പരിപ്പ് - തൊള്ളായിരം റോഡ് നിർമ്മാണം സമയബന്ധിതമായി പൂർത്തിയാക്കി 2026 ജനുവരി 31 ന് മുമ്പ് തുറന്നു കൊടുക്കുമെന്ന് സഹകരണ, തുറമുഖം, ദേവസ്വം  മന്ത്രി വി.എൻ. വാസവൻ.  നിർമാണം മുടങ്ങിക്കിടന്ന പരിപ്പ് - തൊള്ളായിരം റോഡിന്റെ പുനർ നിർമ്മാണോദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.

 ഏറ്റുമാനൂർ നിയോജക മണ്ഡലത്തിലെ വികസന ശില്പശാലയിൽ ഉയർന്നുവന്ന പ്രധാന ആവശ്യങ്ങളിൽ ഒന്നായിരുന്നു അയ്മനം പഞ്ചായത്തിന്റെ സമഗ്ര വികസനത്തിനായി
പരിപ്പ് -തൊള്ളായിരം റോഡിന്റെ  പുനർനിർമാണം. പി.എം. ജി.എസ്.വൈ യിൽ  ഉൾപ്പെടുത്തി ആരംഭിച്ച പദ്ധതി പൂർത്തിയാക്കാൻ 7. 08 കോടി രൂപ അനുവദിച്ചത് സംസ്ഥാന സർക്കാരാണ്.

ഉരുൾപൊട്ടൽ ദുരന്തമുണ്ടായ അട്ടമല-മുണ്ടക്കൈ പ്രദേശങ്ങളെ ചൂരൽമലയുമായി ബന്ധിപ്പിക്കുന്ന ബെയിലി പാലത്തിലൂടെയുള്ള യാത്രയ്ക്ക് നേരത്തെ ഏര്‍പ്പെടുത്തിയിരുന്ന നിയന്ത്രണങ്ങളിൽ ഭാഗികമായി ഇളവുകൾ അനുവദിച്ചു. ജില്ലാ ദുരന്ത നിവാരണ അതോറിറ്റി അധ്യക്ഷ കൂടിയായ ജില്ലാ കളക്ടര്‍ ഡി.ആര്‍ മേഘശ്രീയാണ് ഇത് സംബന്ധിച്ച ഉത്തരവിറക്കിയത്. പ്രവേശന വിലക്കില്ലാത്ത ഗോ സോൺ ഏരിയകളിലേക്കുള്ള യാത്രയ്ക്ക് നിബന്ധനകൾക്ക് വിധേയമായി ബെയിലി പാലം കടന്നുപോകാനാണ് അനുമതിയുള്ളത്.

പച്ചക്കറി ഉത്പാദനത്തില്‍ സ്വയംപര്യാപ്തത ലക്ഷ്യമിട്ടുള്ള പ്രവര്‍ത്തനങ്ങള്‍ കോട്ടയം ജില്ലയില്‍ വിജയവഴിയില്‍. പദ്ധതിയുടെ ഭാഗമായി ഈ വര്‍ഷം അധികമായി 679 ഹെക്ടര്‍ സ്ഥലത്ത് കൃഷി വ്യാപിക്കുന്നതിനുള്ള കാര്‍ഷിക വികസന-കര്‍ഷക ക്ഷേമ വകുപ്പിന്റെ നടപടികള്‍ പുരോഗമിക്കുകയാണ്. 

അഞ്ചു വര്‍ഷത്തിനുള്ളില്‍ നാട്ടില്‍ ആവശ്യമുള്ളത്ര പച്ചക്കറികള്‍ ഇവിടെ തന്നെ ഉത്പാദിപ്പിക്കാന്‍ കഴിയുന്ന നിലയിലേക്ക്  എത്തുകയാണ് ലക്ഷ്യം. ജില്ലയില്‍ കഴിഞ്ഞ വര്‍ഷം 6673 ഹെക്ടറിലാണ് പച്ചക്കറിക്കൃഷി ഉണ്ടായിരുന്നത്.  

2025-26 സാമ്പത്തിക വര്‍ഷം വാഴൂര്‍ ബ്ലോക്ക് പഞ്ചായത്ത് അസിസ്റ്റന്റ് എന്‍ജിനിയര്‍ നിര്‍വഹണ ഉദ്യോഗസ്ഥന്‍ ആയി ഏറ്റെടുത്ത് നടപ്പിലാക്കുന്ന അഞ്ചു പ്രവൃത്തികളുടെ റീ-ഇ-ടെണ്ടറുകള്‍ ക്ഷണിച്ചു. വിന്‍ഡോ നമ്പര്‍ - B262725/2025
ബിഡുകള്‍ സമര്‍പ്പിക്കേണ്ട അവസാന തീയതി - സെപ്റ്റംബര്‍ 21 വൈകുന്നേരം അഞ്ചു വരെ. വിശദവിവരത്തിന് ഫോണ്‍:9746221892.

സാമൂഹ്യനീതി വകുപ്പിന് കീഴില്‍ തിരുവഞ്ചൂരില്‍ പ്രവര്‍ത്തിക്കുന്ന സര്‍ക്കാര്‍ വൃദ്ധസദനത്തിന്റെ വളപ്പില്‍ വെട്ടിയിട്ടിട്ടുള്ള മരങ്ങള്‍ വില്‍ക്കുന്നതിനായി ക്വട്ടേഷന്‍ ക്ഷണിച്ചു. സെപ്റ്റംബര്‍ 27ന് ഉച്ചയ്ക്ക് രണ്ടു വരെ ക്വട്ടേഷനുകള്‍ സ്വീകരിക്കും. സെപ്റ്റംബര്‍ 29ന് ഉച്ചയ്ക്ക് രാവിലെ 11ന്് വൃദ്ധസദനത്തില്‍വച്ച് ലേലം നടത്തും. ലേലം അവസാനിച്ച ശേഷം 12.30ന് ക്വട്ടേഷനുകള്‍ തുറക്കും. വിശദവിവരത്തിന്  ഫോണ്‍:0481-2770430.
 

മാനന്തവാടി ഗവ. മെഡിക്കൽ കോളജ് ആശുപത്രിയിലെ ഇസിജി യൂണിറ്റിലേക്ക് ഇസിജി പേപ്പർ വിതരണം ചെയ്യാൻ അംഗീകൃത സ്ഥാപനങ്ങളിൽ നിന്നും ദർഘാസ് ക്ഷണിച്ചു. ദർഘാസുകൾ ഒക്‌ടോബർ നാലിന് രാവിലെ 11 വരെ സ്വീകരിക്കും. ഫോൺ:  04935 240264.

 സര്‍ക്കാര്‍ പോളിടെക്നിക് കോളജില്‍ പൊളിച്ചുമാറ്റിയ ജി.ഐ. പൈപ്പുകളും ആസ്ബറ്റോസ് ഷീറ്റുകളും സെപ്റ്റംബര്‍ 30ന് രാവിലെ 11.30ന് ലേലം ചെയ്തു വില്‍ക്കും. ലേലത്തിനു പുറമേ മുദ്രവെച്ച ക്വട്ടേഷനും സ്വീകരിക്കും. പൂരിപ്പിച്ച ക്വട്ടേഷനുകള്‍ പ്രിന്‍സിപ്പല്‍, സര്‍ക്കാര്‍ പോളിടെക്നിക് കോളജ്, കോട്ടയം-686013 എന്ന വിലാസത്തില്‍ സെപ്റ്റംബര്‍ 30ന് രാവിലെ 10.30ന് മുന്‍പായി നല്‍കണം. ഫോണ്‍: 0481-2361884,2361100.

ഗാന്ധിജിയുടെ 156-ാം ജന്മദിനത്തോടനുബന്ധിച്ച് കേരള ഖാദി ഗ്രാമവ്യവസായ ബോര്‍ഡ് സംഘടിപ്പിക്കുന്ന ഗാന്ധിജയന്തി വാരാഘോഷത്തിന്റെ തുടര്‍ച്ചയായി  ജില്ലയിലെ ഹൈസ്‌കൂള്‍, ഹയര്‍ സെക്കന്‍ഡറി സ്‌കൂള്‍ അടിസ്ഥാനത്തില്‍ ഒരു സ്‌കൂളില്‍ നിന്ന് രണ്ടു കുട്ടികളെ വീതം ഉള്‍പ്പെടുത്തി 'ഗാന്ധിജിയും ഖാദിയും സ്വാതന്ത്ര്യസമരവും' എന്ന വിഷയത്തില്‍ സെപ്റ്റംബര്‍ 24ന് രാവിലെ 11 മണിക്ക്  ബി.സി.എം കോളജില്‍വെച്ച് ജില്ലാതല ക്വിസ് മത്സരവും ഖാദി എക്സിബിഷനും നടത്തും. മത്സരത്തില്‍ ഒന്നും രണ്ടും സ്ഥാനക്കാരെ പങ്കെടുപ്പിച്ച് സംസ്ഥാനതല ക്വിസ് മത്സരം തിരുവനന്തപുരത്തുള്ള കേരള ഖാദി ഗ്രാമവ്യവസായ ബോര്‍ഡ് ആസ്ഥാന കാര്യാലയത്തില്‍ വച്ച് നടത്തും.