ഐ.എച്ച്.ആര്‍.ഡിയുടെ കീഴില്‍ മാനന്തവാടിയില്‍ പ്രവര്‍ത്തിക്കുന്ന പി.കെ കാളന്‍ മെമ്മോറിയല്‍ കോളേജ് ഓഫ് അപ്ലൈഡ് സയന്‍സില്‍ വിവിധ തസ്തികകളിലുള്ള താല്‍ക്കാലിക ഒഴിവുകളില്‍ അപേക്ഷ ക്ഷണിച്ചു. ഡിസംബര്‍ 31 ന് രാവിലെ 10 ന് ഓഫീസ് അസിസ്റ്റന്റ്, ഉച്ചക്ക് 2 ന് ലക്ചറര്‍ ഇന്‍ ഇംഗ്ലീഷ്, ജനുവരി 1 ന് രാവിലെ 10 ന് ലക്ചറര്‍ ഇന്‍ മലയാളം,
11 ന് കമ്പ്യൂട്ടര്‍ പ്രോഗ്രാമര്‍, ഉച്ചയ്ക്ക് 12 ന് ഡാറ്റ എന്‍ട്രി ഓപ്പറേറ്റര്‍ എന്നീ സമയങ്ങളില്‍ ഇന്റര്‍വ്യൂ നടത്തും. യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകളും അവയുടെ പകര്‍പ്പും ഹാജരാക്കണം. ഫോണ്‍ 8547005060.

ആലപ്പുഴ: സ്റ്റേറ്റ് റിസോഴ്‌സ് സെന്ററിന്റെ ആഭിമുഖ്യത്തില്‍ എസ്.ആര്‍.സി. കമ്മ്യൂണിറ്റി കോളേജ് ജനുവരി സെഷനില്‍ നടത്തുന്ന യോഗ സര്‍ട്ടിഫിക്കറ്റ് പ്രോഗ്രാമിലേക്ക് അപേക്ഷ ക്ഷണിച്ചു. പത്താം ക്ലാസ് പാസായവര്‍ക്ക് അപേക്ഷിക്കാം. ആറ് മാസമാണ് കാലാവധി. തിയറി, പ്രാക്ടിക്കല്‍ ക്ലാസുകള്‍ അംഗീകൃത പഠനകേന്ദ്രങ്ങളുടെ സഹായത്തോടെയാണ് നടത്തുന്നത്. ഈ പ്രോഗാമിന് നാഷണല്‍ സ്‌കില്‍ ഡവലപ്‌മെന്റ് കോര്‍പ്പറേഷന്റെ അംഗീകാരമുണ്ട്. 

 ആലപ്പുഴ: സംസ്ഥാന സര്‍ക്കാര്‍ സ്ഥാപനമായ ഐ.എച്ച്.ആര്‍.ഡിയുടെ വിവിധ സ്ഥാപനങ്ങളില്‍ ആരംഭിക്കുന്ന സൗജന്യ തൊഴിലധിഷ്ഠിത കോഴ്‌സുകളിലേയ്ക്ക് അപേക്ഷ സമര്‍പ്പിക്കാനുള്ള തീയതി ഡിസംബര്‍ 31 ല്‍ നിന്നും ജനുവരി അഞ്ചു വരെ നീട്ടി. വിശദ വിവരത്തിന് വെബ്‌സൈറ്റ്: www.ihrd.ac.in, mfsekm.ihrd.ac.in,  ihrdrcekm.kerala.gov.in 

മാനന്തവാടി ഗവ.് എഞ്ചിനീയറിംഗ് കോളേജില്‍ ഒഴിവുള്ളതും ഒഴിവുവരാന്‍ സാധ്യതയുള്ളതുമായ ഒന്നാം വര്‍ഷ ബി ടെക് ലെറ്റ് (ലാറ്ററല്‍ എന്‍ട്രി) സീറ്റുകളിലേക്ക് ഡി റ്റി ഇ  ലെറ്റ് പ്രോസ്പെക്ടസിന് വിധേയമായി സ്പോട്ട് അഡ്മിഷന്‍ നടത്തുന്നു. റാങ്ക് ലിസ്റ്റില്‍ ഉള്‍പ്പെട്ടവര്‍ ചെക്ക് ലിസ്റ്റില്‍ പറഞ്ഞിരിക്കുന്ന ആവശ്യമായ രേഖകള്‍ സഹിതം ഡിസംബര്‍ 30 ന് 1 മണിക്ക് മുന്‍പായി നേരിട്ട്  രജിസ്റ്റര്‍ ചെയ്യണം. നിലവില്‍ പ്രവേശനം ലഭിച്ചവര്‍ പഠിക്കുന്ന സ്ഥാപനത്തില്‍ നിന്നും അഡ്മിഷന്‍ സ്ലിപ്പ് / എന്‍.ഒ.സി  ഹാജരാക്കേണ്ടതാണ്.

ജില്ലാ പട്ടികജാതി/ പട്ടികവര്‍ഗ്ഗ മോട്ടോര്‍ ട്രാന്‍സ്‌പോര്‍ട്ട് സഹകരണ സംഘത്തിന്റെ (പ്രിയദര്‍ശിനി ട്രാന്‍സ്‌പോര്‍ട്ട്) ഉടമസ്ഥതയിലുള്ള എ.സി ബസ്സുകള്‍ ലീസിന് എടുത്ത് നടത്തുവാന്‍ താത്പര്യമുള്ളവരില്‍ നിന്നും അപേക്ഷ ക്ഷണിച്ചു. 2021 ജനുവരി 11 ന് വൈകീട്ട് 5ന് മുമ്പായി മാനേജിങ് ഡയറക്ടര്‍, വയനാട് ജില്ലാ പട്ടികജാതി/ പട്ടികവര്‍ഗ്ഗ മോട്ടോര്‍ ട്രാന്‍സ്‌പോര്‍ട്ട്, മാനന്തവാടി പി.ഒ എന്ന വിലാസത്തില്‍ സമര്‍പ്പിക്കണം. ഫോണ്‍- 04935 240535, 9745550270.

കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡിയുടെ വിവിധ സ്ഥാപനങ്ങളില്‍ ആരംഭിക്കുന്ന സൗജന്യ തൊഴിലധിഷ്ഠിത കോഴ്‌സുകളിലേക്ക് അപേക്ഷ നല്‍കാനുള്ള തീയതി ജനുവരി 5 വരെ ദീര്‍ഘിപ്പിച്ചു. കൂടുതല്‍ വിവരങ്ങള്‍ക്ക് www.ihrd.ac.in, mfsekm.ihrd.ac.in, ihrdrcekm.kerala.gov.in വെബ്‌സൈറ്റുകള്‍ സന്ദര്‍ശിക്കുക.

പൊതു വിദ്യാഭ്യാസ വകുപ്പ് സാക്ഷരതാ മിഷന്‍ മുഖേന നടപ്പിലാക്കുന്ന പത്താം തരം, ഹയര്‍ സെക്കന്‍ഡറി തുല്യത കോഴ്സുകളിലേക്ക് 2021 ജനുവരി ഒന്നു മുതല്‍ ഫെബ്രുവരി 28 വരെ രജിസ്റ്റര്‍ ചെയ്യാം. പത്താം തരത്തിന് 17 വയസ്സും, ഹയര്‍ സെക്കന്‍ഡറിക്ക് 22 വയസ്സും പൂര്‍ത്തിയാകണം. സമ്പര്‍ക്ക പഠന ക്ലാസുകള്‍ ഞായറാഴചകളിലാണ് നടക്കുക. രജിസ്റ്റര്‍ ചെയ്യുന്നതിനായി മുനിസിപ്പില്‍, ബ്ലോക്ക്, ഗ്രാമ പഞ്ചായത്തുകളില്‍ പ്രവര്‍ത്തിക്കുന്ന സാക്ഷരതാ മിഷന്‍ തുടര്‍ വിദ്യാകേന്ദ്രം പ്രേരക്മാരുമായി ബന്ധപ്പെടുക. ഫോണ്‍ 04936 202091, 8281175355.
 

സമൂഹത്തില്‍ സ്ത്രീകള്‍ക്കെതിരെ വര്‍ധിച്ച് വരുന്ന അതിക്രമങ്ങള്‍ക്കെതിരെ
സ്ത്രീ സമൂഹം ശക്തമായി പ്രതികരിക്കണമെന്ന് സംസ്ഥാന വനിതാ കമ്മീഷന്‍ അധ്യക്ഷ എം.സി ജോസഫൈന്‍ പറഞ്ഞു. കളക്ടറേറ്റ്  കോണ്‍ഫറന്‍സ് ഹാളില്‍ നടന്ന വനിതാ കമ്മീഷന്‍ അദാലത്തില്‍ സംസാരിക്കുകയായിരുന്നു അവര്‍. മനുഷ്യവകാശ പ്രവര്‍ത്തകര്‍ എന്ന പേരില്‍ പണപ്പിരിവ് നടത്തി ആളുകളില്‍ നിന്നും പണം തട്ടിയെടുക്കുന്നതായുള്ള പരാതിയില്‍ കര്‍ശന നടപടിക്ക് ശുപാര്‍ശ ചെയ്യുമെന്ന് വനിതാ കമ്മീഷന്‍ അധ്യക്ഷ പറഞ്ഞു.

നെടുമങ്ങാട് മോട്ടല്‍ ആരാം ഒന്നരവര്‍ഷത്തിനകം പൂര്‍ത്തിയാകും

**12,000 ചതുരശ്ര അടിയില്‍ അത്യാധുനിക സൗകര്യങ്ങള്‍