കോട്ടയം മെഡിക്കൽ കോളജിലെ എൻ.ഇ.എൽ.എസ്. സ്‌കിൽ സെന്ററിലേക്ക് ഇമൊബിലൈസേഷൻ ഡിവൈസോടുകൂടിയ ലോങ് സ്‌പൈൻ ബോർഡ്, കെ.ഇ.ഡി. എക്‌സ്ട്രിക്കേഷൻ ഡിവൈസ് എന്നിവയ്ക്കായി ക്വട്ടേഷൻ ക്ഷണിച്ചു. സെപ്റ്റംബർ ഒൻപതു ഉച്ചയ്ക്ക് 12 മണി വരെ ക്വട്ടേഷനുകൾ സ്വീകരിക്കും. അന്നേദിവസം രണ്ടുമണിക്ക് തുറക്കും. ഫോൺ: 0481-2597279,0481-2597284.

ജില്ലാപഞ്ചായത്തിന്റെ വാർഷികപദ്ധതിയുടെ ഭാഗമായി വനിതാ ശിശു വികസന വകുപ്പ് സെപ്റ്റംബർ 18,19,20 തീയതികളിൽ കോട്ടയം മാമ്മൻ മാപ്പിള ഹാളിൽ നടത്തുന്ന 'സ്ത്രീ പക്ഷ നവകേരളം' പരിപാടിയിൽ പങ്കെടുക്കുന്ന 400 പേർക്ക് ഭക്ഷണം നൽകാൻ വ്യക്തികൾ/സ്ഥാപനങ്ങളിൽ നിന്നു ദർഘാസുകൾ ക്ഷണിച്ചു. ദർഘാസുകൾ സെപ്റ്റംബർ ഒൻപതു ഉച്ചയ്ക്ക് രണ്ടുമണി വരെ സ്വീകരിക്കും. അന്നേദവിസം മൂന്നു മണിക്ക് തുറക്കും. ഫോൺ: 0481-2961272.

ജില്ലാ സ്‌പോർട്‌സ് കൗൺസിലിന്റെ ആഭിമുഖ്യത്തിൽ ദേശീയ കായിക ദിനാചരണത്തിന്റെ ഭാഗമായി സംഘടിപ്പിച്ച കൂട്ടയോട്ടം എം.ജി സർവകലാശാല സിൻഡിക്കേറ്റ് അംഗം അഡ്വ. റെജി സഖറിയ ഫ്‌ളാഗ് ഓഫ് ചെയ്തു. അഡ്വ. ജോബ് മൈക്കിൾ എം.എൽ.എ. പ്രതിജ്ഞ ചൊല്ലിക്കൊടുത്തു. ജില്ലാ സ്‌പോർട്‌സ് കൗൺസിൽ അധ്യക്ഷൻ ഡോ. ബൈജു വർഗീസ് ഗുരുക്കൾ അദ്ധ്യക്ഷത വഹിച്ചു. ഗിരിദീപം സ്‌കൂൾ പ്രിൻസിപ്പൽ ഫാ. സൈജു കുര്യൻ, ജില്ലാ സ്‌പോർടസ് ഓഫീസർ ഡിമൽ സി. മാത്യു, സ്‌പോർട്‌സ് കൗൺസിൽ എക്‌സിക്യൂട്ടീവ് കമ്മറ്റിയംഗം കെ.ആർ. ഷാജി, സെക്രട്ടറി എൽ. മായാദേവി എന്നിവർ പ്രസംഗിച്ചു.  

 അപകടകരമായ മരങ്ങൾ നീക്കം ചെയ്യാനുള്ള നിർദേശങ്ങൾ നടപ്പാക്കുന്നതിലെ സാങ്കേതികതടസങ്ങൾ അടിയന്തരമായി പരിഹരിക്കണമെന്നു ജില്ലാവികസനസമിതി യോഗത്തിൽ ജനപ്രതിനിധികൾ ആവശ്യപ്പെട്ടു. ഉടൻതന്നെ യോഗം ചേർന്നു പൊതുമാനദണ്ഡങ്ങൾ രൂപീകരിച്ചു നടപടികൾ വേഗത്തിലാക്കുമെന്നു യോഗത്തിൽ അധ്യക്ഷത വഹിച്ച ജില്ലാ കളക്ടർ ചേതൻകുമാർ മീണ വ്യക്തമാക്കി.
 

സർക്കാർ ആശുപത്രികളിൽ കാത്തു നിൽക്കേണ്ടിവരുന്ന നാളുകൾ പഴങ്കഥയാകുകയാണ്. ചീട്ടെടുക്കുന്നതുമുതൽ ആശുപത്രി വിടുന്നതുവരെയുള്ള സേവനങ്ങൾ ക്യൂ ഒഴിവാക്കി വേഗത്തിലാക്കാൻ സഹായിക്കുന്ന ഇ ഹെൽത്ത് സംവിധാനം കോട്ടയം ജില്ലയിലെ പകുതിയിലേറെ സർക്കാർ ആശുപത്രികളിൽ നടപ്പാക്കി.
 

 ജലജന്യ രോഗപ്രതിരോധം ലക്ഷ്യമിട്ട് ഹരിതകേരളം മിഷൻ തദ്ദേശ സ്വയംഭരണ സ്ഥാപനങ്ങളുമായി ചേർന്നു ജലമാണ് ജീവൻ എന്ന പേരിൽ സംഘടിപ്പിക്കുന്ന ജനകീയ തീവ്രയജ്ഞ പരിപാടിയുടെ ഒന്നാം ഘട്ടത്തിനു കോട്ടയം ജില്ലയിൽ തുടക്കമായി. തിരുവാർപ്പിൽ നടന്ന ചടങ്ങിൽ ജില്ലാ കളക്ടർ ചേതൻകുമാർ മീണ ജില്ലാതല ഉദ്ഘാടനം നിർവഹിച്ചു.

കൊച്ചമ്പലം സ്റ്റാൻഡിലെ പൊതു കിണറിലെ വെള്ളം ക്ലോറിനേറ്റ് ചെയ്യുന്നതിന് അദ്ദേഹം നേതൃത്വം നൽകി. ജലസ്രോതസുകൾ ഏറെയുള്ള കേരളത്തിൽ ജലജന്യ രോഗങ്ങൾക്കെതിരെയുള്ള ജാഗ്രത അനിവാര്യമാണെന്ന് കളക്ടർ പറഞ്ഞു.  

ആനക്കാംപൊയിൽ -കള്ളാടി- മേപ്പാടി തുരങ്കപാത പ്രവൃത്തി ഉദ്ഘാടനം മുഖ്യമന്ത്രി നിർവഹിച്ചു

ഓണാഘോഷത്തിന്റെ ഭാഗമായി പ്രാദേശിക കലാകാരന്മാർക്ക് അവസരം നൽകിയിട്ടില്ല എന്ന തെറ്റിദ്ധാരണ പരത്തുന്ന രീതിയിലുള്ള പ്രചരണമാണ് ചില കോണുകളിൽ നിന്ന് ഉയരുന്നത്. ഇത് യാഥാർത്ഥ്യത്തിന് വിരുദ്ധമായ  പ്രചരണമാണ്. 

മിന്നിത്തിളങ്ങി മാനാഞ്ചിറ

മാരാരിക്കുളം - ആലപ്പുഴ റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 58 (ആശാന്‍ കവല ഗേറ്റ്), 64 (കല്ലന്‍ ഗേറ്റ്) എന്നിവ സെപ്റ്റംബര്‍ രണ്ടിന് രാവിലെ എട്ട് മണി മുതല്‍ വൈകിട്ട് ആറ് മണി വരെ മൂന്ന് മണിക്കൂര്‍ സമയത്തേക്ക് അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസുകള്‍ വഴി പോകണം.