ജില്ലാ ഭരണകൂടത്തിന്റെയും ജില്ലാ ടൂറിസം പ്രമോഷൻ കൗൺസിലിന്റെയും പിണർവൂർകുടി കബനി ട്രൈബൽ പബ്ലിക് ലൈബ്രറിയുടെയും സംയുക്താഭിമുഖ്യത്തിൽ 'ലാവണ്യം 2025' ഓണാഘോഷ പരിപാടികൾ സംഘടിപ്പിച്ചു. കലാപരിപാടികളും മത്സരങ്ങളും ഉന്നതിയിലെ തനത് കലാരൂപങ്ങളും എല്ലാം കോർത്തിണക്കി പിണവൂർ കുടിയിൽ സംഘടിപ്പിച്ച ആഘോഷം നാടിന്റെ ആകെ ഉത്സവമായി മാറി. 

പരിപാടിയുടെ ഭാഗമായി സംഘടിപ്പിച്ച സാംസ്കാരിക സമ്മേളനം ആന്റണി ജോൺ എം.എൽ.എ ഉദ്ഘാടനം ചെയ്തു. ചടങ്ങിൽ ജില്ലാ കളക്ടർ ജി. പ്രിയങ്ക മുഖ്യാതിഥിയായി.

റീ ടെന്‍ഡര്‍ ക്ഷണിച്ചു

വനിതാ ശിശു വികസന വകുപ്പിന് കീഴിലുള്ള മൂവാറ്റുപുഴ അഡീഷണല്‍ ഐ.സി.ഡി.എസ്. പ്രോജക്ടിന്റെ പരിധിയിലെ ആയവന പഞ്ചായത്തിലെ 18 അങ്കണവാടികളിലേക്ക് കോഴിമുട്ട വിതരണം ചെയ്യാന്‍ താല്പര്യമുള്ള വ്യക്തികളില്‍ നിന്നും സ്ഥാപനങ്ങളില്‍ നിന്നും റീ ടെന്‍ഡര്‍ ക്ഷണിച്ചു.

റീ ടെന്‍ഡര്‍ സെപ്റ്റംബര്‍ 10 ന് ഉച്ചകഴിഞ്ഞ് 3.30 നകം സമര്‍പ്പിക്കണം. വിശദ വിവരങ്ങള്‍ക്ക് മൂവാറ്റുപുഴ അഡീഷണല്‍ ശിശു വികസന പദ്ധതി ഓഫീസുമായോ 9947864784, 9605157754, 0485 52810018 എന്നി ഫോണ്‍ നമ്പറുകളിലോ ബന്ധപ്പെടുക.

കുട്ടി കർഷക സംഗമം 

 കുട്ടികളിൽ ചെറുപ്പം മുതൽ കൃഷി പരിചിതമാക്കാനും കൃഷിയുടെ മാഹാത്മ്യം മനസ്സിലാക്കുന്നതിനുമുള്ള പ്രവർത്തനങ്ങളാണ് കൃഷിക്ക് ഒപ്പം കളമശ്ശേരിയുടെ ഭാഗമായി നടത്തി വരുന്നതെന്ന് വ്യവസായ വകുപ്പ് മന്ത്രി പി രാജീവ്. ചാക്കോളാസ് ഗ്രൗണ്ടിൽ മൂന്നാമത് കളമശ്ശേരി കാർഷികോത്സവത്തിന്റെ ഭാഗമായി മണ്ഡലതല കുട്ടിക്കർഷക സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കെ എൻ ഉണ്ണിക്കൃഷ്ണൻ എംഎൽഎയുടെ ഓണസമ്മാനമായി കടമക്കുടിയിൽ മാവേലി വരവ്. ഇന്നും (ഒന്നിന് ) അഞ്ചിനും പ്രശസ്ത നടൻ മുരളി മോഹനാണ് മാവേലിയായി വേഷമിടുന്നത്. ഉച്ചയ്ക്കു 12 നു മാവേലി കടമക്കുടിയിൽ എത്തും. 

കടമക്കുടിയിൽ എംഎൽഎ നടത്തുന്ന ഓണം ക്രൂയിസിനോടു അനുബന്ധിച്ചാണ് മാവേലിയുമെന്നത് ഇരട്ടി മധുരം പകരുന്നു. കടമക്കുടി ആസ്വദിക്കാൻ ബോട്ടിൽ അവസരമൊരുങ്ങുന്നത് ഇന്നു മുതൽ 10 വരെയാണ്.

വൈപ്പിൻ ബ്ലോക്ക് പഞ്ചായത്തിന്റെ ആഭിമുഖ്യത്തിൽ ‘’ വർണോത്സവം 2025 ‘’ എന്ന പേരിൽ ഭിന്നശേഷി കുട്ടികൾക്കായി കലോത്സവം സംഘടിപ്പിച്ചു. 

ചലച്ചിത്ര താരം അപ്പു ജോസ് ഉദ്ഘാടനം ചെയ്തു.

 വൈപ്പിൻ ആർ സി, ബഡ്സ് സ്‌കൂളുകൾ, കരുണ സ്പെഷ്യൽ സ്‌കൂൾ, എന്നിവിടങ്ങളിലേയും ബ്ലോക്ക് പഞ്ചായത്തിലെ മറ്റ് ഭിന്നശേഷി കുട്ടികളും പങ്കെടുത്തു. കരുണ സ്കൂൾ, ബിആർസി, പള്ളിപ്പുറം, എടവനക്കാട് ബഡ്സ് സ്കൂൾ എന്നിവയെ ചടങ്ങിൽ ആദരിച്ചു.

കുമ്പളങ്ങി ഗ്രാമപഞ്ചായത്തിലെ പതിനാലാം വാർഡ് ശ്രീകൃഷ്ണ ടെമ്പിൾ റോഡിന്റെ നിർമാണോദ്ഘാടനം കെ ജെ മാക്സി എം എൽ എ നിർവ്വഹിച്ചു.

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി നിർമ്മിക്കുന്ന ശ്രീകൃഷ്ണ ടെമ്പിൾ റോഡിന് 47.40 ലക്ഷം രൂപയാണ് വകയിരുത്തിയിരിക്കുന്നത്.

ചടങ്ങിൽ സംസ്ഥാന ബോക്സിങ് ചാമ്പ്യൻഷിപ്പിലെ വെങ്കല മെഡൽ ജേതാവായ എം എം അമൃതയെ ആദരിച്ചു.

കൊച്ചി നിയോജക മണ്ഡലത്തിൽ സപ്ലൈകോ ഓണം മേള കെ ജെ മാക്സി എം എൽ എ ഉദ്ഘാടനം ചെയ്തു.

ചുള്ളിക്കൽ സപ്ലൈകോ പീപ്പിൾസ് ബസാറിൽ സെപ്റ്റംബർ നാല് വരെ ഓണം മേള പ്രവർത്തിക്കും.നിരവധി ഡിസ്കൗണ്ടുകളും, ഭാഗ്യ സമ്മാനങ്ങളും ഉൾപെടുത്തിയിട്ടുണ്ട്.

ചടങ്ങിൽ കൗൺസിലർ ഷീബ ഡുറോം ,കെ പി പ്രതാപൻ,സപ്ലൈകോ ഡിപ്പോ ഓഫീസർ ശ്രീജിത്ത് മോഹൻ,ഫെയർ എസ് ആർ ശ്രീജിത്ത് , രാഷ്ട്രീയ പ്രതിനിധി പി എസ് രാജം എന്നിവർ പങ്കെടുത്തു.

സംസ്ഥാനത്തെ ക്ഷേമസ്ഥാപനങ്ങളിലെ അന്തേവാസികൾക്കുള്ള സൗജന്യ ഓണക്കിറ്റ് വിതരണം വെമ്പായം പഞ്ചായത്തിലെ ശാന്തിമന്ദിരം അഗതി മന്ദിരത്തിൽ ഭക്ഷ്യവകുപ്പ് മന്ത്രി ജി.ആർ.അനിൽ ഉദ്ഘാടനം ചെയ്തു.

* യുഡയസ് പ്ലസ് റിപ്പോർട്ടിൽ തിളങ്ങി കേരളം

കളമശ്ശേരി മണ്ഡലത്തിലെ പ്രമുഖരായ അഞ്ച് കേന്ദ്ര സാഹിത്യ അക്കാദമി പുരസ്കാര ജേതാക്കളെ കാർഷികോത്സവ വേദിയിൽ ആദരിച്ചു.

സാഹിത്യ വിമർശകയും എഴുത്തുകാരിയുമായ ഡോ. എം. ലീലാവതി, പ്രമുഖ നോവലിസ്റ്റും കഥാകൃത്തുമായ സേതു, നിരൂപകനും പ്രഭാഷകനുമായ പ്രൊഫ. എം. തോമസ് മാത്യു, യുവ എഴുത്തുകാരനായ സുഭാഷ് ചന്ദ്രൻ, മലയാള കഥാസാഹിത്യത്തിലെ ശക്തമായ സാന്നിധ്യമായ ഗ്രേസി എന്നിവരെയാണ് ചടങ്ങിൽ ആദരിച്ചത്.