പാലട, പരിപ്പ് പ്രഥമൻ, അട പ്രഥമൻ, പാൽപായസം, പഴം പ്രഥമൻ തുടങ്ങി

തൊഴിലിടങ്ങളിൽ ഇന്റേണൽ കമ്മിറ്റി (ഐസി) പ്രവർത്തനം കാര്യക്ഷമമാക്കാൻ പോഷ് ആക്ട് ബോധവത്ക്കരണം സംഘടിപ്പിക്കുമെന്ന് വനിത കമ്മീഷൻ അംഗം അഡ്വ. പി കുഞ്ഞയിഷ.

കളക്ടറേറ്റ് പഴശ്ശി ഹാളിൽ ജില്ലാ വനിത കമ്മീഷൻ അദാലത്തിൽ അധ്യക്ഷത വഹിച്ചു സംസാരിക്കുകയായിരുന്നു അവർ.

പ്രായം 60 ന് മുകളിലുള്ള പട്ടികവർഗ വിഭാഗത്തിലുള്ളവർക്ക് സംസ്ഥാന സർക്കാരിന്റെ 1000 രൂപ ധനസഹായം ജില്ലയിൽ ലഭിക്കുക 15,630 പേർക്ക്.
താലൂക്ക് തിരിച്ചുള്ള കണക്കുകൾ പ്രകാരം, മാനന്തവാടിയിൽ 5675 പേർക്ക് 56,75,000 രൂപയും സുൽത്താൻ ബത്തേരിയിൽ 5,912 പേർക്ക് 59,12,000 രൂപയും വൈത്തിരിയിൽ 4,043 പേർക്ക് 40,43,000 രൂപയുമാണ് ധനസഹായം ലഭിക്കുക.
പണം ഗുണഭോക്താക്കളുടെ ബാങ്ക് അക്കൗണ്ടുകൾ വഴിയാണ് വിതരണം ചെയ്യുന്നത്. ശാരീരിക ബുദ്ധിമുട്ടുകളോ ബാങ്ക് അക്കൗണ്ടോ ഇല്ലാത്തവർക്ക് പണം നേരിട്ട് നൽകും. സംസ്ഥാനത്ത് ആകെ 54,286 പേർക്കാണ് ഈ ആനുകൂല്യം ലഭിക്കുന്നത്.

-കുടുംബാരോഗ്യ കേന്ദ്രത്തിലെ സൗകര്യങ്ങളിൽ അതീവ സന്തുഷ്ടനെന്ന് നീതി ആയോഗ് വൈസ് ചെയർമാൻ

രാജ്യത്തിന് മാതൃകയാകുന്ന എൽസ്റ്റൺ എസ്റ്റേറ്റിലെ പുനരധിവാസ പ്രവർത്തനങ്ങളും ദേശീയതലത്തിൽ പുരസ്കാരം ലഭിച്ച നൂൽപ്പുഴ കുടുംബാരോഗ്യ കേന്ദ്രത്തിലെ വികസന പ്രവൃത്തികളും നീതി ആയോഗ് വൈസ് ചെയർമാൻ സുമൻ കെ ബറിയുടെ നേതൃത്വത്തിലുള്ള സംഘം നേരിൽകണ്ടു വിലയിരുത്തി.

ആസ്പിരേഷണൽ ഡിസ്ട്രിക്ട്സ് & ബ്ലോക്ക്സ് പദ്ധതിയുടെ ഭാഗമായാണ് നീതി ആയോഗ് സംഘം വെള്ളിയാഴ്ച ജില്ലയിൽ സന്ദർശനം നടത്തിയത്.

ചരിത്രത്തെ തമസ്കരിക്കാനുള്ള ശ്രമങ്ങൾ നടക്കുമ്പോൾ മ്യൂസിയങ്ങൾ ചരിത്രത്തിന്റെ കാവൽപ്പുരകളായി മാറുമെന്ന് രജിസ്ട്രേഷൻ മ്യൂസിയം പുരാവസ്തു പുരാരേഖ വകുപ്പ് മന്ത്രി രാമചന്ദ്രൻ കടന്നപ്പള്ളി.
ചെമ്പന്തൊട്ടിയിൽ   ബിഷപ്പ് വള്ളോപ്പള്ളി സ്മാരക കുടിയേറ്റ മ്യൂസിയത്തിന്റെ ആദ്യഘട്ടം  ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. 

ആഗസ്റ്റ് മാസത്തെ റേഷന്‍ വിതരണം 31 ന് അവസാനിക്കുന്നതിനാല്‍ അന്നേദിവസം എല്ലാ റേഷന്‍ കടകളും തുറന്ന് പ്രവര്‍ത്തിക്കും. സെപ്റ്റംബര്‍ ഒന്നിന് റേഷന്‍ കടകള്‍ക്ക് അവധി ആയിരിക്കും. രണ്ടാം തീയതി മുതല്‍ സെപ്റ്റംബര്‍ മാസത്തെ റേഷന്‍ വിതരണം ആരംഭിക്കും. എ എ വൈ കാര്‍ഡുടമകള്‍ക്കും വെല്‍ഫെയര്‍ സ്ഥാപനങ്ങളിലെ അന്തേവാസികള്‍ക്കുമുള്ള ഓണക്കിറ്റ് വിതരണം സെപ്റ്റംബര്‍ മാസവും തുടരുമെന്നും ഓണക്കിറ്റ് വാങ്ങാത്തവര്‍ക്ക് സെപ്റ്റംബറിലും കൈപ്പറ്റാമെന്നും ജില്ലാ സപ്ലൈ ഓഫീസര്‍ അറിയിച്ചു.

കരിമ്പത്ത് പ്രവര്‍ത്തിക്കുന്ന തളിപ്പറമ്പ് താലൂക്ക് ഹെഡ് ക്വാര്‍ട്ടേഴ്സ് ആശുപത്രിയില്‍ മൂന്ന് സെക്യൂരിറ്റി സ്റ്റാഫുകളെ നിയമിക്കുന്നു. 50 വയസില്‍ താഴെയുള്ള വിമുക്തഭടന്മാര്‍ക്ക് അപേക്ഷിക്കാം. താല്‍പര്യമുള്ളവര്‍ ജില്ലാ സൈനികക്ഷേമ ഓഫീസ് രജിസ്റ്റര്‍ ചെയ്ത എംപ്ലോയ്മെന്റ് രജിസ്ട്രേഷന്‍ കാര്‍ഡിന്റെ പകര്‍പ്പും വിമുക്തഭട ഐഡന്റിറ്റി കാര്‍ഡിന്റെ പകര്‍പ്പും സഹിതം സെപ്റ്റംബര്‍ എട്ടിന് വൈകീട്ട് അഞ്ചു മണിക്കകം ജില്ലാ സൈനിക ക്ഷേമ ഓഫീസില്‍ അപേക്ഷ സമര്‍പ്പിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.

ഫിഷറീസ് വകുപ്പിന്റെ 'നല്ലോണം -മീനോണം' പരിപാടിയുടെ ഭാഗമായി പയ്യന്നൂര്‍ മുനിസിപ്പാലിറ്റിയിലെ എ ബാലകൃഷ്ണന്റെ കരിമീന്‍കൃഷി വിളവെടുപ്പ് നടത്തി. ആദ്യ വില്‍പന പി. സുധീഷിന് നല്‍കി മുനിസിപ്പല്‍ കൗണ്‍സിലര്‍ വസന്ത രവി വിളവെടുപ്പ് ഉദ്ഘാടനം നിര്‍വഹിച്ചു.
പ്രൊജക്റ്റ് കോ ഓര്‍ഡിനേറ്റര്‍ കെ സന്ധ്യ, അക്വാകള്‍ച്ചര്‍ പ്രമോട്ടര്‍ എം തമ്പായി എന്നിവര്‍ പങ്കെടുത്തു.

കേരളത്തിന്റെ സമത്വം, ഐക്യം, പ്രകൃതിയോടുള്ള സൗഹൃദം എന്നീ മൂല്യങ്ങള്‍ ഉയര്‍ത്തിപ്പിടിക്കുന്നതിനൊപ്പം മാലിന്യ സംസ്‌കരണ സംവിധാനവുമായി ബന്ധപ്പെട്ട നൂതനമായ ആശയങ്ങളെ പ്രോത്സാഹിപ്പിക്കുന്നതിന് ശുചിത്വമിഷന്‍ ഓണപ്പൂക്കളമത്സരം സംഘടിപ്പിക്കുന്നു.
പൂക്കളും ഇലകളും മറ്റ് പ്രകൃതിദത്ത വസ്തുക്കളും മാത്രം ഉപയോഗിച്ചാണ് പൂക്കം തീര്‍ക്കേണ്ടത്. ശുചിത്വമിഷന്‍ സംസ്ഥാനതലത്തില്‍ സംഘടിപ്പിക്കുന്ന ഈ മത്സരത്തില്‍ മികച്ച പൂക്കളത്തിന് കാല്‍ ലക്ഷം രൂപ പ്രൈസ്മണി ലഭിക്കും. 14 ജില്ലകളില്‍ നിന്നും തെരഞ്ഞെടുക്കപ്പെടുന്ന ഓരോ എന്‍ട്രികള്‍ക്കും പതിനായിരം രൂപയാണ് സമ്മാനം.

കണ്ടൽ സംരക്ഷകനായ സുരേന്ദ്രൻ ധർമ്മടത്തിനുള്ള സുരക്ഷാ കിറ്റ് ജില്ലാ കലക്ടർ അരുൺ കെ വിജയൻ ജില്ലാ വികസനസമിതി യോഗത്തിൽവെച്ച് കൈമാറി. ഹരിതകേരളം മിഷന്റെ സഹകരണത്തോടെ റിട്ടയേർഡ് ഐ എ എസ് അസോസിയേഷനാണ് കിറ്റ് നൽകിയത്. പരിസ്ഥിതി സംരക്ഷണ മേഖലയിലെ മികച്ച പ്രവർത്തനത്തിന് ഇദ്ദേഹത്തെ കേന്ദ്ര സർക്കാരിന്റെ ഇന്ദിരാഗാന്ധി പര്യവരൺ പുരസ്‌കരണത്തിന് കലക്ടർ നാമനിർദേശം ചെയ്തിട്ടുണ്ട്.
ഡെപ്യൂട്ടി കലക്ടർ കാർത്തിക്ക് പാണിഗ്രഹി, ജില്ല പ്ലാനിംഗ് ഓഫീസർ നെനോജ് മേപ്പടിയത്ത്, ഹരിതകേരളം മിഷൻ ജില്ലാ കോ ഓർഡിനേറ്റർ ഇ. കെ സോമശേഖരൻ എന്നിവർ പങ്കെടുത്തു.