സാമൂഹ്യ നീതി വകുപ്പിന്റെയും ഓർഫനേജ് കൺട്രോൾ ബോർഡിന്റേയും സംയുക്താഭിമുഖ്യത്തിൽ ജില്ലാ തലത്തിൽ മദർ തെരേസ ദിനാചരണം അഗതി അനാഥ ദിനമായി ആചരിച്ചു. ജില്ലാ പഞ്ചായത്ത് പ്രിയദർശിനി ഹാളിൽ നടന്ന ചടങ്ങ് ജില്ലാ പഞ്ചായത്ത് പ്രസിഡന്റ് മനോജ് മൂത്തേടൻ ഉദ്ഘാടനം ചെയ്തു.

 ജില്ലാ പഞ്ചായത്ത് വൈസ് പ്രസിഡന്റ് എൽസി ജോർജ് അദ്ധ്യക്ഷത വഹിച്ച ചടങ്ങിൽ അസിസ്റ്റന്റ് കളക്ടർ പാർവ്വതി ഗോപകുമാർ മുഖ്യാതിയായിരുന്നു.

ജില്ലാ സാമൂഹ്യ നീതി ഓഫീസർ സിനോ സേവി,സിസ്റ്റർ ഫ്രാൻസിസ്ക്ക, ലിജി ജോർജ് , ലൈജി ജേക്കബ്, സാൻജോ ജോസ് എന്നിവർ പങ്കെടുത്തു.

സപ്ലൈകോ ജില്ലാ ഓണം ഫെയറിന് തുടക്കമായി 

 ക്ഷേമ പെൻഷനുകൾ അടക്കമുള്ള ആനുകൂല്യങ്ങൾ കൃത്യമായി നൽകാനുള്ള നടപടികൾ ഉൾപ്പെടെ എല്ലാവർക്കും നല്ല രീതിയിൽ ഓണം ആഘോഷിക്കുന്നതിനുള്ള ക്രമീകരണങ്ങൾ സർക്കാർ ഒരുക്കിയിട്ടുണ്ടെന്ന് വ്യവസായ വാണിജ്യ വകുപ്പ് മന്ത്രി പി രാജീവ് പറഞ്ഞു. കലൂർ ജവഹർലാൽ നെഹ്റു ഇൻറർനാഷണൽ സ്റ്റേഡിയം ഹെലിപാഡ് ഗ്രൗണ്ടിൽ സപ്ലൈകോ ജില്ലാ ഓണം ഫെയറിന്റെ ഉദ്ഘാടനം നിർവഹിക്കുകയായിരുന്നു മന്ത്രി. 

താരങ്ങളായി തൃപ്പൂണിത്തുറ ബി ആർ സിയിലെ വിദ്യാർത്ഥികൾ

സംസ്ഥാനത്ത് ഓണാഘോഷത്തിന് തുടക്കമായി.

ചവിട്ടി താഴ്ത്തലുകളെ അതിജീവിക്കുന്നതിൻ്റെയും അതിൽ നിന്ന് ഉയർത്തെഴുന്നേൽക്കുന്നതിൻ്റെയും ആഘോഷമാണ് ഓണമെന്ന് തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ്. തൃപ്പൂണിത്തുറയിൽ അത്തം 2025 ഉദ്ഘാടനം ചെയ്യുകയായിരുന്നു അദ്ദേഹം.

അത്തച്ചമയ വേദിയിൽ വോട്ട് ചെയ്യാൻ പഠിപ്പിച്ച് മോക് പോളിംഗ് ബൂത്ത്. തദ്ദേശ തിരഞ്ഞെടുപ്പ് ബോധവൽക്കരണ പദ്ധതിയുടെ (ലീപ്) ഭാഗമായാണ് അത്തച്ചമയ വേദിയിൽ വോട്ട് ചെയ്യാനുള്ള സൗകര്യം ഒരുക്കിയിരുന്നത്. ജില്ലാ കളക്ടർ ജി. പ്രിയങ്ക തിരഞ്ഞെടുപ്പ് ഡെസ്ക് ഉദ്ഘാടനം ചെയ്തു. 

കലവൂര്‍ ആര്യാട് ബ്‌ളോക്ക് പഞ്ചായത്ത് ഓഫീസില്‍ പ്രവര്‍ത്തിക്കുന്ന എസ്.ബി.ഐ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ 31 ദിവസത്തെ ഫാഷന്‍ ഡിസൈനിംഗ് പരിശീലന പരിപാടി ആരംഭിക്കുന്നു. പരിശീലനത്തിന് താല്പര്യമുള്ള തയ്യല്‍ അറിയാവുന്ന 18 നും 50 നും ഇടയില്‍  പ്രായമുള്ള യുവതി, യുവാക്കള്‍ സെപ്റ്റംബര്‍ 29 ന് രാവിലെ 10.30 ന് പരിശീലന കേന്ദ്രത്തില്‍ അഭിമുഖത്തിന് ഹാജരാകണം. ഫോണ്‍: 8330011815, 9746487851, 7034350967.
(പിആര്‍/എഎല്‍പി/2577)
 

തിരുവനന്തപുരം

ഗ്രാമീണ, നഗര തൊഴിലുറപ്പ്‌ പദ്ധതി തൊഴിലാളികൾക്ക്‌ സർക്കാരിന്റെ ഓണസമ്മാനം 200 രൂപ വർധിച്ചിച്ചു. ഇത്തവണ 1200 രൂപവീതം ഓണസമ്മാനം ലഭിക്കുമെന്ന്‌ ധനകാര്യ മന്ത്രി കെ എൻ ബാലഗോപാൽ അറിയിച്ചു. കഴിഞ്ഞ തവണ 1000 രൂപവീതമാണ്‌ ലഭിച്ചത്‌. 5,25,991 തൊഴിലാളികൾക്കാണ്‌ ആനുകൂല്യം ലഭിക്കുന്നത്‌.  

ഗ്രാമീണ തൊഴിലുറപ്പ്‌ പദ്ധതി തൊഴിലാളികൾക്ക്‌ ഓണ സമ്മാന വിതരണത്തിനായി 51.96 കോടി രൂപ അനുവദിച്ചു. കഴിഞ്ഞ സാമ്പത്തിക വർഷം100 പ്രവർത്തിദിനം പൂർത്തിയാക്കിയ 5,19,623 പേർക്കാണ്‌ ആനുകൂല്യം ലഭിക്കുക.  

അമ്പലപ്പുഴ-ഹരിപ്പാട് റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 99 (പടകാരം ഗേറ്റ്) ഓഗസ്റ്റ് 29 രാവിലെ എട്ട് മണി മുതല്‍ ഓഗസ്റ്റ് 30 വൈകിട്ട് ആറ് മണി വരെ അറ്റകുറ്റപ്പണികള്‍ക്കായി അടച്ചിടും. വാഹനങ്ങള്‍ ലെവല്‍ ക്രോസ് നമ്പര്‍ 101 (തകഴി ഗേറ്റ്) വഴി പോകണം.
(പിആര്‍/എഎല്‍പി/2576)
 

71-ാമത് നെഹ്‌റുട്രോഫി വള്ളംകളിയുടെ ഭാഗമായി നടത്തുന്ന വഞ്ചിപ്പാട്ട് മത്സരം ഇന്ന് (ആഗസ്റ്റ് 27ന്) ആലപ്പുഴ മുല്ലയ്ക്കൽ പോപ്പി ഗ്രൗണ്ടിൽ പി പി ചിത്തരഞ്ജൻ എംഎൽഎ ഉദ്ഘാടനം ചെയ്യും. മുൻ എംഎൽഎ സി കെ സദാശിവൻ അധ്യക്ഷനാകും. പോപ്പി ഗ്രൗണ്ടിൽ രാവിലെ എട്ട് മണിക്ക് നടക്കുന്ന ചടങ്ങിൽ ജില്ലാ കളക്ടർ അലക്സ്‌ വർഗീസ് പതാക ഉയർത്തും. വഞ്ചിപ്പാട്ട് വള്ളം പണിത തങ്കച്ചൻ ആചാരിയെ ചടങ്ങില്‍ ആദരിക്കും. മുൻ എംഎൽഎ കെ കെ ഷാജു, നഗരസഭ ഉപാധ്യക്ഷൻ പിഎസ്എം ഹുസൈൻ, മറ്റ് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും. ആറന്മുള ശൈലി, കുട്ടനാട് ശൈലി, വെച്ചുപാട്ട് എന്നിങ്ങനെയാണ് മത്സരയിനങ്ങൾ.

കേരള സംസ്ഥാന ചലച്ചിത്ര അക്കാദമി തിരുവനന്തപുരം കൈരളി, ശ്രീ, നിള തിയേറ്ററുകളിലായി സംഘടിപ്പിക്കുന്ന 17ാമത് ഐ.ഡ