തരിശുനില കൃഷിക്ക് നടുവണ്ണൂർ  ഗ്രാമപഞ്ചായത്തിൽ തുടക്കമായി. ഇതിന്റെ ഭാഗമായി  സുഭിക്ഷ കേരളം ആർ.കെ.വി.വൈ പദ്ധതികളുടെ ഭാഗമായി കൃഷിവകുപ്പും കാർഷിക യന്ത്രവൽക്കരണ മിഷനും  സംയുക്തമായി നടത്തുന്ന കാർഷിക കർമസേന, കാർഷിക സേവന കേന്ദ്രം അംഗങ്ങൾക്കുള്ള പരിശീലനം  പുരുഷൻ കടലുണ്ടി എംഎൽഎ ഉദ്ഘാടനം ചെയ്തു.  നടുവണ്ണൂർ ഗ്രാമപഞ്ചായത്ത് പ്രസിഡണ്ട് ടി.പി ദാമോദരൻ മാസ്റ്റർ അധ്യക്ഷത വഹിച്ചു.

നടുവണ്ണൂർ ഗ്രാമപഞ്ചായത്തിലെ കാവുംകുളം നവീകരണത്തിന്റെ മൂന്നാംഘട്ട പ്രവൃത്തി പുരുഷൻ കടലുണ്ടി എം.എൽ.എ ഉദ്ഘാടനം ചെയ്തു. കാവും കുളം നവീകരണത്തിനായി സംസ്ഥാന ജലവിഭവ വകുപ്പ് 25 ലക്ഷം രൂപയാണ് അനുവദിച്ചത്. രണ്ടു ഘട്ടങ്ങളിലായി ഫണ്ട് അനുവദിക്കുകയും ഇതിനോടകം പ്രവൃത്തി പൂർത്തീകരിക്കുകയും ചെയ്തു. മൂന്നാം ഘട്ടത്തിൽ കുളത്തിന്റെ  ഒരു വശം കരിങ്കൽ ഭിത്തി കെട്ടലും ചളി നീക്കം ചെയ്യുന്ന പ്രവൃത്തിക്കുമാണ്  തുടക്കമായത്. നടുവണ്ണൂർ ഗ്രാമപഞ്ചായത്ത് പ്രസിഡന്റ്‌ ടി.പി ദാമോദരൻ മാസ്റ്റർ അധ്യക്ഷത വഹിച്ചു. 

നൂറ്റാണ്ടുകള്‍ പഴക്കമുള്ളതും ജില്ലയുടെ പൈതൃകം വിളിച്ചോതുന്നതുമായ ഫറോക്ക് പാലം അറ്റുകുറ്റപണി നടത്തി നിലനിര്‍ത്തണമെന്ന് താലൂക്ക് വികസന സമിതി യോഗം ആവശ്യപ്പെട്ടു.

മാവൂര്‍ ഗ്രാമപഞ്ചായത്തിലെ തെങ്ങിലക്കടവ് ക്യാന്‍സര്‍ സെന്റര്‍ പ്രവര്‍ത്തന ക്ഷമമാക്കാന്‍ തീരുമാനമായി.  കലക്ടറേറ്റില്‍ പി.ടി.എ. റഹീം എം.എല്‍.എയുടെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം.

 കോഴിക്കോട് മെഡിക്കല്‍ കോളജിന് കീഴില്‍ കോംപ്രഹെന്‍സീവ് ക്യാന്‍സര്‍ കെയര്‍ ഹബ് ആരംഭിക്കുന്നതിന് സര്‍ക്കാരില്‍ നിന്നും ഭരണാനുമതി ലഭിച്ച ഒരു കോടി രൂപയുടെ പ്രവൃത്തികള്‍ നടത്തുന്നതിന് എസ്റ്റിമേറ്റ് തയ്യാറാക്കി സമര്‍പ്പിക്കുന്നതിനും ക്യാന്‍സര്‍ സ്‌ക്രീനിംഗ്, ക്യാന്‍സര്‍ ഒ.പി, സ്‌പെഷ്യല്‍ ക്ലിനിക്ക്, ട്രെനിംഗ് തുടങ്ങിയവയ്ക്ക് സംവിധാനമേര്‍പ്പെടുത്തുന്നതിനും തീരുമാനിച്ചു.

സർക്കാർ കഴിഞ്ഞ അഞ്ച് വർഷങ്ങളിൽ നടത്തിയ വികസന പ്രവർത്തനങ്ങളെ ആസ്പദമാക്കി ഇൻഫർമേഷൻ ആന്റ് പബ്ലിക് റിലേഷൻ വകുപ്പിന്റെ തൃശൂർ ജില്ലാ ഇൻഫർമേഷൻ ഓഫീസ് നടത്തുന്ന ഫോട്ടോ പ്രദർശനത്തിന് ഇരിങ്ങാലക്കുടയിൽ തുടക്കമായി.

ഇരിങ്ങാലക്കുട പ്രൈവറ്റ് ബസ് സ്റ്റാൻ്റിൽ സംഘടിപ്പിച്ച ഫോട്ടോ പ്രദർശനം പ്രൊഫ. കെ യു അരുണൻ എം എൽ എ ഉദ്‌ഘാടനം ചെയ്തു.