ഇന്ന് പത്രികകള്‍ സമര്‍പ്പിക്കപ്പെട്ട തദ്ദേശ സ്ഥാപനങ്ങള്‍

കടുത്തുരുത്തി ബ്ലോക്ക് പഞ്ചായത്ത് -  1

വൈക്കം മുനിസിപ്പാലിറ്റി - 1   

ഗ്രാമ പഞ്ചായത്തുകള്‍: മറവന്തുരുത്ത്, ടി.വി പുരം, ഉഴവൂര്‍, പൂഞ്ഞാര്‍, തലപ്പലം, അകലക്കുന്നം, പാമ്പാടി-1 വീതം
വാകത്താനം- 3

ദീപാവലി ആഘോഷത്തില്‍ കോവിഡ് പ്രതിരോധ മുന്‍കരുതലുകള്‍ ഉറപ്പാക്കാന്‍ ശ്രദ്ധിക്കണമെന്ന് ജില്ലാ കളക്ടര്‍ എം. അഞ്ജന നിര്‍ദേശിച്ചു. 

 ആഘോഷത്തിനായി ആളുകള്‍ കൂട്ടം കൂടുവാന്‍ പാടില്ല. വ്യാപാര സ്ഥാപനങ്ങളില്‍ പോകുമ്പോള്‍ സാമൂഹിക അകലവും മാസ്‌കിന്റെ ഉപയോഗവും സാനിറ്റൈസേഷനും ഉറപ്പാക്കണം. 

കടകളില്‍ ഒരേ സമയം കൂടുതല്‍ ആളുകള്‍ക്ക് പ്രവേശനം നല്‍കാന്‍ പാടില്ല. കോവിഡ് പ്രോട്ടോക്കോള്‍ പാലിക്കപ്പെടുന്നുണ്ടെന്ന്  ഉറപ്പാക്കേണ്ട ചുമതല സ്ഥാപന ഉടമകള്‍ക്കാണ്. 

----------------------
ചിറക്കടവ് പഞ്ചായത്തിലെ 11-ാം വാര്‍ഡ് കണ്ടെയ്ന്‍മെന്‍റ് സോണായി പ്രഖ്യാപിച്ച് കോട്ടയം ജില്ലാ കളക്ടര്‍ എം. അഞ്ജന ഉത്തരവായി. 

കോട്ടയം മുനിസിപ്പാലിറ്റി-9, വാകത്താനം-13, വെള്ളൂര്‍-16, എലിക്കുളം-11, വിജയപുരം-12, വാഴപ്പള്ളി-5 എന്നീ വാര്‍ഡുകള്‍ പട്ടികയില്‍നിന്ന് ഒഴിവാക്കി.
 

നിലവില്‍ 20 തദ്ദേശഭരണ സ്ഥാപന മേഖലകളിലായി 32 കണ്ടെയ്ന്‍മെന്റ് സോണുകളാണുള്ളത്. പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  - 3, 5,  25, 33, 38, 47

2. ചങ്ങനാശേരി -  32

തദ്ദേശഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് പൂര്‍ണമായും ഹരിത പെരുമാറ്റച്ചട്ടം പാലിച്ചാകും നടത്തുകയെന്ന് കോട്ടയം  ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ എം. അഞ്ജന അറിയിച്ചു. പരിസ്ഥിതി സൗഹൃദ രീതിയില്‍ തിരഞ്ഞെടുപ്പ് പ്രവര്‍ത്തനങ്ങള്‍ പൂര്‍ത്തീകരിക്കുന്നതിന് സ്ഥാനാര്‍ത്ഥികളും രാഷ്ട്രീയ പാര്‍ട്ടി പ്രതിനിധികളും ഉദ്യോഗസ്ഥരും പൊതുജനങ്ങളും ജാഗ്രത പുലര്‍ത്തമെന്ന് കളക്ടര്‍ നിര്‍ദേശിച്ചു.

കോവിഡ് പ്രോട്ടോക്കോള്‍ പാലിച്ച് ശബരിമല തീര്‍ത്ഥാടനം സുഗമമാക്കുന്നതിനും എരുമേലിയില്‍ എത്തുന്ന തീര്‍ത്ഥാടകര്‍ക്ക് മികച്ച സേവനം ഉറപ്പാക്കുന്നതിനും റവന്യു ഇന്റലിജന്‍സ് സ്ക്വാഡ് രൂപീകരിച്ച് ജില്ലാ കളക്ടര്‍ ഉത്തരവായി. റവന്യു, പൊതുവിതരണം, ലീഗല്‍ മെട്രോളജി വകുപ്പുകളിലെ ഉദ്യോഗസ്ഥര്‍ ഉള്‍പ്പെട്ടതാണ് സ്‌ക്വാഡ്.

=======================================

കോട്ടയം ജില്ലയില്‍  425 പേര്‍ക്കു കൂടി കോവിഡ് സ്ഥിരീകരിച്ചു. 423 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  സംസ്ഥാനത്തിനു പുറത്തു നിന്നെത്തിയ  രണ്ടു പേർ രോഗബാധിതരായി. പുതിയതായി 4853 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 221 പുരുഷന്‍മാരും 168 സ്ത്രീകളും 46 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 75 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

================
ജില്ലാ പഞ്ചായത്തിലേക്ക് മത്സരിക്കുന്നവരുടെ നാമനിര്‍ദേശ പത്രികകള്‍ സ്വീകരിക്കുന്ന കളക്ടറേറ്റില്‍ കോവിഡ് പ്രതിരോധം ഉറപ്പാക്കുന്നതിന് പ്രത്യേക ക്രമീകരണങ്ങള്‍ ഏര്‍പ്പെടുത്തി. 

പത്രിക നല്‍കാന്‍ എത്തുന്നവര്‍ മാസ്ക്, ഗ്ലൗസ്, ഫേസ് ഷീൽഡ് എന്നിവ നിർബന്ധമായും ധരിച്ചിരിക്കണം. സ്ഥാനാര്‍ഥിയും നാമ നിര്‍ദ്ദേശകനും മറ്റൊരാളുമടക്കം മൂന്ന് പേര്‍ക്കു  മാത്രമാണ്  പ്രവേശനം അനുവദിക്കുക.

കളക്ടറേറ്റ് കവാടത്തില്‍ വച്ചിട്ടുള്ള സാനിറ്റൈസര്‍ ഉപയോഗിച്ച് കൈകള്‍ അണുവിമുക്തമാക്കി അകത്തു പ്രവേശിച്ച് തെര്‍മല്‍ സ്കാനിംഗിന് വിധേയരാകണം.  

--------------------------------------------
കോട്ടയം മുനിസിപ്പാലിറ്റിയിലെ 25-ാം വാര്‍ഡ്,
ഏറ്റുമാനൂര്‍ മുനിസിപ്പാലിറ്റിയിലെ 4-ാം വാര്‍ഡ്, മുണ്ടക്കയം പഞ്ചായത്തിലെ 5-ാം വാര്‍ഡ്, ഞീഴൂര്‍ പഞ്ചായത്തിലെ 12-ാം വാര്‍ഡ് എന്നിവ  
കോവിഡ് കണ്ടെയ്ന്‍മെന്‍റ് സോണുകളുടെ പട്ടികയില്‍നിന്ന് ഒഴിവാക്കി കോട്ടയം ജില്ലാ കളക്ടര്‍ ഉത്തരവായി. 
 

നിലവില്‍ 19 തദ്ദേശഭരണ സ്ഥാപന മേഖലകളിലായി 28  കണ്ടെയ്ന്‍മെന്റ് സോണുകളാണുള്ളത്. പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  - 3, 5,  33, 38, 47

========

തദ്ദേശ സ്ഥാപനങ്ങളിലേക്ക് നടക്കുന്ന പൊതുതിരഞ്ഞെടുപ്പുമായി ബന്ധപ്പെട്ട സംശയങ്ങള്‍ പരിഹരിക്കുന്നതിനും പെരുമാറ്റച്ചട്ട ലംഘനം സംബന്ധിച്ച പരാതികളില്‍ അടിയന്തര നടപടി സ്വീകരിക്കുന്നതിനും ജില്ലാതല മോണിറ്ററിംഗ് സെല്ലുകള്‍ രൂപീകരിച്ച് സംസ്ഥാന തിരഞ്ഞെടുപ്പ് കമ്മീഷന്‍ ഉത്തരവായി.

ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടറാണ് മോണിട്ടറിംഗ് സെല്ലിന്‍റെ ചെര്‍പേഴ്സണ്‍. പഞ്ചായത്ത് ഡെപ്യൂട്ടി ഡയറക്ടര്‍ കണ്‍വീനറും  ജില്ലാ പോലീസ് മേധാവി, തിരഞ്ഞെടുപ്പ് ഡെപ്യൂട്ടി കളക്ടര്‍, ജില്ലാ ഇന്‍ഫര്‍മേഷന്‍ ഓഫീസര്‍ എന്നിവര്‍ അംഗങ്ങളുമാണ്.