വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ കാപ്പുംചാൽ, അംബേദ്കർ, പാതിരിച്ചാൽ, കുഴിപ്പിൽ കവല, കല്ലോടി -പാതിരിച്ചാൽ റോഡ് പ്രദേശങ്ങളിൽ ഇന്ന് (സെപ്റ്റംബർ 23) രാവിലെ 8.30 മുതൽ വൈകിട്ട് 5 വരെ വൈദ്യുതി മുടങ്ങും.

പൊതുവിതരണ ഉപഭോക്തൃകാര്യ കമ്മീഷണറുടെ ഉടമസ്ഥതയിലുള്ള കെ എൽ 01 ബിബി 4319 അംബാസ്സഡർ ഗ്രാൻഡ് 2000 DSZ ബിഎസ് 111, 2011 മോഡൽ വാഹനം ലേലം ചെയ്യുന്നു. മാനന്തവാടി താലൂക്ക് സപ്ലൈ ഓഫീസിൽ വെച്ച് ഒക്ടോബർ 10 ഉച്ച രണ്ടിന് ലേലം നടക്കും.  ഒക്ടോബർ നാല് വൈകിട്ട് നാലിനകം ക്വട്ടേഷനുകൾ  മാനന്തവാടി താലൂക്ക് സപ്ലൈ ഓഫീസിൽ നൽകണം. ഫോൺ: 04935 240252.

ജില്ലാ പഞ്ചായത്തിൽ ഡ്രൈവർ തസ്തികയിലേക്ക് ദിവസ വേതനാടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു. ഡ്രൈവിങ് ലൈസൻസുള്ള 18-41നുമിടയിൽ പ്രായമുള്ള ഏഴാം ക്ലാസ് യോഗ്യതയുള്ളവർക്ക് അപേക്ഷിക്കാം. ഉദ്യോഗാർത്ഥികൾക്ക് കാഴ്ച, കേൾവി, പൊതു ആരോഗ്യം  എന്നിവയ്ക്കുള്ള മെഡിക്കൽ ഫിറ്റ്നസ് ഉണ്ടായിരിക്കണം. അപേക്ഷകൾ സെപ്റ്റംബർ 30 വൈകിട്ട് മൂന്നിനകം നൽകണം. അപേക്ഷ ഫോം ജില്ലാ പഞ്ചായത്ത് ഓഫീസിൽ ലഭ്യമാണ്.

പട്ടികവർഗ വികസന വകുപ്പിന് കീഴിലുള്ള മോഡൽ റസിഡൻഷ്യൽ സ്കൂൾ പ്രീമെട്രിക് ഹോസ്റ്റൽ വിദ്യാർത്ഥികൾക്കായി സംഘടിപ്പിക്കുന്ന കായിക മേളയോടനുബന്ധിച്ച്  കായിക താരങ്ങളെയും, എസ്കോർട്ടിങ് സ്റ്റാഫുകളെയും കൊണ്ടുപോകുന്നതിനും, മേള കഴിഞ്ഞ് തിരികെയെത്തിക്കുന്നതിനും 49 സീറ്റ് ടൂറിസ്റ്റ് ബസ്സ് (എസി,നോൺ എസി) വാടകയ്ക്ക് നൽകാൻ സ്ഥാപനങ്ങൾ, വ്യക്തികളിൽ നിന്നും ക്വട്ടേഷൻ ക്ഷണിച്ചു. ക്വട്ടേഷനുകൾ ഒക്ടോബർ നാല് ഉച്ച രണ്ടിനകം കൽപ്പറ്റ സിവിൽ സ്റ്റേഷനിലുള്ള ഐടിഡിപി ഓഫീസിൽ ലഭ്യമാക്കണം.ഫോൺ: 04936 202232.

കൽപ്പറ്റ പുത്തൂർവയൽ എസ്ബിഐ ഗ്രാമീണ സ്വയം തൊഴിൽ പരിശീലന കേന്ദ്രത്തിൽ ആരി എംബ്രോയിഡറിയിൽ (ബീഡ് വർക്ക്, സീക്വൻസ്  വർക്ക്, സ്റ്റോൺ വർക്ക്, സർദോസി വർക്ക്, സാരി ത്രെഡ് വർക്ക്, സിൽക്ക് ത്രെഡ് വർക്ക്) സൗജന്യ പരിശീലനം നൽകുന്നു. സെപ്റ്റംബർ 24ന് ആരംഭിക്കുന്ന പരിശീലനത്തിലേക്ക് 18നും 50നും ഇടയിൽ പ്രായമുള്ള തൊഴിൽരഹിതർക്കാണ് അവസരം. ഫോൺ: 8590762300, 8078711040, 04936 206132.

വയനാട് ഓർഫനേജ് വൊക്കേഷണൽ ഹയർ സെക്കൻഡറി സ്കൂളിൽ ഒക്ടോബർ 16,17 തീയതികളിൽ നടക്കുന്ന വയനാട് റവന്യൂ ജില്ല ശാസ്ത്രോത്സവത്തിനായുള്ള ലോഗോ ക്ഷണിച്ചു. എ-4 സൈസിൽ തയ്യാറാക്കിയ ലോഗോ സെപ്റ്റംബർ 25 വൈകുന്നേരം അഞ്ചിനകം കൺവീനർ, വയനാട് റവന്യൂ ജില്ല ശാസ്ത്രോത്സവം, ഡബ്ലിയുഒവിഎച്ച്എസ് സ്കൂൾ മുട്ടിൽ, മാണ്ടാട് പി.ഒ, വയനാട് - 673122 എന്ന വിലാസത്തിലോ agouse@gmail.com എന്ന ഇ-മെയിലിലോ ലഭ്യമാകണം. ഫോൺ: 7907359078.

ചെമ്പട്ടി ട്രൈബൽ ലൈബ്രറിയുടെയും കേരള വെറ്ററിനറി ആന്റ് ആനിമൽ സയൻസസ് യൂണിവേഴ്സിറ്റി സംരംഭകത്വ വിജ്ഞാന വ്യാപന വിഭാഗത്തിന്റെ 'ഒപ്പം' പദ്ധതിയുടെയും സഹകരണത്തോടെ ജില്ലാ ലൈബ്രറി കൗൺസിൽ വായനോത്സവം സംഘടിപ്പിച്ചു. ഗ്രന്ഥശാലാ തലത്തിൽ ചെമ്പട്ടി വായനശാലയിലും സ്കൂൾ തലത്തിൽ യുപി വിഭാഗത്തിനായി പൂക്കോട് മോഡൽ റെസിഡൻഷ്യൽ സ്കൂളിലുമാണ് പരിപാടി സംഘടിപ്പിച്ചത്. മത്സരത്തിൽ 50 പേർ പങ്കെടുത്തു. 

ജില്ലാ സൈനിക ക്ഷേമ ഓഫീസിന്റെ നേതൃത്വത്തിൽ വിമുക്ത ഭടന്മാര്‍ക്കും അവരുടെ ആശ്രിതര്‍ക്കുമായി മൂന്ന് മാസത്തെ ഫയര്‍ ആന്റ് സേഫ്റ്റി ഇലക്ട്രോണിക്സ് സിസ്റ്റം മാനേജ്മെന്റ് കോഴ്സ് നടത്തുന്നു. ഒക്ടോബര്‍ മൂന്ന് മുതൽ സുൽത്താൻ ബത്തേരി കെൽട്രോണിലായിരിക്കും ക്ലാസുകൾ. താത്പര്യമുള്ളവര്‍ സെപ്റ്റംബര്‍ 30ന് മുമ്പ് വയനാട് ജില്ലാ സൈനികക്ഷേമ ഓഫീസിൽ അപേക്ഷ നൽകണം. ഫോൺ: 04936 202668.

കരണി-കമ്പളക്കാട് റോഡിലെ കല്ലഞ്ചിറയിൽ സൈഡ് കെട്ട് പ്രവൃത്തി നടക്കുന്നതിനാൽ ഇന്ന് മുതൽ (സെപ്റ്റംബര്‍ 23) പ്രവൃത്തി അവസാനിക്കുന്നത് വരെ വാഹന ഗതാഗതം പൂര്‍ണമായി നിരോധിക്കും. കരണി - കമ്പളക്കാട് പാതയിൽ സഞ്ചരിക്കുന്ന വാഹനങ്ങൾ കമ്പളക്കാട് - പറളിക്കുന്ന് - കമ്പ്ലാട് - കല്ലുവയൽ - കരണി വഴി തിരിച്ചുവിടും. 

മാനന്തവാടി താലൂക്കിലെ പാരിസൺസ് എസ്റ്റേറ്റ്സ് ഇൻഡസ്ട്രീസ് പ്രൈവറ്റ് ലിമിറ്റഡ് പ്ലാന്റേഷനിലെ, ചിറക്കര, ജെസ്സി, തേറ്റമല, തലപ്പുഴ എന്നി ഡിവിഷനുകളിൽ 86 തൊഴിലാളികളെ സ്ഥിരപ്പെടുത്തി.  ചുരുങ്ങിയത് അഞ്ച് വർഷം തുടർസേവനത്തിലുള്ളവരും സൂപ്പര്‍ആന്വേഷന് അഞ്ച് വർഷമെങ്കിലും ശേഷിക്കുന്നവരെയുമാണ് മാനേജമെന്റ് സ്ഥിരപ്പെടുത്തിയതെന്ന് മാനന്തവാടി പ്ലാന്റേഷൻ ഇൻസ്പെക്ട്ർ അറിയിച്ചു.