കനകക്കുന്നിൽ സെപ്റ്റംബർ മൂന്ന് മുതൽ ഒൻപത് വരെ നടക്കുന്ന ഓണം വാരാഘോഷത്തിന് മികച്ച കവറേജ് നൽകുന്ന മാധ്യമ പ്രവർത്തകർക്ക് പുരസ്കാരങ്ങൾ നൽകുന്നു.

മികച്ച അച്ചടിമാധ്യമ റിപ്പോർട്ടർ, ഫോട്ടോഗ്രാഫർ, മികച്ച ദൃശ്യമാധ്യമ റിപ്പോർട്ടർ, വീഡിയോഗ്രാഫർ, മികച്ച എഫ് എം എന്നിങ്ങനെയാണ് പുരസ്‌കാരങ്ങൾ.
 
എൻട്രികൾ സ്ഥാപന മേധാവിയുടെ സാക്ഷ്യപത്രത്തോടൊപ്പം വേണം സമർപ്പിക്കാൻ. അപേക്ഷകൾ കനകക്കുന്നിൽ പ്രവർത്തിക്കുന്ന മീഡിയ സെന്ററിൽ നേരിട്ട് നൽകാം. അവസാന തീയതി സെപ്റ്റംബർ 7ന് വൈകീട്ട് 6 മണി.

#മനുഷ്യ സ്നേഹത്തിന്റെ മാതൃകകളായ രണ്ടു വ്യക്തികളെ ആദരിച്ചു#

പതിവിൽ നിന്ന് വ്യത്യസ്തമായാണ് തിരുവനന്തപുരം കളക്ടറേറ്റിലെ ജീവനക്കാർ ഇത്തവണ ഓണം ആഘോഷിച്ചത്. കാരുണ്യത്തിന്റെയും മനുഷ്യ സ്നേഹത്തിന്റെയും മാതൃകകളായ രണ്ടു വ്യക്തികളെ ആദരിച്ചുകൊണ്ട് ജീവനക്കാർ ഓണം വേറിട്ട അനുഭവമാക്കി.
 
പ്ലാറ്റ് ഫോമിനും ട്രെയിനിനും ഇടയിൽപെട്ടുപോയ യാത്രക്കാരിയെ അത്ഭുതകരമായി ജീവിതത്തിലേക്ക് കൈപിടിച്ചുയർത്തിയ രാഘവനുണ്ണിയെയും വിവാഹ സംഘം ഓട്ടോറിക്ഷയിൽ മറന്നു വച്ച 18 പവൻ സ്വർണാഭരണങ്ങൾ വീട്ടിലെത്തി തിരികെ നൽകിയ  പ്രസന്നകുമാറിനെയും ജില്ലാ കളക്ടർ അനുകുമാരി ആദരിച്ചു.

ഉന്നത വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന വിഴിഞ്ഞം അസാപ്പ് കമ്മ്യൂണിറ്റി സ്കിൽ പാർക്കിൽ അസാപ്പ് കേരളയും ടാലി എഡ്യൂക്കേഷനും സംയുക്തമായി നടത്തുന്ന ജി.എസ്.ടി യൂസിംഗ് ടാലി കോഴ്‌സ് സെപ്റ്റംബർ 15ന് ആരംഭിക്കും. 45 മണിക്കൂർ ദൈർഘ്യമുള്ള കോഴ്‌സ് വിജയകരമായി പൂർത്തിയാക്കുന്നവർക്ക് സർട്ടിഫിക്കേഷൻ നൽകും. അപേക്ഷ സമർപ്പിക്കേണ്ട അവസാന തീയതി സെപ്റ്റംബർ 10. കൂടുതൽ വിവരങ്ങൾക്ക്: 9495999697.

അമ്പലപ്പുഴ വടക്ക് ഗ്രാമപഞ്ചായത്തില്‍ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെട്ട ഓഫീസില്‍ ഒരു ഓവര്‍സിയറുടെ ഒഴിവുണ്ട്. യോഗ്യത: ഐ.ടി.ഐ/ഡിപ്ലോമ /ബിടെക് (സിവില്‍). അമ്പലപ്പുഴ വടക്ക് ഗ്രാമപഞ്ചായത്ത് നിവാസികള്‍ക്ക് മുന്‍ഗണന. അഭിമുഖത്തിനായി അപേക്ഷയും യോഗ്യത തെളിയിക്കുന്ന അസല്‍ രേഖകളുമായി സെപ്റ്റംബര്‍ 15 രാവിലെ 10.30 ന് ഹാജരാകണം.

എ.എ.വൈ കാര്‍ഡുടമകള്‍ക്കും, വെല്‍ഫയര്‍ സ്ഥാപനങ്ങളിലെ അന്തേവാസികള്‍ക്കുമുള്ള ഓണക്കിറ്റ് വിതരണം സെപ്റ്റംബറിലും തുടരും എന്ന് ജില്ലാ സപ്ലൈ ഓഫീസര്‍ അറിയിച്ചു.

 കോട്ടയം മെഡിക്കൽ കോളജിലെ എൻ.ഇ.എൽ.എസ്. സ്‌കിൽ സെന്ററിലേക്ക് ഇമൊബിലൈസേഷൻ ഡിവൈസോടുകൂടിയ ലോങ് സ്‌പൈൻ ബോർഡ്, കെ.ഇ.ഡി. എക്‌സ്ട്രിക്കേഷൻ ഡിവൈസ് എന്നിവയ്ക്കായി ക്വട്ടേഷൻ ക്ഷണിച്ചു. സെപ്റ്റംബർ ഒൻപതു ഉച്ചയ്ക്ക് 12 മണി വരെ ക്വട്ടേഷനുകൾ സ്വീകരിക്കും. അന്നേദിവസം രണ്ടുമണിക്ക് തുറക്കും. ഫോൺ: 0481-2597279,0481-2597284.

ആറു മാസത്തില്‍ കുറയാത്ത മെഡിക്കല്‍/എഞ്ചിനീയറിംഗ് എന്‍ട്രന്‍സ് പരിശീലനത്തില്‍ പങ്കെടുത്ത് 2025ല്‍ പരീക്ഷ എഴുതിയ വിമുക്ത ഭടന്മാരുടെ/വിധവകളുടെ മക്കള്‍ക്ക് സാമ്പത്തിക സഹായത്തിനു അപേക്ഷ ക്ഷണിച്ചു. സര്‍വീസ് പ്ലസ് പ്ലാറ്റ്‌ഫോം മുഖേനെ ഒക്ടോബര്‍ 15 ന് മുമ്പായി അപേക്ഷ സമര്‍പ്പിക്കണം.  ഫോണ്‍: 0468 2961104

കുന്നന്താനം അസാപ്പ് കമ്യൂണിറ്റി സ്‌കില്‍ പാര്‍ക്കില്‍ ഇലക്ട്രിക്ക് വെഹിക്കിള്‍ സര്‍വീസ് ടെക്നീഷ്യന്‍ കോഴ്‌സിലെ 10 സീറ്റുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. ക്ലാസുകള്‍ സെപ്റ്റംബര്‍ 29 ന് ആരംഭിക്കും. പ്ലസ് ടു/ ഐടിഐ/ ഡിപ്ലോമ ആണ് യോഗ്യത. ഫോണ്‍ :  9495999688, 9496085912.

ജില്ലാ സ്‌പോര്‍ട്‌സ് കൗണ്‍സിലിലേക്കുള്ള തിരഞ്ഞെടുപ്പിന്റെ കരട് വോട്ടര്‍ പട്ടിക പ്രസിദ്ധീകരിച്ചു. വോട്ടര്‍ പട്ടിക സംബന്ധിച്ച പരാതികളോ ആക്ഷേപമോ ഉണ്ടെങ്കില്‍ സെപ്റ്റംബര്‍ മൂന്നിന് വൈകിട്ട് മൂന്നിന് മുമ്പ് ജില്ലാ സ്‌പോട്‌സ് കൗണ്‍സില്‍ ഓഫീസില്‍ സമര്‍പ്പിക്കണം. അന്തിമ വോട്ടര്‍ പട്ടിക സെപ്റ്റംബര്‍ എട്ടിന് പ്രസിദ്ധീകരിക്കും. ഫോണ്‍: 0468 2223108.

കോയിപ്രം ശിശു വികസന പദ്ധതി ഓഫീസിലെ 2011 മഹീന്ദ്ര ബൊലെറോ വാഹനം ലേലം ചെയ്യന്നതിന് ടെന്‍ഡര്‍ ക്ഷണിച്ചു. അവസാന തീയതി സെപ്റ്റംബര്‍ 15. ഫോണ്‍: 9961103039