തൃക്കുളം ഗവ.ഹൈസ്‌കൂളില്‍ 2025-26 വര്‍ഷത്തില്‍ ഒന്നു മുതല്‍ എട്ടാം ക്ലാസ് വരെയുള്ള മുഴുവന്‍ പെണ്‍കുട്ടികള്‍ക്കും ബിപിഎല്‍, എസ്.സി വിഭാഗം ആണ്‍കുട്ടികള്‍ക്കും രണ്ട് ജോഡി വീതം യൂണിഫോം സപ്ലൈ ചെയ്യുന്നതിന് ടെന്‍ഡര്‍ ക്ഷണിച്ചു. സെപ്റ്റംബര്‍ ഒന്‍പതിന് വൈകിട്ട് നാല് വരെ ടെന്‍ഡര്‍ സ്വീകരിക്കും.
ഫോണ്‍ 0494 2460655

ന്യൂനപക്ഷ ക്ഷേമവകുപ്പിന്റെ ആഭിമുഖ്യത്തില്‍ നിലമ്പൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ യു.ജി.സി-നെറ്റ് പരീക്ഷാ പരിശീലനം ആരംഭിക്കുന്നു. പരിശീലന പരിപാടി സെപ്റ്റംബര്‍ 12 ന് ഓറിയന്റേഷന്‍ പ്രോഗ്രാമോടുകൂടി തുടങ്ങും. യു.ജി.സി നെറ്റ് പേപ്പര്‍ ഒന്നിനും പേപ്പര്‍ രണ്ട് ജോഗ്രഫിക്കുമാണ് പരിശീലനം. സെപ്റ്റംബര്‍ 13 മുതല്‍ എല്ലാ ശനിയാഴ്ചകളിലും ഞായറാഴ്ചകളിലും കോളേജിലാണ് ക്ലാസുകള്‍ നടക്കുക. താല്പര്യമുള്ള വിദ്യാര്‍ത്ഥികള്‍ 9895833002 എന്ന വാട്‌സ്ആപ്പ് നമ്പറില്‍ ബന്ധപ്പെടണം.
 

രജിസ്ട്രേഷന്‍ സര്‍ട്ടിഫിക്കറ്റും ഇന്‍ഷുറന്‍സും സ്വന്തം പേരിലായിട്ടും ഇന്‍ഷുറന്‍സ് നിഷേധിച്ച നാഷണല്‍ ഇന്‍ഷുറന്‍സ് കമ്പനി പരാതിക്കാരിക്ക് 15,60,000/ രൂപ നഷ്ടപരിഹാരം നല്‍കാന്‍ വിധിച്ച് ഉപഭോക്തൃ കമ്മീഷന്‍.

ജില്ലാ സ്‌പോര്‍ട്‌സ് കൗണ്‍സിലിന്റെ ആഭിമുഖ്യത്തില്‍ ദേശീയ കായിക ദിനം ആഘോഷിച്ചു.  പരിപാടി പി. ഉബൈദുള്ള എം.എൽ. എ ഉദ്ഘാടനം ചെയ്തു. മുനിസിപ്പല്‍ ചെയര്‍മാന്‍ മുജീബ് കാടേരി അധ്യക്ഷത വഹിച്ച ചടങ്ങില്‍ ജില്ലാ കലക്ടര്‍ വി.ആര്‍. വിനോദ് മുഖ്യാതിഥിയായി.

അമീബിക് മസ്തിഷ്‌ക ജ്വരം സ്ഥിരീകരിക്കുന്നതിനുള്ള പ്രാഥമിക പരിശോധനയായ വെറ്റ് മൗണ്ടിങ് ടെസ്റ്റ് എല്ലാ മെഡിക്കല്‍ കോളജുകളിലും ലഭ്യമാണെന്ന് ഡപ്യൂട്ടി ഡി.എം.ഒ ജില്ലാ വികസന സമിതി യോഗത്തില്‍ അറിയിച്ചു. ടി.വി ഇബ്രാഹിം എം.എല്‍.എയുടെ ചോദ്യത്തിന് മറുപടി പറയുകയായിരുന്നു അദ്ദേഹം. തിരുവനന്തപുരം റീജിയണല്‍ പബ്ലിക് ഹെല്‍ത്ത് ലാബില്‍ മാത്രമാണ് പരിശോധനയെന്നും ഇതുമൂലം രോഗം സ്ഥിരീകരിക്കാനും ചികിത്സയാരംഭിക്കാനും കാലതാമസം വരുന്നുണ്ടെന്നുമുള്ള ആശങ്കയാണ്  എം.എല്‍.എ വികസന സമിതി യോഗത്തില്‍ ഉന്നയിച്ചത്. വെറ്റ് മൗണ്ടിങ് ടെസ്റ്റ് മഞ്ചേരി, കോഴിക്കോട് മെഡിക്കല്‍ കോളജുകളില്‍ ലഭ്യമാണ്.

മലപ്പുറം ജില്ലാ കളക്ടർ വി.ആർ. വിനോദിന്റെ നേതൃത്വത്തിൽ ഭിന്നശേഷിക്കാരുടെ ഉന്നമനത്തിന് വേണ്ടിയുള്ള 'ഒപ്പം' പദ്ധതിയുടെ ഭാഗമായി മലപ്പുറം കളക്ടറേറ്റിൽ നടന്നുവരുന്ന പി.എസ്.സി. കോച്ചിങ് വഴി ഉന്നത വിജയം നേടി റാങ്ക് ലിസ്റ്റിൽ ഇടം നേടിയ ഭിന്നശേഷി ഉദ്യോഗാർത്ഥികളെ ആദരിച്ചു. കളക്ടറേറ്റ് കോൺഫ്രൻസ് ഹാളിൽ നടന്ന ചടങ്ങിൽ സഹല സെമിൻ, ബാസിൽ, മുഹമ്മദ് എന്നിവർക്ക് ജില്ലാ കളക്ടർ വി.ആർ. വിനോദ് ഉപഹാരം നൽകി. തിരൂർ സബ് കളക്ടർ ദിലീപ് കെ.

മലപ്പുറം നാഷണൽ ഹെൽത്ത്‌ മിഷൻ ഓഫീസിലേക്ക് 2020 രജിസ്ട്രേഷനോ, അതിന് മുകളിലോ ഉള്ള ഒൻപതു ഫോർവീലർ വാഹനങ്ങൾ ഒരു വർഷത്തേക്ക് പ്രതിമാസ വാടകക്ക് എടുക്കുന്നതിന് ഇ ടെൻഡറുകൾ ക്ഷണിച്ചു. ടെൻഡറുകൾ http://etenders.kerala.gov.in എന്ന വെബ്സൈറ്റ് വഴിയാണ് നൽകേണ്ടത്. സെപ്റ്റംബർ 22 രാവിലെ 11 മണി വരെ ടെൻഡറുകൾ നൽകാം. ഫോൺ : 7356218029.

രണ്ട് ദിവസമായി കളക്ടറേറ്റ് കോൺഫറൻസ് ഹാളിൽ നടന്ന വിവരാവകാശ കമ്മീഷൻ അദാലത്തിൽ ജില്ലയിൽ നിലവിലുള്ള എല്ലാ അപേക്ഷകളും തീർപ്പാക്കി. സംസ്ഥാന വിവരാവകാശ കമ്മീഷണർ ഡോ. എം ശ്രീകുമാറിന്റെ നേതൃത്വത്തിൽ  വെള്ളിയാഴ്ചയും ശനിയാഴ്ചയുമായി ആകെ 40 പരാതികളാണ് തീർപ്പാക്കിയത്. ഇതിൽ ഒന്ന് മാത്രം മറ്റ് അഭിപ്രായം തേടേണ്ടതിനാൽ മാറ്റിവെച്ചു. ജില്ലയിൽ നിലവിൽ കെട്ടികിടക്കുന്ന അപേക്ഷകൾ ഇല്ല.

ലോക പാമ്പ് ദിനത്തോടനുബന്ധിച്ച് പയ്യന്നൂർ നഗരസഭയുടെയും താലൂക്ക് ആശുപത്രിയുടെയും നേതൃത്വത്തിൽ തളിപ്പറമ്പ റേഞ്ച് ഫോറസ്റ്റ് ഓഫീസിന്റെ സഹകരണത്തോടെ ബോധവൽക്കരണപരിപാടി സംഘടിപ്പിച്ചു. നഗരസഭാ ചെയർപേഴ്സൺ കെ.വി ലളിത ഉദ്ഘാടനം ചെയ്തു.