ലൈഫ് മിഷന്‍, മറ്റ് ഭവനപദ്ധതികള്‍ പ്രകാരം നിര്‍മാണം പൂര്‍ത്തിയാക്കിയ ഭവനങ്ങള്‍ക്ക് ഇന്‍ഷൂറന്‍സ് പരിരക്ഷ ഉറപ്പ് വരുത്തുന്നതിന് സര്‍ക്കാര്‍ അനുമതി നല്‍കിയ സാഹചര്യത്തില്‍ ഫെബ്രുവരി 24 ന് ഉച്ചയ്ക്ക് 12 ന് സെക്രട്ടേറിയറ്റില്‍ സംസ്ഥാന തലത്തില്‍ ആദ്യ ഗുണഭോക്താവിനുള്ള പോളിസി സര്‍ട്ടിഫിക്കറ്റ് ധനകാര്യമന്ത്രി വിതരണം ചെയ്യും. പരിപാടിയില്‍ തദ്ദേശസ്വയംഭരണ മന്ത്രി അധ്യക്ഷനാവും. അന്നേദിവസം ജില്ലയിലെ എല്ലാ തദ്ദേശ സ്ഥാപനങ്ങളിലും ലൈഫ് ഗുണഭോക്തൃ സംഗമം നടത്തുമെന്ന് ലൈഫ് മിഷന്‍ ജില്ലാ കോഡിനേറ്റര്‍ അറിയിച്ചു.

വെളളമുണ്ട ഗവ.ഐ.ടി.ഐ ല്‍ പ്ലംബര്‍ ട്രേഡ് ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നതിനുള്ള കൂടിക്കാഴ്ച ഫെബ്രുവരി 25 ന് രാവിലെ 10 ന് നടക്കും. മെക്കാനിക്ക് സിവില്‍ എഞ്ചിനീയറിംഗ് ബ്രാഞ്ച് ഡിഗ്രി/ഡിപ്ലോമ ഒരു വര്‍ഷ പ്രവൃത്തി പരിചയവും അല്ലെങ്കില്‍ പ്ലംബര്‍ ട്രേഡില്‍ എന്‍.ടി.സി/എന്‍.എ.സി മൂന്ന് വര്‍ഷ പ്രവൃത്തി പരിചയമോ ഉളള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റും പകര്‍പ്പുമായി ഹാജരാകണം.

ശുചിത്വ, മാലിന്യ സംസ്‌കരണ പ്രവര്‍ത്തനങ്ങളെ സംബന്ധിച്ച്  പൊതുജനങ്ങളെ  ബോധവല്‍ക്കരിക്കുന്നതിനുളള ടീന്‍ ഫോര്‍ ഗ്രീന്‍ കാമ്പയിന് ജില്ലയില്‍ തുടക്കമായി. ജില്ലാതല ഉദ്ഘാടനം കണിയാമ്പറ്റ വിദ്യാപുരം റസിഡന്‍സ് അസോസിയേഷനില്‍ ജില്ലാ പഞ്ചായത്ത് പ്രസിഡന്റ് സംഷാദ് മരയ്ക്കാര്‍ നിര്‍വ്വഹിച്ചു. ഹരിതകേരളം മിഷന്‍, ശുചിത്വ മിഷന്‍ എന്നിവരുടെ നേതൃത്വത്തിലുളള പദ്ധതി എന്‍.എസ്.എസ് വളണ്ടിയര്‍ മാരുമായി സഹകരിച്ചാണ് നടപ്പാക്കുന്നത്.

 ശാന്തിഗ്രാം -ഇരട്ടയാര്‍ നോര്‍ത്ത് റോഡില്‍ ടാറിംഗ് പ്രവര്‍ത്തികള്‍ നടക്കുന്നതിനാല്‍ ഫെബ്രുവരി 25 വരെ ഈ റോഡിലൂടെയുളള ഗതാഗതം നിരോധിച്ചതായി കട്ടപ്പന പിഡബ്ല്യൂഡി റോഡ് സെക്ഷന്‍ അസി. എഞ്ചിനീയര്‍ അറിയിച്ചു.

    സംസ്ഥാന സര്‍ക്കാരിന്റ്റെ യും  അഡിഷണല്‍ സ്‌കില്‍ അക്ക്വിസിഷന്‍ പ്രോഗ്രാം  കേരള യുടെയും നേതൃത്വത്തില്‍   നഴ്സിംഗ് ബിരുദ ധാരികള്‍ക്കായി നടത്തുന്ന നഴ്സസ് ക്രാഷ്  ഫിനിഷിങ് കോഴ്സ് ലേക്ക് ഇപ്പോള്‍ അപേക്ഷിക്കാം. യോഗ്യത നഴ്സിംഗ് ബിരുദം.വിജയകരമായി കോഴ്സ് പൂര്‍ത്തിയാക്കുന്നവര്‍ക്ക് യുകെ യില്‍ തൊഴില്‍ നേടാനുള്ള അവസരീ  ഉണ്ടായിരിക്കും.പരിശീലന കാലാവധി 5  മുതല്‍ 10 മാസം വരെ.വിശദവിവരങ്ങള്‍ക്കും അഡ്മിഷനും  www.asapkerala.gov.in എന്ന  വെബ്സൈറ്റ് സന്ദര്‍ശിക്കുകയോ  9495999633,9495999719 എന്നീ നമ്പറുകളില്‍ ബന്ധപ്പെടുകയോ ചെയ്യുക

കേരള മദ്രസ അധ്യാപക ക്ഷേമനിധി അംഗങ്ങള്‍ക്ക് കേരള സംസ്ഥാന ന്യുനപക്ഷ ധനകാര്യ വികസന കോര്‍പ്പറേഷന്‍ മുഖേന നല്‍കുന്ന പലിശ രഹിത ഭവനവായ്പക്ക് അപേക്ഷ ക്ഷണിച്ചു. രണ്ടര ലക്ഷം രൂപയാണ്  വായ്പയായി അനുവദിക്കുക. 7 വര്‍ഷമാണ് തിരിച്ചടവ് കാലാവധി. ക്ഷേമനിധിയില്‍ 2 വര്‍ഷം പൂര്‍ത്തിയായ അംഗങ്ങള്‍ക്ക് അപേക്ഷിക്കാം. പ്രായം 30 നും 50 നും ഇടയിലായിരിക്കണം. അപേക്ഷാഫോറവും കൂടുതല്‍ വിവരങ്ങളും www.kmtboard.in എന്ന വെബ്സൈറ്റില്‍ ലഭ്യമാണ്. പൂരിപ്പിച്ച അപേക്ഷകള്‍ കേരള മദ്രസ അധ്യപക ക്ഷേമനിധി ഓഫീസില്‍ മാര്‍ച്ച് 10ന് വൈകിട്ട് 5 മണിക്കകം സമര്‍പ്പിക്കണം.  ഫോണ്‍ 0495 2966577

ഫെബ്രുവരി 27, 28 തീയതികളില്‍ തിരുവനന്തപുരത്ത് നടക്കുന്ന കെഎസ്ടിഎ     30-ാ മത് സംസ്ഥാന സമ്മേളനത്തിനോടനുബന്ധിച്ച് പൊതുവിദ്യാലയങ്ങളിലെ ഹയര്‍സെക്കണ്ടറിതലം വരെയുള്ള കുട്ടികള്‍ക്കായി ജില്ലാതലത്തില്‍ കലാമത്സരങ്ങള്‍ സംഘടിപ്പിച്ചു. മത്സരവിജയികള്‍ യഥാക്രമം ഒന്നും രണ്ടും സ്ഥാനം നേടിയവര്‍.