അര്‍ഹരായ സമ്മതിദായകര്‍ മാത്രം ഉള്‍പ്പെട്ട, അനര്‍ഹരായ വ്യക്തികള്‍ ആരും തന്നെ ഇല്ലാത്ത ഏറ്റവും ശുദ്ധമായ സമ്മതിദായകപ്പട്ടിക തയ്യാറാക്കുന്നതിന്റെ ഭാഗമായായാണ് കേന്ദ്ര തിരഞ്ഞെടുപ്പ് കമ്മീഷന്റെ നേതൃത്വത്തില്‍ പ്രത്യേക തീവ്ര വോട്ടര്‍ പട്ടിക പുതുക്കല്‍ യജ്ഞം-2025 (സ്‌പെഷ്യല്‍ ഇന്റന്‍സീവ് റിവിഷന്‍- എസ്.ഐ.ആര്‍) നടത്തുന്നത്. ഒന്നിലധികം സ്ഥലങ്ങളില്‍ പേരുള്ളവര്‍, വ്യത്യസ്ത പേരുകളില്‍ ഒന്നിലധികം തവണ പേര് ചേര്‍ത്തവര്‍, വിദേശികള്‍, ഇന്ത്യക്കാരല്ലാത്ത എന്നാല്‍ വോട്ടര്‍ പട്ടികയില്‍ പേരുള്‍പ്പെട്ടവരുമായ സ്ഥലത്തില്ലാത്തവര്‍ എന്നിവരെ കണ്ടെത്തി ഒഴിവാക്കും.

പ്രത്യേക തീവ്ര വോട്ടര്‍പട്ടിക (എസ് ഐ ആര്‍) പുതുക്കലിന്റെ ഭാഗമായി ബിഎല്‍ഒ സൂപ്പര്‍വൈസര്‍മാര്‍ക്കും, രാഷ്ട്രീയ പ്രതിനിധികള്‍ക്കും  പരിശീലന ക്ലാസ് സംഘടിപ്പിച്ചു.  
കളക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ ജില്ലാ കളക്ടര്‍ എം.എസ്.മാധവികുട്ടി, സെപ്യൂട്ടി കളക്ടര്‍ എസ്. സജീദ്, തിരഞ്ഞെടുപ്പ് വിഭാഗം അസിസ്റ്റന്റ്  പി.എ  ടോംസ് എന്നിവര്‍ പങ്കെടുത്തു.

ഒറ്റപ്പാലം താലൂക്ക് ആസ്ഥാന ആശുപത്രിയിലേക്ക് ഒക്ടോബര്‍ ഒന്ന് മുതല്‍ സെപ്റ്റംബര്‍ 30 വരെ നേത്ര വിഭാഗം ശസ്ത്രക്രിയയ്ക്ക് വരുന്ന രോഗികള്‍ക്ക് ഒ സി ടി ( Optical Coherence Tomygraphy) സ്‌കാനിങ് നടത്തുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ ഫോമുകള്‍ സെപ്റ്റംബര്‍ 29 ന് വൈകീട്ട് മൂന്ന് വരെ ലഭിക്കും. പൂരിപ്പിച്ച ഫോമുകള്‍ അന്നേ ദിവസം രാവിലെ 11 വരെ സ്വീകരിക്കും. വൈകീട്ട് മൂന്നിന് ലഭിച്ച ടെന്‍ഡറുകള്‍ തുറക്കുമെന്ന് സൂപ്രണ്ട് അറിയിച്ചു. ഫോണ്‍ : 0466 2344053.

പാലക്കാട് ഇ എസ് ഐ ആശുപത്രി/ ഡിസ്‌പെന്‍സറിയിലേക്ക് അസിസ്റ്റന്റ് ഇന്‍ഷുറന്‍സ് മെഡിക്കല്‍ ഓഫീസര്‍ താല്കാലിക ഒഴിവുകളിലേക്ക് സെപ്റ്റംബര്‍ 25 ന് രാവിലെ 11 മുതല്‍ ഉച്ചയ്ക്ക് ഒരു മണിവരെ  ഇന്റര്‍വ്യൂ നടത്തും. താല്‍പര്യമുള്ള ഡോക്ടര്‍മാര്‍ ജനനതീയതി, വിദ്യാഭ്യാസ യോഗ്യത, ടി സി എം സി രജിസ്‌ട്രേഷന്‍, എക്‌സ്പീരിയന്‍സ് സര്‍ട്ടിഫിക്കറ്റ്, സമുദായ സര്‍ട്ടിഫിക്കറ്റ് എന്നിവ തെളിയിക്കുന്ന രേഖകളും സഹിതം കോഴിക്കോട് മാങ്കാവ് ഇന്‍ഷുറന്‍സ് മെഡിക്കല്‍ സര്‍വീസസ് ഉത്തരമേഖലാ ഡെപ്യൂട്ടി ഡയറക്ടറുടെ ഓഫീസില്‍ എത്തിച്ചേരണം. ഒരു വര്‍ഷത്തേക്കാണ് നിയമനം. ഫോണ്‍: 0495 2322339.

കേരളശ്ശേരി തടുക്കശ്ശേരിയില്‍ കരപ്പുറത്ത് വീട്ടില്‍ സുരേന്ദ്രന്‍ (63) എന്നയാളെ 2025 മാര്‍ച്ച് ഏഴ് മുതല്‍ കാണാനില്ലെന്ന് പൊലീസ് അറിയിച്ചു. ആറടി ഉയരവും ഇരു നിറവുമാണ്. ഇതുമായി ബന്ധപ്പെട്ട് കോങ്ങാട് പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്. ഇയാളെക്കുറിച്ച് വിവരം ലഭിക്കുന്നവര്‍  അടുത്തുള്ള പൊലീസ് സ്റ്റേഷനിലോ കണ്‍ട്രോള്‍ റൂമിലോ അറിയിക്കേണ്ടതാണ്. ഫോണ്‍:  9497947216, 9497980611 (കോങ്ങാട് സബ് ഇന്‍സ്‌പെക്ടര്‍ ഓഫ് പൊലീസ്)

ചിറ്റൂര്‍ ഗവ. ടെക്‌നിക്കല്‍ ഹൈസ്‌കൂള്‍ കോമ്പൗണ്ടില്‍ നില്‍ക്കുന്ന 17 മരങ്ങള്‍ മുറിച്ചുമാറ്റി വില്‍ക്കുന്നതിന്  സെപ്റ്റംബര്‍ 30 രാവിലെ 11 ന് ഓഫീസ് പരിസരത്ത് ലേലം നടക്കും. തേക്ക് (9 എണ്ണം), വേങ്ങ (ഒരെണ്ണം), കഴനി (2 എണ്ണം), വട്ട (3 എണ്ണം), മഞ്ഞപ്പാവട്ട (2 എണ്ണം) എന്നീ മരങ്ങളാണ് ലേലം ചെയ്യുന്നത്. ക്വട്ടേഷനുകള്‍ സെപ്റ്റംബര്‍ 30 ന് രാവിലെ 11 ന് മുമ്പായി ലഭിക്കണം. കൂടുതല്‍ വിവരങ്ങള്‍ക്ക് ഫോണ്‍: 04923 222174, 9400006486.