മാതൃകാപരമായ  ഇടപെടലിലൂടെ ഈ ഓണക്കാലത്തും ജനങ്ങള്‍ക്ക് വിലക്കയറ്റത്തിന്റെ നേരിയ സമ്മര്‍ദ്ദം പോലും ഇല്ലാതെ ന്യായവിലയ്ക്ക് അവശ്യവസ്തുക്കള്‍ ലഭ്യമാക്കാനുള്ള സാഹചര്യം ഒരുക്കാന്‍ സര്‍ക്കാരിന് കഴിഞ്ഞെന്ന് ഭക്ഷ്യ സിവില്‍ സപ്ലൈസ് വകുപ്പ് മന്ത്രി  ജി ആര്‍ അനില്‍. നെടുമങ്ങാട് ടൗണ്‍ഹാളില്‍ സംഘടിപ്പിച്ച ഓണച്ചന്ത ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

പുറപ്പെടുവിച്ച സമയവും തീയതിയും 07.00 PM; 30/08/2025

അടുത്ത 3 മണിക്കൂറിൽ കേരളത്തിലെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 30 കിലോമീറ്റർ വരെ വേഗതയിൽ ശക്തമായ കാറ്റിനും; മറ്റെല്ലാ ജില്ലകളിലും ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.  

NOWCAST dated 30/08/2025

Time of issue 1900 hr IST (Valid for next 3 hours)

ഓണത്തിന് അനുവദിച്ച സ്പെഷ്യൽ അരി വാങ്ങാൻ  സംസ്ഥാനത്തെ മുഴുവൻ റേഷൻകടകളും ഇന്ന്  (31/08/2025) തുറന്ന് പ്രവർത്തിക്കുമെന്ന് ഭക്ഷ്യ പൊതുവിതരണ വകുപ്പ്  മന്ത്രി ജി ആർ അനിൽ അറിയിച്ചു.

സർക്കാരിന്റെ പൂർണമായ പ്രതിബദ്ധത സാധാരണ ജനങ്ങളോടും തൊഴിലാളികളോടുമാണ്.അതുകൊണ്ടുതന്നെ ഓണക്കിറ്റ് വിതരണം സെപ്റ്റംബർ നാലിന് വൈകുന്നേരം വരെ തുടരുമെന്നും മന്ത്രി പറഞ്ഞു.

ഉഴമലയ്‌ക്കൽ ഗ്രാമപഞ്ചായത്തിലെ ഏലിയാവൂർ മാർക്കറ്റ് സ്റ്റാൾ, കുളപ്പട മാവേലി സ്റ്റോർ എന്നിവ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

ശുചിത്വ മിഷന്റെ ആഭിമുഖ്യത്തിൽ സെപ്റ്റംബർ 1 മുതൽ 7 വരെ സംസ്ഥാനതലത്തിൽ ഓണപ്പൂക്കള മത്സരം സംഘടിപ്പിക്കുന്നു. മാലിന്യമുക്ത കേരളം എന്ന പ്രമേയത്തിലാണ് മത്സരം നടക്കുന്നത്. ശാസ്ത്രീയ മാലിന്യ സംസ്കരണം, വേർതിരിക്കൽ, പുനഃചംക്രമണം, ഹരിതകർമ്മസേനയുടെ പ്രവർത്തനം തുടങ്ങിയ മാലിന്യ സംസ്കാരണവുമായി ബന്ധപ്പെട്ട ആശയങ്ങൾ  പൂക്കളത്തിലൂടെ ജനങ്ങളിലേക്ക് എത്തിക്കുകയാണ് ലക്ഷ്യം.

സാക്ഷരത മിഷൻ്റെ ഹയർ സെക്കൻഡറി തുല്യതാകോഴ്സ് വിജയിച്ച മുതിർന്ന പഠിതാക്കൾ ഇനി ബിരുദ പഠനത്തിലേക്ക് പ്രവേശിക്കുന്നു. ശ്രീനാരായണ ഗുരു ഓപ്പൺ യൂണിവേഴ്സിറ്റി വഴി സംസ്ഥാന സാക്ഷരതാ മിഷനാണ് പ്രായമായ പഠിതാക്കളുടെ ബിരുദ പഠനത്തിനുള്ള സാധ്യത തുറന്നത്. ആലപ്പുഴ ജില്ലാ പഞ്ചായത്താണ് സംസ്ഥാനത്ത് ആദ്യമായി സാക്ഷരതാ മിഷനുമായി ചേർന്ന് ബിരുദപഠന പരിപാടി ഏറ്റെടുത്തത്.
ജില്ലാ പഞ്ചായത്ത് വാർഷിക പദ്ധതിയിലുൾപ്പെടുത്തി നടപ്പിലാക്കുന്ന പദ്ധതിയിൽ 613 പേർ പങ്കാളികളാകുമെന്ന് അറിയിച്ചിട്ടുണ്ട്. 
രജിസ്ട്രേഷൻ ജില്ലാതല ഉദ്ഘാടനം ജില്ലാ പഞ്ചായത്ത് ഹാളിൽ പ്രസിഡൻ്റ് കെ ജി രാജേശ്വരി നിർവ്വഹിച്ചു. 

ജൈവ മാലിന്യ സംസ്കരണത്തിലെ കുമ്പളങ്ങി മാതൃക ശ്രദ്ധേയമാകുന്നു. കാടുകയറി കിടന്ന ഗ്രാമപഞ്ചായത്തിലെ ശുചിത്വതീരം പാർക്കിലുള്ള തുമ്പൂർ മുഴി ജൈവ മാലിന്യ സംസ്കരണ യൂണിറ്റ് സ്വകാര്യ ഏജൻസിയായ എക്കോനോവഗ്രീൻ സൊല്യൂഷനുമായി ചേർന്ന് പുനരാരംഭിച്ചതിനെ തുടർന്നുണ്ടായ ജൈവ വളം ഗ്രാമപഞ്ചായത് കുംബോസ് ജൈവ വളം എന്ന പേരിൽ ബ്രാൻഡ് ചെയ്തു വിപണിയിൽ എത്തിക്കുകയാണ്.

തിങ്കളാഴ്ച (സെപ്റ്റംബർ 1) വൈകീട്ട് 4 ന് വൈസ് പ്രസിഡണ്ട് പി.എ സഗീർ അധ്യക്ഷത വഹിക്കുന്ന യോഗത്തിൽ ഗ്രാമപഞ്ചായത് പ്രസിഡണ്ട് സൂസൻ ജോസഫ് പരിപാടി ഉദ്‌ഘാടനം ചെയ്യും.

കളമശ്ശേരി നിയോജക മണ്ഡലത്തിലെ വിവിധ മേഖലകളിൽ മികച്ച പ്രകടനം കാഴ്ചവെച്ച പ്രതിഭകളെ ആദരിക്കുന്ന ' പ്രതിഭ സംഗമം ' ഇന്ന് (സെപ്റ്റംബർ 1) ന് നടക്കും. 

ഉച്ചയ്ക്ക് 2.30 ന് കാർഷികോത്സവം നടക്കുന്ന ചാക്കോളാസ് പവിലിയനിലെ പൊതുവേദിയിൽ നടക്കുന്ന പരിപാടിയിൽ വ്യവസായ വകുപ്പ് മന്ത്രി പി. രാജീവ് പ്രതിഭകൾക്ക് പുരസ്‌കാരങ്ങൾ വിതരണം ചെയ്യും.

 വിദ്യാഭ്യാസം, കലാ,കായികം, സാഹിത്യം, സാംസ്‌കാരികം എന്നീ മേഖലകളിൽ കഴിവ് തെളിയിച്ചവരെയാണ് പുരസ്‌കാരം നൽകി ആദരിക്കുന്നത്. ചടങ്ങിൽ തദ്ദേശ സ്ഥാപന പ്രതിനിധികൾ, സാമൂഹിക -സാംസ്കാരിക രംഗങ്ങളിലെ പ്രമുഖർ തുടങ്ങിയവർ പങ്കെടുക്കും.

ജില്ലാ ഭരണകൂടവും ജില്ലാ ടൂറിസം പ്രമോഷൻ കൗൺസിലും ചേർന്നൊരുക്കുന്ന ഓണാഘോഷ പരിപാടി "ലാവണ്യം 2025" സെപ്റ്റംബർ രണ്ടിന് തുടക്കമാവും. ദർബാർ ഹാളിൽ വൈകുന്നേരം ആറിന് ഉദ്ഘാടനം.

പതിനാറ് വേദികളിലായി നടക്കുന്ന ഓണാഘോഷം നഗരത്തിലെ പ്രധാന വേദികളോടൊപ്പം ടൂറിസം കേന്ദ്രങ്ങളായ കളമശ്ശേരി, ഫോർട്ട് കൊച്ചി വെളി ഗ്രൗണ്ട്, കുമ്പളങ്ങി, ഫോർട്ട് കൊച്ചി വാസ്കോ ഡാ ഗാമ സ്ക്വയർ, പള്ളുരുത്തി, ഭൂതത്താൻകെട്ട്, തേവര, വൈലോപ്പിള്ളി പാർക്ക്, പിറവം, പാമ്പാക്കുട അരീക്കൽ വെള്ളച്ചാട്ടം, ചെമ്പറക്കി ജാമിയ ഹസ്‌നിയ ഗ്രൗണ്ട്, ചെറായ് ബീച്ച്, പനമ്പിള്ളി നഗർ എന്നിവിടങ്ങളിലും നടക്കും.

കളമശ്ശേരി നിയോജക മണ്ഡലത്തിലെ വിവിധ മേഖലകളിൽ മികച്ച പ്രകടനം കാഴ്ചവെച്ച പ്രതിഭകളെ ആദരിക്കുന്ന ' പ്രതിഭ സംഗമം ' ഇന്ന് (സെപ്റ്റംബർ 1) ന് നടക്കും. 

ഉച്ചയ്ക്ക് 2.30 ന് കാർഷികോത്സവം നടക്കുന്ന ചാക്കോളാസ് പവിലിയനിലെ പൊതുവേദിയിൽ നടക്കുന്ന പരിപാടിയിൽ വ്യവസായ വകുപ്പ് മന്ത്രി പി. രാജീവ് പ്രതിഭകൾക്ക് പുരസ്‌കാരങ്ങൾ വിതരണം ചെയ്യും.

 വിദ്യാഭ്യാസം, കലാ,കായികം, സാഹിത്യം, സാംസ്‌കാരികം എന്നീ മേഖലകളിൽ കഴിവ് തെളിയിച്ചവരെയാണ് പുരസ്‌കാരം നൽകി ആദരിക്കുന്നത്. ചടങ്ങിൽ തദ്ദേശ സ്ഥാപന പ്രതിനിധികൾ, സാമൂഹിക -സാംസ്കാരിക രംഗങ്ങളിലെ പ്രമുഖർ തുടങ്ങിയവർ പങ്കെടുക്കും.

.

മൂന്നാമത് കളമശ്ശേരി കാർഷികോത്സവ സമ്മേളനം ഇന്ന് ( സെപ്റ്റംബർ 1 ) ന് നടക്കും. വൈകിട്ട് ആറിന് 

നിയമസഭ സ്പീക്കർ എ എൻ ഷംസീർ ഉദ്ഘാടനം ചെയ്യും.

വ്യവസായ വകുപ്പ് മന്ത്രി പി രാജീവ് അധ്യക്ഷത വഹിക്കും. ചലച്ചിത്ര താരം ജയറാം മുഖ്യാതിഥിയാവും. സിനിമ രംഗത്ത് 40 വർഷം പൂർത്തിയാക്കിയ സംവിധായകൻ സിബി മലയിലിനെയും ഹൃദയ ശസ്ത്രക്രിയ വിദഗ്ധൻ പത്മശ്രീ ജോസ് ചാക്കോ പെരിയപുറത്തിനെയും സമ്മേളന വേദിയിൽ ആദരിക്കും.