കോട്ടയം ജില്ലയിൽ സംസ്ഥാന സർക്കാർ നടപ്പാക്കിയ വികസന -ക്ഷേമ പ്രവർത്തനങ്ങളുടെ ചിത്രങ്ങൾ ഉൾപ്പെടുത്തി    ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് സംഘടിപ്പിക്കുന്ന  ഫോട്ടോ പ്രദര്‍ശനം  ഇന്ന് (ഫെബ്രുവരി 9) കുമരകം കവണാറ്റിന്‍കരയില്‍ നടക്കും.

ഹരിത കേരളം, പൊതു വിദ്യാഭ്യാസ സംരക്ഷണം, ആർദ്രം, ലൈഫ് എന്നീ മിഷനുകളും വിവിധ വകുപ്പുകളും മുഖേന കൈവരിച്ച വികസന നേട്ടങ്ങളുടെ നേര്‍ക്കാഴ്ച്ചയൊരുക്കുന്ന പ്രദർശനം കോട്ടയം തിരുനക്കര, മണർകാട് നാലുമണിക്കാറ്റ്, ചങ്ങനാശേരി പെരുന്ന ബസ് സ്റ്റാൻഡ് എന്നിവിടങ്ങളിൽ  നടത്തി. 

======================

ഏറ്റുമാനൂര്‍-21, 32, ചങ്ങാശേരി-8,26,32,26, കിടങ്ങൂര്‍-12, കുറവിലങ്ങാട് -13,14, തലയോലപ്പറമ്പ്-14, വിജയപുരം-19, അയര്‍ക്കുന്നം-5,19, മൂന്നിലവ്-2,3, കാണക്കാരി-1,4,7, മാഞ്ഞൂര്‍-4,5,6,7,11,12, കൂരോപ്പട-12, 15, പനച്ചിക്കാട് 2,9,12,15, കറുകച്ചാല്‍-16 എന്നീ തദ്ദേശഭരണ സ്ഥാപന വാര്‍ഡുകള്‍ കണ്ടെയന്‍മെന്റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ എം. അഞ്ജന ഉത്തരവായി.

നിലവില്‍ 42 തദ്ദേശഭരണ സ്ഥാപന മേഖലകളിലായി 201 കണ്ടെയ്ന്‍മെന്റ് സോണുകളാണുള്ളത്. പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

ചിലവഴിച്ചത് 3.16 കോടി രൂപ

==========
കോട്ടയം ജില്ലയില്‍ ടൂറിസം മേഖലയില്‍ 3.16 കോടി രൂപ ചിലവിട്ട് പൂര്‍ത്തീകരിച്ച രണ്ടു പദ്ധതികള്‍ മുഖ്യമന്ത്രി പിണറായി വിജയന്‍ നാടിന് സമര്‍പ്പിച്ചു.  എരുമേലി പിൽഗ്രിം ഹബ്ബ്, കുമരകം സാംസ്ക്കാരിക കേന്ദ്രം എന്നിവയാണ് സംസ്ഥാനത്തെ മറ്റ് 23 പദ്ധതികള്‍ക്കൊപ്പം ഓണ്‍ലൈനില്‍ ഉദ്ഘാടനം ചെയ്തത്.  

===================

കോട്ടയം ജില്ലയില്‍  555 പേര്‍ക്ക് കൂടി കോവിഡ് സ്ഥിരീകരിച്ചു. 553 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തുനിന്നെത്തിയ രണ്ടു പേര്‍ രോഗബാധിതരായി. പുതിയതായി  5594 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 295പുരുഷന്‍മാരും 221   സ്ത്രീകളും 39 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 83 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

ഏറ്റുമാനൂർ നഗരസഭാ പരിധിയിൽ പ്രവർത്തിക്കുന്ന തെരുവ് കച്ചവട സമിതിയിലേക്കുള്ള തിരഞ്ഞെടുപ്പിന് ഫെബ്രുവരി 12 ന് വൈകുന്നേരം നാലു വരെ നാമനിർദേശ പത്രിക സമർപ്പിക്കാം. നഗരസഭ ഹെൽത്ത് ഇൻസ്പെക്ടർക്കാണ് പത്രിക നൽകേണ്ടത്.തെരുവ് കച്ചവടക്കാരുടെ ക്ഷേമം ഉറപ്പാക്കുന്നതിനും വഴിയോര കച്ചവടം നിയന്ത്രിക്കുന്നതിനുമായാണ് സമിതി പ്രവർത്തിക്കുക.

ഒൻപത് അംഗങ്ങളെയാണ്   തിരഞ്ഞെടുക്കുന്നത്. ഫോൺ: 9446930515

========

സംസ്ഥാനത്ത് ഭക്ഷ്യഭദ്രതാ നിയമനം ഫലപ്രദമായി നടപ്പിലാക്കുന്നതില്‍ തദ്ദേശ സ്വയംഭരണ സ്ഥാപനങ്ങളുടെ പങ്ക് നിര്‍ണായകമാണെന്ന് സംസ്ഥാന ഭക്ഷ്യ കമ്മീഷന്‍ ചെയര്‍മാന്‍ കെ.വി. മോഹന്‍കുമാര്‍ പറഞ്ഞു. ഭക്ഷ്യഭദ്രതാ നിയമവുമായി ബന്ധപ്പെട്ട്   ജില്ലയിലെ തദ്ദേശ സ്ഥാപന അധ്യക്ഷന്‍മാര്‍ക്കായി  ഭക്ഷ്യ -പൊതു വിതരണ ഉപഭോക്തൃ കാര്യ വകുപ്പ് സംഘടിപ്പിച്ച  ബോധവത്ക്കരണ സെമിനാറില്‍  അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

പള്ളിക്കത്തോട് ഗവൺമെൻ്റ് ഐ.ടി.ഐയിൽ  വിവിധ ട്രേഡുകളിൽ ഒഴിവുള്ള സീറ്റുകളിൽ പ്രവേശനത്തിനുള്ള സമയപരിധി ഫെബ്രുവരി 15 വരെ ദീർഘിപ്പിച്ചു. അപേക്ഷ നൽകിയിട്ടുള്ളവർ  നിശ്ചിത തീയതിക്കകം ടി.സി, അസൽ സർട്ടിഫിക്കറ്റുകൾ ഫീസ് എന്നിവ സഹിതം ഓഫീസിൽ ഹാജരാകണം. പുതിയ അപേക്ഷകരെയും പരിഗണിക്കും. ഫോൺ:9961702046,97475 98648

മൃഗ സംരക്ഷണ വകുപ്പിൻ്റെ കാഞ്ഞിരപ്പള്ളി ആർ.എ. എച്ച്. സി ഓഫീസ് കോമ്പൗണ്ടിൽ അപകടാവസ്ഥയിൽ നിൽക്കുന്ന മരങ്ങൾ ഫെബ്രുവരി 17ന് രാവിലെ 11.30 ന് ലേലം ചെയ്യും .  പങ്കെടുക്കാൻ താല്പര്യമുള്ളവർ പൊതുമരാമത്ത് വകുപ്പ് കെട്ടിട ഉപവിഭാഗം കാഞ്ഞിരപ്പള്ളി അസിസ്റ്റൻറ് എക്സിക്യൂട്ടീവ് എൻജിയറുടെ ഓഫീസുമായി ബന്ധപ്പെടണം . ഫോൺ: 04828 293010, 8086395152

കോവിഡ്  സാഹചര്യത്തിൽ കഴിഞ്ഞ വർഷം മുദ്ര ചെയ്യാത്ത അളവു -  തൂക്ക ഉപകരണങ്ങൾ പിഴകൂടാതെ  ഫീസ് മാത്രം അടച്ച്  മുദ്രണം  ചെയ്യുന്നതിന് മാർച്ച് 31 വരെ  സമയം അനുവദിച്ചതായി ലീഗൽ മെട്രോളജി അസിസ്റ്റൻറ്  കൺട്രോളർ അറിയിച്ചു. കുടിശിക വരുത്തിയിട്ടുള്ളവർ കോട്ടയം ലീഗൽ മെട്രോളജി ഓഫീസുമായി ബന്ധപ്പെടണം . ഫോൺ 0481 2582998

ന്യൂനപക്ഷ ക്ഷേമ വകുപ്പിന്റെ വേങ്ങര ന്യൂനപക്ഷ യുവജനതയ്ക്കായുള്ള പരിശീലന കേന്ദ്രത്തിൽ ഓഫീസ് അറ്റൻഡന്റ് തസ്തികയിലെ ഒരു വർഷത്തേക്ക് കരാർ നിയമനത്തിന് വാക്ക്-ഇൻ-ഇന്റർവ്യൂ നടത്തുന്നു. ഒരു ഒഴിവാണുള്ളത്. നിശ്ചിത യോഗ്യതയുള്ളവർ അസ്സൽ സർട്ടിഫിക്കറ്റുകൾ സഹിതം 12ന് രാവിലെ 10ന് തിരുവനന്തപുരം വികാസ് ഭവനിലെ നാലാം നിലയിൽ പ്രവർത്തിക്കുന്ന ന്യൂനപക്ഷ ക്ഷേമ വകുപ്പ് ഡയറക്ടറുടെ കാര്യാലയത്തിൽ എത്തണം.
പി.എൻ.എക്സ്. 728/2021