ഇന്ന് ആലപ്പുഴ ജില്ലയിൽ 275 പേർക്ക് കോവിഡ് സ്ഥിരീകരിച്ചു . 270പേർക്ക് സമ്പർക്കത്തിലൂടെയാണ് രോഗം ബാധിച്ചത്   5 പേരുടെ  സമ്പർക്ക ഉറവിടം വ്യക്തമല്ല.381പേരുടെ പരിശോധനാഫലം നെഗറ്റീവായി. ആകെ 72654പേർ രോഗ മുക്തരായി.4199പേർ ചികിത്സയിൽ ഉണ്ട്.

ആലപ്പുഴ : കടലാക്രമണത്തിൻറെ ആധിക്യത്തിൽ നിന്ന് അവസാന മത്സ്യതൊഴിലാളിയെയും രക്ഷിക്കുന്നതുവരെ ഈ സർക്കാർ വിവിധ പദ്ധതികളുമായി മുന്നോട്ട് പോകുമെന്ന് ഫിഷറീസ് വകുപ്പ് മന്ത്രി ജെ മേഴ്സിക്കുട്ടിയമ്മ പറഞ്ഞു. പുനർഗേഹം പദ്ധതിയുടെ ഭാഗമായി തോട്ടപ്പള്ളി മണ്ണുംപുറം കോളനിയിൽ നിർമ്മിക്കുന്ന ഫ്ലാറ്റ് സമുച്ഛയത്തിൻ്റെ രണ്ടാം ഘട്ട നിർമ്മാണോദ്ഘടനം ഓൺലൈനായി നിർവ്വഹിക്കുകയായിരുന്നു മന്ത്രി. 168 കുടുംബങ്ങളെയാണ് രണ്ടാം ഘട്ട പദ്ധതിയുടെ ഭാഗമായി ഇവിടെ പുനരധിവസിപ്പിക്കുക.

ആലപ്പുഴ: ജനങ്ങൾക്ക് സംരക്ഷണം ഉറപ്പാക്കുന്ന സർക്കാരാണ് നിലവിലുള്ളതെന്ന് പൊതുമരാമത്ത്- രജിസ്ട്രേഷൻ വകുപ്പ് മന്ത്രി ജി. സുധാകരൻ പറഞ്ഞു. അമ്പലപ്പുഴ മണ്ഡലത്തിലെ വിവിധ പഞ്ചായത്തുകളിലായി 13 റോഡുകളുടെ നിർമാണോദ്ഘാടനം നിർവഹിക്കുകയായിരുന്നു അദ്ദേഹം. അഞ്ചു വർഷം കൊണ്ട് ഗതാഗത സൗകര്യം, സ്‌കൂൾ, ആശുപത്രി, കാർഷിക മേഖല എന്നിവ മെച്ചപ്പെട്ടു. 30 വർഷം വരെ കേടുവരാത്ത ബി.എം. ആന്റ് ബി.സി നിലവാരത്തിലുള്ള റോഡുകളാണ് നിർമ്മിക്കുന്നത്. നഗര-ഗ്രാമ വ്യത്യാസമില്ലാതെയാണ് ഈ സർക്കാർ വികസനം നടപ്പാക്കുന്നതെന്നും മന്ത്രി പറഞ്ഞു. 

ജില്ലയില്‍ ഇതുവരെ 27881 പേര്‍ക്ക് കോവിഡ് വാക്‌സിന്‍ നല്‍കി. ഇന്നലെ(ഫെബ്രുവരി 23) 440 പേര്‍ക്കാണ് വാക്‌സിന്‍ നല്‍കിയത്. കേന്ദ്രം, വാക്‌സിന്‍ നല്‍കിയ കണക്ക് എന്ന ക്രമത്തില്‍ ചുവടെ.
ജില്ലാ ആയുര്‍വേദ ആശുപത്രി-30, പാരിപ്പള്ളി സര്‍ക്കാര്‍ മെഡിക്കല്‍ കോളജ്-152, മെഡിസിറ്റി-33, കരുനാഗപ്പള്ളി താലൂക്ക് ആസ്ഥാന ആശുപത്രി-26, കൊട്ടാരക്കര താലൂക്ക് ആസ്ഥാന ആശുപത്രി-40, പുനലൂര്‍ താലൂക്ക് ആസ്ഥാന ആശുപത്രി-31, ശാസ്താംകോട്ട താലൂക്ക് ആസ്ഥാന ആശുപത്രി-36, വിക്‌ടോറിയ ആശുപത്രി-15, കുണ്ടറ താലൂക്ക് ആശുപത്രി-10, കൊല്ലം കോര്‍പ്പറേഷന്‍-67.
 (പി.ആര്‍.കെ നമ്പര്‍.542/2021)

ജില്ലയില്‍ ഇന്നലെ(ഫെബ്രുവരി 23) 408 പേര്‍ക്ക് കോവിഡ് സ്ഥിരീകരിച്ചു. 342 പേര്‍  രോഗമുക്തി നേടി. സമ്പര്‍ക്കം വഴി 407 പേര്‍ക്കും, ഉറവിടം വ്യക്തമല്ലാത്ത ഒരാള്‍ക്കും രോഗം സ്ഥിരീകരിച്ചു.

വാര്‍ധക്യകാലത്ത് വീടുകളില്‍ ഒറ്റപ്പെട്ടു പോകുന്ന വയോജനങ്ങള്‍ക്ക് തണലായി തൃക്കടവൂര്‍ കുരീപ്പുഴയില്‍ പകല്‍ വീട് ഒരുക്കി കൊല്ലം കോര്‍പ്പറേഷന്‍. കോര്‍പ്പറേഷന്റെ പ്ലാന്‍ ഫണ്ട് ഉപയോഗിച്ച് നിര്‍മിച്ച പകല്‍വീടിന്റെ ഉദ്ഘാടനം മേയര്‍ പ്രസന്ന ഏണസ്റ്റ് നിര്‍വ്വഹിച്ചു. ഡെപ്യൂട്ടി മേയര്‍ കൊല്ലം മധു അധ്യക്ഷനായി.

നിയമസഭാ തിരഞ്ഞെടുപ്പ് സുഗമമാക്കുന്നതിന് കലക്ടര്‍മാര്‍ കൂടിക്കാഴ്ച നടത്തി. അതിര്‍ത്തി പങ്കിടുന്ന ജില്ലകളായ കൊല്ലം ജില്ലാ കലക്ടര്‍ ബി അബ്ദുല്‍ നാസര്‍, തെങ്കാശി ജില്ലാ കലക്ടര്‍ ജി എസ് സമീരന്‍ എന്നിവരാണ് ഇന്നലെ(ഫെബ്രുവരി 23) തെങ്കാശി ജില്ലാ കലക്ടറുടെ താത്കാലിക സമ്മേളന  ഹാളില്‍ ചര്‍ച്ച നടത്തിയത്. രണ്ടു ജില്ലകളിലെയും ഉദ്യോഗസ്ഥ സംഘവും സംബന്ധിച്ചു.

ജില്ലയിലെ 28 തദ്ദേശ സ്വയംഭരണസ്ഥാപനങ്ങളുടെ വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതി യോഗത്തില്‍ അംഗീകാരം നല്‍കി. ഇതോടെ ജില്ലയിലെ 54 തദ്ദേശ സ്വയംഭരണ സ്ഥാപനങ്ങള്‍  2021-22   കാലയളവിലെ പദ്ധതിക്കായുള്ള അംഗീകാരം നേടി.

  സ്‌കോള്‍  കേരളയുടെ ഡിപ്ലോമ ഇന്‍ കമ്പ്യൂട്ടര്‍ അപ്ലിക്കേഷന്‍ അഞ്ചാം ബാച്ച് പ്രായോഗിക പരീക്ഷ മെയ് മൂന്ന് മുതല്‍ എട്ടുവരെയും തിയറി പരീക്ഷ മെയ് 17 മുതല്‍ 23 വരെയും  അതത്  പഠന കേന്ദ്രങ്ങളില്‍ നടക്കും. പരീക്ഷാ ഫീസായ 700 രൂപ പിഴകൂടാതെ മാര്‍ച്ച് നാലുവരെയും 20 രൂപ പിഴയോടെ മാര്‍ച്ച് 10 വരെയും അടക്കാം. www.scolekerala.org  വെബ്‌സൈറ്റിലൂടെ ഓണ്‍ലൈനായോ  വെബ്‌സൈറ്റില്‍ നിന്നും ലഭിക്കുന്ന പ്രത്യേക ചെലാന്‍ ഉപയോഗിച്ച് പോസ്റ്റ് ഓഫീസ് മുഖേനയോ ഫീസ്  ഒടുക്കാം.

കേരള വനിത കമ്മീഷന്‍ മെഗാ അദാലത്ത് മാര്‍ച്ച് ഒന്ന്, രണ്ട് തീയതികളില്‍ കൊല്ലം ജവഹര്‍ ബാലഭവനില്‍ നടക്കും. രാവിലെ 10.30 ന് തുടങ്ങുന്ന അദാലത്തില്‍  വനിതാ കമ്മീഷന്‍ അംഗങ്ങള്‍, പോലീസ് ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
(പി.ആര്‍.കെ നമ്പര്‍.536/2021)