പ്രാദേശികമായ ആവശ്യങ്ങള്‍ പരിഗണിച്ചുള്ള വികസന പദ്ധതികള്‍ക്കും ഉത്പാദന, സേവന മേഖലകളില്‍ ആനുകാലിക ഇടപെടലുകളുമായി മലപ്പുറം ജില്ലാ പഞ്ചായത്ത് 2021-22 സാമ്പത്തിക വര്‍ഷത്തേക്കുള്ള ബജറ്റ് അവതരിപ്പിച്ചു. 181,35,17,366 രൂപ വരവും 180,03,40,000 രൂപ ചെലവും പ്രതീക്ഷിക്കുന്ന 1,31,77,366 രൂപയുടെ മിച്ച ബജറ്റാണ് ജില്ലാ പഞ്ചായത്ത് ഉപാധ്യക്ഷന്‍ ഇസ്മയില്‍ മൂത്തേടം അവതരിപ്പിച്ചത്. കോവിഡിന് ശേഷം ജില്ല അഭിമുഖീകരിക്കുന്ന പ്രധാന പ്രശ്നങ്ങള്‍ക്ക് പരമാവധി പരിഹാരം ഉറപ്പാക്കുന്നതിനുള്ള വിവിധ പദ്ധതികള്‍ ബജറ്റില്‍ ഇടം പിടിച്ചു.
 

വണ്ടൂര്‍ താലൂക്ക് ആശുപത്രി ലാബിലേക്ക് 2021 ഏപ്രില്‍ ഒന്ന് മുതല്‍ 2022 മാര്‍ച്ച് 31 വരെ ലാബ് റിയേജന്റുകള്‍ വിതരണം ചെയ്യുന്നതിന് തയ്യാറുള്ള സ്ഥാപനങ്ങളില്‍ നിന്ന് ദര്‍ഘാസ് ക്ഷണിച്ചു. ദര്‍ഘാസ് സ്വീകരിക്കുന്ന അവസാന തീയതി മാര്‍ച്ച് 11.

പട്ടികജാതിവികസന വകുപ്പും സി-ഡിറ്റും സംയുക്തമായി നടപ്പിലാക്കിവരുന്ന സൈബര്‍ശ്രീ പ്രൊജക്ടില്‍ 2021 വര്‍ഷത്തിലെ  പരിശീലനങ്ങള്‍ക്ക് പട്ടികജാതി വിഭാഗത്തിലെ ബി.ടെക്/ഡിഗ്രി ഉദ്യോഗാര്‍ഥികളില്‍ നിന്നും  അപേക്ഷ ക്ഷണിച്ചു. സോഫ്റ്റ്‌വെയര്‍ ടെസ്റ്റിങ്, ഐ.ടി ഓറിയന്റഡ് ബിസിനസ് മാനേജ്‌മെന്റ്, വിഷ്വല്‍ ഇഫക്ട് ആന്‍ഡ് ത്രിഡി അനിമേഷന്‍, ഐ.ടി ഓറിയന്റഡ് സോഫ്റ്റ് സ്‌കില്‍ എന്നിവയിലാണ് പരിശീലനം. പരിശീലനങ്ങളില്‍ പങ്കെടുക്കുന്നവര്‍ക്ക് 5,000 രൂപ പ്രതിമാസം സ്‌റ്റൈപ്പന്‍ഡ് ലഭിക്കും. കാലാവധി ആറ്  മാസം. വിശദ വിവരങ്ങളും അപേക്ഷ ഫോമും www.cybersri.orgല്‍ ലഭിക്കും.

കേരള കാര്‍ഷിക സര്‍വകലാശാലയുടെയും ഹരിത കേരളം മിഷന്റെയും നേതൃത്വത്തില്‍ സമഗ്ര കാര്‍ഷിക വികസന പരിപാടിക്ക് തുടക്കമായി. പുല്‍പറ്റ ഗ്രാമപഞ്ചായത്തിലെ കളത്തില്‍പടി മഠത്തില്‍ കോളനിയിലാണ് പദ്ധതി നടപ്പിലാക്കിയത്. കൃഷി, മാലിന്യം സംസ്‌കരണം, ജലസംരക്ഷണം തുടങ്ങിയ മേഖലകളിലായി ഹരിതകേരളം മിഷന്റെയും കാര്‍ഷിക സര്‍വകലാശാലയുടെയും നേതൃത്വത്തില്‍ വിവിധ പദ്ധതികളാണ് നടപ്പിലാക്കുന്നത്.
 

കേരള മദ്രസ അധ്യാപക ക്ഷേമനിധി അംഗങ്ങള്‍ക്ക് കേരള സംസ്ഥാന ന്യുനപക്ഷ ധനകാര്യ വികസന കോര്‍പ്പറേഷന്‍ മുഖേന നല്‍കുന്ന പലിശ രഹിത ഭവനവായ്പക്ക് അപേക്ഷ ക്ഷണിച്ചു. രണ്ടര ലക്ഷം രൂപയാണ്  വായ്പയായി അനുവദിക്കുക. ഏഴ് വര്‍ഷമാണ് തിരിച്ചടവ് കാലാവധി. ക്ഷേമനിധിയില്‍ രണ്ട് വര്‍ഷം പൂര്‍ത്തിയായ അംഗങ്ങള്‍ക്ക് അപേക്ഷിക്കാം. പ്രായം 30 -50 വയസിനുമിടയിലായിരിക്കണം. അപേക്ഷാഫോമും കൂടുതല്‍ വിവരങ്ങളും www.kmtboard.in ല്‍ ലഭിക്കും. പൂരിപ്പിച്ച അപേക്ഷകള്‍ കേരള മദ്രസ അധ്യപക ക്ഷേമനിധി ഓഫീസില്‍ മാര്‍ച്ച് 10ന് വൈകീട്ട് അഞ്ചിനകം സമര്‍പ്പിക്കണം. ഫോണ്‍: 0495 2966577.

ജില്ലാ പഞ്ചായത്ത് സുരക്ഷ പ്രൊജക്ടിന്റെ കമ്മ്യൂണിറ്റി ഈവന്റ് പ്രോഗ്രാം മലപ്പുറം ബാങ്ക് എംപ്ലോയീസ് സൊസൈറ്റി ഹാളില്‍ വിവിധ പരിപാടികളോടെ സംഘടിപ്പിച്ചു. ജില്ലാ പഞ്ചായത്ത് പ്രസിഡന്റ് എം.കെ. റഫീഖ ഉദ്ഘാടനം ചെയ്തു. ജില്ലാ എയ്ഡ്‌സ് കണ്‍ട്രോള്‍ ഓഫീസര്‍ ഡോ. അരുണ്‍ ജേക്കബ് അധ്യക്ഷനായി. ജില്ലാ ലീഗല്‍ സര്‍വീസസ് അതോറിറ്റി സെകട്ടറി/സബ് ജഡ്ജ് കെ. പ്രിയ മുഖ്യ പ്രഭാഷണം നടത്തി.
 

ആര്‍മി റിക്രൂട്ട്‌മെന്റ് റാലി മാര്‍ച്ച് ആറ് മുതല്‍ മാര്‍ച്ച് 12 വരെ തിരുവനന്തപുരത്ത് നടത്തുന്നു. കൂടുതല്‍ വിവരങ്ങള്‍ക്ക് ഫോണ്‍: 0495 2383953.

ഏറനാട് താലൂക്ക് ഇ-ഓഫീസ് പ്രഖ്യാപനം റവന്യൂ മന്ത്രി ഇ.ചന്ദ്രശേഖരന്‍ ഓണ്‍ലൈനിലൂടെ നിര്‍വഹിച്ചു. താലൂക്ക് പൂര്‍ണമായും ഡിജിറ്റല്‍ സംവിധാനത്തിലേക്ക് കടന്നതോടെ പൊതുജനങ്ങള്‍ക്ക് സേവനങ്ങള്‍ സുതാര്യവും സമയബന്ധിതവുമായി ലഭ്യമാവും. അഡ്വ.എം. ഉമ്മര്‍ എം.എല്‍.എ ചടങ്ങില്‍ അധ്യക്ഷനായി.

താനൂര്‍ തുറമുഖം പതിനായിരം പേര്‍ക്ക് നേരിട്ടും

ഒരു ലക്ഷമാളുകള്‍ക്ക് പരോക്ഷമായും തൊഴില്‍ നല്‍കും          
                                                             -മുഖ്യമന്ത്രി