എംപ്ലോയ്മെന്റ്  എക്സ്ചേഞ്ചുകളുടെ സേവനം കൂടുതല്‍ മേഖലകളിലേക്ക് വ്യാപിപ്പിക്കാന്‍ നടപടി സ്വീകരിക്കുമെന്ന് തൊഴില്‍ നൈപുണ്യ ്വകുപ്പ് മന്ത്രി  ടി പി രാമകൃഷണന്‍ പറഞ്ഞു.

 കട്ടപ്പനയില്‍ ഇടുക്കി ജില്ലാ എംപ്ലോയ്മെന്റ് എക്സ്ചേഞ്ച് കെട്ടിടത്തിന്റെയും എംപ്ലോയബിലിറ്റി സെന്ററിന്റെയും നിര്‍മാണ ഉദ്ഘാടനം ഓണ്‍ലൈനില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം .കട്ടപ്പന മുനിസിപ്പാലിറ്റി സൗജന്യമായി വിട്ടു നല്‍കിയ സ്ഥലത്താണ് എംപ്ലോയബിലിറ്റി സെന്ററും എക്സേഞ്ച് കെട്ടിടവും നിര്‍മ്മിക്കുന്നത്.

കേന്ദ്ര സര്‍ക്കാര്‍ കൊണ്ടുവന്നിട്ടുള്ള കാര്‍ഷിക നിയമങ്ങള്‍ കാര്‍ഷികമേഖലയെ ദോഷകരമായി ബാധിക്കുമെന്ന് കൃഷിവകുപ്പ് മന്ത്രി വി എസ് സുനില്‍കുമാര്‍ പറഞ്ഞു.മൂന്നാറില്‍ ജില്ലാ കര്‍ഷക അവാര്‍ഡ് ദാനം നിര്‍വ്വഹിച്ച് സംസാരിക്കുകയായിരുന്നു മന്ത്രി.മൂന്ന് കരിനിയമങ്ങള്‍ കേന്ദ്രസര്‍ക്കാര്‍ കൊണ്ടു വന്നിട്ടുണ്ട്.ഇത് കര്‍ഷകരേയും കാര്‍ഷികമേഖലയേയും പ്രതികൂലമായി ബാധിക്കും.കഴിഞ്ഞ കേന്ദ്ര ബജറ്റില്‍ പോലും റബ്ബര്‍ കര്‍ഷകര്‍ക്കായി സര്‍ക്കാര്‍ ആശ്വാസകരമായി ഒന്നും പ്രഖ്യാപിച്ചില്ല.

കഴിഞ്ഞ അഞ്ച് വര്‍ഷം സംസ്ഥാനത്ത് പച്ചക്കറി ഉത്പാദനത്തില്‍ വലിയ വര്‍ധനവുണ്ടായതായി കൃഷിവകുപ്പ് മന്ത്രി വി എസ് സുനില്‍കുമാര്‍.വട്ടവടയില്‍  സവാളയുടെയും സ്ട്രോബറിയുടെയും വിളവെടുപ്പ് ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു മന്ത്രി. അഞ്ച് വര്‍ഷം മുമ്പ് നാല്‍പ്പത്താറായിരം ഹെക്ടര്‍ പ്രദേശത്തായിരുന്നു കൃഷി ഉത്പാദിപ്പിച്ചിരുന്നത്.നിലവില്‍ തൊണ്ണൂറ്റി ഏഴായിരം ഹെക്ടര്‍ മേഖലയായി അത് വര്‍ധിപ്പിക്കാന്‍ കഴിഞ്ഞു.

കയ്യൂര്‍ ചീമേനി ഗ്രാമ പഞ്ചായത്തില്‍ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഒരു ഓവര്‍സീയറുടെയും  അക്കൗണ്ടന്റ് കം ഡാറ്റാ എന്‍ട്രി ഓപ്പറേറ്ററുടെയും ഒഴിവുണ്ട്.  കൂടിക്കാഴ്ച ഫെബ്രുവരി 18 ന്  രാവിലെ 10 ന് പഞ്ചായത്ത് ഓഫീസില്‍ നടക്കും. സിവില്‍  എഞ്ചിനീയറിങ്ങില്‍ ബിടെക് അല്ലെങ്കില്‍  സിവില്‍ എഞ്ചിനീയറിങ്  വര്‍ഷ ഡിപ്ലോമയോ ഉള്ളവര്‍ക്ക് ഓവര്‍സീയര്‍ തസ്തികയിലേക്കും  ബികോമും  പിജിഡിസിഎയും പ്രവര്‍ത്തി പരിചയവുമുള്ളവര്‍ക്ക് അക്കൗണ്ടന്റ് കം ഡാറ്റാ എന്‍ട്രി ഓപ്പറേറ്റര്‍ തസ്തികയിലേക്കും അപേക്ഷിക്കാം

ദേലംപാടി പഞ്ചായത്തിലെ അഡൂര്‍ പ്രാഥമികാരോഗ്യകേന്ദ്രത്തില്‍ ഒരു ഡോക്ടറുടെ ഒഴിവുണ്ട്. അഭിമുഖം ഫെബ്രുവരി 11 ന് രാവിലെ 10 ന് കാഞ്ഞങ്ങാട് ചെമ്മട്ടംവയലിലെ ജില്ലാ മെഡിക്കല്‍ ഓഫീസറുടെ കാര്യാലയത്തില്‍ നടക്കും. ഫോണ്‍: 04994 271266

ജില്ലയിലെ കാര്‍ഷിക മേഖലയിലെ വിവിധ ആവശങ്ങള്‍ക്കുളള മണ്ണെണ്ണ പെര്‍മിറ്റുകള്‍ 2021 വര്‍ഷത്തേക്ക് പുതുക്കി നല്‍കാനുളള അപേക്ഷകള്‍ ഫെബ്രുവരി ആറ് മുതല്‍ 13 വരെ അതതു കൃഷിഭവനുകളില്‍ സ്വീകരിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.

 ജില്ലാ എംപ്ലോയ്മെന്റ് എക്‌സ്‌ചേഞ്ചിന്റെ  എംപ്ലോയബിലിറ്റി സെന്ററിന്റെ നേതൃത്വത്തില്‍ സ്വകാര്യ മേഖലയില്‍ തൊഴില്‍ നേടാന്‍ അവസരമൊരുക്കി  ഹോസ്ദുര്‍ഗ് ടൗണ്‍ എംപ്ലോയ്മെന്റ് എക്‌സ്‌ചേഞ്ചില്‍  ഫെബ്രുവരി ഒമ്പതിന്  രാവിലെ 10 മുതല്‍ ഉച്ചയ്ക്ക് ഒരു മണി വരെ രജിസ്‌ട്രേഷന്‍ ക്യാമ്പയിന്‍  നടക്കും.  18 നും 35 നുമിടയില്‍ പ്രായമുള്ള പത്താംതരത്തില്‍ കുറയാത്ത യോഗ്യതയുള്ളവര്‍ക്ക് ക്യാമ്പില്‍ പങ്കെടുക്കാം. ഫോണ്‍: 04994297470, 9207155700

വെസ്റ്റ് എളേരി ഗവ. ഐടിഐ (വനിത)  പ്രവേശനത്തിനുള്ള തീയ്യതി ഫെബ്രുവരി 15  വരെ നീട്ടി.  ഡ്രാഫ്റ്റ്‌സ്മാന്‍ സിവില്‍ , ഡെസ്‌ക് ടോപ് പബ്ലിഷിങ് ഓപ്പറേറ്റര്‍, ഫാഷന്‍ ഡിസൈനിങ്  ആന്‍ഡ് ടെക്‌നോളജി ട്രേഡുകളിലേക്കാണ് അപേക്ഷിക്കാന്‍ അവസരം. ഫോണ്‍:  04672341666, 9496335327