കുറ്റൂര്‍ സ്വദേശി കെ വി റംഷീനയും നരീക്കോട് പാറമ്മല്‍ സ്വദേശി കെ ടി മറിയവും വീട് പണി പൂര്‍ത്തിയാക്കിയെങ്കിലും വീട് നമ്പര്‍ ലഭിച്ചില്ലെന്ന പരാതിയുമായാണ് സാന്ത്വന സ്പര്‍ശം അദാലത്തില്‍ വ്യവസായ മന്ത്രി ഇ പി ജയരാജനെ കാണാനെത്തിയത്. പരാതി ബോധ്യപ്പെട്ട മന്ത്രി വീട് നമ്പര്‍ നല്‍കുന്നതിനുള്ള നടപടികള്‍ സ്വീകരിക്കാന്‍  ഉദ്യോഗസ്ഥരോട്  ആവശ്യപ്പെട്ടു.

സംസ്ഥാന ഭക്ഷ്യകമ്മീഷന്‍ ചെയര്‍മാന്‍ കെ.വി. മോഹന്‍കുമാറും കമ്മീഷന്‍ അംഗങ്ങളും ഇന്ന് (ഫെബ്രുവരി നാല്) രാവിലെ 10 ന് മലമ്പുഴയിലെ ആദിവാസി ഊരുകള്‍ സന്ദര്‍ശിക്കും. ഭക്ഷ്യ വിതരണവുമായി ബന്ധപ്പട്ട പ്രശ്‌നങ്ങള്‍, പോഷകാഹാരക്കുറവ്, ആദിവാസി മേഖലയില്‍ നിലനില്‍ക്കുന്ന മറ്റു പ്രശ്‌നങ്ങള്‍ എന്നിവയുമായി ബന്ധപ്പെട്ട് ഊരുനിവാസികളുമായി ചര്‍ച്ച ചെയ്യും. സിവില്‍ സപ്ലൈസ്, ട്രൈബല്‍ ഡെവലപ്‌മെന്റ്, ഐ.സി.ഡി.എസ്, ഫോറസ്റ്റ്, തദ്ദേശസ്വയംഭരണം, പോലീസ് ഉദ്യോഗസ്ഥര്‍ ഒപ്പമുണ്ടാകും.

ജില്ലയില്‍ സര്‍ക്കാര്‍ നടപ്പാക്കിയ വികസന നേട്ടങ്ങള്‍ സമന്വയിപ്പിച്ച് ജില്ലാ ഇന്‍ഫര്‍മേഷന്‍ ഓഫീസ് തയ്യാറാക്കിയ 20 വീഡിയോകളുടെ പ്രദര്‍ശനം ഉള്‍പ്പെടുത്തി '5 വര്‍ഷങ്ങള്‍ നെല്ലറയുടെ വികസനം' വാഹന പര്യടനത്തിന്റെ തരൂര്‍ മണ്ഡലത്തിലെ ഫ്ളാഗ് ഓഫ് പെരിങ്ങോട്ടുകുറിശ്ശി എം.ആര്‍.എസില്‍ ഫെബ്രുവരി ആറിന് രാവിലെ 10.30 ന് മന്ത്രി എ.കെ ബാലന്‍ ഓണ്‍ലൈനായി നിര്‍വഹിക്കും.തുടര്‍ന്ന് പര്യടന വാഹനം കുഴല്‍മന്ദം, ആലത്തൂര്‍ ബ്ലോക്കുകളില്‍ പ്രദര്‍ശനം നടത്തും.

ഇന്ത്യന്‍ സ്വാതന്ത്ര്യ സമര അയിത്തോച്ചാടന സാമൂഹ്യപരിഷ്‌കരണ പ്രവര്‍ത്തന കേന്ദ്രമായിരുന്ന പാലക്കാട് ശബരി ആശ്രമത്തില്‍ ഗാന്ധി സ്മൃതി മന്ദിരം സമുച്ചയം ഉദ്ഘാടനം ഇന്ന് (ഫെബ്രുവരി നാലിന്) വൈകിട്ട് ആറിന് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. പട്ടികജാതി, പട്ടികവര്‍ഗ, പിന്നാക്ക ക്ഷേമ, നിയമ, സാംസ്‌കാരിക, പാര്‍ലമെന്ററി കാര്യ മന്ത്രി എ.കെ. ബാലന്‍ അധ്യക്ഷനാവും. ജലവിഭവ വകുപ്പ് മന്ത്രി കെ കൃഷ്ണന്‍കുട്ടി, വി.എസ് അച്യുതാനന്ദന്‍ എം.എല്‍.എ,  ശ്രീകണ്ഠന്‍.എം.പി മുഖ്യാതിഥികളാകും.

ജനങ്ങളുടെ അടിയന്തര പ്രശ്നങ്ങള്‍ക്ക് പരിഹാരം കാണുന്നതിനായി മുഖ്യമന്ത്രിയുടെ നിര്‍ദ്ദേശ പ്രകാരം മന്ത്രിമാരുടെ നേതൃത്വത്തില്‍ നടക്കുന്ന തളിപ്പറമ്പ്, പയ്യന്നൂര്‍ താലൂക്കുകളിലെ സാന്ത്വന സ്പര്‍ശം അദാലത്തിന്തുടക്കമായി. തളിപ്പറമ്പ് താലൂക്ക് പരിസരത്ത് രാവിലെ ഒന്‍പത്മണിക്കാണ് അദാലത്ത് തുടങ്ങിയത്.മന്ത്രിമാരായ ഇ പി ജയരാജന്‍, കെ കെ ശൈലജ ടീച്ചര്‍, രാമചന്ദ്രന്‍ കടന്നപ്പള്ളി എന്നിവരുടെ നേതൃത്വത്തിലാണ് അദാലത്ത്.

കഴിഞ്ഞ അഞ്ചു വര്‍ഷക്കാലയളവില്‍ ജില്ലയില്‍ സര്‍ക്കാര്‍ നടപ്പാക്കിയ വികസന നേട്ടങ്ങള്‍ സമന്വയിപ്പിച്ച് ജില്ലാ ഇന്‍ഫര്‍മേഷന്‍ ഓഫീസ് തയ്യാറാക്കിയ വീഡിയോ പ്രദര്‍ശനം 'അഞ്ചു  വര്‍ഷങ്ങള്‍ നെല്ലറയുടെ വികസനം' ഇന്ന് (ഫെബ്രുവരി നാല്) ചിറ്റൂര്‍ ബ്ലോക്കിലെ വിവിധ സ്ഥലങ്ങളില്‍ പര്യടനം നടത്തും. രാവിലെ 8.30 ന് മീനാക്ഷിപുരത്ത് നിന്നും ആരംഭിക്കുന്ന പര്യടനം വണ്ടിത്താവളം, മേട്ടുപാളയം, ചിറ്റൂര്‍ അണിക്കോട്, കച്ചേരിമേട്- ആശുപത്രി ജംഗ്ഷന്‍, നല്ലേപ്പിള്ളി, കൊഴിഞ്ഞാമ്പാറ, വേലന്താവളം, പുതൂര്‍ ജംഗ്ഷന്‍, അത്തിക്കോട് ജങ്ഷന്‍,. എലപ്പുള്ളി - പാറ ജങ്ഷന്‍ എന്നിവിടങ്ങളില്‍ പ്രദര്‍ശനം നടത്തും.

ജനങ്ങളുടെ അടിയന്തര പ്രശ്നങ്ങള്‍ക്ക് പരിഹാരം കാണുന്നതിനായി മുഖ്യമന്ത്രിയുടെ നിര്‍ദ്ദേശ പ്രകാരം മന്ത്രിമാരുടെ നേതൃത്വത്തില്‍ നടക്കുന്ന തളിപ്പറമ്പ്, പയ്യന്നൂര്‍ താലൂക്കുകളിലെ സാന്ത്വന സ്പര്‍ശം അദാലത്തിന്തുടക്കമായി. തളിപ്പറമ്പ് താലൂക്ക് പരിസരത്ത് രാവിലെ ഒന്‍പത്മണിക്കാണ് അദാലത്ത് തുടങ്ങിയത്.മന്ത്രിമാരായ ഇ പി ജയരാജന്‍, കെ കെ ശൈലജ ടീച്ചര്‍, രാമചന്ദ്രന്‍ കടന്നപ്പള്ളി എന്നിവരുടെ നേതൃത്വത്തിലാണ് അദാലത്ത്.