അംബേദ്കർ ഗ്രാമ വികസന പദ്ധതിയിൽ ഉൾപ്പെടുത്തി  ആളൂർ പഞ്ചായത്തിലെ പതിനഞ്ചാം വാർഡ് നമ്പിക്കുന്ന് കോളനിയിൽ പൂർത്തീകരിച്ചത് ഒരു കോടി രൂപയുടെ വികസന പദ്ധതികൾ. പൂർത്തീകരിച്ച പദ്ധതികളുടെ ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനായി നിർവഹിച്ചു. പട്ടിക ജാതി പട്ടിക വർഗ്ഗ പിന്നോക്ക സമുദായ വകുപ്പ് മന്ത്രി എ കെ ബാലൻ ചടങ്ങിൽ അധ്യക്ഷത വഹിച്ചു. പ്രൊഫ കെ യു അരുണൻ മാസ്റ്റർ എം എൽ എ മുഖ്യ പ്രഭാഷണം നടത്തി ശിലാഫലകം അനാച്ഛാനം ചെയ്തു.

സ്‌കോൾ കേരള മുഖേന 2020- 22 ബാച്ചിലേക്കുള്ള ഒന്നാംവർഷ ഹയർ സെക്കന്ററി കോഴ്സുകൾക്ക് നിശ്ചിത സമയത്തിനകം രജിസ്റ്റർ ചെയ്യാൻ സാധിക്കാത്തവർക്കായി പ്രത്യേക ക്രമീകരണം. ഇവർക്ക് സ്‌കോൾ കേരളയുടെ ബന്ധപ്പെട്ട ജില്ലാ ഓഫീസുകൾ വഴി ഫെബ്രുവരി 8 മുതൽ 15 വരെ രജിസ്റ്റർ ചെയ്യാൻ സാധിക്കും. പ്രവേശനം നേടാൻ  ആഗ്രഹിക്കുന്നവർ നിർദ്ദിഷ്ട രേഖകൾ സഹിതം ബന്ധപ്പെട്ട ജില്ലാ ഓഫീസുകളെ സമീപിക്കണമെന്ന് സെക്രട്ടറി ഡി മിനിമോൾ അറിയിച്ചു.

സംസ്ഥാന സർക്കാർ ജനങ്ങൾക്കു നൽകിയ  വാഗ്ദാനങ്ങൾ നിറവേറ്റുകയാണെന്ന് തദ്ദേശ സ്വയം ഭരണ വകുപ്പു മന്ത്രി എ സി മൊയ്തീൻ. 2016 -17 ലെ അംബേദ്കർ ഗ്രാമ വികസന പദ്ധതി പ്രകാരം നിർമാണമാരംഭിച്ച കടവല്ലൂർ ഗ്രാമ പഞ്ചായത്തിലെ 11-ാം വാർഡ് തിപ്പലശ്ശേരി കസ്തൂർബ കോളനിയുടെ പ്രവർത്തന പൂർത്തീകരണ ഉദ്ഘാടനം നിർവഹിക്കുകയായിരുന്നു മന്ത്രി. 

ഉറപ്പും ഭംഗിയുമുള്ള  വീടുകൾ, വിസ്താരമുള്ള വീഥികൾ, കുറ്റമറ്റ കുടിവെള്ള വിതരണ ശൃംഖല, ഒത്തുകൂടാൻ കമ്യൂണിറ്റി ഹാളുകൾ, തുടങ്ങിയ  സൗകര്യങ്ങൾ ഇനി പട്ടിക ജാതി പട്ടിക വർഗ കോളനികൾക്കും  സ്വന്തം. ഈ ലക്ഷ്യം മുൻനിർത്തി നടപ്പാക്കിയ അംബേദ്കർ ഗ്രാമവികസന പദ്ധതിപ്രകാരം ജില്ലയിൽ നിർമാണം  പൂർത്തിയാക്കിയത് ഏഴ് പട്ടികജാതി കോളനികളാണ്.

സംസ്ഥാനത്ത് അംബേദ്കർ ഗ്രാമ വികസന പദ്ധതി പ്രകാരം  പൂർത്തിയായ 80 പട്ടികജാതി പട്ടിക വർഗ കോളനികളാണ് ചൊവ്വാഴ്ച മുഖ്യമന്ത്രി പിണറായി വിജയൻ ഓൺലൈൻ ആയി ഉദ്ഘാടനം ചെയ്തത്. ചടങ്ങിൽ പിന്നാക്ക വിഭാഗക്ഷേമ വകുപ്പ് മന്ത്രി എ കെ ബാലൻ അധ്യക്ഷനായി.

ഇന്ത്യൻ സംഗീതത്തിന് നൽകിയ സമഗ്ര സംഭാവനകൾ പരിഗണിച്ച് സംസ്ഥാന സർക്കാർ ഏർപ്പെടുത്തിയ സ്വാതി സംഗീത പുരസ്‌കാര സമർപ്പണവും  നാടക രംഗത്തെ സമഗ്ര സംഭാവനകൾക്ക് നൽകുന്ന എസ് എൽ പുരം സദാനന്ദൻ നാടക പുരസ്‌കാര സമർപ്പണവും 
ഇന്ന് (ഫെബ്രുവരി 10)  നടക്കും. തിരുവനന്തപുരം വൈലോപ്പിള്ളി സംസ്കൃത ഭവനിൽ വൈകുന്നേരം 6.30ന് നടക്കുന്ന പരിപാടിയിൽ സാംസ്കാരിക വകുപ്പ് മന്ത്രി എ കെ ബാലൻ പുരസ്‌കാരങ്ങൾ സമർപ്പിക്കും.

പ്ലേസ്മെൻറ് സപ്പോർട്ടോടുകൂടി കുഴൽമന്ദം ഗവ ഐടിഐ യിൽ നടത്തുന്ന പ്രാക്ടിക്കൽ ഓറിയന്റഡ് ലിഫ്റ്റ് ഇറക്ടർ കോഴ്സിന്റെ അടുത്ത ബാച്ചിലേക്ക് ഒഴിവുള്ള സീറ്റുകളിലേക്ക് അപേക്ഷ ക്ഷണിക്കുന്നു. എസ്എസ്എൽസി യോഗ്യതയുള്ള ആൺകുട്ടികൾക്ക് അപേക്ഷിക്കാം. കൂടുതൽ വിവരങ്ങൾക്ക് ഫോൺ: 9061899611

പി ആർ ഡി ഫോട്ടോ പ്രദർശനം കുന്നംകുളത്ത്

 സർക്കാർ ജനങ്ങൾക്കൊപ്പം നിന്ന് 
 ക്ഷേമ പ്രവർത്തനം നടത്തുന്നു : മന്ത്രി എ സി മൊയ്തീൻ 

⭕ പി ആർ ഡി യെ അഭിനന്ദിച്ച് മന്ത്രി

ദേശീയ ഹരിത ട്രിബ്യൂണലിന്റെ നിർദേശങ്ങൾക്ക് വിധേയമായി കേരളത്തിലെ പുനരുദ്ധാരണ പ്രവർത്തനങ്ങൾ നടത്തേണ്ട നദികളുടെ കണക്കെടുത്തു. സംസ്ഥാന ജലവിഭവ വകുപ്പ് വിശദമായ പഠന റിപ്പോർട്ട് തയ്യാറാക്കുന്നതിന്റെ ഭാഗമായി ജില്ലയിലെ പുഴയോരങ്ങൾ സന്ദർശിച്ചു മലിനമായി കിടക്കുന്ന പ്രദേശങ്ങൾ തിരിച്ചറിയാൻ സർവ്വേ നടത്തി. ജില്ലയിൽ പുഴക്കൽ, കരുവന്നൂർ, കേച്ചേരി എന്നീ പുഴകളും അവയോടനുബന്ധിച്ച തോടുകളുമാണ് വൃത്തിയാക്കുന്നതിനായി നിർദേശിച്ചത്. 

മൃഗസംരക്ഷണ മേഖലയിൽ ഏഴ് കോടി രൂപയുടെ പദ്ധതികൾക്ക് ഭരണാനുമതി

ജില്ലയിൽ മൃഗസംരക്ഷണ ജീവനോപാധി പദ്ധതികള്‍ക്ക് തുടക്കം

ജില്ലയിലെ മൃഗസംരക്ഷണ മേഖലയില്‍ 2018ലെ പ്രളയാനന്തര പുനര്‍നിര്‍മാണത്തിന് ഏഴ് കോടി രൂപയുടെ പദ്ധതിക്ക് ഭരണാനുമതി. ഇതിന്റെ ഭാഗമായി റീബില്‍ഡ് കേരളയിൽ ഉൾപ്പെടുത്തിയ  മൃഗസംരക്ഷണ ജീവനോപാധി പദ്ധതികള്‍ക്ക് ജില്ലയില്‍ തുടക്കം.  റീബില്‍ഡ് കേരള ഇനിഷ്യേറ്റീവിന്റെ  ഭാഗമായി പതിനൊന്ന് പദ്ധതികളാണ്  ജില്ലയില്‍ നടപ്പാക്കുന്നത്. 

ജില്ലയിൽ 24 മണിക്കൂറിനുള്ളിൽ നൽകിയത് 3861 റേഷൻ കാർഡുകൾ

അപേക്ഷ നല്‍കിയാല്‍ 24 മണിക്കൂറിനുള്ളില്‍ റേഷന്‍ കാര്‍ഡ് നൽകുന്ന പദ്ധതി പ്രകാരം ജില്ലയിൽ ഇതുവരെ നൽകിയത് 3861 കാർഡുകൾ. സത്യവാങ്മൂലം അടിസ്ഥാനമാക്കി സൗജന്യ റേഷൻ എന്ന ആനുകൂല്യം കരസ്ഥമാക്കിയത് 5103 പേരും.