ഉദുമ ഗവ. ആര്‍ട്‌സ് ആന്റ്  സയന്‍സ് കോളേജില്‍ പുതിയതായി ആരംഭിച്ച എം.എ സോഷ്യല്‍ സയന്‍സ് വിത്ത് സ്‌പെഷലൈസേഷന്‍ ഇന്‍ ഹിസ്റ്ററി കോഴ്‌സില്‍ സാമ്പത്തികമായി പിന്നോക്കം നില്‍ക്കുന്ന മുന്നോക്ക ജാതിക്കാര്‍ക്കായി (EWS) സംവരണം ചെയ്തിരിക്കുന്ന ഒരു സീറ്റ് ഒഴിവുണ്ട്. കൂടിക്കാഴ്ച ഫെബ്രുവരി 10 ന് വൈകീട്ട് മൂന്നിന് കോളേജില്‍ നടക്കും.

കാസര്‍കോട് ഗവ. ഐ.ടി.ഐ.യില്‍ ജൂനിയര്‍ ഇന്‍സ്ട്രക്ടര്‍ തസ്തികയില്‍ മള്‍ട്ടിമീഡിയ ആനിമേഷന്‍ ആന്റ്  സ്‌പെഷ്യല്‍ എഫക്റ്റ്‌സ് ട്രേഡില്‍ ഗസ്റ്റ് ഇന്‍സ്ട്രക്ടറുടെ ഒഴിവുണ്ട്. അഭിമുഖം  ഫെബ്രുവരി എട്ടിന് രാവിലെ 10 ന് നടക്കും.  മള്‍ട്ടിമീഡിയ ആന്റ് ആനിമേഷന്‍ ഡിപ്ലോമ/ ബിരുദം, അല്ലെങ്കില്‍ ബന്ധപ്പെട്ട ട്രേഡില്‍ മൂന്ന് വര്‍ഷത്തെ പ്രവൃത്തി പരിചയത്തോടെയുള്ള എന്‍.ടി.സി/ ഒരുവര്‍ഷത്തെ പ്രവൃത്തി പരിചയത്തോടെയുള്ള എന്‍.എ.സി. യോഗ്യതയുള്ളവര്‍ക്ക് പങ്കെടുക്കാം. ഫോണ്‍: 04994256440

കാഞ്ഞങ്ങാട് നഗരസഭയുടെ വാര്‍ഷിക പദ്ധതിയിലുള്‍പ്പെട്ട വ്യക്തിഗത ആനുകൂല്യമായ വയോജനങ്ങള്‍ക്ക് കട്ടില്‍ പദ്ധതിയിലേക്ക്  അപേക്ഷകള്‍ ഫെബ്രുവരി 10 നകം നഗരസഭാ ഓഫീസില്‍ ലഭ്യമാക്കണം. അപേക്ഷാ ഫോം വാര്‍ഡ് കൗണ്‍സിലര്‍മാരില്‍ നിന്നും നഗരസഭാ ഓഫീസില്‍ നിന്നും ലഭ്യമാണ്. ഫോണ്‍:  9495180044.

കാസര്‍കോട് ബ്ലോക്ക് പഞ്ചായത്ത് എല്‍.എസ്.ജി.ഡി സബ് ഡിവിഷന്റെ  പഞ്ചവത്സര പദ്ധതിയില്‍ ഉള്‍പ്പെടുത്തി  നടപ്പിലാക്കുന്ന സിവില്‍ പ്രവൃത്തികള്‍  ഏറ്റെടുത്ത് നടത്തുന്നതിന്് അംഗീകൃത കരാറുകാരില്‍ നിന്നും ഇ-ടെന്‍ഡര്‍  ക്ഷണിച്ചു. ടെന്‍ഡറുകള്‍ ഫെബ്രുവരി 15 ന് ഉച്ചയ്ക്ക് ഒരു മണിവരെ ഓണ്‍ലൈനയ സമര്‍പ്പിക്കാം.   വിശദവിവരങ്ങള്‍ പ്രവൃത്തി ദിവസങ്ങളില്‍ അസിസ്റ്റന്‍ഡ് എക്‌സിക്യൂട്ടീവ് എഞ്ചിനീയറുടെ കാര്യാലയത്തില്‍ നിന്നും  www.etenders.kerala.gov.in ല്‍ നിന്നും ലഭിക്കും.

വരള്‍ച്ചയെ ചെറുക്കുന്നതിനും ജലസംരക്ഷണത്തിനുമായി 1183 താല്‍ക്കാലിക തടയണയുടെ നിര്‍മ്മാണം പരപ്പ ബ്ലോക്ക് പഞ്ചായത്തില്‍ പൂര്‍ത്തിയായി. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലുള്‍പ്പെടുത്തി പഞ്ചായത്തുകളില്‍ പ്രത്യേക ക്യാമ്പയിനായാണ് തടയണ നിര്‍മ്മാണംനടക്കുന്നത്. ഇത് കൂടാതെ എട്ട് 14 റിങ് ചെക്കുഡാമുകളും എട്ട്  സെ.മി സ്ഥിരതടയണയും ബ്ലോക്കില്‍ പൂര്‍ത്തിയായി. കോടോം ബേളൂര്‍- 458, പനത്തടി-280, വെസ്റ്റ് എളേരി-112 ,ബളാല്‍-188, കളളാര്‍-42, കിനാനൂര്‍ കരിന്തളം-108, ഈസ്റ്റ് എളേരി-25 എന്നിങ്ങനെയാണ് വിവധ ഗ്രാമ പഞ്ചായത്തുകളില്‍ പൂര്‍ത്തീകരിച്ച താല്‍ക്കാലിക തടയണകള്‍.

കേരളത്തിലെ ആദ്യ ഇക്കോ സെന്‍സിറ്റീവ് ആസ്ട്രോ ടൂറിസം സെന്റര്‍ മഞ്ഞംപൊതിക്കുന്നില്‍ ഒരുങ്ങുന്നു. പദ്ധതിയുടെ പ്രവൃത്തി ഉദ്ഘാടനം ഫെബ്രുവരി ഏഴിന് വൈകീട്ട് 4.30 ന് റവന്യു വകുപ്പ് മന്ത്രി  ഇ ചന്ദ്രശേഖരന്‍ നിര്‍വ്വഹിക്കും. 

ഭക്ഷ്യഭദ്രതാനിയമം 2018 നെക്കുറിച്ച് പുതുതായി ചുമതലയേറ്റ തദ്ദേശസ്വയംഭരണ സ്ഥാപന അദ്ധ്യക്ഷന്‍മാര്‍ക്ക് ബോധവത്ക്കരണം നടത്തുന്നതിന് ഫെബ്രുവരി 8ന് രാവിലെ 11 മുതല്‍ ഇടുക്കി കളക്‌ട്രേറ്റ് കോണ്‍ഫറന്‍സ് ഹാളില്‍ ശില്‍പ്പശാല നടക്കും. സംസ്ഥാന ഭക്ഷ്യകമ്മീഷന്‍ അദ്ധ്യക്ഷന്‍ കെ. വി മോഹന്‍കുമാര്‍ അദ്ധ്യക്ഷത വഹിക്കുന്ന ചടങ്ങില്‍ സംസ്ഥാന ഭക്ഷ്യ കമ്മീഷന്‍ അംഗം അഡ്വ. ബി. രാജേന്ദ്രന്‍ ബോധവല്‍ക്കരണ ക്ലാസ് നയിക്കും. ജില്ലാ സപ്ലൈ ഓഫീസര്‍ അജേന്ദ്രന്‍ ആശാരി പി, ഐസിഡിഎസ് ജില്ലാ പ്രോഗ്രാം  ഓഫീസര്‍ റേച്ചല്‍ ഡേവിഡ്, പൊതുവിദ്യാഭ്യാസ വകുപ്പ് ഇടുക്കി ഡെപ്യൂട്ടി ഡയറക്ടര്‍ ശശീന്ദ്രവ്യാസ് വി.എ എന്നിവര്‍ വിശദീകരണം നടത്തും.

ഗവണ്‍മെന്റ് ഐ.ടി.ഐ ഇടുക്കി-കഞ്ഞിക്കുഴിയില്‍ ഡ്രാഫ്റ്റ്‌സ്മാന്‍ സിവില്‍ (2 വര്‍ഷം), ഡെസ്‌ക്ക് ടോപ്പ് പബ്ലിഷിംഗ് ഓപ്പറേറ്റര്‍ (1 വര്‍ഷം) ട്രേഡില്‍ ഒഴിവുള്ള സീറ്റുകളിലേക്ക് പ്രവേശനത്തിനുള്ള അപേക്ഷ സ്വീകരിക്കുന്നത് ഫെബ്രുവരി 12 ഉച്ചകഴിഞ്ഞ് 3 വരെ നീട്ടി.  താല്‍പര്യമുള്ള വിദ്യാര്‍ത്ഥികള്‍ അപേക്ഷഫോമും സര്‍ട്ടിഫിക്കറ്റുകളുടെ, പകര്‍പ്പുകളും, ആധാര്‍ കാര്‍ഡിന്റെ പകര്‍പ്പും, രജിസ്‌ട്രേഷന്‍ ഫീസും സഹിതം അപേക്ഷിക്കണം. കൂടുതല്‍ വിവരങ്ങള്‍ക്ക് ഫോണ്‍: 9539348420, 9895904350, 04862 238038