വെര്‍ച്വല്‍ കയര്‍ കേരളയുടെ മുന്നോടിയായി കയര്‍ വികസന വകുപ്പിന്റെ ആഭിമുഖ്യത്തില്‍ നടത്തുന്ന ജില്ലാതല കയര്‍ ഭൂവസ്ത്ര സെമിനാര്‍ ഇന്ന് (വെള്ളി) രാവിലെ 10.30 ന് സുല്‍ത്താന്‍ ബത്തേരി ശ്രേയസ് ഓഡിറ്റോറിയത്തില്‍ ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്യും.സുല്‍ത്താന്‍ ബത്തേരി ബ്ലോക്ക് പഞ്ചായത്ത് പ്രസിഡന്റ് സി. അസൈനാര്‍ അദ്ധ്യക്ഷത വഹിക്കും. ചടങ്ങില്‍ ജില്ലാ പഞ്ചായത്ത് പ്രസിഡന്റ് സംഷാദ്  മരക്കാര്‍ മുഖ്യ പ്രഭാക്ഷണവും അവാര്‍ഡ് ദാനവും നടത്തും.

. 354 പേര്‍ക്ക് രോഗമുക്തി

. 160 പേര്‍ക്ക് സമ്പര്‍ക്കത്തിലൂടെ രോഗബാധ

സംസ്ഥാന  കാര്‍ഷിക വികസന കര്‍ഷക ക്ഷേമ വകുപ്പിന്റെ ആഭിമുഖ്യത്തില്‍ ജില്ലാതല കര്‍ഷക അവാര്‍ഡ് വിതരണവും സംസ്ഥാനതല ജേതാക്കള്‍ക്കുള്ള  അനുമോദനവും ജൈവ പഞ്ചായത്ത് പ്രഖ്യാപനവും  നടത്തി.  മുട്ടില്‍ ഗ്രാമ പഞ്ചായത്ത് ഹാളില്‍ സംഘടിപ്പിച്ച പരിപാടി സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. മുട്ടില്‍ ഗ്രാമ പഞ്ചായത്ത് പ്രസിഡന്റ് നസീമ മാങ്ങാട് അദ്ധ്യക്ഷത വഹിച്ചു.

ആരോഗ്യകേരളം വയനാടിന്റെ 2020-2021 സാമ്പത്തിക വര്‍ഷത്തെ കണ്‍കറന്റ് ഓഡിറ്റ് നടത്തുന്നതിന് അംഗീകൃത ചാര്‍ട്ടേഡ് അക്കൗണ്ടന്റുമാരില്‍ നിന്ന് താല്‍പര്യപത്രം ക്ഷണിച്ചു. സമര്‍പ്പിക്കേണ്ട അവസാന തിയ്യതി ഫെബ്രുവരി 12 ന് ഉച്ചകഴിഞ്ഞ് മൂന്നുമണി. കൂടുതല്‍ വിവരങ്ങള്‍ക്ക് 04936 202771 എന്ന നമ്പറില്‍ ബന്ധപ്പെടാം.

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വിവിധ ഫണ്ടുകള്‍ ഉപയോഗിച്ച് നിര്‍മ്മാണം പൂര്‍ത്തിയാക്കിയ ജില്ലയിലെ അഞ്ച് സ്‌കൂള്‍ കെട്ടിടങ്ങളുടെ ഉദ്ഘാടനം ഇന്ന് (ശനിയാഴ്ച)  മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മാനന്തവാടി ജി.വി.എച്ച്.എസ്.എസ്, കാട്ടിക്കുളം ജി.എച്ച്.എസ്.എസ്, ബാവലി ജി.യു.പി.എസ്., വൈത്തിരി ജി. എച്ച്.എസ്.എസ്., അമ്പലവയല്‍ ജിഎല്‍.പി.എസ്. എന്നീ സ്‌കൂളുകള്‍ക്കായി നിര്‍മ്മിച്ച പുതിയ കെട്ടിടങ്ങളാണ് നാടിന് സമര്‍പ്പിക്കുന്നത്. രാവിലെ 10 ന് നടക്കുന്ന ഓണ്‍ലൈന്‍ ഉദ്ഘാടന ചടങ്ങില്‍ പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് അദ്ധ്യക്ഷത വഹിക്കും. ധനമന്ത്രി ഡോ. ടി.എം.

വൈത്തിരി താലൂക്കിലെ വെങ്ങപ്പള്ളി പഞ്ചായത്തില്‍ തെക്കുംതറയില്‍ പ്രവര്‍ത്തിക്കുന്ന എ.ആര്‍.ഡി നമ്പര്‍ 88 ല്‍ താലൂക്ക് സപ്ലൈ ഓഫീസറുടെ നേതൃത്വത്തില്‍ നടത്തിയ പരിശോധനയില്‍ കണ്ടെത്തിയ ഗുരുതര ക്രമക്കേടുകളെ തുടര്‍ന്ന് റേഷന്‍കടയുടെ അംഗീകാരം താല്‍ക്കാലികമായി സസ്പെന്റ്  ചെയ്തതായി താലൂക്ക് സപ്ലൈ ഓഫീസര്‍ അറിയിച്ചു. പ്രസ്തുത കട തൊട്ടടുത്തുള്ള എ.ആര്‍.ഡി നമ്പര്‍ 59 മായി അറ്റാച്ച് ചെയ്ത് നടത്തുന്നതാണെന്നും എ.ആര്‍.ഡി നമ്പര്‍ 88 ല്‍ ഉള്‍പ്പെട്ടിട്ടുള്ള റേഷന്‍ കാര്‍ഡ് ഉടമകള്‍ക്ക് ഇതേകടയില്‍ നിന്ന് റേഷന്‍ സാധനങ്ങള്‍ വിതരണം ചെയ്യുമെന്ന് സപ്ലൈ ഓഫീസര്‍ അറിയിച്ചു.