എറണാകുളം: സംസ്ഥാന സർക്കാരിൻെറ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മികവിന്റെ കേന്ദ്രം പദ്ധതിയിൽ ഉൾപ്പെടുത്തി അന്താരാഷ്ട്ര നിലവാരത്തിലേക്കുയർത്തിയ  തൃപ്പൂണിത്തുറ ഗവൺമെന്റ് ഗേൾസ് ഹയർ സെക്കന്ററി സ്കൂളിലെ പുതിയ  അക്കാഡമിക് ബ്ലോക്ക്, പ്രീ പ്രൈമറി കെട്ടിടം എന്നിവയുടെ ഉദ്ഘാടനം  മുഖ്യമന്ത്രി  പിണറായി വിജയൻ  ഓൺലൈനിൽ നിർവ്വഹിച്ചു .  വിദ്യാഭ്യാസ മന്ത്രി  സി. രവീന്ദ്രനാഥ് അധ്യക്ഷനായ യോഗത്തിൽ, ധനകാര്യ മന്ത്രി  തോമസ് ഐസക്, കൈറ്റ് എക്സിക്യൂട്ടീവ് ഡയറക്ടർ അൻവർ സാദത്ത് തുടങ്ങിയവർ പങ്കെടുത്തു.  

എറണാകുളം: കഴിഞ്ഞ വര്‍ഷത്തെ സംസ്ഥാന കായകല്‍പ്പ് അവാര്‍ഡ് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ പ്രഖ്യാപിച്ചു. മികച്ച സി.എച്ച്.സി.കള്‍ക്കുള്ള അവാര്‍ഡിന് എറണാകുളം മുളന്തുരുത്തി കമ്യൂണിറ്റി ഹെൽത്ത് സെൻ്റർ 90.2 ശതമാനം മാര്‍ക്കോടെ ഒന്നാം സ്ഥാനം നേടി. 

വികസന പ്രവർത്തനങ്ങളുമായി ബന്ധപെട്ടു വിവിധ വകുപ്പുകളുടെ ഏകോപന സമിതി യോഗം ചേർന്നു

ആലുവ. സംസ്ഥാനത്തെ അലൂമിനിയം & ടിൻ പ്രോഡക്ടസ്  മേഖലയിലെ തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുള്ള മിനിമം വേതന ഉപദേശക സമിതിയുടെ തെളിവെടുപ്പ് ഫെബ്രുവരി  11 ന് രാവിലെ 11ന് എറണാകുളം ഗവൺമെൻ്റ് ഗസ്റ്റ് ഹൗസിലെ ബാങ്ക്യറ്റ് ഹാളിൽ  നടക്കും. യോഗത്തിൽ ജില്ലയിലെ ഈ മേഖലയിൽ പ്രവർത്തിച്ച് വരുന്ന തൊഴിലാളി / തൊഴിലാളി പ്രതിനിധികൾ പങ്കെടുക്കണമെന്ന് ജില്ലാ ലേബർ ഓഫീസർ വി.ബി.ബിജു അറിയിച്ചു.

വയനാടിന്റെ ജനപീതി നേടിയ ജില്ലാ കളക്ടര്‍ വിശ്വാസ്മേത്ത ചീഫ് സെക്രട്ടറിയുടെ ഔദ്യോഗികമായ തിരക്കുകള്‍ക്കിടയിലും പിന്നിട്ട വഴികളിലൂടെ ഈ നാടിനെ കാണാനെത്തി. ജില്ലയുടെ എല്ലാ കോണുകളിലും തുടങ്ങിവെച്ച ഒട്ടേറെ സംരംഭങ്ങളെയും  ജനങ്ങളെയും ആദിവാസി വിഭാഗങ്ങളെയെല്ലാം നേരിട്ട് കണ്ടും കുശലാന്വേഷണം നടത്തിയുമായിരുന്നു യാത്ര. കനത്ത മഴയും തണുപ്പുമെല്ലാമുള്ള ഈ നാടിന്റെ പഴയകാലത്തെയെല്ലാം ഇന്നലെത്തെ പോലെ ചീഫ് സെക്രട്ടറി വിശ്വാസ് മേത്ത വിവരിച്ചു. ഒരു കാലത്ത് നടമാടിയിരുന്ന അടിമവേലയില്‍ നിന്നും ആദിവാസികളെ പുനരധിവസിപ്പിച്ച പഞ്ചാരക്കൊല്ലിയിലെ  പ്രീയദര്‍ശിനി എസ്റ്റേറ്റ് ടീ കൗണ്ടിയിലായിരുന്നു ആദ്യമെത്തിയത്.

കാര്‍ഷിക വികസന കര്‍ഷക ക്ഷേമ വകുപ്പിന്റെ ആഭിമുഖ്യത്തില്‍ സംഘടിപ്പിക്കുന്ന കര്‍ഷക സംഗമവും അവാര്‍ഡ് ദാന ചടങ്ങും ഇന്ന് (വെള്ളി)  മുട്ടില്‍ ഗ്രാമ പഞ്ചായത്ത് ഹാളില്‍ നടക്കും. രാവിലെ 10.30 ന് സി. കെ ശശീന്ദ്രന്‍ എം.എല്‍.എ സംഗമം ഉദ്ഘാടനം ചെയ്യും. ജില്ലയില്‍ നിന്നുള്ള സംസ്ഥാന കര്‍ഷക അവാര്‍ഡ് ജേതാക്കളെയും ജില്ലയിലെ മികച്ച കര്‍ഷക പ്രതിഭകളെയും ആദരിക്കും.