കണ്ണൂര്‍ റൂറല്‍ ജില്ലാ പോലീസ് ഡി എച്ച് ക്യു ക്യാമ്പില്‍ സ്വീപ്പര്‍ വിഭാഗത്തില്‍ (ഒരു ഒഴിവ്) ദിവസവേതനാടിസ്ഥാനത്തില്‍ 59 ദിവസത്തേക്ക് ക്യാമ്പ് ഫോളോവറെ നിയമിക്കുന്നു. ജോലിയില്‍ മുന്‍ പരിചയമുള്ളവര്‍ അസ്സല്‍ തിരിച്ചറിയല്‍ രേഖ, പ്രവൃത്തി പരിചയം തെളിയിക്കുന്ന രേഖകള്‍ എന്നിവ സഹിതം സെപ്റ്റംബര്‍ 20 ന് ഉച്ചയ്ക്ക് 2.30 ന് മാങ്ങാട്ടുപറമ്പ് കണ്ണൂര്‍ റൂറല്‍ ജില്ലാ പോലീസ് ആസ്ഥാനത്ത് എത്തണം.

പൊതുവിഭാഗത്തില്‍ പെട്ട, അര്‍ഹതയുള്ളവരുടെ കാര്‍ഡുകള്‍ പി.എച്ച്.എച്ച് (പിങ്ക് ) വിഭാഗത്തിലേക്ക് മാറ്റുന്നതിനുള്ള അപേക്ഷകള്‍ ഒക്ടോബര്‍ 20 വരെ സ്വീകരിക്കും. മതിയായ രേഖകള്‍ സഹിതം ബന്ധപ്പെട്ട താലൂക്ക് ഓഫീസുകളിലേക്ക് ഓണ്‍ലൈനായി അപേക്ഷ സമര്‍പ്പിക്കാവുന്നതാണെന്ന് ജില്ലാ സപ്ലൈ ഓഫീസര്‍ അറിയിച്ചു. ഫോൺ : 0497-2700552

കണിച്ചാർ ഗ്രാമപഞ്ചായത്തിൽ പ്രവർത്തിക്കുന്ന ലിവിങ് ലാബ് പദ്ധതിയോടനുബന്ധിച്ച് ഉരുൾപൊട്ടൽ സാധ്യതാ മുന്നറിയിപ്പ് സംവിധാനം സ്ഥാപിക്കുന്നതിനു മുന്നോടിയായി ഐ ഐ ടി റൂർക്കിയിൽ നിന്നുള്ള ശാസ്ത്രജ്ഞരും പ്രൊഫസർമാരുമടങ്ങുന്ന ഒൻപതംഗ പഠനസംഘം കണിച്ചാറിൽ എത്തി.  ചീഫ് സയന്റിസ്റ്റ് ഡി.പി. കാനുങ്കോ, പ്രിൻസിപ്പൽ സയന്റിസ്റ്റ് കൗശിക് പണ്ഡിറ്റ്, പ്രിൻസിപ്പൽ സയന്റിസ്റ്റ് അനിന്ദ്യ പെയ്ൻ, പ്രൊഫ.

ധര്‍മ്മടം മണ്ഡലത്തിലെ പിണറായി - ധര്‍മ്മടം പഞ്ചായത്തുകളെ ബന്ധിപ്പിക്കുന്ന അണ്ടലൂര്‍ പുതിയ പാലം നിര്‍മാണത്തിനായി 27.56 കോടി രൂപ അനുവദിച്ചു. നേരത്തെ 25.60 കോടി രൂപയുടെ ഭരണാനുമതി ലഭിച്ചിരുന്നു. എസ്റ്റിമേറ്റ് പരിഷ്‌കരിച്ചതിന്റെ ഭാഗമായാണ് തുക പുതുക്കിയത്. സാങ്കേതികാനുമതി ലഭിച്ചാല്‍ ടെണ്ടര്‍ നല്‍കി നവംബറില്‍ പാലം നിര്‍മാണം തുടങ്ങാനാകും.

കേരള സംഗീത നാടക അക്കാദമി 

സംഘടിപ്പിച്ച ത്രിഭംഗി മധ്യമേഖല ദേശീയ നൃത്തോത്സവത്തിൽ അപർണ വിനോദ് മേനോൻ തിളങ്ങി. ചടുലമായ ചുവടുകളും മുദ്രകളുമായി ആസ്വാദക ഹൃദയം കവർന്നു. മൈസൂർ കൊട്ടാര പാരമ്പര്യത്തിൽ ചിട്ടപ്പെടുത്തിയ ഇനമാണ് ആദ്യം അവതരിപ്പിച്ചത്. തുടർന്ന് മുത്തയ്യ ഭാഗവതർ രചിച്ച ചാമുണ്ഡേശ്വരിയെ സ്തുതിച്ചു കൊണ്ടുള്ള വർണ്ണവും അവതരിപ്പിച്ചു

ഈ വർഷത്തെ ഗാന്ധി ജയന്തി ദിനം വിപുലമായി പരിപാടികളോടെ ജില്ലയിൽ ആചരിക്കുന്നതിന്റെ ഭാഗമായി അഡീഷണൽ ജില്ലാ മജിസ്ട്രേറ്റ് ആശ സി എബ്രഹാമിൻ്റെ അധ്യക്ഷതയിൽ ഗാന്ധിസ്മൃതിമണ്ഡപ സമിതിയുടെ ആലോചനായോഗം കളക്ടറേറ്റിൽ ചേർന്നു.

വില്ലേജ് ബോട്ട് ക്ലബ് കൈനകരി തുഴഞ്ഞ വീയപുരം ചുണ്ടൻ സിബിഎൽ അഞ്ചാം സീസണിലെ ആദ്യ മത്സരത്തിൽ വിജയികളായി. മൂന്ന് മിനിറ്റ് 33 സെക്കൻ്റ് 34 മൈക്രോ സെക്കൻ്റിൽ ഫിനിഷ് ചെയ്താണ് വീയപുരം ജേതാക്കളായത്. മൂന്ന് മിനിറ്റും 33 സെക്കൻ്റും 62 മൈക്രോ സെക്കൻ്റും
എടുത്ത് ഫിനിഷ് ചെയ്ത പള്ളാത്തുരുത്തി ബോട്ട് ക്ലബിൻ്റെ മേൽപ്പാടം ചുണ്ടൻ രണ്ടാം സ്ഥാനവും
മൂന്ന് മിനിറ്റും 41 സെക്കൻ്റും 68 മൈക്രോ സെക്കൻ്റും എടുത്ത് ഫിനിഷ് ചെയ്ത നിരണം ബോട്ട് ക്ലബിൻ്റെ നിരണം ചുണ്ടൻ മൂന്നാം സ്ഥാനവും നേടി. വിജയികൾക്കുള്ള സമ്മാനദാനം കൃഷിവകുപ്പ് മന്ത്രി പി പ്രസാദ് നിർവഹിച്ചു.
 

*ചാമ്പ്യൻസ് ബോട്ട് ലീഗ് അഞ്ചാം സീസൺ സംസ്ഥാനതല ഉദ്ഘാടനം മന്ത്രി നിർവഹിച്ചു

ആലപ്പുഴ ജില്ലാ ഖാദി ഗ്രാമവ്യവസായ ഓഫീസിന്റെ  ആഭിമുഖ്യത്തില്‍ 2025 ലെ ഗാന്ധിജയന്തി ദിനത്തോടനുബന്ധിച്ച് ഹൈസ്‌കൂള്‍, ഹയര്‍സെക്കന്‍ഡറി വിദ്യാര്‍ഥികള്‍ക്കായി സംഘടിപ്പിക്കുന്ന ഗാന്ധി ജയന്തി ജില്ലാതല ക്വിസ് മത്സരം സെപ്റ്റംബര്‍ 29 ന് രാവിലെ 11 മണിക്ക് ആലപ്പുഴ റെയ്ബാന്‍ മിനി ഓഡിറ്റോറിയത്തില്‍ നടക്കും. എല്ലാ സര്‍ക്കാര്‍ സ്‌കൂളുകള്‍ക്കും അംഗീകൃത എയ്ഡഡ്, അണ്‍ എയ്ഡഡ്, സ്റ്റേറ്റ്, സി.ബി.എസ്.ഇ, ഐ.സി.എസ്.ഇ സ്കൂളുകള്‍ക്കും  പങ്കെടുക്കാം. ഒരു സ്‌കൂളില്‍ നിന്നും രണ്ടു പേരടങ്ങുന്ന ഒരു ടീം മാത്രമേ പങ്കെടുക്കാവൂ. മത്സര വിഷയം  'ഗാന്ധിജിയും ഖാദിയും സ്വാതന്ത്ര്യസമരവും പൊതു വിജ്ഞാനവും ' എന്നതാണ്.

പട്ടികജാതി വികസന വകുപ്പിന്റെ മാവേലിക്കര ഗവ.ഐ.ടി.ഐയില്‍ എന്‍. സി.വി. റ്റി അംഗീകാരമുള്ള ഇലക്ട്രോണിക്‌സ് മെക്കാനിക്, വുഡ് വര്‍ക്ക് ടെക്‌നിഷ്യന്‍ ട്രേഡുകളില്‍ 2025 പ്രവേശനത്തില്‍ ഒഴിവുള്ള സീറ്റുകളിലേക്ക് സെപ്റ്റംബര്‍ 30 വരെ നേരിട്ട് അപേക്ഷിക്കാം. സൗജന്യ പരിശീലനം, പുസ്തകങ്ങള്‍, ഉച്ചഭക്ഷണം, പോഷകാഹാരം, യൂണിഫോം അലവന്‍സ് എന്നിവയും എസ്.സി/എസ്.റ്റി വിഭാഗത്തിന് പ്രതിമാസ സ്‌റ്റൈപ്പന്റ്, ലംപ്‌സം ഗ്രാന്റ് എന്നിവയും ലഭിക്കും. വിജയികള്‍ക്ക് സര്‍ക്കാര്‍, അര്‍ദ്ധസര്‍ക്കാര്‍, സ്വകാര്യ സ്ഥാപനങ്ങളില്‍ ജോലി സാധ്യത, പ്രതിമാസ സ്‌റ്റൈപ്പെന്റോടെ അപ്രന്റീസ് ട്രെയിനിംഗ് എന്നിവ ലഭ്യമാണ്.