- ജില്ലയിൽ 17,620 വീടുകൾക്ക് പരിരക്ഷ

ഇരുപത്തിയഞ്ചാമത് രാജ്യാന്തര ചലച്ചിത്രമേളയോടനുബന്ധിച്ചുള്ള മാധ്യമ പുരസ്‌കാരങ്ങള്‍ക്ക് മേളയുടെ അവസാന ദിനമായ ഫെബ്രുവരി 27 (ശനിയാഴ്ച) ഉച്ചയ്ക്ക് 12 മണി വരെ അപേക്ഷിക്കാം. ചലച്ചിത്രോത്സവം റിപ്പോര്‍ട്ട് ചെയ്യുന്ന അച്ചടി, ദ്യശ്യ, ശ്രവ്യ, ഓണ്‍ലൈന്‍ മാധ്യമങ്ങള്‍ റിപ്പോര്‍ട്ടുകളുടെ പകര്‍പ്പും സ്ഥാപന മേധാവിയുടെ കത്തും സഹിതം  ലിബര്‍ട്ടി കോംപ്ലക്‌സില്‍ പ്രവര്‍ത്തിക്കുന്ന  മീഡിയാ സെല്ലില്‍ അപേക്ഷ സമര്‍പ്പിക്കണം. ഇത്തവണ മികച്ച മാധ്യമ സ്ഥാപനങ്ങള്‍ക്കും പുരസ്‌കാരം ഏര്‍പ്പെടുത്തിയിട്ടുണ്ട്. നാലു മേഖലകളിലുമുള്ള റിപ്പോര്‍ട്ടിംഗ്  മികവ് പരിഗണിച്ചുള്ളതാണ് സമഗ്ര കവറേജിനുള്ള പുരസ്‌കാരം.

ഇരുപത്തിയഞ്ചാമത് രാജ്യാന്തര ചലച്ചിത്ര മേളയുടെ തലശ്ശേരിയിലെ പ്രദര്‍ശനത്തിന്റെ ഭാഗമായി ഫെസ്റ്റിവല്‍ ഓഫീസ് പ്രവര്‍ത്തനം ആരംഭിച്ചു. ഓഫീസിന്റെ ഉദ്ഘാടനം മേളയുടെ റിസപ്ഷന്‍ ആന്‍ഡ് ഹോസ്പിറ്റാലിറ്റി കമ്മിറ്റി ചെയര്‍മാന്‍ ലിബര്‍ട്ടി ബഷീര്‍ നിര്‍വ്വഹിച്ചു.
ആദ്യമായാണ് തലശ്ശേരിയില്‍ രാജ്യന്തര ചലച്ചിത്ര മേള സംഘടിപ്പിക്കുന്നത്. ആറ് തീയറ്ററുകളിലായി 80 സിനിമകളാണ് പ്രദര്‍ശിപ്പിക്കുന്നത്. കൊവിഡ് മാനദണ്ഡങ്ങള്‍ പാലിച്ചുകൊണ്ട് നടക്കുന്ന മേളയില്‍ സന്ദര്‍ശകരെ ആന്റിജന്‍ ടെസ്റ്റ് നടത്തി കൊവിഡ് നെഗറ്റീവ് ആണെന്ന് ഉറപ്പ് വരുത്തിയതിന് ശേഷം മാത്രമാണ് പ്രദര്‍ശന ഹാളില്‍ പ്രവേശിപ്പിക്കുന്നത്.

നല്ല സിനിമകള്‍ ഉണ്ടാവുന്നത് രാഷ്ട്രീയ ഓര്‍മ്മകളില്‍ നിന്നാണെന്ന് സാഹിത്യകാരന്‍ എം മുകുന്ദന്‍. ഇരുപത്തിയഞ്ചാമത് രാജ്യാന്തര ചലച്ചിത്രമേളയുടെ ഭാഗമായി സംഘടിപ്പിച്ച ഫോട്ടോ പ്രദര്‍ശനം ഉദ്ഘാടനം ചെയ്ത്  സംസാരിക്കുകയായിരുന്നു അദ്ദേഹം. ചലച്ചിത്രങ്ങള്‍ എക്കാലത്തെയും രാഷ്ട്രീയ അടയാളപ്പെടുത്തലുകളാണെന്നും രാഷ്ട്രീയത്തില്‍ നിന്നും മുഖം തിരിച്ചാല്‍ സിനിമകള്‍ക്ക് നിലനില്‍പ്പുണ്ടാവില്ലെന്നും അദ്ദേഹം പറഞ്ഞു. അറുപതുകളിലെ ത്രസിപ്പിക്കുന്ന സിനിമകള്‍ തന്നെ വളരെ അധികം സ്വാധീനിച്ചിട്ടുണ്ട്.

ക്ഷേത്ര കലാ അക്കാദമിയുടെ 2019-20 വര്‍ഷത്തെ അവാര്‍ഡുകള്‍ വിതരണം ചെയ്തു. മാടായി ബാങ്ക് പി സി സി ഹാളില്‍ നടന്ന പുരസ്‌കാരദാന ചടങ്ങ് ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ ഓണ്‍ലൈനായി ഉദ്ഘാടനം ചെയ്തു. ക്ഷേത്ര കലകളുടെ വികസനവും ജനകീയവല്‍ക്കരണവും ലക്ഷ്യമിട്ട് മികച്ച പ്രവര്‍ത്തനങ്ങളാണ് ക്ഷേത്ര കലാ അക്കാദമി നടത്തി വരുന്നതെന്ന് മന്ത്രി പറഞ്ഞു. മലബാര്‍ ദേവസ്വം ബോര്‍ഡിന്റെ മെച്ചപ്പെട്ട പ്രവര്‍ത്തനങ്ങള്‍ക്കും ശമ്പള പരിഷ്‌കരണം മെച്ചപ്പെടുത്തുന്നതിനും സര്‍ക്കാരിന്റെ ഇടപെടലുകള്‍ ശ്രദ്ധേയമാണെന്നും മന്ത്രി പറഞ്ഞു.

കേരള സര്‍ക്കാര്‍ - ആരോഗ്യ കുടുംബക്ഷേമ വകുപ്പ് ആന്തൂര്‍ നഗരസഭയില്‍ അനുവദിച്ച ആയുര്‍വേദ പ്രാഥമികാരോഗ്യ കേന്ദ്രം ആരോഗ്യ വകുപ്പ് മന്ത്രി കെ കെ ശൈലജ ടീച്ചര്‍ നാടിന് സമര്‍പ്പിച്ചു. ഓണ്‍ലൈനായായിരുന്നു ഉദ്ഘാടനം.

വൈവിധ്യവല്‍ക്കരണത്തിലൂടെ കെല്‍ട്രോണിനെ വിജയപഥത്തില്‍ തിരികെയെത്തിക്കാന്‍ സര്‍ക്കാരിനായെന്ന് മുഖ്യമന്ത്രി പിണറായി വിജയന്‍ പറഞ്ഞു.  ഇലക്ട്രോണിക്സ് രംഗത്ത് രാജ്യത്തിനാകെ മാതൃകയായ പൊതുമേഖല സ്ഥാപനമാണ് കെല്‍ട്രോണെന്നും മഹത്തായ ചരിത്രവും പാരമ്പര്യവുമുള്ള സ്ഥാപനത്തിന്റെ നഷ്ടപ്പെട്ട പ്രതാപം വീണ്ടെടുക്കാന്‍ നിരവധി പ്രവര്‍ത്തനങ്ങള്‍ സര്‍ക്കാര്‍ നടപ്പാക്കിയിട്ടുണ്ടെന്നും മുഖ്യമന്ത്രി പറഞ്ഞു. പത്മഭൂഷണ്‍ ഡോ. കെ പി പി നമ്പ്യാര്‍ സ്മാരക ഇലക്ട്രോണിക്സ് ഗവേഷണ വികസന കേന്ദ്രത്തിന്റെയും മറ്റ് പദ്ധതികളുടെയും ഉദ്ഘാടനം ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു അദ്ദേഹം.

തുറമുഖങ്ങളെയും മത്സ്യബന്ധന മേഖലയെയും അഭിവൃദ്ധിപ്പെടുത്തുന്ന സര്‍ക്കാരിനെ അപകീര്‍ത്തിപ്പെടുത്താനാണ് ചിലര്‍ ആരോപണങ്ങളുമായി രംഗത്തെത്തിയിരിക്കുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. വിഴിഞ്ഞം, കൊല്ലം, ആലപ്പുഴ, ബേപ്പൂര്‍, അഴീക്കല്‍ തുറമുഖങ്ങളില്‍ നടത്തിയ വിവിധ പദ്ധതികളുടെ ഉദ്ഘാടനം ഓണ്‍ലാനായി നിര്‍വഹിച്ച് സംസാരിക്കുകയായിരുന്നു അദ്ദേഹം. വികസനകാര്യങ്ങളില്‍ സര്‍ക്കാര്‍ നടത്തിയ എല്ലാ പദ്ധതികളെയും എതിര്‍ത്തവരാണ് ഇപ്പോള്‍ ആരോപണങ്ങള്‍ ഉന്നയിക്കുന്നത്. ആഴക്കടല്‍ മത്സ്യബന്ധനത്തില്‍ സര്‍ക്കാറിന് വ്യക്തമായ നിലപാടുണ്ട്.

ഭയം കൂടാതെ പരീക്ഷയെഴുതാനും തുടർപഠനത്തിന്റെ സാധ്യതകൾ പരിചയപ്പെടാനും കഴിയുന്ന മോട്ടിവേഷൻ ക്ലാസുകൾക്ക് ജില്ലയിൽ തുടക്കം. ജില്ലാ പഞ്ചായത്തിന്റെ നേതൃത്വത്തിലാണ് ക്ലാസുകൾ നടക്കുന്നത്. ജില്ലാ പഞ്ചായത്തിന്റെ ചുമതലയിലുള്ള 47 സ്‌കൂളുകളിലാണ് ക്ലാസുകൾ നടക്കുക.
പത്താം ക്ലാസിലെയും ഹയർ സെക്കൻഡറിയിലെയും വിദ്യാർഥികൾക്കാണ് ക്ലാസ് നൽകുക. രക്ഷകർത്താക്കൾക്കും വിദ്യാർഥികൾക്കും കൗൺസലിംഗും നൽകുന്നുണ്ട്.