എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷനും എംപ്ലോയീസ് സ്റ്റേറ്റ് ഇൻഷുറൻസ് കോർപ്പറേഷനും സംയുക്തമായി വിവരങ്ങൾ കൈമാറി പരാതികൾ പരിഹരിക്കാൻ നിധി ആപ്കെ നികാത്ത് എന്ന പേരിൽ ജില്ലാ ബോധവത്കരണ ക്യാമ്പും ഔട്ട് റീച്ച് പ്രോഗ്രാമും സംഘടിപ്പിക്കുന്നു. സെപ്റ്റംബർ 29ന് പനമരം ഗ്രാമപഞ്ചായത്ത് കമ്മ്യൂണിറ്റി ഹാളിലാണ്  ക്യാമ്പ്  നടക്കുക. അംഗങ്ങൾ, തൊഴിലുടമകൾ, പെൻഷൻകാർ  https://forms.gle/tfJAjVXHVj41J6Zn6 മുഖേനയോ, സ്പോട്ട് രജിസ്‌ട്രേഷൻ മുഖേനയോ രജിസ്റ്റർ ചെയ്യണം. ഫോൺ- 0495 2361293, 0495 2767893.

സംസ്ഥാന യുവജന കമ്മീഷൻ ചെയർപേഴ്സൺ എം.ഷാജറിന്റെ അധ്യക്ഷതയിൽ ഇന്ന് ( സെപ്തംബർ 25)  രാവിലെ 11 മുതൽ കളക്ട്രേറ്റ് കോൺഫറൻസ് ഹാളിൽ ജില്ലാതല അദാലത്ത് നടക്കും. 18 നും 40 നുമിടയിൽ പ്രായമുള്ളവർക്ക് അദാലത്തിൽ കമ്മീഷൻ മുമ്പാകെ പരാതി നൽകാം.

ഹയര്‍സെക്കന്‍ഡറി നാഷണല്‍ സര്‍വീസ് സ്‌കീം കര്‍മപദ്ധതിയുടെ ഭാഗമായി നടപ്പാക്കുന്ന 'ജീവിതോത്സവം' പദ്ധതിക്ക് ജില്ലയില്‍ തുടക്കമായി. ജില്ലാതല ഉദ്ഘാടനം സേവാമന്ദിരം പോസ്റ്റ് ബേസിക് ഹയര്‍ സെക്കന്‍ഡറി സ്‌കൂളില്‍ രാമാനാട്ടുകര നഗരസഭ ചെയര്‍പേഴ്‌സണ്‍ വി എം പുഷ്പ നിര്‍വഹിച്ചു. കൗമാരക്കാരായ വിദ്യാര്‍ഥികളുടെ സര്‍ഗശേഷിയും ഊര്‍ജവും പുതുവഴികളിലൂടെ ഉപയോഗപ്പെടുത്തല്‍ ലക്ഷ്യമിട്ട് 21 ദിവസം നടപ്പാക്കുന്ന പദ്ധതിയാണ് 'ജീവിതോത്സവം 2025'. 

പ്രമാടം സര്‍ക്കാര്‍ എല്‍ പി സ്‌കൂളിന്റെ പുതിയ കെട്ടിടം ഉദ്ഘാടനം ചെയ്തു

മന്ത്രി ഒ.ആർ കേളുവിന്റെ പ്രത്യേക വികസന നിധിയിലുൾപ്പെടുത്തി തവിഞ്ഞാൽ ഗ്രാമപഞ്ചായത്തിലെ മാംബെ തിയ്യേരിക്കൊല്ലി റോഡ് സൈഡ് കെട്ട് കോൺക്രീറ്റ് പ്രവർത്തിക്ക് 50 ലക്ഷം രൂപയുടെ ഭരണാനുമതി ലഭിച്ചു.

മാനന്തവാടി ബ്ലോക്ക്‌ പഞ്ചായത്ത്‌ നാഷണൽ ആയുഷ് മിഷൻ ആയുഷ്ഗ്രാം ജീവിത ശൈലി ആയുർവേദ ക്ലിനിക്കിന്റെ  നേതൃത്വത്തിൽ ആയുർവേദ ദിനചാരണം സംഘടിപ്പിച്ചു. ചുണ്ടമുക്ക് രണ്ടേനാൽ സാംഗ ക്ലബ്ബിൽ നടന്ന പരിപാടി മാനന്തവാടി ബ്ലോക്ക്‌ പഞ്ചായത്ത്‌ പ്രസിഡന്റ്  ജസ്റ്റിൻ ബേബി ഉദ്ഘാടനം ചെയ്തു. ജീവിതശൈലി രോഗ നിർണ്ണയ ക്യാമ്പും പരിപാടിയുടെ ഭാഗമായി നടത്തി.

എടവക ഗ്രാമ പഞ്ചായത്ത്‌ പ്രസിഡന്റ് ബ്രാൻ അഹമ്മദ് കുട്ടി അധ്യക്ഷനായ പരിപാടിയിൽ ജില്ലാ പഞ്ചായത്ത് അംഗം കെ. വിജയൻ, ആയുഷ്ഗ്രാം മെഡിക്കൽ ഓഫീസർ ഡോ. സിജോ കുര്യക്കോസ്  ലൈബ്രറി  സെക്രട്ടറി പി. കാദർ,സാംഗ ക്ലബ്ബ് പ്രസിഡന്റ്  കെ.ടി അഷറഫ് തുടങ്ങിയവർ സംസാരിച്ചു.

ഗസ്റ്റ് ഇന്‍സ്ട്രക്ടര്‍ നിയമനം

കുറ്റ്യാടി മണ്ഡലത്തിലെ നാളികേര കര്‍ഷകര്‍ക്ക് വാണിജ്യ സാധ്യതകള്‍ തുറന്നിടുന്ന മണിമല നാളികേര പാര്‍ക്ക് യാഥാര്‍ഥ്യത്തിലേക്ക്. പാര്‍ക്കില്‍ ഈ വര്‍ഷം തന്നെ വ്യവസായികളെ ക്ഷണിക്കുമെന്ന് കെ പി കുഞ്ഞമ്മദ് കുട്ടി മാസ്റ്റര്‍ എം എല്‍ എ പറഞ്ഞു.

കുന്ദമംഗലം കുടുംബാരോഗ്യ കേന്ദ്രത്തില്‍ ചികിത്സക്കെത്തുന്ന രോഗികള്‍ക്കും കൂടെയെത്തുന്നവര്‍ക്കും മാനസികോല്ലാസത്തിനും വിശ്രമത്തിനുമായി ഒരുക്കിയ 'ആലിലക്കാറ്റ്' ഹാപ്പിനസ് പാര്‍ക്കിന്റെ ഉദ്ഘാടനം പി ടി എ റഹീം എംഎല്‍എ നിര്‍വഹിച്ചു.

പ്രശാന്ത് പടനിലം നിര്‍മിച്ച ശില്‍പ്പം, നൂറ്റാണ്ടോളം പഴക്കമുള്ള ആലിനോടനുബന്ധിച്ച് തയാറാക്കിയ ഇരിപ്പിടം, ഊഞ്ഞാല്‍, ടൈല്‍സ് പാകി മനോഹരമാക്കിയ തറ, സംരക്ഷണ ഭിത്തി തുടങ്ങിയവയടങ്ങിയ പാര്‍ക്ക് വയോജനങ്ങള്‍ക്കും കുട്ടികള്‍ക്കും പ്രയോജനപ്പെടുന്ന രീതിയിലാണ് രൂപകല്‍പ്പന ചെയ്തത്. കുന്ദമംഗലം ഗ്രാമപഞ്ചായത്ത് പദ്ധതിയില്‍ അനുവദിച്ച ഏഴ് ലക്ഷം രൂപ ചെലവിട്ടാണ് നിര്‍മാണം. 

കൊയിലാണ്ടി നഗരസഭ കുടുംബശ്രീ സൗത്ത് സിഡിഎസിന്റെ നേതൃത്വത്തില്‍ ചലനം മെന്റര്‍ഷിപ്പിന്റെ ഭാഗമായി 'സൗഗന്ധിക കെ കൊയിലാണ്ടി' കാര്‍ഷിക സംരംഭക സംഗമം സംഘടിപ്പിച്ചു. നഗരസഭ ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ കെ ഷിജു ഉദ്ഘാടനം ചെയ്തു. ഉപസമിതി കണ്‍വീനന്‍ ശാലിനി അധ്യക്ഷയായി. കൃഷി ഓഫീസര്‍ ഷംസിദ പദ്ധതി വിശദീകരിച്ചു. ചലനം മെന്റര്‍ ഷീല വിഷയാവതരണം നടത്തി. റീന, ഷീജ എന്നിവര്‍ സംസാരിച്ചു.