ജനങ്ങളുടെ പ്രശ്നങ്ങള്‍ക്കും പരാതികള്‍ക്കും പെട്ടന്ന് പരിഹാരം കാണുന്നതിന് മന്ത്രിമാരുടെ നേതൃത്വത്തില്‍ നടക്കുന്ന 'സാന്ത്വന സ്പര്‍ശം' പൊതുജന പരാതി പരിഹാര അദാലത്ത് ജില്ലയില്‍ രണ്ടിടത്ത് നടക്കും. ഫെബ്രുവരി 15, 16 തീയതികളില്‍ നടക്കുന്ന അദാലത്തിന് .രണ്ട് ബ്ലോക്കുകള്‍ക്ക് ഒരു വേദി എന്ന വിധത്തിലാണ് ക്രമീകരണം ഒരുക്കിയി ട്ടുളളത്. മാനന്തവാടി, പനമരം ബ്ലോക്കുകളുടെ അദാലത്ത് 15 ന് പനമരം സെന്റ് ജൂഡ് ചര്‍ച്ച് പാരിഷ് ഹാളിലും കല്‍പ്പറ്റ, സുല്‍ത്താന്‍ ബത്തേരി ബ്ലോക്കുകളുടേത്  16 ന് കല്‍പ്പറ്റ എസ്.കെ.എം.ജെ ഹൈസ്‌ക്കൂള്‍ ജൂബിലി ഹാളിലുമാണ്് നടക്കുക. മന്ത്രിമാരായ എ.കെ ബാലന്‍, ഇ.

സംസ്ഥാന സാക്ഷരതാ മിഷന്‍ അതോറിറ്റി വയനാട് ജില്ലയില്‍ നടപ്പിലാക്കുന്ന വയനാട് സമ്പൂര്‍ണ്ണ ആദിവാസി സാക്ഷരതാ പദ്ധതിയുടെ ഇന്‍സ്ട്രക്ടര്‍ പരിശീലനം ഫെബ്രുവരി 9 മുതല്‍ 15 വരെ ജില്ലയിലെ വിവിധ തദ്ദേശ സ്വയം ഭരണ സ്ഥാപനങ്ങളില്‍ നടക്കുമെന്ന് സാക്ഷരതാ മിഷന്‍ ജില്ലാ കോ-ഓര്‍ഡിനേറ്റര്‍ അറിയിച്ചു.

വൈത്തിരി താലൂക്ക്തല പരാതി പരിഹാര അദാലത്തില്‍ 11 പരാതികള്‍ തീര്‍പ്പാക്കി. ജില്ലാ കളക്ടര്‍ ഡോ. അദീല അബ്ദുള്ളയുടെ നേതൃത്വത്തില്‍ വീഡിയോ കോണ്‍ഫറന്‍സ് വഴിയാണ് അദാലത്ത് നടന്നത്. അപേക്ഷകര്‍ അക്ഷയ കേന്ദ്രങ്ങളിലെത്തി ഓണ്‍ലൈനായി  ജില്ലാ കളക്ടറെ പരാതികള്‍ അറിയിച്ചു.  14 പരാതികളാണ്  അദാലത്തില്‍ പരിഗണിച്ചത്. മൂന്ന് എണ്ണം വിശദ റിപ്പോര്‍ട്ട് ലഭിക്കുന്നതിനായി ബന്ധപ്പെട്ട വകുപ്പുകള്‍ക്ക് കൈമാറി.പ്രളയ ധനസഹായം, ലൈഫ് ഭവന പദ്ധതി, ഭൂ നികുതി എന്നീ വിഭാഗങ്ങളിലാണ് പരാതികള്‍ ലഭിച്ചത്. കളക്ട്രേറ്റില്‍ നടന്ന ഓണ്‍ലൈന്‍ അദാലത്തില്‍ ബന്ധപ്പെട്ട ഉദ്യോഗസ്ഥരും പങ്കെടുത്തു.

മീനങ്ങാടി സബ്‌സ്റ്റേഷന്‍ മുതല്‍ കനാല്‍ റോഡ് വഴി പി.ബി.എം ഹോസ്പിറ്റല്‍ വരെ പുതുതായി നിര്‍മ്മിച്ച 33 കെ.വി ലൈനിലൂടെ ഇന്ന് (ഞായര്‍ ) രാവിലെ 10 മുതല്‍ ഏത് സമയത്തും വൈദ്യുതി പ്രവഹിക്കുമെന്ന് അസിസ്റ്റന്റ് എഞ്ചിനിയര്‍ അറിയിച്ചു. പൊതുജനങ്ങള്‍ പോസ്റ്റുമായോ ലൈനുമായോ സമ്പര്‍ക്കത്തില്‍ ഏപ്പെടാതിരിക്കാന്‍ ശ്രദ്ധിക്കണം. പോസ്റ്റിലോ ലൈനിലോ എന്തെങ്കിലും അസ്വാഭാവികത ശ്രദ്ധയില്‍പ്പെട്ടാല്‍ ഫോണ്‍ നമ്പറില്‍ അറിയിക്കണം ഫോണ്‍ 9496011027

സുല്‍ത്താന്‍ ബത്തേരി പട്ടികവര്‍ഗ വികസന ഓഫീസിന്റെ പ്രവര്‍ത്തന പരിധിയിലുള്ള പൂതാടി, പുല്‍പ്പള്ളി ഗ്രാമപഞ്ചായത്തുകളില്‍ എസ്.ടി  പ്രമോട്ടര്‍മാരെ നിയമിക്കുന്നതിന് ഫെബ്രുവരി 8 ന് നടത്താനിരുന്ന  ഇന്റര്‍വ്യൂ മാറ്റിവെച്ചു.പുതുക്കിയ തീയതി പിന്നീട് അറിയിക്കും. ഫോണ്‍: 04936 221074

പുല്‍വാമ ഭീകരാക്രമണത്തില്‍ വീരമൃത്യു വരിച്ച ഹവില്‍ദാര്‍ വി.വി വസന്തകുമാറിന്റെ കുടുംബത്തിന് സഹകരണ വകുപ്പ് നിര്‍മ്മിച്ച് നല്‍കുന്ന വീടിന്റെ താക്കോല്‍ദാന ചടങ്ങ് സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ ഓണ്‍ലൈനായി ഉദ്ഘാടനം ചെയ്യും. ഫെബ്രുവരി 10 ന് രാവിലെ 9 ന് പുത്തൂര്‍ വയലില്‍ നടക്കുന്ന ചടങ്ങില്‍ സി.കെ ശശീന്ദ്രന്‍ എം.എല്‍.എ വസന്ത കുമാറിന്റെ ഭാര്യ ഷീനയ്ക്ക് വീടിന്റെ താക്കോല്‍ കൈമാറും. സഹകരണ സംഘം രജിസ്ട്രാര്‍ ജെറോമിക് ജോര്‍ജ്ജ്, ജില്ലാ കളക്ടര്‍ ഡോ.അദീല അബ്ദുളള, ജോയിന്റ് രജിസ്ട്രാര്‍ എം.എം ഖദീജ തുടങ്ങിയവര്‍ പങ്കെടുക്കും.

ചുള്ളിയോട് പ്രവര്‍ത്തിച്ചു വരുന്ന നെന്‍മേനി ഗവ.വനിത ഐ.ടി.ഐയില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ നടത്തുന്നു. താല്‍പ്പര്യമുള്ളവര്‍ ടി.സിയും ഫീസും (1950 രൂപ) സര്‍ട്ടിഫിക്കറ്റുകളും സഹിതം ഫെബ്രുവരി 12 ന് മുന്‍പ് ഐ.ടി.ഐയില്‍ ഹാജരാകണം. ഫോണ്‍ 04936 266700

ജില്ലാ പഞ്ചായത്ത് എക്‌സിക്യൂട്ടീവ്  എഞ്ചിനീയറുടെ കാര്യാലയത്തില്‍ ഓവര്‍സിയര്‍  ഗ്രേഡ് 2 തസ്തികയിലേക്ക്  ഫെബ്രുവരി 8 ന് നടക്കാനിരുന്ന കൂടിക്കാഴ്ച 10 ലേക്ക് മാറ്റിയതായി എക്‌സിക്യൂട്ടീവ്  എഞ്ചിനീയര്‍ അറിയിച്ചു.

സ്‌കോള്‍ കേരള മുഖേന 2020-21 ബാച്ചിലേക്കുള്ള ഒന്നാം വര്‍ഷ ഹയര്‍ സെക്കന്‍ഡറി കോഴ്‌സുകള്‍ക്ക് നിശ്ചിത സമയത്തിനകം രജിസ്റ്റര്‍ ചെയ്യാന്‍ സാധിക്കാത്തവര്‍ക്ക് സ്‌കോള്‍ കേരളയുടെ മീനങ്ങാടി ഹയര്‍ സെക്കണ്ടറി സ്‌കൂളില്‍ പ്രവര്‍ത്തിക്കുന്ന ജില്ലാ ഓഫീസുകള്‍ വഴി ഫെബ്രുവരി 8 മുതല്‍ 15 വരെ അപേക്ഷിക്കാം. പ്രവേശനം നേടാന്‍ ആഗ്രഹിക്കുന്നവര്‍ എല്ലാ രേഖകളും സഹിതം ജില്ലാ ഓഫീസില്‍ സമീപിക്കണം. ഫോണ്‍.04936 248722, 9847764735