പിഎസ്സിക്ക് ഒഴിവുകൾ കൃത്യമായി റിപ്പോർട്ട് ചെയ്യുന്നതിൽ വീഴ്ച വരുത്തുന്ന നിയമനാധികാരികൾക്കെതിരെ കർശന നടപടികൾ സ്വീകരിക്കാൻ മന്ത്രിസഭായോഗം തീരുമാനിച്ചതായി മുഖ്യമന്ത്രി പിണറായി വിജയൻ പറഞ്ഞു. ഒഴിവുകൾ റിപ്പോർട്ട് ചെയ്യുന്നതിലെ തടസങ്ങൾ ഒഴിവാക്കും. ഒഴിവുകൾ റിപ്പോർട്ട് ചെയ്യുന്നുണ്ട് എന്ന് ഉറപ്പുവരുത്താൻ ചീഫ് സെക്രട്ടറിയും ഉദ്യോഗസ്ഥ ഭരണ പരിഷ്‌കാര വകുപ്പ് അഡീഷണൽ ചീഫ് സെക്രട്ടറിയും ഉൾപ്പെടുന്ന കമ്മിറ്റി രൂപീകരിക്കും.

ഐടിഐ പരിശീലനം വിജയകരമായി പൂർത്തിയാക്കിയ ട്രെയിനികൾക്ക് തൊഴിൽ നേടുന്നതിനായി വ്യാവസായിക വകുപ്പ് നടത്തുന്ന തൊഴിൽമേള 22ന് ഗവ.ഐടിഐയിൽ നടക്കും. തൊഴിൽമേളയിൽ പങ്കെടുക്കാൻ താത്പര്യമുള്ള ട്രെയിനികൾ  www.spectrumjobfair.org യിൽ രജിസ്റ്റർ ചെയ്യണം. ഹെൽപ് ഡെസ്‌ക് നമ്പർ: 0471-2502612.
പി.എൻ.എക്സ്. 739/2021

പട്ടികജാതി വിഭാഗത്തിൽപ്പെട്ട അംഗീകൃത പെട്രോളിയം ഡീലർമാർക്ക് നിലവിലെ പെട്രോൾ/ഡീസൽ വിൽപ്പനശാലകൾ പ്രവർത്തനനിരതമാക്കുന്നതിന്  സംസ്ഥാന പട്ടികജാതി പട്ടികവർഗ്ഗ വികസന കോർപ്പറേഷൻ നൽകുന്ന പ്രവർത്തന മൂലധന വായ്പക്ക് അപേക്ഷ ക്ഷണിച്ചു.

ന്യൂനപക്ഷ ക്ഷേമ വകുപ്പിന്റെ ന്യൂനപക്ഷ യുവജനതയ്ക്കായുള്ള വേങ്ങരയിലെ പരിശീലന കേന്ദ്രത്തിൽ ഓഫീസ് അറ്റൻഡന്റ് തസ്തികയിലെ കരാർ നിയമനത്തിന് നടത്താനിരുന്ന വാക്ക്-ഇൻ-ഇന്റർവ്യൂ സാങ്കേതിക കാരണങ്ങളാൽ മാറ്റിയതായി ഡയറക്ടർ അറിയിച്ചു.
പി.എൻ.എക്സ്. 736/2021

*സർവേ പരിശീലന ഗവേഷണ കേന്ദ്രത്തിന്റെ പുതിയ കെട്ടിടം ഉദ്ഘാടനം ചെയ്തു
സർവേ നടപടികൾ കാലോചിതമായി പരിഷ്‌കരിച്ച് സമയബന്ധിതമായി പൂർത്തീകരിക്കുമെന്ന് റവന്യു മന്ത്രി ഇ. ചന്ദ്രശേഖരൻ പറഞ്ഞു. തിരുവനന്തപുരത്തെ ആധുനിക സർവേ പരിശീലന ഗവേഷണ കേന്ദ്രത്തിന്റെ പുതിയ കെട്ടിടം ഉദ്ഘാടനം ചെയ്യുകയായിരുന്നു അദ്ദേഹം. സർവേ മേഖലയിൽ എല്ലാ ആധുനിക സാങ്കേതിക സൗകര്യങ്ങളും ഉപയോഗപ്പെടുത്തി നിശ്ചിത സമയത്ത് സർവേ പൂർത്തീകരിക്കുകയാണ് സർക്കാർ ലക്ഷ്യം. പുതിയ കെട്ടിടത്തിൽ ജീവനക്കാർക്ക് ആധുനിക സർവേ ഉപകരണങ്ങളിൽ പരിശീലനം നൽകുമെന്നും അദ്ദേഹം പറഞ്ഞു.

പത്തനംതിട്ട ജില്ലയില്‍ മല്ലപ്പുഴശേരി പഞ്ചായത്തിലെ പന്നിവേലിച്ചിറ ഫിഷറീസ് കോംപ്ലക്‌സ് ഉദ്്ഘാടനത്തിനൊരുങ്ങിയതായി വീണാ ജോര്‍ജ് എം.എല്‍.എ പറഞ്ഞു. അക്വാട്ടിക് അനിമല്‍ ഹെല്‍ത്ത് ലാബ്, ഗിഫ്റ്റ് ഹാച്ചറി, എക്സ്റ്റന്‍ഷന്‍ കം ട്രെയിനിംഗ് സെന്റര്‍, അവയര്‍നെസ് സെന്റര്‍ എന്നിവയാണ് പന്നിവേലിച്ചിറയില്‍ പുതിയതായി നിര്‍മിച്ചിട്ടുള്ളത്.

പൊതുജനങ്ങളില്‍ അവബോധം സൃഷ്ടിച്ച് ദേശീയ ഭക്ഷ്യ ഭദ്രതാ നിയമ പ്രകാരമുള്ള അവരുടെ അവകാശങ്ങള്‍ ഉറപ്പാക്കുന്നതില്‍ ജനപ്രതിനിധികള്‍ക്കു പ്രധാന പങ്കുവഹിക്കാനാകുമെന്നു ജില്ലാ കളക്ടര്‍ ഡോ.നരസിംഹുഗാരി തേജ് ലോഹിത് റെഡ്ഡി പറഞ്ഞു. 'ഭക്ഷണം ഔദാര്യമല്ല, അവകാശമാണ്' എന്ന ആശയം പ്രചരിപ്പിച്ചുകൊണ്ട് കേരളാ ഭക്ഷ്യ കമ്മീഷന്‍ നടത്തുന്ന സംസ്ഥാന തല ബോധവല്‍ക്കരണ പരിപാടിയുടെ ഭാഗമായി പത്തനംതിട്ട ജില്ലാതല ബോധവല്‍ക്കരണ, ജനസമ്പര്‍ക്ക പരിപാടി കളക്ടറേറ്റ് കോണ്‍ഫറന്‍സ് ഹാളില്‍ ഉദ്ഘാടനം ചെയ്യുകയായിരുന്നു കളക്ടര്‍.