പനമരം–ചെറുപുഴ പാലം ഡിസംബറോടെ പൂർത്തീകരിക്കാൻ പട്ടികജാതി പട്ടികവർഗ പിന്നാക്ക ക്ഷേമ വകുപ്പ് മന്ത്രി ഒ ആർ കേളു ഉദ്യോഗസ്ഥർക്ക് നിർദ്ദേശം നൽകി. 

നവരാത്രി പൂജയുമായി ബന്ധപ്പെട്ട് പത്മനാഭപുരത്ത് നിന്നുള്ള നവരാത്രി വിഗ്രഹങ്ങളുടെ ഘോഷയാത്രയ്ക്ക് ഭക്തിനിർഭരമായ തുടക്കം. നവരാത്രി വിഗ്രഹങ്ങളുടെ എഴുന്നള്ളത്തിന് മുന്നോടിയായുള്ള ഉടവാൾ കൈമാറ്റം പത്മനാഭപുരം കൊട്ടാരത്തിലെ ഉപരിക മാളികയിൽ നടന്നു. ഉപരിക മാളികയിൽ പട്ടുവിരിച്ച പീഠത്തിൽ സൂക്ഷിച്ച ഉടവാൾ സംസ്ഥാന പുരാവസ്തു വകുപ്പ് ഡയറക്ടർ ഇ ദിനേശനിൽ നിന്നും പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി സ്വീകരിച്ചു.

തൊളിക്കോട് ഗ്രാമ പഞ്ചായത്തിൽ നവീകരിച്ച തോട്ടവിള- ഒലിപ്പുവിളാകം തുരുത്തി റോഡിൻ്റെ ഉദ്ഘാടനം ജി. സ്റ്റീഫൻ എം.എൽ.എ നിർവഹിച്ചു.

ജനങ്ങളുടെ അഭിപ്രായങ്ങൾ കണക്കിലെടുത്തുവേണം വാർഡുകളിലെ വികസന പ്രവർത്തനങ്ങൾ നടപ്പാക്കേണ്ടതെന്നും മുൻഗണന നിശ്ചയിക്കേണ്ടതെന്നും  അദ്ദേഹം അഭിപ്രായപ്പെട്ടു.

എംഎൽഎയുടെ ആസ്തി വികസന ഫണ്ടിൽ നിന്നും 56 ലക്ഷം രൂപ ചെലവഴിച്ചാണ് റോഡ് നവീകരിച്ചത്.

തൊളിക്കോട് ഗ്രാമപഞ്ചായത്ത് പ്രസിഡൻ്റ് വി. ജെ. സുരേഷ് അധ്യക്ഷത വഹിച്ച യോഗത്തിൽ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അനു തോമസ്, തൊളിക്കോട് ഗ്രാമപഞ്ചായത്ത് വൈസ് പ്രസിഡൻ്റ് ബി. സുശീല തുടങ്ങിയവർ പങ്കെടുത്തു.

സംസ്ഥാനത്ത് വിശന്നിരിക്കുന്ന, പട്ടിണി കിടക്കുന്ന ഒരാളും ഉണ്ടാകരുതെന്നതാണ് സർക്കാർ നയമെന്നും അതിനാണ് സർക്കാർ അതിദാരിദ്ര്യ നിർമ്മാർജ്ജന പദ്ധതി നടപ്പിലാക്കുന്നതെന്നും ഭക്ഷ്യ പൊതു വിതരണ വകുപ്പ് മന്ത്രി ജി. ആർ അനിൽ. നെടുമങ്ങാട് നഗരസഭ വാര്‍ഷിക പദ്ധതിയിൽ (2025-26) ഉള്‍പ്പെടുത്തി നൽകുന്ന, വയോജനങ്ങള്‍ക്ക് കട്ടില്‍, അങ്കണവാടികള്‍ക്ക് വാട്ടര്‍ പ്യൂരിഫയര്‍, മിക്‌സി, ഗ്യാസ് സ്റ്റൗ, ഫ്രൈപാന്‍, ഇഡ്ഡലി സ്റ്റീമര്‍, പാത്രങ്ങള്‍ എന്നിവയുടെ വിതരണോദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.

തിരുവനന്തപുരം മെഡിക്കല്‍ കോളേജിലെ ഗ്യാസ്‌ട്രോ വിഭാഗത്തില്‍ കരാര്‍ അടിസ്ഥാനത്തില്‍ പിയര്‍ ഗ്രൂപ്പ് സപ്പോര്‍ട്ടറിന്റെ  ഒഴിവിലേക്ക് അഭിമുഖം നടത്തുന്നു. സെപ്റ്റംബര്‍ 26ന് രാവിലെ 11 മണിക്ക് ജില്ലാ സര്‍വൈലന്‍സ് ഓഫീസറിന്റെ ചേമ്പറിലാണ് അഭിമുഖം.

പ്ലസ് ടു പാസായവര്‍ക്ക് അഭിമുഖത്തില്‍ പങ്കെടുക്കാം. ഹെപ്പറ്റൈറ്റിസ് ബി, സി എന്നീ രോഗങ്ങളുള്ളവർക്കും രോഗത്തില്‍ നിന്നും മുക്തരായവര്‍ക്കും മുന്‍ഗണന നല്‍കുന്നതാണ്. താത്പര്യമുള്ളവര്‍ യോഗ്യതകള്‍ തെളിയിക്കുന്ന സര്‍ട്ടിഫിക്കറ്റുകളും സാക്ഷ്യപ്പെടുത്തിയ പകര്‍പ്പുകളും അഭിമുഖത്തിന് ഹാജരാക്കണം.

ജില്ലയിൽ മനുഷ്യ- വന്യമൃഗ സംഘര്‍ഷ പ്രതിരോധ പദ്ധതി വിജയം കാണുന്നു. ജനവാസ മേഖലകളിലിറങ്ങുന്ന വന്യജീവികളെ പ്രതിരോധിക്കാൻ മാനന്തവാടിയിലെ വിവിധ പ്രദേശങ്ങളിൽ 10 കോടിയിലധികം രൂപയുടെ വിവിധ  പദ്ധതികളാണ് നടപ്പാക്കിയത്. നിയോജക മണ്ഡലം എംഎൽഎയും പട്ടികജാതി പട്ടികവർഗ പിന്നാക്കക്ഷേമ വകുപ്പ് മന്ത്രിയുമായ ഒ ആർ കേളുവിന്റെ ആസ്തി വികസന ഫണ്ടിൽ നിന്ന് രണ്ട് കോടി രൂപയും കിഫ്ബി ധനസഹായമായി എട്ട് കോടി രൂപയുമാണ് ഇതിനായി  അനുവദിച്ചത്. 

കൂടാതെ രാഷ്ട്രീയ കൃഷി വികാസ് യോജനയിൽ നിന്നുള്ള സാമ്പത്തിക സഹായത്തോടെയും പദ്ധതികൾ നടപ്പാക്കി. 

നെടുമങ്ങാട് നഗരസഭയിൽ മഞ്ച വാർഡിൽ പണി പൂർത്തീകരിച്ച ബി.എഡ് കോളേജ് റോഡിൻ്റെയും ഇടറോഡിൻ്റെയും ഉദ്ഘാടനം ഭക്ഷ്യ പൊതുവിതരണ വകുപ്പ് മന്ത്രി ജി.ആർ അനിൽ നിർവഹിച്ചു.

നെടുമങ്ങാട് മണ്ഡലത്തിൽ 60 ഗ്രാമീണ റോഡുകളുടെ പണി പുരോഗമിക്കുകയാണെന്ന് മന്ത്രി പറഞ്ഞു.  നെടുമങ്ങാടിനെ അതിദരിദ്രരില്ലാത്ത പട്ടണമായി ഉടൻ പ്രഖ്യാപിക്കും. കോടികളുടെ വികസന ക്ഷേമ പ്രവർത്തനങ്ങൾ മണ്ഡലത്തിൽ യാഥാർത്ഥ്യമാക്കിയെന്നും അത് പൂർത്തീകരണ ഘട്ടത്തിലാണെന്നും അദ്ദേഹം കൂട്ടിച്ചേർത്തു.

മുഖ്യമന്ത്രിയുടെ പ്രാദേശിക വികസന ഫണ്ടിൽ നിന്ന് 16 ലക്ഷം ഉപയോഗിച്ച് നവീകരിച്ചതാണ് മഞ്ച ബി.എഡ് കോളേജ് റോഡ്.

കണ്ണൂർ കുടുംബ കോടതിയിലെ ഫോട്ടോ കോപ്പി മെഷീൻ ഒരു വർഷത്തേക്ക് അറ്റകുറ്റപ്പണികൾ നടത്തുന്നതിനും പരിപാലിക്കുന്നതിനും ക്വട്ടേഷനുകൾ ക്ഷണിച്ചു. ക്വട്ടേഷനുകൾ ഒക്ടോബർ നാലിനകം ഫാമിലി കോർട്ട് ജഡ്ജിന്റെ ഓഫീസിൽ ലഭിക്കണം. ഇമെയിൽ: fcknr.court@kerala.gov.in, ഫോൺ : 0497 2702073

ഉദയഗിരി അംശം അരങ്ങം ദേശത്ത് റീ സർവെ നമ്പർ 53/1എ യിൽപ്പെട്ട 0.1214 ഹെക്ടർ ഭൂമി സെപ്റ്റംബർ 30 ന് രാവിലെ 11.30 ന് ഉദയഗിരി വില്ലേജ് ഓഫീസിൽ ലേലം ചെയ്യും. കൂടുതൽ വിവരങ്ങൾ ഉദയഗിരി വില്ലേജ് ഓഫീസിൽ നിന്നോ തളിപ്പറമ്പ് താലൂക്ക് ഓഫീസിൽ നിന്നോ ലഭിക്കും.

ജില്ലാ പഞ്ചായത്തിന്റെ വാർഷിക പദ്ധതിയിൽ ഉൾപ്പെടുത്തി ജില്ലയിലെ കുടുംബശ്രീ വനിതകൾക്ക് മൊബൈൽ റിപ്പയറിംഗ്, വീഡിയോ എഡിറ്റിംഗ്, ഗ്രാഫിക് പെയിന്റിംഗ്, ഇലക്ട്രിക്കൽ പ്ലംബിംഗ് പരിശീലനം നൽകുന്നതിന് വിവിധ പരിശീലന സ്ഥാപനങ്ങളിൽ നിന്ന് താൽപര്യപത്രം ക്ഷണിച്ചു. അപേക്ഷകൾ സെപ്റ്റംബർ 29 നകം കുടുംബശ്രീ ജില്ലാ മിഷനിൽ ലഭിക്കണം. ഫോൺ: 04972702080