സ്വതന്ത്ര സോഫ്റ്റ്‍വെയർ ദിനാചരണവും, ഉബുണ്ടു ഇൻസ്റ്റലേഷൻ ഫെസ്റ്റും ഇന്ന് ( സെപ്റ്റംബർ20). സ്വതന്ത്ര സോഫ്റ്റ്‌വെയർ ദിനാചരണത്തിൻ്റെ സംസ്ഥാനതല ഉദ്ഘാടനം ഉച്ചകഴിഞ്ഞ് രണ്ടിന് വിദ്യാഭ്യാസ വകുപ്പ് മന്ത്രി വി. ശിവൻകുട്ടി ഓൺലൈനായി നിർവഹിക്കും. കൈറ്റ് സി.ഇ.ഒ. അൻവർ സാദത്ത് മുഖ്യസന്ദേശം നൽകും. 

ദിനാചരണത്തിന്റെ ഭാഗമായി കൈറ്റ് എറണാകുളം ജില്ലാ കേന്ദ്രത്തിൽ ഉബുണ്ടു ഇൻസ്റ്റലേഷൻ ഫെസ്റ്റ് സംഘടിപ്പിക്കും.

പിറവം നഗരസഭയിലെ ആറ്റുതീരം പാർക്കിലേക്കുള്ള പ്രവേശന റോഡ് നവീകരിച്ചു. നഗരസഭ വികസന ഫണ്ടിൽ നിന്നും 12 ലക്ഷം രൂപ ചിലവഴിച്ചാണ് നവീകരണ പ്രവർത്തനങ്ങൾ പൂർത്തിയാക്കിയത്. പിറവം നഗരസഭ ചെയർപേഴ്സൺ ജൂലി സാബു ഉദ്ഘാടനം നിർവഹിച്ചു. 

ടാറിങ്, കട്ട വിരിക്കൽ, ഐറിഷ് കോൺക്രീറ്റിംഗ് എന്നീ നവീകരണ പ്രവർത്തനങ്ങളാണ് നടത്തിയിട്ടുള്ളത്. ഇതിനുപുറമേ പാർക്കിംഗ് സൗകര്യവും ഒരുക്കിയിട്ടുണ്ട്.

നഗരസഭ വൈസ് ചെയർമാൻ കെ. പി. സലിം അധ്യക്ഷത വഹിച്ചു.

വടക്കൻ പറവൂർ ഗവ. ആയുർവേദ ആശുപത്രിയിൽ ആയുർവേദ ദിനാചരണം സംഘടിപ്പിച്ചു. പറവൂർ നഗരസഭ അധ്യക്ഷ ബീന ശശിധരൻ ഉദ്ഘാടനം നിർവഹിച്ചു. 

പത്താമത് ദേശീയ ആയുർവേദ ദിനാചരണത്തിന്റെ ഭാഗമായി സംഘടിപ്പിച്ച 

പരിപാടിയുടെ ഭാഗമായി പോഷകാഹാര പ്രദർശന മത്സരം, ഔഷധസസ്യ പ്രദർശനം, കോസ്മറ്റോളജി ക്ലിനിക്, മെഡിക്കൽ ക്യാമ്പ് എന്നിവ സംഘടിപ്പിച്ചു.

സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലെ വികസന നേട്ടങ്ങള്‍ ചര്‍ച്ച ചെയ്യുന്ന വികസന സദസിന്റെ ലോഗോ പ്രകാശനം ചെയ്തു. തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് തദ്ദേശ സ്വയംഭരണ വകുപ്പ് പ്രിന്‍സിപ്പല്‍ സെക്രട്ടറി ടിങ്കു ബിസ്വാളിന് നല്‍കിയാണ് പ്രകാശനം നിര്‍വഹിച്ചത്. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് സെക്രട്ടറി എസ് ഹരികിഷോര്‍, തദ്ദേശ സ്വയംഭരണ വകുപ്പ് പ്രിന്‍സിപല്‍ സെക്രട്ടറി ടി വി അനുപമ എന്നിവര്‍ സന്നിഹിതരായി.  

ജലാശയങ്ങള്‍ ശുചീകരിക്കുന്നതിനൊപ്പം മത്സ്യകുഞ്ഞുങ്ങളെ നിക്ഷേപിച്ച് വരുമാനം ഉറപ്പാക്കാന്‍ മുന്‍കൈയെടുത്ത് തൊടിയൂര്‍ ഗ്രാമപഞ്ചായത്ത്.  തൊടിയൂര്‍ പാലമുറ്റത്തെ പൊതുകുളം വൃത്തിയാക്കിയാണ് കുടുംബശ്രീ പ്രവര്‍ത്തര്‍ക്ക് മത്സ്യകൃഷിക്ക്  ഭരണസമിതി അവസരമൊരുക്കിയത്.
 

* ഭൂപതിവ് നിയമ ചട്ട  ഭേദഗതിക്ക് സബ്ജറ്റ് കമ്മിറ്റിയുടെ അംഗീകാരം, വിജ്ഞാപനം ഒരാഴ്ചക്കകം

ആലപ്പുഴ ജില്ലാ ഖാദി ഗ്രാമവ്യവസായ ഓഫീസിന്റെ  ആഭിമുഖ്യത്തില്‍ 2025 ലെ ഗാന്ധിജയന്തി ദിനത്തോടനുബന്ധിച്ച് ഹൈസ്‌കൂള്‍, ഹയര്‍സെക്കന്‍ഡറി വിദ്യാര്‍ഥികള്‍ക്കായി സംഘടിപ്പിക്കുന്ന ഗാന്ധി ജയന്തി ജില്ലാതല ക്വിസ് മത്സരം സെപ്റ്റംബര്‍ 29 ന് രാവിലെ 11 മണിക്ക് ആലപ്പുഴ റെയ്ബാന്‍ മിനി ഓഡിറ്റോറിയത്തില്‍ നടക്കും. എല്ലാ സര്‍ക്കാര്‍ സ്‌കൂളുകള്‍ക്കും അംഗീകൃത എയ്ഡഡ്, അണ്‍ എയ്ഡഡ്, സ്റ്റേറ്റ്, സി.ബി.എസ്.ഇ, ഐ.സി.എസ്.ഇ സ്കൂളുകള്‍ക്കും  പങ്കെടുക്കാം. ഒരു സ്‌കൂളില്‍ നിന്നും രണ്ടു പേരടങ്ങുന്ന ഒരു ടീം മാത്രമേ പങ്കെടുക്കാവൂ. മത്സര വിഷയം  'ഗാന്ധിജിയും ഖാദിയും സ്വാതന്ത്ര്യസമരവും പൊതു വിജ്ഞാനവും ' എന്നതാണ്.

മുഖ്യമന്ത്രി ഉദ്ഘാടനം ചെയ്യും; 3500 പ്രതിനിധികള്‍; മൂന്ന് സെഷനുകള്‍

സംസ്ഥാന പട്ടികജാതി, പട്ടികവര്‍ഗ്ഗ വികസന കോര്‍പ്പറേഷന്‍ നടപ്പിലാക്കുന്ന വിവിധ വായ്പ പദ്ധതികളില്‍ ജാമ്യമായി സ്വീകരിക്കുന്ന വസ്തുവിന്റെ വിലനിര്‍ണ്ണയം നടത്തുന്നതിന്  റവന്യൂ സര്‍വീസില്‍ നിന്നും വിരമിച്ച വില്ലേജ് ഓഫീസര്‍, ഡെപ്യൂട്ടി തഹസില്‍ദാര്‍, തഹസില്‍ദാര്‍ എന്നിവരില്‍ നിന്നും അപേക്ഷ ക്ഷണിച്ചു. അപേക്ഷകര്‍ ബയോഡാറ്റ, ആധാര്‍ കാര്‍ഡ്, സര്‍വീസ് സര്‍ട്ടിഫിക്കറ്റ് എന്നിവ സഹിതം പട്ടികജാതി, പട്ടികവര്‍ഗ്ഗ വികസന കോര്‍പ്പറേഷന്റെ ആലപ്പുഴ ജില്ലാ കാര്യാലയവുമായി ബന്ധപ്പെടേണ്ടതാണ്. കൂടുതല്‍ വിവരങ്ങള്‍ക്ക് ഫോണ്‍: 0477-2262326, 9400068504.