=============

തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്‍റെ പ്രചാരണ പരസ്യങ്ങള്‍ പ്രദര്‍ശിപ്പിക്കുമ്പോള്‍ സംസ്ഥാന തിരഞ്ഞെടുപ്പ് കമ്മീഷന്‍റെ നിര്‍ദേശങ്ങള്‍ കര്‍ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഓഫീസര്‍കൂടിയായ ജില്ലാ കളക്ടര്‍ എം. അഞ്ജന അറിയിച്ചു. 

അധികാരികളുടെ രേഖാമൂലമുള്ള മുന്‍കൂര്‍ അനുമതിയില്ലാതെ പൊതു സ്ഥാപനങ്ങളുടെ കെട്ടിടങ്ങളിലോ വസ്തുവകകളിലോ വൈദ്യുതി പോസ്റ്റുകളിലോ മൊബൈല്‍ ടവറുകളിലോ ടെലിഫോണ്‍ പോസ്റ്റുകളിലോ തിരഞ്ഞെടുപ്പ്  പരസ്യം സ്ഥാപിക്കുവാനോ പതിക്കുവോനോ വരയ്ക്കുവാനോ എഴുതുവാനോ പാടില്ല.

=======================================

കോട്ടയം ജില്ലയില്‍  266 പേര്‍ക്കു കൂടി കോവിഡ് സ്ഥിരീകരിച്ചു. 265 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  സംസ്ഥാനത്തിനു പുറത്ത് നിന്നെത്തിയ  ഒരാളും രോഗബാധിതനായി. പുതിയതായി 3283 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 129 പുരുഷന്‍മാരും 117 സ്ത്രീകളും 20 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 43 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

=========

കോവിഡ് പ്രതിരോധ മുന്‍കരുതലിന്‍റെ  ഭാഗമായി ക്രിമിനല്‍ നടപടി നിയമം 144 പ്രകാരം കോട്ടയം ജില്ലാ കളക്ടര്‍ പ്രഖ്യാപിച്ച നിരോധാനജ്ഞയുടെ കാലാവധി ഇന്ന്(നവംബര്‍ 15) ആര്‍ധരാത്രി അവസാനിക്കും. നിരോധനാജ്ഞ നീട്ടില്ലെന്നും രോഗ പ്രതിരോധത്തിനായുള്ള നിയന്ത്രണങ്ങള്‍ തുടരുമെന്നും ജില്ലാ കളക്ടര്‍ എം. അഞ്ജന അറിയിച്ചു. 

തദ്ദേശസ്വയംഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പിലെ  പ്രചാരണ പരിപാടികളുടെ നിയമസാധുത പരിശോധിക്കുന്നതിന് ജില്ലാ, താലൂക്ക് തലങ്ങളില്‍ ആന്റി ഡീഫേസ്മെന്‍റ് സ്‌ക്വാഡുകള്‍ രൂപീകരിച്ചു. നോട്ടീസുകള്‍, ബാനറുകള്‍, ബോര്‍ഡുകള്‍, പോസ്റ്ററുകള്‍ ചുവരെഴുത്തുകള്‍, മൈക്ക് അനൗണ്‍സ്‌മെന്‍റുകള്‍, പൊതുയോഗങ്ങള്‍ എന്നിവ സ്‌ക്വാഡ് പരിശോധിക്കും. സാമൂഹ്യ മാധ്യമങ്ങളിലൂടെ നടത്തുന്ന  പ്രചാരണങ്ങളും നിരീക്ഷിക്കും.

കോട്ടയം ജില്ലാ പഞ്ചായത്തിലേക്കുള്ള തിരഞ്ഞെടുപ്പില്‍ മത്സരിക്കുന്നതിന് നാലു പേര്‍ നാമനിര്‍ദേശ പത്രിക നല്‍കി. ഭരണങ്ങാനം, പൂഞ്ഞാര്‍, വാകത്താനം, പുതുപ്പള്ളി ഡിവിഷനുകളിലേക്ക് ഓരോ സ്ഥാനാര്‍ത്ഥികള്‍ വീതമാണ് ഇന്നലെ(നവംബര്‍ 16) വരണാധികാരിയായ ജില്ലാ കളക്ടര്‍ എം. അഞ്ജന മുമ്പാകെ പത്രിക നല്‍കിയത്.

=====
ഏറ്റുമാനൂര്‍ മുനിസിപ്പാലിറ്റി 7-ാം വാര്‍ഡ്, വൈക്കം മുനിസിപ്പാലിറ്റി 24-ാം വാര്‍ഡ്, ചിറക്കടവ് പഞ്ചായത്ത് 2-ാം വാര്‍ഡ് എന്നിവ കോവിഡ് കണ്ടെയ്ന്‍മെന്റ് സോണുകളുടെ പട്ടികയില്‍നിന്ന് ഒഴിവാക്കി കോട്ടയം ജില്ലാ കളക്ടര്‍ എം. അഞ്ജന ഉത്തരവായി.

നിലവില്‍ 18 തദ്ദേശഭരണ സ്ഥാപന മേഖലകളിലായി 25  കണ്ടെയ്ന്‍മെന്റ് സോണുകളാണുള്ളത്. പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  - 3, 5,  33, 38, 47

2. ചങ്ങനാശേരി -  32

3. ഈരാറ്റുപേട്ട -  21, 22, 23

4. വൈക്കം -  25

അഭിനന്ദിച്ച് ജില്ലാ കളക്ടറും പോലീസ് മേധാവിയും

=======================================

കോട്ടയം ജില്ലയില്‍  165 പേര്‍ക്കു കൂടി കോവിഡ് സ്ഥിരീകരിച്ചു. 157 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  സംസ്ഥാനത്തിനു പുറത്തുനിന്നെത്തിയ  എട്ടു പേർ രോഗബാധിതരായി. പുതിയതായി 1426 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 75 പുരുഷന്‍മാരും 64 സ്ത്രീകളും 26 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 25 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

മണ്ണ് പര്യവേക്ഷണ - മണ്ണ് സംരക്ഷണ വകുപ്പിൽ ട്രേസർ തസ്തികയുടെ സാധ്യതാ പട്ടികയിലുള്ളവരുടെ ഒറ്റത്തവണ പ്രമാണ പരിശോധന നവംബർ 19,  20 തീയതികളിൽ കോട്ടയം ജില്ലാ പി.എസ്.സി. ഓഫീസിൽ നടത്തും. ഉദ്യോഗാർഥികൾ അസൽ പ്രമാണങ്ങൾ പ്രൊഫൈലിൽ അപ് ലോഡ് ചെയ്യണമെന്നും നിർദിഷ്ട തീയതിയിലും സമയത്തും പരിശോധനക്ക് എത്തണമെന്നും ജില്ലാ പി.എസ്.സി ഓഫീസർ അറിയിച്ചു

=====
തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ ഉടമസ്ഥരുടെ അനുമതിയില്ലാതെ സ്വകാര്യ ഭൂമിയില്‍ പ്രചാരണ സാമഗ്രികള്‍ സ്ഥാപിക്കാന്‍ പാടില്ലെന്ന് സംസ്ഥാന തിരഞ്ഞെടുപ്പ് കമ്മീഷന്‍ വ്യക്തമാക്കിയിട്ടുണ്ട്.   

സ്വകാര്യ ഉടമസ്ഥതയിലുള്ള കെട്ടിടങ്ങളുടെ ഭിത്തികളിലും മതിലുകളിലും എഴുതുന്നതിനും പോസ്റ്റര്‍, ബാനര്‍, ബോര്‍ഡ് തുടങ്ങിയ പ്രചരണ സാമഗ്രികള്‍ സ്ഥാപിക്കുന്നതിനും അനുമതി ആവശ്യമാണ്. ഉടമസ്ഥനില്‍ നിന്ന് വാങ്ങുന്ന രേഖാമൂലമുള്ള അനുമതി മൂന്നു ദിവസത്തിനകം വരണാധികാരിക്കോ ചുമതലയുള്ള ഉദ്യോഗസ്ഥനോ നല്‍കണം.