സ്‌കോള്‍ കേരള തിരഞ്ഞെടുത്ത സര്‍ക്കാര്‍/എയ്ഡഡ്/വൊക്കേഷണല്‍ ഹയര്‍സെക്കന്ററി സ്‌കൂളുകളില്‍ സംഘടിപ്പിക്കുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ കോഴ്സ് (ഡിസിഎ) ആറാം ബാച്ച് പ്രവേശനത്തിന് പിഴ കൂടാതെ ഫെബ്രുവരി 27 വരെയും 60 രൂപ പിഴയോടെ മാര്‍ച്ച് 6 വരെയും അപേക്ഷിക്കാം.

മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി ലഭിച്ച 12.63 ഗ്രാം സ്വര്‍ണാഭരണങ്ങള്‍ മാര്‍ച്ച് നാലിന് രാവിലെ 11 ന് കളക്ടറേറ്റില്‍ ലേലം ചെയ്യും. ഫോണ്‍: 04994255010

ജില്ലാ എംപ്ലോയബിലിറ്റി സെന്ററില്‍ മാര്‍ച്ച് രണ്ടിന് രാവിലെ 10ന്  സ്വകാര്യ മേഖലയിലെ ഒഴിവുകളിലേക്ക് കൂടിക്കാഴ്ച നടക്കും. റിപ്പോര്‍ട്ടര്‍, ഗ്രാഫിക് ഡിസൈനര്‍, ഓഫീസ് അസിസ്റ്റന്റ്, വീഡിയോ എഡിറ്റര്‍, ടെലികോളര്‍, സ്‌ക്രിപ്റ്റ് റൈറ്റര്‍ എന്നീ തസ്തികകളിലാണ് ഒഴിവുകള്‍. ജേര്‍ണലിസം കോഴ്സ് കഴിഞ്ഞവര്‍ക്ക് റിപ്പോര്‍ട്ടര്‍ തസ്തികയിലേക്കും പ്ല്ടുവില്‍ കുറയാത്ത യോഗ്യതയുള്ളവര്‍ക്ക് ഓഫീസ് അസിസ്റ്റന്റ്, ടെലികോളര്‍ തസ്തികയിലേക്കും അപേക്ഷിക്കാം. ഗ്രാഫിക് ഡിസൈനര്‍, വീഡിയോ എഡിറ്റര്‍, സ്‌ക്രിപ്റ്റ് റൈറ്റര്‍ തസ്തികയിലേക്ക് അപേക്ഷിക്കുന്നവര്‍ ബന്ധപ്പെട്ട  കോഴ്സ് കഴിഞ്ഞവരായിരിക്കണം. ഫോണ്‍:  9207155700

ഏത് അപകട സാഹചര്യത്തിലും 101 എന്ന നമ്പറിലേക്ക് ഒരു കോള്‍ മതി, വിളിപ്പുറത്തെത്തും അഗ്‌നിരക്ഷ സേനാവിഭാഗം. ജില്ലയില്‍ തൃക്കരിപ്പൂര്‍, ഉപ്പള, കാസര്‍കോട്, കാഞ്ഞങ്ങാട്, കുറ്റിക്കോല്‍ എന്നിവിടങ്ങളിലായി അഞ്ച് സ്‌റ്റേഷനുകളാണുള്ളത്.

തിരുവനന്തപുരത്ത് ഇന്ന് (23 ഫെബ്രുവരി 2021) 255 പേര്‍ക്കു കൂടി കോവിഡ് 19 സ്ഥിരീകരിച്ചു. 367 പേര്‍ രോഗമുക്തരായി. നിലവില്‍ 3,591 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. 

ഇന്നു രോഗം സ്ഥിരീകരിച്ചവരില്‍ 190 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതിൽ 4 പേർ ആരോഗ്യ പ്രവർത്തകരാണ്.

 രോഗലക്ഷണങ്ങളെത്തുടര്‍ന്നു ജില്ലയില്‍ 1,477 പേരെക്കൂടി നിരീക്ഷണത്തിലാക്കി. ഇവരടക്കം ആകെ 23,731 പേര്‍ വീടുകളിലും 54 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,110 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

ഇടുക്കി ജില്ലാ  ഇന്‍ഫര്‍മേഷന്‍ ഓഫീസില്‍ ഉപയോഗിച്ചിരുന്നതും നിലവില്‍ ഉപയോഗിക്കുന്നില്ലാത്തതുമായ സോണി വിപിഎല്‍ ഡി എക്‌സ് 140 എല്‍സിഡി പ്രൊജക്ടര്‍ മാര്‍ച്ച് അഞ്ചിന് രാവിലെ 11.30ന് ജില്ലാ ഇന്‍ഫര്‍മേഷന്‍ ഓഫീസില്‍ പരസ്യമായി ലേലം ചെയ്യും. ഏറ്റവും കൂടുതല്‍ തുക രേഖപ്പെടുത്തുന്നയാള്‍ക്ക് ക്വട്ടേഷന്‍ അനുവദിക്കും. കൂടുതല്‍ വിവരങ്ങള്‍ക്ക് ഫോണ്‍: 04862 233036
 

ഇടുക്കി ഭാരതീയ ചികിത്സാ വകുപ്പിന്റെ നേതൃത്വത്തില്‍ സിവില്‍ സ്റ്റേഷനില്‍ കളക്ടറേറ്റിന്റെ ആഭിമുഖ്യത്തില്‍ സിവില്‍ സ്റ്റേഷനിലെയും പൈനാവിലെയും എല്ലാ ഗവണ്‍മെന്റ് ഉദ്യോഗസ്ഥര്‍ക്കായി സൗജന്യ നേത്ര പരിശോധന ക്യാമ്പ് സംഘടിപ്പിച്ചു. ക്യാമ്പ് ജില്ലാ കലക്ടര്‍ എച്ച്. ദിനേശന്‍ കണ്ണ് പരിശോധന നടത്തി ഉദ്ഘാടനം നിര്‍വഹിച്ചു. കോവിഡ് പ്രോട്ടോക്കോള്‍ പാലിച്ച് നടത്തിയ ക്യാമ്പില്‍ ഡോ. ജിനേഷ് ജെ മേനോന്‍, ഡോ.ദീപക് സി നായര്‍, ഡോ. ജ്യോതിസ് കെ.എസ്,  രാജി വരുണാനന്ദ് എന്നിവര്‍ നേതൃത്വം നല്‍കി.  ഉദ്ഘാടനത്തോടനുബന്ധിച്ച് നടന്ന ചടങ്ങില്‍ ഓട്ടോമാറ്റിക് സാനിറ്റൈസര്‍ യൂണിറ്റ്, പള്‍സ്  ഓക്‌സിമീറ്ററുകളും ജില്ലാ കലക്ടര്‍ എച്ച്.

സേനാപതി പ്രാഥമികാരോഗ്യ കേന്ദ്രത്തിലേക്ക് ദിവസവേതന അടിസ്ഥാനത്തില്‍  സ്റ്റാഫ് നേഴ്‌സിനെ നിയമിക്കുന്നതിനുളള അഭിമുഖം മാര്‍ച്ച് 2 രാവിലെ 10 ന് സേനാപതി പ്രാഥമികാരോഗ്യ  കേന്ദ്രത്തില്‍ നടത്തും.  നേഴ്‌സിംഗ് കൗണ്‍സില്‍ അംഗീകരിച്ച  ജി.എന്‍.എം അല്ലെങ്കില്‍ ബി.എസ്.സി നേഴ്‌സിംഗ് പാസ്സായിരിക്കണം. കൂടാതെ കേരള നേഴ്‌സസ് മിഡ് വൈവ്‌സ് മെഡിക്കല്‍ കൗണ്‍സിലിന്റെ രജിസ്‌ട്രേഷന്‍ സര്‍ട്ടിഫിക്കറ്റും ഉണ്ടായിരിക്കണം. താത്പര്യമുളളവര്‍ വയസ്സ്, യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റ്  സഹിതം അഭിമുഖത്തില്‍ പങ്കെടുക്കണം. കൂടുതല്‍ വിവരങ്ങള്‍ക്ക് ഫോണ്‍: 04868244390  

സമഗ്രശിക്ഷ അറക്കുളം ബി.ആര്‍.സി യുടെ നേതൃത്വത്തില്‍ വട്ടമേട്, പെരുംങ്കാല, മണിയാറന്‍കുടി എന്നീ മേഖലകളിലെ പട്ടികവര്‍ഗ്ഗം വിഭാഗം കുട്ടികള്‍ക്കായി സംഘടിപ്പിക്കുന്ന നാട്ടരങ്ങ് പരിപാടിയുടെ നടത്തിപ്പിനായി സ്വാഗതസംഘം രൂപീകരിച്ചു. വാഴത്തോപ്പ് ഗ്രാമപഞ്ചായത്ത് പ്രസിഡന്റ് ജോര്‍ജ്ജ് പോള്‍ ചെയര്‍മാനായും, അറക്കുളം ബ്ലോക്ക് പ്രോജക്ട് കോ ഓര്‍ഡിനേറ്റര്‍ മുരുകന്‍ വി അയത്തില്‍ കണ്‍വീനറായുമാണ് സ്വാഗതസംഘം രൂപീകരിച്ചിട്ടുളളത്. മാര്‍ച്ച് 5 മുതല്‍ 9 വരെ അഞ്ച് ദിവസങ്ങളിലായി വാഴത്തോപ്പ് ഗവ. എല്‍.പി സ്‌കൂളിലാണ് ക്യാമ്പ് നടക്കുന്നത്. എസ്.ടി വിഭാഗത്തിലെ 30 കുട്ടികളാണ് ക്യാമ്പില്‍ പങ്കെടുക്കുന്നത്. വാഴത്തോപ്പ് ഗവ.