തദ്ദേശ സ്ഥാപനങ്ങൾ നടപ്പാക്കുന്ന മൺപാത്ര കമ്പോസ്റ്റ് പദ്ധതിയിലേക്ക് ആവശ്യമായ മൺകല കമ്പോസ്റ്റ് പാത്രങ്ങൾ (മുച്ചട്ടി) വിതരണം ചെയ്യുന്നതിന് വ്യക്തികളിൽ നിന്നും സ്ഥാപനങ്ങളിൽ നിന്നും സംസ്ഥാന കളിമൺ പാത്ര നിർമ്മാണ വിപണന ക്ഷേമ വികസന കോർപ്പറേഷൻ താൽപ്പര്യപത്രം ക്ഷണിച്ചു.  

ജില്ലയില്‍ 2016 മുതല്‍ വ്യാവസായിക പരിശീലന വകുപ്പിന്റെ പൊതുമേഖലാ, പ്രൈവറ്റ് സ്ഥാപനങ്ങളില്‍ നിന്നും അപ്രന്റിസ് പരിശീലനം ലഭിച്ചിട്ടില്ലാത്ത ട്രെയിനികള്‍ക്ക് പുതിയ സൈറ്റില്‍ രജിസ്റ്റര്‍ ചെയ്ത് അപ്രന്റിസ് പരിശീലനം നേടാം. www.apprenticeshipindia.org ല്‍ രജിസ്റ്റര്‍ ചെയ്ത് ഇ-മെയില്‍, പാസ് വേര്‍ഡ് എന്നിവയുമായി നേരിട്ട് വ്യവസായ വകുപ്പിന്റെ ഓഫീസില്‍ ബന്ധപ്പെടാം. ഫോണ്‍- 0491 2815761.

കേരളത്തിലെ കരകൗശല വിദഗ്ധരെ ആദരിക്കുന്നതിന് സംസ്ഥാന സര്‍ക്കാര്‍ നടപ്പാക്കിയിട്ടുള്ള സംസ്ഥാന കരകൗശല അവാര്‍ഡിന് അപേക്ഷ ക്ഷണിച്ചു. കൂടുതല്‍ വിവരങ്ങള്‍ ജില്ലാ വ്യവസായ കേന്ദ്രം, താലൂക്ക് വ്യവസായ ഓഫീസുകളിലും 0491-2505385, 2505408 നമ്പറുകളില്‍ ലഭിക്കുമെന്ന് ജനറല്‍ മാനേജര്‍ അറിയിച്ചു.

ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുള്ള എംപ്ലോയബിലിറ്റി സെന്ററിന്റെ നേതൃത്വത്തില്‍ സ്വകാര്യ സ്ഥാപനങ്ങളിലെ ഒഴിവുകള്‍ നികത്തുന്നതിന് ഫെബ്രുവരി 27 ന് തൊഴില്‍ മേള സംഘടിപ്പിക്കും.

ജൂനിയര്‍ സെയില്‍സ് അസോസിയേറ്റ്‌സ്: എസ്.എസ്.എല്‍.സി/ പ്ലസ്.ടു/ ബിരുദം.
സെയില്‍സ് ആന്‍ഡ് സര്‍വീസ് എന്‍ജിനീയേഴ്‌സ്: ഐ.ടി സംബന്ധമായ കോഴ്‌സുകള്‍, ഹാര്‍ഡ്വെയര്‍/ സോഫ്റ്റ്വെയര്‍ കോഴ്‌സുകള്‍
നെറ്റ് വര്‍ക്ക് ടെക്‌നിക്കല്‍ എന്‍ജിനീയറിങ്: ബിരുദം, സി.സി.എന്‍.എ/ എം.സി.എസ്.എ/ നെറ്റ്വര്‍ക്കിംഗ്.

ഗവ. വിക്ടോറിയ കോളേജ് പ്രിന്‍സിപ്പാള്‍ ക്വാര്‍ട്ടേഴ്‌സ് പരിസരത്തെ നാല് പുളി, മാവ് മരങ്ങളുടെ ഫലങ്ങള്‍ ഫെബ്രുവരി 26 ന് ഉച്ചയ്ക്ക് രണ്ടിന് കോളേജ് പ്രിന്‍സിപ്പാള്‍ ഓഫീസില്‍ ലേലം ചെയ്യും. നിരതദ്രവ്യം 500 രൂപ. ഫോണ്‍: 0491 2576773.

ജില്ലാ ടൂറിസം പ്രൊമോഷന്‍ കൗണ്‍സില്‍ സംഘടിപ്പിക്കാനുദ്ദേശിക്കുന്ന പാലക്കാട് പൈതൃക വിര്‍ച്ച്വല്‍ മാരത്തോണ്‍ നടത്താന്‍ കഴിവുള്ള വ്യക്തികള്‍/ ഏജന്‍സികള്‍ എന്നിവരില്‍ നിന്നും താത്പര്യപത്രം ക്ഷണിച്ചു. താത്പര്യമുള്ളവര്‍ മാര്‍ച്ച് ഒന്നിന് വൈകിട്ട് നാലിനകം ജില്ലാ ടൂറിസം പ്രൊമോഷന്‍ കൗണ്‍സില്‍ ഓഫീസില്‍ താത്പര്യപത്രം സമര്‍പ്പിക്കണമെന്ന് സെക്രട്ടറി അറിയിച്ചു. ഫോണ്‍: 0491 2538996.

യൂത്ത് പ്രോഗ്രാം ജില്ലാ അഡൈ്വസറി കമ്മിറ്റി (ഡി.എ.സി.വൈ.പി) യുടെ യോഗം ഫെബ്രുവരി 25 ന് ഉച്ചയ്ക്ക് 12 ന് ജില്ലാ കലക്ടറുടെ ചേംബറില്‍ നടക്കുമെന്ന് നെഹ്റുയുവ കേന്ദ്ര ജില്ലാ കോഡിനേറ്റര്‍ അറിയിച്ചു.