയ പങ്കാളിത്തത്തോടെ ഫെബ്രു. 27 ന് രാവിലെ 7 മുതല്‍ നഗരം കേന്ദ്രീകരിച്ച് ശുചീകരണ പ്രവര്‍ത്തനം നടത്തും. നഗരസഭാ കോണ്‍ഫറന്‍സ് ഹാളില്‍ ചെയര്‍ പേഴ്‌സണ്‍ സീതരവീന്ദ്രന്റെ അധ്യക്ഷതയില്‍ നടന്ന സംഘാടക സമിതി യോഗത്തില്‍ ശുചീകരണത്തിന് എല്ലാ വിഭാഗം ജനങ്ങളെ അണിനിരത്തുവാനും തീരുമാനിച്ചു.