വരുന്ന നിയമസഭാ തെരഞ്ഞെടുപ്പിൽ ജില്ലയിലെ മിക്ക നിയോജക മണ്ഡലങ്ങളിലും നിലവിലുള്ളതിന്റെ അമ്പതു ശതമാനത്തോളം ബൂത്തുകൾകൂടി വർധിക്കും. കോവിഡിന്റെ പശ്ചാത്തലത്തിൽ ഒരു ബൂത്തിൽ പരമാവധി 1,000 പേർക്കു മാത്രം വോട്ട് എന്ന തെരഞ്ഞെടുപ്പ് കമ്മിഷന്റെ നിബന്ധനയുടെ അടിസ്ഥാനത്തിലാണിത്. നിലവിൽ 2,736 പോളിങ് ബൂത്തുകളാണു ജില്ലയിലുള്ളത്. കോവിഡിന്റെ പശ്ചാത്തലത്തിൽ 14 മണ്ഡലങ്ങളിലുമായി 1,428 ബൂത്തുകൾകൂടി അധികമായി തുറക്കും.

** ഉത്പാദന, സേവന മേഖലകൾക്കു മുൻതൂക്കം

കോവിഡ് മഹാമാരി മൂലം തകർച്ച നേരിട്ട മേഖലകളെ പൂർവസ്ഥിതിയിലാക്കാൻ ഉതകുന്ന പദ്ധതികളുമായി ജില്ലാ പഞ്ചായത്തിന്റെ ബജറ്റ്. ഉത്പാദന, സേവന മേഖലകൾക്ക് ഊന്നൽ നൽകുന്ന ബജറ്റിൽ 716.36 കോടി രൂപയുടെ വരവും 699.13 കോടി ചെലവും 17.23 കോടി രൂപയുടെ മിച്ചവും പ്രതീക്ഷിക്കുന്നതായി ബജറ്റ് അവതരിപ്പിച്ച് വൈസ് പ്രസിഡന്റ് അഡ്വ. എ. ഷൈലജ ബീഗം പറഞ്ഞു.

കുടുംബശ്രീ മിഷന്‍ മുഖേന നടപ്പിലാക്കുന്ന സൗജന്യ നൈപുണ്യ  വികസന പദ്ധതികളായ ഡി.ഡി.യു.ജി.കെ.വൈ, യുവകേരളം എന്നീ പദ്ധതികളിലേക്ക് ഇപ്പോള്‍ അപേക്ഷിക്കാം. 18 വയസ്സിനും 35 വയസ്സിനും ഇടയില്‍ പ്രായപരിധിയിലുള്ള യൂവതിയുവാക്കള്‍ക്കാണ്  അര്‍ഹത.

സംസ്ഥാന സര്‍ക്കാരിന്റെ സ്വയംഭരണസ്ഥാപനമായ കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്മ്യൂണിക്കേഷന്‍ ന്യൂമീഡിയ & ഡിജിറ്റല്‍ ജേര്‍ണലിസം ഡിപ്ളോമ  കോഴ്സ്  (ഈവനിംഗ് ബാച്ച്) ആരംഭിക്കുന്നു.  തിയറിയും പ്രാക്ടിക്കലും ഉള്‍പ്പെടെ 6 മാസമാണ് കോഴ്സിന്റെ കാലാവധി.  കൊച്ചി, തിരുവനന്തപുരം കേന്ദ്രങ്ങളില്‍ ഓരോന്നിലും 25 പേര്‍ക്കാണ് പ്രവേശനം. സര്‍ക്കാര്‍ ഉദ്യോഗസ്ഥര്‍ക്കും പ്രൊഫഷണലുകള്‍ക്കും പ്രയോജനപ്രദമാകും വിധം വൈകിട്ട് 6.00 മുതല്‍ 8.00 വരെയാണ് ക്ലാസ്. കൊച്ചി, തിരുവനന്തപുരം സെന്ററുകളില്‍  നടത്തു സര്‍ക്കാര്‍ അംഗീകാരമുള്ള കോഴ്സിന് 35,000 രൂപയാണ് ഫീസ്.  ഡിഗ്രിയാണ് വിദ്യാഭ്യാസ യോഗ്യത.

കുടുംബശ്രീയുടെ കേരള ചിക്കൻ കമ്പനിയിൽ  ഫാം സൂപ്പർവൈസർ തസ്തികയിൽ നിയമനത്തിന് ഫെബ്രുവരി 26 രാവിലെ 11 ന് വാക്-ഇൻ-ഇൻ്റർവ്യൂ നടത്തും. ദിവസ വേതനാടിസ്ഥാനത്തിലാണ് നിയമനം. പൗൾട്രി പ്രൊഡക്ഷൻ ആൻ്റ് ബിസിനസ് മാനേജ്മെൻ്റിൽ ബിരുദം അല്ലെങ്കിൽ പൗൾട്രി പ്രൊഡക്ഷനിൽ ഡിപ്ലോമയും കമ്പ്യൂട്ടർ പരിജ്ഞാനവുമാണ് യോഗ്യത. ഇരുചക്ര വാഹന ലൈസൻസ് ഉണ്ടായിരിക്കണം. പ്രായ 30 കവിയരുത്.  ഫാം മാനേജ്മെൻറിൽ പ്രവൃത്തി പരിചയമുള്ളവർക്ക് മുൻഗണന. 

യോഗ്യരായവർ സർട്ടിഫിക്കറ്റുകൾ ബയോ ഡാറ്റ എന്നിവ സഹിതം കുടുംബശ്രീ ജില്ലാ മിഷൻ ഓഫീസിൽ നടക്കുന്ന വാക്-ഇൻ-ഇൻ്റർവ്യൂവിൽ പങ്കെടുക്കണം. ഫോൺ: 04812302049

======================

 ഏറ്റുമാനൂർ മുനിസിപ്പാലിറ്റി - 3,8,15,29,33 , കിടങ്ങൂർ - 2, 14, കുറവിലങ്ങാട് 6എന്നീ തദ്ദേശഭരണ സ്ഥാപന വാര്‍ഡുകള്‍ മൈക്രോ കണ്ടെയ്ന്‍മെന്റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ എം. അഞ്ജന ഉത്തരവായി.

ഏറ്റുമാനൂർ മുനിസിപ്പാലിറ്റി - 6, ചിറക്കടവ്-17, പായിപ്പാട് - 13 എന്നീ വാർഡുകൾ കണ്ടെയ്ൻമെൻ്റ് സോൺ പട്ടികയിൽ നിന്ന് ഒഴിവാക്കി.

നിലവില്‍ 45 തദ്ദേശഭരണ സ്ഥാപന മേഖലകളിലായി 179 കണ്ടെയ്ന്‍മെന്റ് സോണുകളും  17 തദ്ദേശ സ്ഥാപന മേഖലകളിലായി 36 മൈക്രോ കണ്ടെയ്ൻമെൻ്റ് സോണുകളുമാണുള്ളത്. പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

2019 ഡിസംബര്‍ 31 ലെ ആഗസ്റ്റില്‍ ഇടുക്കി ജില്ലയില്‍ പൊതുവിദ്യാഭ്യാസ വകുപ്പിലെ ഹൈസ്‌ക്കൂള്‍ ടീച്ചര്‍ (മലയാളം) ബൈ ട്രാന്‍സ്ഫര്‍ (കാറ്റഗറി നമ്പര്‍ 509/19) തസ്തികയ്ക്കായി പ്രസിദ്ധീകരിച്ച വിജ്ഞാപന പ്രകാരം  അപേക്ഷകള്‍  ലഭ്യമല്ലാത്തതിനാല്‍ തസ്തികയുടെ പ്രസ്തുത വിജ്ഞാപനപ്രകാരമുളള തെരഞ്ഞെടുപ്പ് നടപടികള്‍ റദ്ദാക്കിയതായി ജില്ലാ പി.എസ്.സി ഓഫീസര്‍ അറിയിച്ചു.  
 

കേരളാ ഷോപ്‌സ് ആന്‍ഡ് കൊമേര്‍ഷ്യല്‍ എസ്റ്റാബ്ലിഷ്‌മെന്റ് തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത സ്ഥാപനങ്ങളില്‍ നിന്നും പിരിഞ്ഞു പോയ വരെ ഒഴിവാക്കുന്നതിന് സര്‍ക്കാരില്‍ നിന്ന് അനുമതി ലഭിച്ചു. അംഗങ്ങളുടെ  ഫോറം-5 സമര്‍പ്പിച്ചിരുന്ന തീയതി വരെയുളള കാലയളവിലെ അംശാദായ കുടിശ്ശിക കണക്കാക്കി 50 ശതമാനം തൊഴിലുടമയില്‍ നിന്ന് ഈടാക്കും. പലിശയും പിഴ പലിശയും ഒഴിവാക്കിയാണ് പിരിഞ്ഞുപോയ തൊഴിലാളികളെ ഒഴിവാക്കുന്നത്. കൂടുതല്‍ വിവരങ്ങള്‍ക്ക്  ജില്ലാ ഓഫീസുകളുമായി ബന്ധപ്പെടണം.

ഇടുക്കി ജില്ലയില്‍ കഴിഞ്ഞ അഞ്ചു വര്‍ഷം സംസ്ഥാന സര്‍ക്കാര്‍ കാഴ്ചവച്ച വികസന മുന്നേറ്റത്തിന്റെ നേര്‍ക്കാഴ്ച ഒരുക്കി  ജില്ല ഇന്‍ഫര്‍മേഷന്‍ ഓഫീസ് സംഘടിപ്പിക്കുന്ന ഫോട്ടോ പ്രദര്‍ശനം  ഇടുക്കി @ ഹൈടെക് ജനശ്രദ്ധയാകര്‍ഷിക്കുന്നു. അടിമാലി വിശ്വദീപ്തി സ്‌കുളിലെ സാന്ത്വന സ്പര്‍ശം വേദിയില്‍ ഒരുക്കിയ ഫോട്ടോ പ്രദര്‍ശന സ്റ്റാള്‍ നിരവധി പേരാണ് സന്ദര്‍ശിച്ചത്.

ലൈഫ് മിഷനിലേക്ക് അപേക്ഷിക്കാന്‍ ഒരവസരംകൂടി അനുവദിച്ചു സര്‍ക്കാര്‍ ഉത്തരവായി. 2017 ല്‍ തയ്യാറാക്കിയ ലൈഫ് മിഷന്‍ പദ്ധതിക്കുവേണ്ടിയുള്ള ഗുണഭോക്തൃലിസ്റ്റില്‍ നിന്ന് ആനുകൂല്യം ലഭിക്കാത്തവര്‍ക്കും, പുതുതായി അര്‍ഹത നേടിയവര്‍ക്കും ലൈഫ് പദ്ധതിയിലേക്ക് അപേക്ഷിക്കാന്‍ 2020-ല്‍ അവസരം നല്‍കിയിരുന്നു. അത് പ്രകാരം 8,40,000 ഓളം അപേക്ഷകള്‍ ലഭിച്ചു.

എന്നാല്‍ സര്‍ക്കാര്‍ നടത്തി വരുന്ന സാന്ത്വന സ്പര്‍ശം അദാലത്തുകളില്‍ വീടിനും, സ്ഥലത്തിനുമായി ഒട്ടേറെ പുതിയ അപേക്ഷകള്‍ ലഭിക്കുന്ന സാഹചര്യത്തിലാണ് മുമ്പ് അപേക്ഷ സമര്‍പ്പിക്കാന്‍ കഴിയാതിരുന്ന ഭവനരഹിതര്‍ക്ക് ഒരവസരംകൂടി നല്‍കാന്‍ തീരുമാനിച്ചത്.