തൃശൂർ സർക്കാർ എൻജിനിയറിങ് കോളേജിൽ ബി.ആർക്ക് കോഴ്സിൽ ഒഴിവുള്ള സീറ്റുകളിലേക്ക് 27 ന് സ്പോട്ട് അഡ്മിഷൻ നടത്തും. 2025-ലെ കീം റാങ്ക് പട്ടികയിൽ ഉൾപ്പെട്ട വിദ്യാർഥികൾക്ക് പങ്കെടുക്കാം.

        പട്ടികവർഗ വികസന വകുപ്പിന് കീഴിലുള്ള മോഡൽ റസിഡൻഷ്യൽ സ്കൂളുകളിലെയും ഹോസ്റ്റലുകളിലെയും വിദ്യാർഥികൾക്കായുള്ള സംസ്ഥാനതല കായികമേള ഒക്ടോബർ 18, 19, 20 തീയതികളിൽ തിരുവനന്തപുരം കാര്യവട്ടം എൽ.എൻ.സി.പി.ഇ സ്റ്റേഡിയത്തിൽ സംഘടിപ്പിക്കുന്നു. കായികമേളയുടെ ആവശ്യത്തിനായി താത്കാലിക പന്തൽ നിർമാണം, ഭക്ഷണ വിതരണം, ശബ്ദവും വെളിച്ചവും എന്നിവ ഏർപ്പെടുത്തുന്നതിനായി ദർഘാസ് ക്ഷണിച്ചു.

അമൃത് മിഷന്റെ പ്രോജക്ട് മോണിറ്ററിങ് ആൻഡ് വാട്ടർ ക്വാളിറ്റി മോണിറ്ററിങ് സിസ്റ്റത്തിന് 2025 ലെ ദേശീയ ഇ-ഗവേണൻസ് സിൽവർ അവാർഡ് ലഭിച്ചു. അമൃത് പ്രോജക്ടുകളുടെ നിരീക്ഷണത്തിനും, ജല ഗുണ നിലവാര പരിശോധനയ്ക്കും വേണ്ടിയുള്ള ഓൺലൈൻ സംവിധാനമാണിത്.

സംസ്ഥാനത്തെ പി.ജി. ഹോമിയോ/ ആയുർവേദ കോഴ്സുകളിലേയ്ക്കുള്ള പ്രവേശനത്തിനായി പ്രവേശന പരീക്ഷാ കമ്മീഷണറുടെ വെബ്സൈറ്റ് മുഖേന അപേക്ഷ സമർപ്പിച്ചവരിൽ ഭിന്നശേഷി വിഭാഗത്തിൽ ഉൾപ്പെടുവാൻ അപേക്ഷ നൽകിയ വിദ്യാർത്ഥികൾക്കായി അതാത് പ്രോസ്പെക്ടസിലെ ബന്ധപ്പെട്ട  ക്ലോസ്  പ്രകാരം മെഡിക്കൽ ബോർഡ് നടത്തുന്നു.  സെപ്റ്റംബർ 29ന് രാവിലെ 10.30 നു  തിരുവനന്തപുരത്തുളള മെഡിക്കൽ വിദ്യാഭ്യാസ ഡയറക്ടറുടെ കാര്യാലയത്തിൽ വച്ചാണ് മെഡിക്കൽ ബോർഡ് നടത്തുന്നത്.

        ഭൂവിനിയോഗ വകുപ്പിൽ കൃഷി ഓഫീസർ, പ്രൊജക്ട് സയന്റിസ്റ്റ് (ജിയോളജി), പ്രൊജക്ട് സയന്റിസ്റ്റ് (ജിയോ ഇൻഫോർമാറ്റിക്സ്) ഒഴിവുകളിലേക്ക് കരാർ നിയമനത്തിന് വാക്ക് ഇൻ ഇന്റർവ്യൂ നടത്തും. സെപ്റ്റംബർ 26 ന് കൃഷി ഓഫീസർ, 27 ന് പ്രൊജക്ട് സയന്റിസ്റ്റ് (ജിയോളജി), 29 ന് പ്രൊജക്ട് സയന്റിസ്റ്റ് (ജിയോ ഇൻഫോർമാറ്റിക്സ്) തസ്തികകളിലേക്കുള്ള അഭിമുഖം നടക്കും.

പി.ജി. ആയുർവേദ കോഴ്‌സുകളിലേയ്ക്കുള്ള പ്രവേശനത്തിനായി പ്രവേശന പരീക്ഷാ കമ്മീഷണർക്ക് അപേക്ഷ സമർപ്പിച്ചിട്ടുള്ളവരുടെ  താത്കാലിക മെറിറ്റ്  ലിസ്റ്റും താത്കാലിക കാറ്റഗറി ലിസ്റ്റും www.cee.kerala.gov.in ൽ പ്രസിദ്ധീകരിച്ചു. അപേക്ഷകളിലെ ന്യൂനതകൾ പരിഹരിക്കുന്നതിനുള്ള സമയം 25ന് ഉച്ചയ്ക്ക് 1 വരെ നീട്ടി.

        സിമെറ്റ് നഴ്സിങ് കോളേജുകളിൽ ഒഴിവുള്ള സിനിയർ സൂപ്രണ്ട് തസ്തികയിൽ ഒരു വർഷത്തെ കരാർ നിയമനത്തിന് സർക്കാർ/ പൊതുമേഖലാ/ അർദ്ധ സർക്കാർ സ്ഥാപനങ്ങളിൽ നിന്നും സീനിയർ സൂപ്രണ്ടോ അതിന് മുകളിലുള്ള തസ്തികയിൽ നിന്നും വിരമിച്ചവരിൽ നിന്നും അപേക്ഷ ക്ഷണിച്ചു. ഡിഗ്രിയും കമ്പ്യൂട്ടർ പരിജ്ഞാനവും ആവശ്യമാണ്. പ്രായം 59 വയസ് കഴിയരുത്. പർച്ചേസ്/ അക്കൗണ്ട്സ്/ ബഡ്ജറ്റിംഗ്/ ഓഡിറ്റ് എന്നീ വിഭാഗങ്ങളിൽ പ്രവൃത്തി പരിചയം ഉള്ളവർക്ക് മുൻഗണന.

കേരള സർക്കാർ അംഗീകരിച്ച പ്രോസ്‌പെക്ടസ്സ് പ്രകാരം 2025 അദ്ധ്യയന വർഷത്തെ മാസ്റ്റർ ഓഫ് ഫിസിയോതെറാപ്പി അപേക്ഷിച്ചവരുടെ പ്രാഥമിക പരിശോധനയ്ക്കു ശേഷമുള്ള സ്വീകാര്യമായ വ്യക്തിഗത അക്കാദമിക വിവരങ്ങൾ www.lbscentre.kerala.gov.in ൽ  പ്രസിദ്ധീകരിച്ചു.

പുനർവിവാഹിതരായ മാതാപിതാക്കളുടെ കുട്ടികൾക്കായി സ്‌കൂളുകളിൽ സംരക്ഷണം ഒരുക്കി പൊതുവിദ്യാഭ്യാസ വകുപ്പ്. പുനർവിവാഹിതരായ മാതാപിതാക്കളുള്ള വീടുകളിൽ ആദ്യ വിവാഹത്തിലെ കുട്ടികൾക്ക് ആവശ്യമായ പരിഗണയും കരുതലും ലഭിക്കാത്ത സാഹചര്യങ്ങളുണ്ട്. ഇത്തരം അവഗണനകൾ കുട്ടികളുടെ പഠനത്തിനെയും മാനസികവളർച്ചയെയും ബാധിക്കുന്നത് ഒഴിവാക്കുന്നതിനാണ് പൊതുവിദ്യാഭ്യാസ വകുപ്പ് നടപടി സ്വീകരിക്കുന്നത്.

തിരുവനന്തപുരം മ്യൂസിയം മൃഗശാലയുടെ ആഭിമുഖ്യത്തിൽ വന്യജീവി വാരാഘോഷം ഒക്ടോബർ 2 മുതൽ 8 വരെ വിപുലമായ മത്സരങ്ങളോടെ മ്യൂസിയം മൃഗശാല കാര്യാലയത്തിൽ നടക്കും.