പത്തിരിപ്പാല സര്‍ക്കാര്‍ ആര്‍ട്‌സ് ആന്റ് സയന്‍സ് കോളേജില്‍ പുതിയതായി ആരംഭിച്ച എം.കോം വിത്ത് ടാക്‌സേഷന്‍ കോഴ്‌സിലേക്ക് അപേക്ഷിക്കാം. താത്പ്പര്യമുള്ളവര്‍ ഇന്ന് (ഫെബ്രുവരി ആറ്) ഉച്ചക്ക് ഒന്നിന് മുന്‍പായി കോളേജില്‍ അപേക്ഷ സമര്‍പ്പിക്കണമെന്ന് പ്രിന്‍സിപ്പാള്‍-ഇന്‍-ചാര്‍ജ്ജ് അറിയിച്ചു. ഫോണ്‍: 9846262610, 0491 2873999.

വിദ്യാര്‍ഥികളുടെ യാത്രാ കണ്‍സഷന്‍ കാര്‍ഡുകളുടെ വിതരണം, യാത്ര ബുദ്ധിമുട്ടുകള്‍ എന്നിവ ചര്‍ച്ച ചെയ്യുന്നതിന് പാലക്കാട് സ്റ്റുഡന്‍സ് ട്രാവല്‍ ഫെസിലിറ്റി കമ്മിറ്റി ഇന്ന് (ഫെബ്രുവരി ആറ്) ഉച്ചയ്ക്ക് മൂന്നിന് ജില്ലാ കലക്ടറുടെ ചേംബറില്‍ യോഗം ചേരും.

തോലനൂര്‍ സര്‍ക്കാര്‍ ആര്‍ട്‌സ് ആന്‍ഡ് സയന്‍സ് കോളേജില്‍ പുതിയതായി അനുവദിച്ച എം.എസ്.സി ജ്യോഗ്രഫി കോഴ്‌സിലേക്ക് അപേക്ഷിക്കാം. അര്‍ഹരായവര്‍ ഫെബ്രുവരി എട്ടിന് ഉച്ചക്ക് മുന്‍പായി കോളേജില്‍ അപേക്ഷ സമര്‍പ്പിക്കണമെന്ന് പ്രിന്‍സിപ്പാള്‍- ഇന്‍-ചാര്‍ജ്ജ് അറിയിച്ചു. ഫോണ്‍: 9895942511, 9400732854.

കേരള  ബില്‍ഡിംഗ് ആന്റ് അദര്‍ കണ്‍സ്ട്രക്ഷന്‍ വര്‍ക്കേഴ്‌സ് വെല്‍ഫെയര്‍ ബോര്‍ഡ്  അംഗതൊഴിലാളികളില്‍ അംശാദായ അടവ് മുടക്കം വന്ന് അംഗത്വം നഷ്ടപ്പെട്ടവര്‍ക്ക് കോവിഡ്-19 മൂലം പ്രഖ്യാപിച്ച പ്രത്യേക ഇളവ് അവസാനിച്ചതായി ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. അംഗത്വ പുന:സ്ഥാപനം നടത്തുന്നതിന് ഇനി മുതല്‍ തൊഴിലാളി ഓഫീസില്‍ നേരിട്ടെത്തി അപേക്ഷ സമര്‍പ്പിക്കണം.

ജില്ലയില്‍ സാങ്കേതിക വിദ്യാഭ്യാസ വകുപ്പില്‍ ട്രേഡ്സ്മാന്‍ (ഇലക്ട്രോപ്ലേറ്റിംഗ്) (കാറ്റഗറി നം.554/ 2013) തസ്തികയ്ക്കായി 534/ 17/DOP നമ്പരായി 2017 മെയ് 31 ന് നിലവില്‍ വന്ന റാങ്ക് പട്ടികയുടെ കാലാവധി 2020 ജൂണ്‍ 20 മുതല്‍ പ്രാബല്യത്തിലില്ലാതായതായി പി.എസ്.സി ജില്ലാ ഓഫീസര്‍ അറിയിച്ചു.

കുട്ടികള്‍ക്ക് കുടുംബങ്ങളില്‍ നിന്നും പീഡനം അനുഭവപ്പെടാറുണ്ടെന്നും കോവിഡ് കാലത്ത് ഇത്തരം പീഡനങ്ങള്‍ അധികരിച്ചിട്ടുണ്ടെന്നും പ്രമുഖ സാമൂഹ്യ പ്രവര്‍ത്തക പത്മശ്രീ ഡോ. സുനിത കൃഷ്ണന്‍ അഭിപ്രായപ്പെട്ടു. കുറ്റകൃത്യങ്ങള്‍ക്ക്  ഇരകളാകുന്നവരുടെ  ക്ഷേമത്തിനായി  പ്രവര്‍ത്തിക്കുന്ന വിശ്വാസിന്റെയും പാലക്കാട് നഗരസഭ നോര്‍ത്ത്, സൗത്ത് സി. ഡി. എസുകളുടെയും സംയുക്താഭിമുഖ്യത്തില്‍ കുടുംബശ്രീ പ്രവര്‍ത്തകര്‍ക്കായി സംഘടിപ്പിച്ച സ്ത്രീസുരക്ഷാ നിയമങ്ങളെ കുറിച്ചുള്ള ബോധവത്കരണ പരിപാടി സ്ത്രീ ശക്തി ഉദ്ഘാടനം നിര്‍വഹിച്ച് സംസാരിക്കുകയായിരുന്നു അവര്‍.